المقالات
السياسة
لكل زول كويس .. !!
لكل زول كويس .. !!
04-03-2014 03:23 PM


* الزول الكويس ﻻ يحتاج لكثير عناء لتعرفه ، فالتثنية تاتي من اقرب الاشخاص اليك او اليه سريعا ، ويقول والله فﻻن زول كويس ، والزول الكويس في بلدنا هو الزول العندو ضمير ومبدأ ، الزول المستحيل يبيع المباديء الاتربا عليها ، الزول البخاف على سمعة بلدو وناسو ، والناس الكويسين كتااار وظاهرين ، وكل يوم معناة والم ، معظمهم خلوا البلد واغتربوا ، والباقي منهم بفتشوا لي طريقة يسافروا ، عارفين ، انو اسهل حاجة انك تعمل قروش في السودان وتبني فيﻻ ، وتمتلك الاراضي ، وتركب سيارة اخر موديل ، وتسافر كل شهر مدن الضباب ، بس لو قدرت تبيع ضميرك ، لو اتعلمت الفهلوة والشطارة بتاعت الجماعة ، امورك بتمشي ، بطل تخاف من الله ، مد يدك للمال العام ، اسكت عن الغلط ، امورك حتمشي وما حتحتاج تغترب وتتالم وتتبهدل وتفارق اهلك ، وتقبل بالذلة عشان قرشين ، بس ﻻزم تعيش لكن بشرف ، عرفتوا الزول الكويس دا منو ، دا السوداني النضيف صاحب الضمير الحي والنخوة العمرو ما ممكن يسرق المال العام ، او يمد ايدو للحرام ، او ينافق* .. !!

* قبل يومين الاخبار تحدثت عن تجاوزات مالية بسفارات السودان ، وقبل يومين كان هناك برنامج تلفزيوني يتحدث عن انجازات السفراء وزوجات السفراء ، تخيلوا ، تجاوزات مالية وانجازات دبلوماسية في نفس الوقت ، لكن دعونا نتحدث بشفافية كما عودناكم وكما سنظل نتحدث ، مايحدث في سفارات السودان ﻻ نعلمه وﻻ نسمع به ، وكل الذي يعرفه المواطن السوداني في الخارج عن سفاراته او قنصلياته انها مكاتب للتحصيل والرسوم والذلة والمهانة ، وهي ﻻ تعكس اي وجه جميل للسودان والسودانيين ، وفي الوقت الذي كانت السفارات تمارس في التجاوزات المالية ، وتتهرب من المراجعة المالية ، كان هناك في بوادي الجزيرة العربية القاسية رويع غنم صغير يدعى الطيب الامين ، يقدم اروع واجمل وانبل دروس الدبلوماسية واشرفها ، عندما عكس امانة الزول الكويس ، وشهامته ، ورفع رؤسنا عالية حتى ابتسم كل سوداني في الداخل والخارج ، واغتاظ كل سارق ومرتش ، حينما* رفض كل الاغراءات والاموال التي قدمت له مقابل خيانة الامانة وقال ان كان صاحب المال ﻻ يراه فرب صاحب المال يراه ، اين أولئك الذين ينهبون المال ويمارسون الفساد والتحصيل غير القانوني في الوزارات والسفارات والطرق القومية اين هؤﻻء من هذا الدرس ، حقيقي نرفع القبعات وننحني احتراما وتقديرا لاي زول كويس قابض على الجمر وصابر رغم قساوة الظروف وسهولة بيع الضمير ، في زمن قال عنه الشاعر .. احترامي للحرامي صاحب الصف الامامي وما اكثرهم اصحاب الصف الامامي اليوم* .. !!

مع كل الود

صحيفة الجريدة

[email protected]


تعليقات 0 | إهداء 0 | زيارات 821

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




نورالدين عثمان
نورالدين عثمان

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة