المقالات
السياسة
مات محجوب ود شريف
مات محجوب ود شريف
04-03-2014 12:16 PM


مات محجوب ود شريف
كلمات: حسين شنقراي
قول يا لطيف
كيف الحزن
تاني بيقيف
آنهدم البلد
سكب النزيف
بكت المدن
حلة وبوادي
معاها ريف
ماتت زهور
سكنت قبور
وقف الخريف
حزن القمر
بكت الشمس
حلف الزمن
لازم يقيف
مات البلد
مات الولد
مات ود شريف
قول يا لطيف
قول يا لطيف
-----------
كيف تمشي
اليوم تفوت
وكيف إنت
خلاص تموت
ولسه الفرح
ما دخل البيوت
ولا حتي الظلم
ما أعلن سقوط
والثورة يا دوب
في طور القنوت
إتوضت إغتسلت
من كل زيف
قول يا لطيف
قول يا لطيف
مات الليله
محجوب شريف
------------
مات ولسه
منو بننتظر
كيف القلم
بمسح ألم
ما بنكسر
ضد الطلقه
ديمه بينتصر
رغم التعب
رغم العَصِر
يكتب يقِر
يصبح مُصِر
ينتج دُرر
لا بنحِدر
لا بندفِر
لا بعرف يفِر
أبدا ما إنهزم
رغم الألم
رغم التعب
رغم السقم
دايما حصيف
دايما نضيف
وين الشفيف
وين الظريف
قول يا لطيف
قول يا لطيف
مات محجوب
ود شريف
لا حول ولا قوة إلا بالله العلي العظيم أللهم أرحم الأخ العزيز والشاعر الفذ شاعر الشعب محجوب شريف عاش عفيفا و مات شريفا محبا لوطنه وشعبه فله الرحمه والمغفره ولشعبنا الصابر حسن العزاء وإنا لله وإنا إليه راجعون

[email protected]


تعليقات 2 | إهداء 0 | زيارات 738

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#962194 [علي احمد جارالنبي المحامي والمستشار القانوني]
0.00/5 (0 صوت)

04-03-2014 02:59 PM
إنه الشريف الشريف محجوب شريف عاش شريفاً ومات شريفاً ...... البقاء لله العلي القدير
ندعو الله ان يتقبله وان يكرم مثواه في جنات الخالد ........
.................
عيونك عيون وطن الإباء
ارض الخليل
ومحجوب شريف وعبداللطيف
وبعثٌ جديد يعم الرخاء
وغدنا القريب حتماً يجئ
لارض الوفاء الصفاء الجمال
.................. علي احمد جارالنبي ...............

[علي احمد جارالنبي المحامي والمستشار القانوني]

حسين شنقراي
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة