المقالات
السياسة

04-07-2014 10:19 PM

جاء لقاء الرئيس السوداني عمر البشير بالامس مع قيادات الاحزاب التقليدية الطامعة في اكبر مشاركة في السلطة خاليا من اي معني جديد. اعلن فيه الرئيس إطلاق سراح كافة المعتقلين السياسيين الذين لم تثبت ضدهم قضايا جنائية!.
وقال الرئيس انه أصدر توجيهات للسلطات المختصة بالولايات السودانية، بالسماح للأحزاب السياسية بممارسة نشاطها السياسي.
لم يتعرض لحالات المسجونين السياسيين الذين تمت محاكمتهم وادانتهم بواسطة اجهزة النظام القمعية اثر مشاركتهم في مواكب سلمية تندد بالنظام وتطالب باسقاطه.
كما تكرم للاحزاب السودانية بممارسة نشاطها علي سبيل السماح, لا كحق ديموقراطيي وفره الدستور.
اما القوانين القمعية المذلة للانسان لم يتكرم سيادته بالغائها او تجميدها لفترة محددة, مما يعني ان ايدي الاجهزة القمعية لا زالت مطلوقة فينا, تعتقل, وتبطش, وتعذب, وترهب وتغتصب كما تشاء.
شروط المعارضة لاجراء حوار معه والتي تتلخص في إلغاء القوانين المقيدة للحريات, ووقف الحرب ومعالجة تداعياتها الإنسانية, وإطلاق سراح المحكومين السياسيين والقبول بحكومة انتقالية لم يعرها اهتماما.
المشاكل التي تشغل بال المواطنين من غلاء, وفساد, واختلاسات وامراض, ومجاعات, وانهيار تام للخدمات, والازمة الاقتصادية الطاحنة فسيادته لم يتعرض لها.
ليعلم الرئيس بان دستور السودان الانتقالي في المادة 27 اعترف بكل الحقوق والحريات المضمنة في المواثيـق الدولية.
حرص الدستور في المادة (39) علي ضمان حرية الرأي وكفل لكل انسان حق التعبير عن رايه ونشره بالقول او الكتابة او التصوير او غير ذلك من وسائل التعبير في حدود القانون
لم يكن الرئيس بحاجة لاصدار قرارات جديدية. فالدستور المؤقت كفل للشعب السوداني منذ عام 2005 هذه الحقوق, الا ان الرئيس هو من داس علي هذه الحقوق الانسانية وشدد من قبضته الحديدية ونشر الارهاب والكبت وبيوت الاشباح وسفك الدماء وتكميم الافواه والحروب والابادات الجماعية.
كيف نثق برئيس يدوس علي دستور بلاده وعلي كل الاتفاقيات الموقعة مع قوي المعارضة .. برئيس استبدي وطغي وصار حاميا للفساد والاختلاس والثراء الحرام؟؟
الحوار يدور عادة بين طرفين متساويين, لكن سيادته سيحضر للجلسات بكل مظاهر العظمة والجاه من عربات الحرس الفاخرة والاستقبال والزفة المعهودة والهتاف والنفخة الكدابة, مع الاصرار علي تراسه الشخصي لجلسات الحوار ذاتها. اما قادة الجبهة الثورية عليهم الحضور كمضامين فقط, تحت رعايته الشخصية!
هذا لا يسير يا ريس!.

هل ترضي ان يترأس عقار او ياسر عرمان جلسات الحوار؟؟
ترجل .. اترك مناصبك وسلطتك وجاهك واجلس وسط قيادات المعارضة وتفاكر وتباحث لربما تصلون لحلول لو توفرت النيات الحسنة.
وهذه انت تفقدها.
لكن تأكد يا سيدي ان ساعة الاطاحة بنظامكم الجائر قد دنت وان الجماهير التي اطاحت بديكتاتورية عبود ونميري لقادرة بهز النظام والرمي به في مزبلة التاريخ.
ولا تنسي ان الدول المجاورة التي كانت تدعمكم في الماضي ومنها مصر والسعودية تنظر اليكم اليوم كارهابيين دوليين مما يدعم موقف المعارضة الديموقراطية للاطاحة بكم.


د. ابومحمد ابوآمنة
abuamnas@aol.com


تعليقات 2 | إهداء 0 | زيارات 958

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#966376 [ودالباشا]
4.16/5 (6 صوت)

04-08-2014 05:42 AM
شوف الجماعة ديل يا عرفوا نهايتهم دنت عايزين بكبوا الذوقة ولبسوها هووسى السلطة او بكسروا زمن حتى تحين2015 وشكوا الورق للانتخابات يعيدوا للحكم باخرين من نفس التنظيم ويركب خاذوق جديد تانى

[ودالباشا]

#966304 [Adams]
4.16/5 (6 صوت)

04-08-2014 12:31 AM
يعنى أنتو عاوزين شنو بالضبط؟؟ وليه ما تمشى تعارضو من الخرطوم عشان الناس تقفي معاكم؟؟ بس قاعدين تعارضت من بره بره وتمدو ايديكم و المديده حرقتنى. كده اول شييء اتفقو بيناتكم وبعدين تعالو وحدو الشعب السودانى. والله مللنا انشقاقاتكم الكتيره. مره جبهه شرق ومره جبهه بجه و الله جبتو لينا الضغط. آه البشير دخلكم اسع فى جحر ضب ووافق على شروط المعارضه اسع نحن الشعب السودانى حيتفر عليكم وعلى حججكم الجديده ده لو كان عندكم حجج. وانت يا ابو امنه هل تخليت عن على حسنين ولا لسع معاه انت اقعد بس شرك وحاحى انت وحسنين لو جيتو الخرطوم وأسست وليكم حزب احسن من نضال كم الخارجى ده بألف مره ولا فى دول اصلا أجيب ليكم خبر.الناس بتموت جوه البلد وانتم قاعدين فى البيانات عاملين زى جامعه الدول العربيه شجب فى شجب. طيب اسع عليك النبى يا ابوامنه بيانك ده نحن استفدنا منو شنو؟؟؟؟ قاعد ليك تلاته ساعات ويمكن اكتر تدين وتشجب طيب و النتيجه شنو؟؟ لو عاوز تغيير ديك الجبهه الثوريه امشى ليهم وشيل معاهم السلاح وده الكلام البنعرفو ماتقعد رجل هنا ورجل هناك. عمرك ده الباقى فيهو كم؟؟؟؟؟؟؟؟؟؟؟ والله صدق المثل البيلقى هواه بيضرى الحصحاص. وحتى لو ضريت الحصحاص النتيجه هى القشر فكر كويس لو انتم معارضه بجد تعالو البلد وعارضو زى بقيه المعارضه تعالو ادخلو مع الناس السجون والمعتقلات واخرجو ابطال وبعديها والله نشيلكم فى كتوفنا تب . والله والله انا اتحداك واتحدى اشباه المعارضه فى اروبا لو فيهم واحد مؤهل لحكم البلد ؟؟؟؟؟؟ خليك من الحكم بس ورينا واحد عندو افكار تقنع الشارع السودانى بس؟؟ اروبا فيها شنو غير الشلليات.حتى رواعيت الجمال بقو سياسين فى لندن. وكلما الواحد فيهم سمع بمؤتمر لبس ليهو بدله وكرمش وشو وجا ولو اديتو المكرفون عشان يلقى كلمه عرقو يصب و يحتار يقول شنو؟؟ ولا انا غلطان؟؟؟دى الحقيقه لمعارضه اروبا والله حفظناهم بالاسماء وفى نهايه المطاف كلهم قابلناهم فى الخرطوم حايمين فى الخرطوم بفتشو ليهم فى بتاع امن يعتقلهم عشان يظهرو فى الاعلام وفى النهايه رجعو لاروبا تانى.والله يا ابو امنه بعرف لى واحد جاء الخرطوم وقال لى عليك الله شوف لى واحد يعتقلنى بس لمده تلاته ساعات ووالله مالقى انسان يعتقلو.غايتو فعلا دى محن سودانيه .

[Adams]

د. ابومحمد ابوآمنة
مساحة اعلانية





الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة