المقالات
السياسة
لسة شريفنا يا محجوب _ قصيدة في رثاء شاعر الشعب
لسة شريفنا يا محجوب _ قصيدة في رثاء شاعر الشعب
04-06-2014 10:46 PM

لسة شريفنا يا محجوب
وفارس بالدرر موصوف
وأثرك فينا باقي مبين
ودربك بالنجوم مرصوف
حروفك باقية يا انسان
علي السودان شفوق وعطوف
وحقاً .. انتَ ولدو البار
مُحال في حقو تمرُق أُف
وكنتَ الشعب .. ونبض الشعب
وصوت الشعب .. في أقسي ظروف
نهيت عن منكر السلطان
وأمرتَ جنودو بالمعروف
ويشهد ليك تراب بلدي .. وجبال بلدي
ونيل بلدي .. ونخيل .. وجروف
وتشهد ليك سجون بلدي
حضورك فيها كان مألوف
وتشهد ليك دموع الناس
وعليكْ .. صلت صفوف وصفوف
وتشهد كل أهازيجك
وتشهد ليك حروف .. وحروف
حروف .. من بكرة جايبة عشم
وأمل سوداني مالي الجوف
حروف .. لا لفْ .. ولا دورانْ
حروف تكسِر حواجْز الخوف
حروف .. مليانة في المليان
قنابل حارقة كالمولوتوف
حروفك راسخة في السودان
دروس .. وسياسة بالمكشوف
ولسة شريفنا يا محجوب
وفارس بالدرر موصوف
ولسة شريفنا يا أستاذ
ونشهد ليك الوف في الوف
حروف لي وطنك الملهوف
تصارع كلْ كلاشينكوف

ضياء الدين مدثر رجب
برلين
[email protected]


تعليقات 1 | إهداء 0 | زيارات 888

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#965222 [alayam]
0.00/5 (0 صوت)

04-07-2014 12:58 AM
وكنتَ الشعب .. ونبض الشعب
وصوت الشعب .. في أقسي ظروف

Ya salam

[alayam]

ردود على alayam
[ضياءالدين مدثر رجب] 04-07-2014 03:09 AM
تسلم .... وسلمك الله والبلاد من كل شر ... لك الشكر والتحية


ضياء الدين مدثر رجب
ضياء الدين مدثر رجب

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة