المقالات
السياسة
حوار كيفن مع الأطرش !!....قصيدة
حوار كيفن مع الأطرش !!....قصيدة
04-17-2014 10:56 PM

حواركيفن مع الأطرش !


حوار في شنو؟ وكوار في شنو؟
حوار كيفن مع الأطرش؟
مع الزول الدوام غدار
ولي كل العباد دوَّش
حوار لي شنو؟ وكوار لي شنو؟
حوار كيفن مع الأروش
مع الزول الكتير حقار
وكان يا ما كان زمان أغبش
وجانا بليل بلا استئذان ودخل الدار
وزي الطير هناك عَشْعَش
وهَمْهَمْ بي طلاسم جن
وسكن الدار وقال .. كِشْكِشْ
خلي حريمنا تتوَغْوَشْ
وخلي رضيعنا يتلبش
وأول حاجة ذاعا بيان
وقال بي دقنو بكرة يحِش
ودخل السوق ورفع أذان
ومسك الكاش وما قال ماش
وأكل ضباطنا في رمضان
وصلي العيد بدون يرمش
وخدع مدفعنا يالقران
ودخل الغابة حرق القش
وضيَّع بور.. وفات دارفور
ولي كل الجهال جيَّش
ضرب ( النوبة) في كجبار.. وكمان في (جبال)
وخلَّي دمومنا تترشرش
ونشَّف ريق (جزيرتنا)
ولي كل الجهات همَّش
وقطع أرزاقنا بالتمكين
ولي كل العقول طفَّش
× × × × × × ×
حوار في شنو؟ وكوار في شنو؟
حوار كيفن مع الأطرش
مع التعلوب ودينو لعوب
وحالف ديمة لينا يغُش
ويلعب بي مصاير الناس
زي ... نظارة (الأعمش)
حوار كيفن مع المهبوش
وخايف ضلو ليو يهْبِش
وكل يومين بركِّب وش
وكل يومين يغيِّر وش
حوار كيفن مع القناص
قنص لشبابنا في (أيلول) وما قال كش
قسم سوداننا لي نصين
وما قال كش

ضياء الدين مدثر رجب

برلين
[email protected]


تعليقات 2 | إهداء 0 | زيارات 953

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#978038 [ضياء الدين مدثر]
3.32/5 (20 صوت)

04-19-2014 08:19 PM
تسلم يا أبو الهياثم .... التحيات الطيبات

[ضياء الدين مدثر]

#977878 [Haytham Mansour]
0.00/5 (0 صوت)

04-19-2014 04:03 PM
ابداع يا كاوندا ... هو فعلا حوار طرشان

[Haytham Mansour]

ضياء الدين مدثر رجب
ضياء الدين مدثر رجب

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة