المقالات
السياسة
اسرة الرئيس لاتريد الرئاسة
اسرة الرئيس لاتريد الرئاسة
03-29-2014 06:18 PM


هذا زمانك ما يامهازل فامرحي،اسرة الرئيس عمر تدعو ابنها لعدم
الترشح للانتخابات المقبلة،وليستريح من عبء مسؤولية البلاد
ومشاكلها،وبلاويها وكفاويها وفتنها والي اخره.انها اسرة الرئيس
البشير،هذا الرئيس الذي يحكم لقرابة ربع قرن،وهو يجلس علي مقعد الجمهورية
من دون يحس بالمسؤولية الانسانية والا خلاقية تجاه الشعوب السودانية.كيف
تدعوه للتنحي والراحة علي جماجم الابرياء الذين قتلهم ومايزال يمارس فيهم
الابادة،اين كانت هذه الاسرة عندما تدفق الموت والاغتصاب وقضي علي
الاخضر،ولم يبقي ماهو يابس،لماذا لم تنصح اسرته واخاه عبدالله عمر البشير
بايقاف الحرب والموت لصالح السودانيين،فلولا الرئيس ما كان عبدالله ولا
وداد بابكر،فهم طفو علي السطح علي جثث الشعوب السودانية،وادخروا الخيرات
والاموال لانفسهم،وتركوا الدموع والدماء للاخرين،نهبوا الاراضي من
المزارعين وباعوها للخليجيين بحجة تطوير الاقتصاد وفتح الابواب لكل من
يريد الشراء،كأن السودان،صار حارة او ضيعة تتبع لحكم البشير واعوانه
واسرته واقاربه.ان كلام الاسرة عن راحة ابنهم لا يعنينا في شئ .فاذا رغب
الراحة عليه ان يعترف بجرائمه بحق السودانيين في كل اقاليمه،وعلي الاسرة
ان تعترف ان ابنهم مجرم قاتل ومغتصب،حتي يستريح بضميره،باعتراف ذاتي،ان
الراحة لاتعني الترجل من كرسي الدولة،وترك المنصب،اذ اعترافه بانتهاكاته
وجرائمه،ولايقف الامر علي هذا وحده،ان يقدم نفسه للمحاكمة حتي لا يقبض
عليه من قبل المحكمة الجنائية الدولية. فاسرته واعضاء حزبه والموالين هم
الاقلية التي نهبت ،وقطعت الطريق امام السودانيين في سعيها الي سرقة كل
مقدرات الدولة من مشاريع زراعية،ومصانع نسيج،واراضي مزارعين،ومناجم
الذهب،وتجارة المواشي وتصديرها،بعد ان شبعوا من املاك السودانية،ودمروها
واضعفوها،يطالبونه ان يستريح،كأنه كان قائدا وطنيا،اوقف الحرب وحار الفقر
والبطالة،واوجد وظائف للخريجين،كيف له ان يستريح ،وهو يمارس هواية
القتل،ويتلذذ باغتصاب الفتيات واغتصابهم من مليشيات قائدها احد
اقرباءه.اذا كان عبدالله البشير حريص علي استراحة القاتل،هل كان مغيبا
طيلة ربع قرن عن الذي يحدث في البلاد من دماء تسيل، حتي انها جفت علي
الطرقات والعراء،وتعفنت الجثث،واصبحت وجبات للطيور والحيوانات.ان عبدالله
الذي طلب من شقيقه ان يترجل تاركا الخدمة لشارون سوداني آخر،لايقدر
معاناة وآلام الاخرين،ارادوها لاسرتهم وابنهم،ولتذهب الغالبية الي النار
هذا كلامهم..
[email protected]


تعليقات 4 | إهداء 0 | زيارات 1584

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#958047 [ابو الليل]
0.00/5 (0 صوت)

03-30-2014 08:25 PM
بدر مدر يا رواسي نحن بعاد لحقنا القيفة
انت مدبج ونحن نقاسى فى برد امشير والموج والزيفة
مركبك الماليها مطارق تمشي تقيف تسرح بى كيفه
مرة مغارب ومرة مشارق وانت تخاف الريح وحفيفه
ساوها زينة وفوقها بيارق وانت مدبج توب وقطيفة
فيها المات والضاربه الفالق والسلمين فى حالة مخيفة
كل الناس ترزح في كفة وانت وناسك فوق الدفة
الدايشين والراسهم لفة والشاخصين فى المدى للضفة
صوف افضالك فوقهم جوة فوق الموية وريقهم جفة
من العطش النص اتوفى وباقى النص الفضل جيفة
....
ضاقوا المر والحال استعصى الشغال واللاحق الحصة
الواصال للرحم اتقصة والهداي مو لاقى الفرصة
الرساي سافر ما وصى خلى محمد واحمد وحفصة
الاطفال العرفو القصة سدت جوة حلوقهم غصة
من الجوع الدم اتمصة واصبح كل الحلم رغيفة
.....
كل الراكب شاف احلامه دون احساس ماتت قدامه
فنُ كتابه وكسر اقلامه لا الوالدين لا جار ما لامه
ناس الحلة القعدوا وقاموا اصر والح يمشى كلامه
هزموهو اخوانه البى الجوع نامو وكم خريج ما لاقى وظيفة
.......
يا الفكيتها وقلت لها سيرى وعارف انه الدنيا دميرى
لا فى ضفاف لا شفنا جزيرى لا فى الحيرى ولا في الطيرى
كسرت جناحها وقلت لها طيرى اتملكت الكانت ميرى
يا السودت الناصع وجيرى ايد الحق صابونى وليفة
......
قبلك كم متعلم وقاري عكس الريح فكولو الصارى
مشدوهين متعشى وحارى ريسها شلته والبحارى
كم سنوات علام البارى واقفى وهم شايفنها جارى
بقينا هلاك والقيف متضارى لا حجار لا دوحة وريفة
.....
حسك عينك ما تتمادى وتنسى الراكب عنده ارادة
الاهوال الشافها وخاضها كان فى مدرسة والا عيادة
شفنا الايد الكان اجوادة يا مبتورة يا شحادة
وياما رقاب كانت سدادة علمت الله من التعريفة
......
يا ريسنا قدر مديرك فك الدفة وادها غيرك
احفظ نفسك ترضى ضميرك وقف اوع تواصل سيرك
كان طاوعتنى شن بيضيرك عرض اكتافك وفك البيرك
لا هنى شكرا وكتر خيرك وكل انسان في الارض خليفة

[ابو الليل]

#958029 [امير]
0.00/5 (0 صوت)

03-30-2014 08:10 PM
اتمنى الناس ديل نكون ما زعلناهم في حاجة كدي راحعوا نفسكم وخليكم معانا كمان شوية لسه هناك بعض الحاجات ما بعتوها وقبضتوا تمنها ولا بعتوها ونحن ما عرفين زي خزان سنار والرصيرص والقصر الجمهوري
اللهم ارنا عجائب قدرتك فيهم

[امير]

#957078 [kasir]
0.00/5 (0 صوت)

03-29-2014 10:04 PM
كلام ذي الفل... وماخفي اعظم يا اخي الكريم ذكرت القليل من الكثير... ..واحد قريب..عارف كثير..واعرفهم من قبل 89... الله المستعان. كاسر..

[kasir]

#956982 [Abu sami]
0.00/5 (0 صوت)

03-29-2014 07:09 PM
كلامك جميل و هو عين الحقيقة. بارك الله فيك. الا ليت قومى يعلمون

[Abu sami]

حسن اسحق
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة