المقالات
السياسة
محجوب شريف
محجوب شريف
04-05-2014 04:14 PM

محجوب شريف
يا غيمة رحلت بالخريف
والدنيا صيف
مليانة حيضان السراب
رويانة ارضك باليباب
كل البلاد البور خراب
جرح الوطن ينزف نزيف
وجعة رحيلك
كتمة في كل الفصول
زادت ليالي الفجعة طول
اخر ظهور فجرو الشفيف
محجوب محصن
من متاهات الزمان
يازول ممكن
جوه في قلب الوطن
بالحب مسكن
شايلو في حضن الامان
غتاك بي توبو العفيف
صافي الجنان
عفة يدين
عفة لسان
جسدت معنى الكبرياء
صابر على كل البلاء
عزة نفس شمم إباء
محجوب محصن يا نضيف
من كل زيف
مرقت من الدنيا
زي مرقة عريس
زافنو بالزين والعديل
يا دغري يا زين يا عديل
ما لنت ما ميلت ميل
خليت غناويك الممرتقة
لي بحور الظلم قيف
ورثت حميد الصغير
رد الجميل
وراجيك حميد الكبير
في ضل مقيل
هناك يقيف
متجلي بي اسمو اللطيف
محجوب شريف
يا زول نضيف


عبدالمنعم العوض
[email protected]


تعليقات 0 | إهداء 0 | زيارات 647

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




عبدالمنعم العوض
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة