المقالات
مكتبة كتاب المقالات والأعمدة
الفاتح يوسف جبرا
أخصائيون عاطلون
أخصائيون عاطلون
04-27-2014 08:28 PM

عزيزى القارئ … قديماً قال الشاعر العربى : (والليالي من الزمان حبالى مثقلات يلدن كل عجيب)! وإذا كان الشاعر يعتقد بأن (الليالى) فى زمانه ذاك يلدن (العجائب) فهو بلا شك )ما شاف عجائبنا ) .. هذه (العجيبة) من (تمثيل) وزارة الصحة الإتحادية و(إخراج) مجلس التخصصات الطبية ..

قامت وزارة الصحة الإتحادية في شهر أبريل ٢٠٠٨ بالإعلان عن وجود وظائف نواب أخصائيين وقامت بإبرام عقد مع المتقدمين يتص على الآتي :
- إبتعاث المتدرب لمجلس التخصصات لفتره ٤سنوات
- تلتزم الزارة بدفع مبلغ ١٢٠٠٠ (أطناشر مليون جنيه بالقديم) لمجلس التخصصات عن كل متدرب كرسوم تدريب .
- تقوم الوزارة بدفع مرتب شهري للطبيب مقابل عمله في المستشفيات أثناء فتره التدريب
- تلتزم الوزارة بإستيعاب الطبيب بعد نهاية فترة التدريب بإستيعابه في وظيفة أخصائي بعد سنوات التخصص الأربعه ونجاح الطبيب في الامتحان النهائي .

الكلام الفوق ده كلام واضح ومكتوب في عقد بين الوزارة كطرف أول والطبيب كطرف ثان ، يلا نشوف الحصل :
بعد إنتهاء الأطباء من فترة التدريب ونجاحهم في الإمتحان النهائي تفاجأوا بأن الوزارة لم توفر لهم وظائف كاخصائيين وقامت في ذات الوقت بإيقاف رواتبهم ، تخيل معي أيها القارئ الكريم أن وزارة الصحة الإتحادية لا توجد بها وظائف أخصائيين في فروع الطب المختلفة (يعني شبعانه ومكتفيه) .

فجأة أصبح هؤلاء الأطباء الأخصائيين (عطالي) في هذه الظروف الحياتيه الصعبة وفيهم من يعول أسرة أطفال ومدارس وإيجار وأكل وشراب وجمرة وموية ونفايات وهلم جراً ، أي شخص في مكان هؤلاء الدكاترة الأخصائيين سوف يفكر في شئ واحد للخروج من هذه المحنه ، وهو أن (يغترب) ويترك هذه البلاد الظالم أهلها ، وعشان الواحد فيهم يغترب لازم تكون معاهو شهاده من (مجلس التخصصات الطبية) تثبت إنو (أخصائي) وعشان المجلس يستخرج الشهادة لازم (إذن) من الوزارة وعشان الطبيب ياخد الإذن لازم يعمل (خلو طرف من الوزارة) .
ذهب الدكاترة الاخصائيين للوزارة لإستخراج خلو الطرف فطالبتهم الوزارة بدفع مبلغ (12) أطناشر مليون جنيه (بالقديم) سرعان ما زادتها إلى (24) أربعه وعشرين مليون سرعان ما زادتها إلى (36) ستة وثلاثين مليون حتى رست أخيراً على (60) ستين مليون (الجماعة شغالين مع الدولار) !
ومع أن الوزارة في العقد قد إلتزمت بدفغ مبلغ أطناشر مليون للمجلس إلا انها طالبت الطبيب بعد دفعه للستين مليون (مقابل منحه خلو الطرف) أن يقوم بدفع الأطناشر مليون للمجلس ليكون مجموع ما يدفعه الطبيب للحصول على شهادته هو (72) إثنان وسبعون مليون جنيه علماً بأن هذه الشهادة هي المستند الوحيد عالميا الذي يثبت انك أخصائي وتستطيع أن تعمل بها في بلاد الله التي تحترم انسانها.

في شهر فبراير ٢٠١٤ اعلن مجلس التخصصات ممثلا في أمينه العام للأطباء انه نسبه لان الوزاره لم تلتزم بدفع رسوم التدريب لمبتعثيها لعدد من السنين فإن من يقوم بدفع ال (إطناشر مليون جنيه) من الأطباء للمجلس فإن المجلس يلتزم باستخراج الشهاده له علما بانه لايوجد عقد بين الأطباء والمجلس ( لكن سيد الرايحه يفتش خشم البقرة) .
لم يصدق الأطباء النبأ فطفق كل واحد فيهم (يجمع في القروش) الدخل صندوق وشال الصرفه الأولي ، الباع دهب عرسو، الأهلو عملو ليهو كشف وتدافع الأطباء وعددهم حوالى 250 طبيب وقاموا بدفع (الأطناشر مليون) للمجلس أملاً في إستلام شهاداتهم أنفكاكاً من هذا (الرق) وهذه (العبودية) ولكن أملهم قد خاب بعد أن بدأت المماطلة مره (تغيير أختام) ومره (التوقيعات) ومره ورق الشهادات في مطبعة (سك العمله) وبعد مشاوير ومساسقه و(تكاسي) و(أمجادات) وأيام وليالي كانت الفاجعة وكان رد المجلس (الكارثي) :
- والله ياجماعه الإجراء ده أتوقف من جهات عليا وأخد مجري سياسي ومافي شهادات !
- وهتف الأطباء بصوت واحد (طيب رجعوا لينا قروشنا الدفعناها) !
- قروشكم دي اعتبروها بدل الإفادة وتسجيل المجلس الطبي العملناهم قبل سنه وقروشها في بطنهم أو اشتكوا لو ما عاجبكم .. ومعناتا بالعربي كده (أعلى ما في خيلكم أركبوهو)

الوضع النهائي:
- لاتوجد مع هؤلاء الأطباء شهاده تثبت أنهم أخصائيين لان الوزاره أوقفت خلو الطرف (الظاهر عاوزين يختو ليهم تسعيره جديده)
- لاتوجد وظائف أخصائيين لمن يريد أن ينفذ عقد الوزاره
- قروش الدكاترة ديل الدفعوها لمجلس التخصصات راحت (شمار في مرقه) !!

هل تتدخل شخصيات (نافذه) للضغط على مسؤولي (المجلس) لمنح هؤلاء الأطباء (شهاداتهم) حتي يستطيعوا الأكل من خشاش الأرض وللا الضغط ده بس على (وزير العدل) !!

- كسرة:
لو لقيت ليك زول واقف في صينية وبيكلم في نفسو .. ما تفتكرو زول ساي .. ممكن يكون أخصائي ) أمراض عصبية) !!

كسرة ثابتة (قديمة) :
أخبار ملف خط هيثرو العند النائب العام شنو(وووو وووو وووو وووو وووو وووو وووو)+و؟
كسرة ثابتة (جديدة) :
أخبار تنفيذ توجيهات السيد الرئيس بخصوص ملف خط هيثرو شنو(وووو وووو وووو)+و؟


تعليقات 24 | إهداء 1 | زيارات 5451

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#988826 [ادروب الهداب]
2.44/5 (5 صوت)

04-29-2014 04:27 PM
الرد علي كالومبا

واضح من اسلوبك كوز الحمدلله انا من جيل الزعيم الازهري وقرينا كل المراحل مجانا والسودان كان
سودان عزة

[ادروب الهداب]

#988119 [Njmy]
2.50/5 (2 صوت)

04-29-2014 08:05 AM
حاجة تفقع المرارة

[Njmy]

#988030 [telal]
1.00/5 (2 صوت)

04-29-2014 01:44 AM
ايها الانسان (الغضنفر) انا من حقي ان افهم بطريقتي الخاصة واعلق وفقا لها ٠ نص العقد علي جملة شروط -ابتعاث المتدرب لمدة اربعة سنوات -دفع الوزارة مبلغ ١٢ مليون كرسوم تدريب لكل متدرب -دفع مرتب شهري نظير العمل في المستشفيات اثناء فترة التدريب - التزام الوزارة باستيعاب المتدرب بعد اكمال فترة التدريب في وظيفة اخصائي
والقانون بقول العقد شريعة المتعاقدين لايجوز نقضه اوتعديلة ٠٠٠
حسب سياق المقال الوزارة اخلت بالعقد .النتيجة الطبيعية هي ان يقوم الطرف المتضرر بإجبار الاخر بتنفيذ بنود العقد بواسطة الطرق القانونية وهذا لم يحصل٠النتيجة الغير طبيعية هي السعي لاستخراج خلو طرف وغيره كما اوحي المقال تمهيدا للهجرة ولا نحسدهم علي ذلك ولاكن نري ان الوطن اولي للاستفادة من خبراتهم التي ساهم فيها !!
‏(الغضنفر) اذا كنت تراني جاهل وابله لماذا تصبح انت اجهل مني فبدل ان تاخذ الحسنة بتنويري تختار السيئة بشتمي ٠ علي كل حال الله يسامحك ويعدل طريقك

[telal]

#987682 [مريود]
2.75/5 (3 صوت)

04-28-2014 05:52 PM
مش اطباء يستاهلوا ديل ما الكتلوا اهلنا في المستشفيات نسيتوا الاخطاء الطبية وياما الناس احتجت وبكت بدمع العين عشان يحاسبوا الاخطاء الطبية المتعمدة من قبل الاطباء المرة دي اللشوفو الاخطاء دي حارة كيف وشنو يعني لو خصموا من كل واحد 12 مليون الاطباء ديل ما فتحين ليهم عيادات خاصة النمرة الواحدة بالشيء الفلاني وياما في ناس ماتو عشان مادفعوا قروش المستشفى الخاص ولا حق النمرة ماعندوا .
كلامي دا حاااااااااااااااااااااااار وما تقولي الدخل الاخطاء الطبية في الموضوع دا شنو
انت ما عارف انو الكيزان خلو السودانيييييييييين يقولوا كلاااام خارم بارم ولا شنو من شدة الجوع والقهر والاذلال
نسأل الله العلي القدير ان يستخرج ليهم شهادتهم دي كان يلقوا ليهم دولة تستقبلهم

[مريود]

ردود على مريود
[ود الجزيرة] 09-15-2015 02:10 AM
دا تعليق زول غبي

European Union [د اسماعيل عيدروس] 04-29-2014 02:25 PM
هههههههههههههههههههه
حلوة
صحيح دة من اخطائهم الطبية ربنا سلط عليهم من لا يرحمهم
ايوة دفعوهم اكبر كميه ممممكنة
.
.
.
مريود عارفك بتضحك تعليقك ظريف


#986953 [osama dai elnaiem]
5.00/5 (1 صوت)

04-28-2014 08:51 AM
بقت علي شهادات اختصاصي وما ادراكما اختصاصي -- احنا(جماعتي اسلامي) من زمان وزعنا نفسنا اسر و(جماعات) ودفعنا اشتراكات بعضها بنصف راتب البعثة وبعنا دولارات وريالات في اقطار الارض انتظارا (لفتح) السودان واخذه غنيمة سائغة وتوزيعها بيننا دافعي الاشتراكات من ازمان وازمان وهكذا (تمكننا) في الارض التي سلبناها وبعدين عاوز شوية (وليدات )علمانيين (كفرة مخففة)يجوا ياخدوا عرقنا ويشاركونا في (القصعة) هي(لنا) وطبعا مداراة كدا ودغمسة احنا نحولها (هي لله)كما حور اليهود (حنطة)الي (حطة)وبعدين زي ما قال شيخنا (راكب الدبابة بليل)العاوزها لازم يشيلها مننا بالسلاح وهكذا تناسلت حروب دارفور ولم تقف حرب الجنوب الا بالانفصال الاشقر-- يعني يا ود جبرة انت عاوز تدافع عن (مرمي الله)احنا(اخونا)كان سرق عيانا بيانا نقوم (نحلله) وبعدين دي اخدناها من اليهود (اضربوه ببعضها )وبعدين من نحلله يقوم عديل تاني يستعد (لسرقة )اخري ونمكنه من رقابكم في موقع اخر كوالي في الجزيرة او الخرطوم او دارفور واهو زي ما قال نافعنا حنسلمها لعزرائيل لانه احنا في (فرموناتنا )السرية عندنا عهد لاننا (ابناء الله) وعشان نخالف اليهود نقول نحن (الاخوان المسلمون) يعني خارج تلك الدائرة هو عندنا في تقاليدنا وعرفنا (دمه وماله حلال علينا)-- احسن جماعتك ديل يدفعوا ال 72 مليون قبل ما الدولار يرتفع بعد ان نستلم 88مليون القطرية المخصصة لدارفور لنودعها في حساب منظمة سند الخيرية--- ال دارفور ال!

[osama dai elnaiem]

#986934 [زعفران]
3.25/5 (4 صوت)

04-28-2014 08:36 AM
والله يا استاذ جبرا اصبحنا نعيش زمان البعير اللذي يرضع الماعز ،،،،،الله في،،، جالكم القرف ايها اللصوص

[زعفران]

#986930 [ابو خالد الدمام]
4.32/5 (5 صوت)

04-28-2014 08:34 AM
الاستاذ الموقر جبرة امبارح سمعنا خبر في قناة الجزيرة انو رئيس وزراء كوريا الجنوبية قدم استقالتو عشان في باخرة ركاب غرقت وماتوا حوالي 29 واحد تخيل قضية الاقطان وقضية مكتب والي الخرطوم ووالي الجزيرة ومشروع الجزيرة وطريق الانقاذ الغربي ووووووو ليه ما سمعنا مسئول قدم استقالتو ؟ وانت جاي تكتب لينا عن الاخصائيين ومشاكلهم سيادة الرئيس المشير بالحرف الواحد في مناسبة من المناسبات قال نحن ما نقدر نجازي الدكتور مامون حميدة لما قدمه لولاية الخرطوم في مجال الصحة تاني بعد ده عايز شنو انت يا جبرة وازيدك كمان انت عارف وزير ا لصحة الاتحادي ده منو؟؟؟ خليها مستورة ياجبرة

[ابو خالد الدمام]

#986861 [اطباء بلاوجيع!!]
4.13/5 (5 صوت)

04-28-2014 04:19 AM
دي طبعا مشكلة بني كوز الجديدة!! انهم بيجيبو اي غبي لديه شهادة!وولاء للمسيطرين الجدد! وبجاحة ياجبرة في اختراع جبايات جديدة!!ويعمل فيها ابو عرام وعراف ومفكر اخر زمانو!!!! فالبروف المسكوهو امين المجلس!قبل ان يعرف ماهو المطلوب التفت يمنة ويسري عن اموال يجلبها فلم يجد غير المتدربين!الذين تبعثهم الوزارة!!دون كبير فهم او عناء او اهتمام او حتي تنسيق معا الوزارة فقرر ان يدفع جميعا الاطباء المتدربين الاموال التي يفترض ان تدفها الصحة لانها ببساطة لاتدفع له!!! عبالكم ذي مابيقول اللبنانين دكانة ابوهو!!!! ما يغبي دي تعاملات حكومية معا بعضها!! في حكومة النهب المصلح!! كان ممكن يدفعها الوالي او جوكية حراميته!! للتدريب مش لاجازات لندن وماليزيا او لطهور الاولاد في فندق السلام روتانة!!!!وبعدين مش دي استراتيجية لدعم الكادر الصحي مش السمسرة فيهو!! لكن تفول شنو!!! ومتي يبلغ البنايان يوم كماله اذا كنت تبنيه وغيرك يهد!!! لا بل لم يكتفي البروف الحكيم!!فقرر ثم عبس وبسر ان يذيد رسوم التدريب!! شغال ايضا بالدولار!!! يعني كل مابنته حكومة السجم من محاولات لتحسين مواعين التدريب الداخلية .يريد عبقري زمانو ان يحولها لتجارة!!! يعني حتي دعاة العلم من كيزان السجم لديهم ميل نفسي للتجارة!!! وكانما هم درسوا من اموالهم وليس من اموال الشعب المسكين في ماليزيا ومصر وهولندا!! وقد قال طيح الله حظه علي هذا الغباء!!! ان الجامعات الخاصة!! وطبعا مثيله الاعلي بروف البزنس الوزاري!!رسومها الدراسية اعلي!!!!يعني بكل شطارة يريد تحويل المجلس التخصصي لمنظمة ربحية!!!!مع العلم نه يتبع لرئاسة الوزراء وكان في عهدالوزير كمال يتلقي الدعم منه رغم عدم تخصص الاخير !لكنه كان ذا بصيرة ومن كيزان الفهم وليس جوقة التطبيل!!!الاخيرة!!!يعني ببساطة سيكون مصير المجلس الانهيار مثله مثل مرافق الدولة الاخري التي انهارت بسبب عباقرة الكذب الذين تلبسوا لهم مواقع في غفلة وفي غياب المشورة وسياد ثقافة الشللية التي دمغت عهد الانقاذ الاخير المترنح!!!!!

[اطباء بلاوجيع!!]

#986853 [المخ فاصل]
4.32/5 (5 صوت)

04-28-2014 03:46 AM
والله مافضل للإنقاذ إلا تبيع مواطنين بمزاد علني كرقيق للدول وبالمناسبة دا ما بعيد ويمكن يحصل و وقتها سيجدون مبررات وأغطية دينية مفبركة ..

[المخ فاصل]

#986820 [الجمبقلى]
3.25/5 (3 صوت)

04-28-2014 01:55 AM
زمان ايام نميرى وكنا وقتها طلابا لو عايزين اى مساعده ماليه لرحله او دعم لجمعيه او رابطه

نمشى طوالى لأمين الأتحاد الأشتراكى فى المنطقه وطبعا يدفع لنا بسخاء طمعا فى ضمنا لصفه لكن

نحن ناكل تورنا وندى زولنا هسع الأخوان الأطباء مافى جهة تحلهم المؤتمر الوطنى يمشوا عليه

لأن رئيس العصابه هو الذى يحل مشكلتهم من افراد العصابه الصغار فى الوزارة والمجلس الطبى ،جربوها

حيلة ذكيه

[الجمبقلى]

#986797 [telal]
4.25/5 (5 صوت)

04-28-2014 12:54 AM
والله الاخصائيين ديل مفروض يقرموهم مليار ياخي بعد ما يدفعوا ليهم ١٢ مليون للتخصص وبعد دا مرتب شهري جايين (يفنجطو) عشان قالوا مافي مكان يعينوكم فيه ولا غيرو طوالي دايرين تهاجرو ٠٠٠وين ضريبة الوطن ولا الا في مستشفي حكومي بعدين القروش العلمتكم دي حقت ابو منو فيكم ؟ دي ما حقت الشعب العيان دا !؟
بس الواحد اناني داير ينفع نفسو بعد ما يتعلم بمال المواطن ٠٠٠يعني شنو لو الواحد عمل ليهو مركز خيري وماتقولو لي بي شنو بالقروش الداير يهاجر بيها دي ! وياريد ياجبرة يا اخوي ناس ذي ديل ما تقيف معاهم

[telal]

ردود على telal
[الغضنفر] 04-28-2014 04:21 PM
أنت مجرد أهبل لا تفهم ما تقرأ .. ما هذا الجهل المطبق على قفاك.
خلي واحد بيفهم يشرح ليك الكلام الفوق دا معناتو شنو؟

عالم بجم...أعوذ بالله


#986746 [ودالباشا]
3.75/5 (4 صوت)

04-27-2014 11:47 PM
حبوبك جنبك يا استاذ

طيب بعنى دقسوهم مرتين وكمان ختوا ارباحهم اضعاف مضعفة ..شفت كيف

[ودالباشا]

#986709 [طارق]
3.00/5 (2 صوت)

04-27-2014 11:14 PM
مافي حل غير الانتقام وباي صورة ووسيلة... اغتيالات تصفيات تفجير

[طارق]

#986708 [عصمتووف]
2.50/5 (2 صوت)

04-27-2014 11:14 PM
هي غريبة لا ما غريبة عليهم هي غريبة لا ما غريبة عليهم هي غريبة لا ما غريبة عليهم هي غريبة لا ما غريبة عليهم ديل ياكلوا ديدان ودبر الكلب كل شئ جائز عندنا

[عصمتووف]

#986668 [ادروب الهداب]
3.25/5 (4 صوت)

04-27-2014 10:31 PM
عصابة شلعوا بلعوا اﻻسﻻميه الماسونية

[ادروب الهداب]

ردود على ادروب الهداب
[كالومبا] 04-28-2014 08:54 AM
ماسونية؟؟؟ ماسونية شنو يازول لاتزجوا بالكلمات في غير اماكنها. بعدين يبدو انك ياادروب من جيل تربى في حضن الانقاذ...لان هذه لغتهم في تجهيل الناس. ... ولله الماسونية منهم براء.


#986663 [albasheer kos ommak]
4.38/5 (4 صوت)

04-27-2014 10:27 PM
اساسا شهادة المجلس دى ماليها اى قيمه خارج السودان تشتغل بيها فى كاب الجداد بس٠ ثانيا العاوز يغترب مايضييع زمنو مع الخنازير ديل والتخصص بعد الإغتراب فى الدول المحترمه امريكا و بريطانيا٠

[albasheer kos ommak]

#986657 [كبسول]
4.25/5 (5 صوت)

04-27-2014 10:18 PM
يجب علي المجلس الطبي إعطاء هؤلاء الأطباء شهادتهم بغض النظر عن اتفاقهم مع وزارة الصحة
اذا قدم الطبيب نفسه لوزارة الصحة ولم تجد له وظيفة تكون الوزارة قد أخلت بالعقد وهي مشكلة الوزارة وليست مشكلة الأطباء
العقد قانوني ويمكن للأطباء مقاضاة الوزارة في المحاكم المدنية
بما ان الوزارة هي التي أخلت بالعقد فالأطباء غير ملزمين قانونيا بإرجاع المبالغ التي صرفتها عليهم الوزارة

[كبسول]

#986653 [julgam]
3.50/5 (2 صوت)

04-27-2014 10:17 PM
لو لقيت ليك زول واقف في صينية وبيكلم في نفسو .. ما تفتكرو زول ساي .. ممكن يكون أخصائي ) أمراض عصبية)
الله يخت محنك يا ود جبره عايز تمسخ علينا صوانى الحركه مالك..ما الشعب السودانى دا أغلبه ركب الصوانى وبدا يهضرب ..يعنى شنو المابخليه يكلم نفسه؟؟؟

[julgam]

#986652 [بدرالدين العامرى]
4.25/5 (3 صوت)

04-27-2014 10:17 PM
لا حول ولاقوة الا بالله العلى العظيم الفساد وصل حدا لايطاق

[بدرالدين العامرى]

#986620 [komikukulo]
4.13/5 (4 صوت)

04-27-2014 09:55 PM
يا جبرا الكيزان ديل قرفنا من عمايلهم، حاول فكر كتير واكتب لينا شيء كويس عملوه الكيزان المجرمين المفلسين النصابين.

[komikukulo]

#986614 [salama]
4.25/5 (4 صوت)

04-27-2014 09:48 PM
لاستاذ الفاتح جبرا
ارجو التكرم بلبحث والتقصي حول الموضو ادناه
موضوع طلاب الهندسة المعمارية كالاتي
كل الدفع بضم الدال من خريجي كلية هندسة العمارة من جامعة المستقبل رفض المجلس الهندسي منحهم الرقم الهندسي وهو الرقم الذي يخول لكل مهندس معماري رسم الخرط واجازتها من وزارة التخطيط العمراني والاشراف علي المباني من بناء وهد وخرصانة وغيره جاء الرفض بحجة ان الكورسات التي درسها الطلاب لاتتوافق مع المناهج في الجامعات التي بها كليات هندسة معمارية كجامعة الخرطوم وغيرها
توصلت وزارة التعليم العالي والمجلس الهندسي والجامعة الي حل وسط وهو عمل كورسات اضافية للطلاب تحت اشراف المجلس والجامعة والوزارة ورضخ الطلاب لذلك وجلسوا للكورسا ت وللاسف الاسيف لم يكن هناك اتفاق بين الجهات الثلاث حول من يعد الامتحانات ومن يقيمها ومن يصححها ولا كيف تكون طريقة اعدادها وهكذا رجعنا الي المربع الاول
نحن كاولياء امور نحمل الجامعة برئسها الدكتور ابوبكر مصطفي اولا هذه المسئولية والمجلس الهندسي ووزارة التعليم العالي مسئولية مستقبل ابنائنا ونسال الله ان ينتقم منهم جميعا
نحن نتالم عندما نري الحسرة والالم في اعين ا بنائنا دون مستقبل ودون وظائف علما باننا كنا ندفع الرسوم كاملة بالملايين ( دون تقسيط ) كشرط اساسي للقبول واستمرار الطالب في الدراسة
اللهم ارنا فيهم يوما اسود كيوم عاد وثمود وفرعون وقوم لوط
علما باننا ومع ابنائنا نعمل علي رفع قضية علي كل هذه الجهات حتي ينال ابناءنا حقهم
نحن اولياء امور الطلاب نعول عليك ونامل ان تاخذ هذا الموضوع علي محمل الجد
وحسبنا الله ونعم الوكيل

[salama]

ردود على salama
United States [ودالباشا] 04-27-2014 11:42 PM
والله شكلك موجوووووعه الله يفك كربتك


#986574 [تربال]
3.63/5 (4 صوت)

04-27-2014 09:03 PM
ياالفاتح نحن شبعنا من عجائب الحكومة دي .. واحسن حل لهؤلاء الاطباء هو رفع دعوى قضائية ضد وزارة الصحة والزام الوزارة بتنفيذ العقد المتفق عليه .. لكن للاسف القضاء ذاتو اصبح مشكوك فيه بعد قصة التحكيم في قضية الاقطان ورئيس المحكمة الدستورية.. وأملنا كبير في مولانا حيدر دفع الله رئيس القضاء الجديدان يعدل هذا الحال المائل..

[تربال]

#986573 [ودتاج الدين]
3.25/5 (3 صوت)

04-27-2014 09:02 PM
ههههههههههههههه
لا تفتكروا اني اضحك مستذئاً ولكن شر البلية ما يضحك
السودان دا لو بلد تحكمه عصابات نيقرز عديل ما ممكن يصل لدرك زي ده

ان الله يحكم بيننا وبينكم يا كيزان السوء
الاطباء انا ببشرهم بخير انشاءالله في السودان الجديد
والخيار الوحيد هو انخراط كافة اطياف الشعب السوداني في ثورة شعبية عارمة تسقط هذه العصابة المجرمة وتحاكمهم وتعيد بناء الدولة السودانية
السودان بلد افريقي عظيم لكن الاخوان المتاسلمون خانوا الوطن وباعوهو

[ودتاج الدين]

#986570 [قصي عبدالسلام]
4.50/5 (2 صوت)

04-27-2014 09:00 PM
*عن ابن عمر -رضي الله عنه- قال:
((قال عليه الصلاة والسلام: دخلت امرأة النار في هرة, فقيل: لا أنت أطعمتنيها, ولا سقيتها, ولا أنت أرسلتيها تأكل من خشاش الأرض))
*لا أطعمتها, ولا سقتها, ولا تركتها, لذلك: استحقت امرأة أن تدخل النار.
* فما قولك فيما فوق الهرة؟

[قصي عبدالسلام]

الفاتح جبرا
الفاتح جبرا

مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة