المقالات
السياسة
شيوخ آخر زمن
شيوخ آخر زمن
04-13-2014 02:27 AM


شيوخ آخر زمن
كلمات: حسين شنقراي
حسبو المرطب
للكوته بيشطب
في الغابه بيحطب
يفــــــتي ويكــــــضب
في العِرس الجِماع
مشغول بالبِتاع
--------------
والحاجة التجنن
الشيخ البحنن
يشدو ويبنِن
يرسم يفنِن
في اليد والكراع
باللوح واليراع
--------------
في الجامع الكبير
الشيخ الخبير
بيقول للوزير
الأمر الخطير
النت يطير
الأمر بالتشفير
أطفوء الشعاع
الفساد قد شـــــــــاع
-------------
والحكمه في التلفاز
والعالِم الهماز
بفتي بالألغـــاز
والمتصل لمــــــــــاز
الجِنس والإنقاذ
مافي زول حجاز
والبلد ملتاع
كل شئ يتباع
--------------
غايتو ليكم دين
كلو بين فخدين
تنومو متعاشرين
وتصحو مغتسلين
ياهو ده التمرين
تعيشو بين مرتين
وتنادو بالإجماع
في السر والمذياع
----------------
والممحنا الآن
دعوه السجان
الخلوة بالإمكان
بشريعة الديان
والمتعه للمسجون
لازم علينا تكون
عاقل أم مجنون
لابـــــــــد من إشباع
في الشهوه والإمتاع
والشعب ليك ممنون
مات البلد أم جاع
بين شيوخ ومجون
والحكمه في الأتباع
الدهب مدفـــــــــــون
والصفر لمــــــــــــــاع

[email protected]


تعليقات 0 | إهداء 0 | زيارات 1479

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




حسين شنقراي
حسين شنقراي

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة