المقالات
السياسة
ضو البيت حمد دمبلاوي
ضو البيت حمد دمبلاوي
04-07-2014 01:18 AM


ألكع جاي..
يا جنيات الحلة أسمعو جاي..
يا بنيَّات الحلة تعالن جاي..
خلُّو العطله وبقبيق الشاي..
خلُّو الفارغه وتعالو معاي..
*************************
ما شايفين الحال يا جنيات..
ما شايفات الحال يا بنيَّات..
الأخلاق فاتتْ راحت مع الرايحات..
والضمير خلاس اتكعكع ومات..
*************************
يا جنيات الحله خلوها صراحه..
يا بنيَّات الحله خلوها صراحه..
كل حياتنا مليانه سفاهه..
خلونا النتكلم بصراحه..
************************
العندو قروش يساوي قروش..
والماعندو قروش تعبان مدروش..
تلقاهو العندو قروش ماشي ومنفوش..
مع إنو القروش معيار مغشوش..
*************************
وبقينا نجقلب في المظاهر..
ونسيناها نضافة المخابر..
ونسينا معاها يوم المقابر..
يوم تبقي هناك براك مسافر..
**************************
وجاتنا بلاوي النت من أوسع الأبواب ..
التويتر والفيسبوك الجاب الخراب..
البنيه معرسه وحابه واحد تاني بالواتساب..
والجنا مع مرتو وخالط واحده في الإغتراب..
**************************
حاجات لا هولتنا لا الليلتنا..
إلا فتنة الأيام بالحيل هجمتنا..
غير أخلاقنا مافي علاج لمشكلتنا..
كان سبناها نلقي رياح وسموم لفحتنا.

[email protected]


تعليقات 0 | إهداء 0 | زيارات 509

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




ضو البيت حمد دمبلاوي
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة