المقالات
السياسة
محجوب شريف -
محجوب شريف -
04-04-2014 06:11 PM


السلام عليكم ورحمة الله ..

رغم أن الكلمات تتقزم وتقصر عن وصف قامات سامقة في سماء الوطن مثل فقيد الشعب محجوب شريف ...إلا اننا نسكب العبرات كلمات لا توفي الفقيد حقه ولكنها ربما يكون لنا بها عزاء في مصابنا الجلل

محجوب شريف..
محجوب مع الفعل الشفيف
محجوب وما محجوب ..
عن الزول الضعيف
القضى عمرو ..
يكد ويكدح..
وما لحق حق الرغيف
محجوب وكان محجوب ..
عن الحكم البعذب شعبو..
بالويل والهموم..
ويصب عليهو
مزابل الفعل المخيف
وسمعنا إنو ..
وزير مرضنا..
قرر انو يزور شريف..
لكن , فشل ,
معقول ملوث بي علل..
أهلي الحنان..
يتلاقى والزول النضيف
محجوب شريف ..ده العمرو منحاز..
الى جنب الضعيف
هل شفتوه يوم..
ظاهر مع أهل الحرام..
أو انوطبل للنظام..
اللي بحكم وهو في الأصل الكفيف
الروحو ضايقة..
وكل كلامو أسخف من سخيف
والساق بلدنا..
الى الجحيم..
ودخلنا في جرح عميق..
ننزف نزيف
وشوفنا محجوب الشريف
بعمل واصحاب القلوب..
لي فكرة اسعاف الغلابة..
وكل من فقد السند ..
ويعيش على الهامش ضعيف
رحمة الله الكريم ..
على شريف..
العاش عفيف
ومات عفيف
ما اتلوث بالتقرب لي نظام ..
أو مد ايدو لمن سرق قوت الغلابة..
ويدعي الليل والنهار انو ..
رباني وشريف
رحمة الله الكريم..
على شريف..
غنى للبلد الحبيب..
وناداهو قال: يا جميلة..
وعرف بحسو ..
وبي جمالو..
وبي ورد فكرو الشفيف
انو حياتنا اضحت مستحيلة..
طالما الكذب الغراب..
فارد جناحوعلينا..
وصيرنا نكتة ..
وحالنا أطرف من طريف
رحماك ياربي اللطيف
ترحم نصير كل الغلابة..
محجوب شريف .


[email protected]


تعليقات 0 | إهداء 0 | زيارات 872

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




أسماء عبد اللطيف
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة