المقالات
السياسة
ارشيف مقالات سياسية
ما الفرق بين مواطن يسمى الطيب مصطفى ومواطن إسمه باكاش
ما الفرق بين مواطن يسمى الطيب مصطفى ومواطن إسمه باكاش
01-31-2011 05:40 PM

ما الفرق بين مواطن يسمى الطيب مصطفى ومواطن إسمه باكاش
تضامنوا مع عبدالقادر باكاش وابوعيشه كاظم
ضد ازدواجية المعايير والكيل بمكيالين

حملت صحف اليوم إستجواب محكمة جنايات الخرطوم شمالى برئاسة القاضى مدثر الرشيد أمس للصحفيين ابو عيشه كاظم رئيس تحرير صحيفة ( برؤوت ) الاسبوعية التى تطبع فى شرق السودان والصحفى عبد القادر باكاش الذى نشر مقال حول (( انفصال الجنوب )) ويتضمن فقرات تقول (( ان تهميش شرق البلاد قد يدفع الى تزايد الدعوات المطالبة بالإنفصال )) وقال باكاش ((إنه قصد تنبيه الحكومة لقضايا شرق السودان وإنه نصح الحكومة بأن تهتم بالآقاليم الاخرى مثل شرق السودان )) هذا ما قاله المواطن البجاوى باكاش نؤكد أولاً :
 إننا مع وحدة السودان على أسس جديدة وأن قضايا شعوب شرق السودان قضايا عادلة لايمكن معالجتها إلا بتغيير سياسات مركز السلطة فى الخرطوم وإعادة هيكلة المركز لمصلحة الاقاليم والفئات المهمشة سواء كان التهميش اقتصادى او سياسي او إجتماعى او ثقافى وإحترام حق الاخرين فى ان يكونوا اخرين هذا هو الطريق الوحيد لتوحيد السودان اما الاستمرار فى السياسات القديمة وعدم الاستفادة من درس الجنوب فانه سيؤدي الى خروج أجزاء أخرى من شمال السودان مثلما خرج الجنوب وان شرق السودان هو جزء من الجنوب السياسى المهمش والذى لابد من أنصافه طال الزمن ام قصر .
ولكن لهذه القضية جانب اخر ومهم يطرح اسئلة عديدة :-
 يحاكم المواطن باكاش بحجة دعوته لفصل شرق السوادن بينما سمح لمواطن يسمى الطيب مصطفى بإقامة منبر للدعوة عياناً بياناً لفصل جنوب السودان ماهذا الكيل بمكيالين .
 سمح للمواطن الطيب مصطفى بإقامة جريدة تستثمر فى الكراهية والفتن والاحقاد والخوض فى اعراض الناس بالباطل وتشوية سمعتهم بأكاذيب رخيصة والتشهير بهم ومحاكمتهم بديلاً عن أجهزة العدل والتحريض المستمر والاساءه للكل بدءاً من النائب الاول الى قبائل بكاملها بينما يحاكم المواطن باكاش صاحب المقال الوحيد والذى لايمتلك لا منبر ولا جريدة يتهم بتهم تعتصر الضمير الحى فقد قال المتحرى عن نيابة امن الدولة أن المتهمين قاما بنشر مقالاً بهدف تقويض النظام الدستورى ويدعوة للفتنة الطائفية ويحرض على مواجهة السلطة بالعنف وينتقص من هيبة الدولة وطالب بمعاقبته تحت المواد 12-50-66- 69 من قانون الجنائى المتعلقة لتقويض النظام واثارة الحرب ضد الدولة والاخلال بالامن بجانب المواد 24 – 26 – 35 من قانون الصحافة والمطبوعات اى عدالة واى نوع من القانون الذى يطبق ويحاكم بموجبه باكاش ويجعل المواطن الطيب مصطفى حراً طليقاً وهو الذى يدعو لجرائم ضد الانسانية والى قلب القيم المجتمعية والى تدمير جسور العلاقات جميعها بين الجنوب والشمال ما الذى يجعل من الطيب مصطفى مواطن فوق العادة وفوق القانون والدستور ويحاكم المواطن البجاوى باكاش .
 احتفل فى هذا الاسبوع الطيب مصطفى بمرور خمس اعوام على صدور صحيفة الكراهية والفتن الانتباهه فى إحتفال مشهود بينما تم احضار كاظم وباكاش من الشرق الى جنايات الخرطوم شمال اى معايير مزدوجة واى نظام للعدالة والعدل لا يستقيم (( لو سرقت فاطمة بنت محمد لقطع محمد يدها )) اين نحن من الرسول الكريم و من عدل عمر وزهد الامام على والانكى ان المواطن الطيب مصطفى يتحدث بإسم الاسلام .
اننا نعلن تضامننا مع المواطن والمناضل البجاوى عبدالقادر باكاش وغيره مع اهل شرق ونقول كم تحتاج هذه الجبال للماء المجفف والحليب ان قضايا شرق السودان بجميع قبائله قضايا عادلة لن تموت وتنتظر الانصاف ولو بعد حين .
وقد اتصلنا بعدد من كبار المحامين السودانيين بذات الصدد والموضوع وندعوهم جميعاً بكل تاريخهم المجيد الوقوف مع المواطن باكاش وكاظم وقد اجرينا اتصالات مع اسرتهم لدعم هيئة الدفاع فى قضية هى من قضايا الراى.
وأخيراً لنقف جميعاً مع قضايا شعوب شرق السودان العادلة.

ياسر عرمان
نائب الامين العام للحركة الشعبية
الاثنين : 13/يناير /2011


تعليقات 36 | إهداء 1 | زيارات 5804

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#89615 [السوداني]
0.00/5 (0 صوت)

02-02-2011 06:40 PM
قال صلى الله عليه و سلم : ستكون سنوات خداعة يكذب فيها الصادقة و يصدق فيها الكاذب ويخون فيها الامين ويؤتمن فيها الخائت ويتمنطق فيها الرويبة ، قالوا ما الرويبضة يا رسول الله ؟ قال : الرجل التافه او السفيه يتحدث في امور العامه
ياسر عرمان دا واحد باع دينه : اذا كان عندو دين ، بي بالمجان لانه ما باعو بي دنيته و يكفي انه متزوج شنو وليس منو و الفرق واضح بين شنو ومنو.
ومع ذلك خرج من الموليد بدون حمص بل دخلوا ليهوا الحمص في قفاه
و الله دا اخر الزمن البقى فيه ياسر عرمان راجل و بتكلم وبناضل
ذي ياسر عرمان دا جدودنا كانوا بخصوه و افكوه وسط النسوان عشان لي يوم القيامة ماا يعرف رحوا راجل وله امراة


#89575 [aAli Dinar]
0.00/5 (0 صوت)

02-02-2011 04:42 PM
أخونا ياسر السؤال موجه إليك :

ماالفرق بين ياسر عرمان سادة وياسر عرمان قطاع الشمال كما يطلقون عليكم حتى قبل ظهور نتيجة الإستفتاء؟ واضح أن العملية مطبوخة ومسبكة بالنسبة للإستفتاء ومحسومة بالنسبة لإنتهاء دوركم بعد أن وصلت الحركة لهدفها وإلا فكيف تتم تسمية المولود قبل أن يولد؟
لقد عدتم يا ياسر مع الحركة الشعبية ورفعتم رايات متباينة على غرار عصا نايمة وعصا قايمة وفى النهاية تم رمي الأقنعة وكان لكم فى نتيجة الإستفتاء ما سعيتم إليه وعملتم من أجله فهلا إحتفيت بما تم إنجازه بفضل جهودكم بدلاً من إلقاء اللوم على الآخرين؟
ما رأيك فى محاكمة الذين سعوا على إضعاف السودان من الخارج وعملوا عليه من الداخل؟؟
قل لى كيف تفوق نتيجة الإستفتاء فى عديد من المراكز 100% ويتم إعتمادها رسمياً دون أى خجل ثم تحسب على الآخرين دعوتهم للإنفصال ؟؟


#89561 [حسن تانقو]
0.00/5 (0 صوت)

02-02-2011 04:27 PM
لك التحية المناضل الرفيق ياسر عرمان العدالة في السودان خشوم بيوت والمحاسبة والمسائلةايضاً خشوم بيوت خال البشير العنصري الحاقد المتعجرف الطيب مصطفي الزي لا يستحق هذا الاسم عبر صحيفتة العنصريةوصاحب اقلية المنبوذة يسئ الجنوبين ويصفهم بكفار ويشتم نائب الرئيس سلفاكير ولا احد يساْلة لانة خال الرئيس البشير الرقاص ويحاسب المسكين الصحفي بكاش لانة قال الشرق مهمش وحينفصل ؛هنالك بعض التعليقات مثل الاخ ابو عبد الرحمن فهو من ناس منبر السلام الحاقد فهو لايقبل ما كتبة المناضل ياسر عرمان


#89322 [امين الشريف]
0.00/5 (0 صوت)

02-02-2011 10:25 AM
يا ابو عبدالرحمن ياسر عرمان سوداني 100% والعنصريون امثالك هم من اوصلوا البلاد حد التقسيم ولو قلت عرمان قتل ولد ناس الخنجر فنظامك قتل الاف المواطنين الشرفاء في الغرب والشرق والشمال والجنوب وطوفان الثورة قادم ليقتلهم من جزورهم وكذلك اذيالهم .


#89164 [ساميه سامى علاء الدين]
0.00/5 (0 صوت)

02-02-2011 02:41 AM
لك التحيه المناضل عرمان نصير المرأة احيك واحى فيك الروح النضاليه والوقوف مع المستضعفين وتنويرنا دائما بمايدور فى اروقة هذا النظام المتهالك نحن بك ومعك لدحر نظام البشير الذى احتقر الام والاخت والحبوبه والعمه والخاله والزوجه والابنه واتانا من حوش بانقنالتأديبنافي العاصمه هذا زمانك يامهازل فامرحى!! جونا بالحمير من قراهم بى شنط الحديد وراجعين بمليارات الدولارات!!!!! مسخره....
....
سير..سير ياعرمان معا لتحرير السودان
من الخاين الجبان...الذى سلبنا الامان
وكبل حرية الانسان...انت فعلا رجل الميدان الذى نحتاجه
حفظك الله لناياعرمان ...امل السودان
لو لقينا عشره من امثالك والله لطفرنا بالسودان ايما طفرة

لك الانحناءة والاحترام.....


#89114 [سوداني20 ]
0.00/5 (0 صوت)

02-01-2011 11:09 PM
بالمناسبة يا أخـــوانــا, المدعو المهندس الطيب مصطفى هذا ليس مهندساً. بل مجرد فني عملت منه الانقاذ انسان يتولى مناصب مثل إدارة التلفزيون و.....و..........!.

المصدر موثـــوق جـــــداً


#89110 [ابو عبدالرحمن]
0.00/5 (0 صوت)

02-01-2011 11:05 PM
.


#88974 [ود الفيل]
0.00/5 (0 صوت)

02-01-2011 06:27 PM
واللة انا مستغرب لو لم يكن عمر البشير قام بهذا الانقلاب المشؤم من منا كانا يعرف هذا المعتوة العنصرى المدعو الطيب مصطفى الذى يعطى ميزانية مفتوحة من اموال الشعب السودانى لكي يبث سمومة و احقادة و كراهيتة ضد مكونات الشعب السودانى واللة مهازل نعلت اللة على الكيزان فى مشارق الارض و مغاربها و خوفي على ثورة تونس و مصر من هؤلا العواليق


#88920 [khalid]
0.00/5 (0 صوت)

02-01-2011 04:48 PM
ياسر عرمان .... حديد وبجا حديد


#88726 [hamed]
0.00/5 (0 صوت)

02-01-2011 01:19 PM
لاتلعبوا بدستور انتم وضعتموه لاتحاكم بكاش وابوعيشه الشرق مظلوم ومهمش وهذا كلام معلوم للجميع انتم عدلوالدستور حسب الضغوط الممارسة عليكم لكن لاتعدموا ابنااكم حسب اهواكم وبهذه الطريقة توقدون نار الفتنة بلشرق بانفسكم لاتقربوا باكاش وابوعيشة بسؤ يعود عليكم ولاعذر لمن انذر 000000


#88714 [قرفان من الكيزان]
0.00/5 (0 صوت)

02-01-2011 12:58 PM
قرأت مقالة المناضل ياسر عرمان والذى يعتبر دليل قاطع للمحسوبية والعنصرية البغضاء التى لم

نستغربها من اناث أبعد مايكونوا عن الاسلام وتعاليمه وأخلاق رسولنا الكريم وصحابته رضوان

الله عليهم ___

الذى استوقفنى تعليق المدعو (ابوعبيدة احمد) والذى يخلو من الموضوعية والعقل الراجح __

هاجم الاخ ياسر ولم يتبق له الا وصفه بالكفر الذى اعتاد عليه أسياده وزبانية النظام الفاسد __

ما الغريب ياهذا لو تحدث ياسر عرمام عن الاسلام وعدالة الرسول رضوان اله عليه ؟؟؟

الك الحق أنت أوغيرك فى اعطاء الرخصة لمواطن مسلم بالحديث ؟؟؟؟ وبأى صفة ؟؟؟

فعلا ليس هناك فارق بين الطيب مصطفى وباكاش كمواطنين _ وقبل ذلك لياسر عرمان والذى

ناضل من اجل المواطن السودانى وماأنضمامه للاخوة الجنوبيين الا تعبيرا على انسانيته اولا

ومعارضته للظلم ومناصرته للحق __ فهو بذلك أشرف منك ومن امثالك الذين يهاجمون يجهل

ويصنفون الناس بهذا سودانى اصلى وذاك غير أصلى ____

أسألك ___ مامقياسك فى هذه المقارنة ؟؟؟

يكفى المناضل ياسر عرمان ترشيحه لرئاسة الجمهورية __ ولو تدرى ماشروط المرشح لما

قلت كلامك الغريب __ واذا لم تدرى فمصيبة __وافضل لك الصمت __

المناضل ياسر عرمان عاصرته فى الجامعة وان اختلفت معه فى الرأى __ فهو معروف بالخلق

العالى واحترام المخالفين له فى الرأى __ وله صداقات حميمة مع من يخالفونه 360درجة

وناضل وكافح ضد الديكتاتوريات البغيضة __ ودافع عن مبادئه ومعتقداته ودفع شيابه ثمنا

لاعتقاده بما يؤمن ____

هذا هو الفارق يين الناس __ وليس بأسلوبك أصلى وغير أصلى ___ وكفى _ ان عدتم عدنا_






#88688 [امين الشريف]
0.00/5 (0 صوت)

02-01-2011 12:18 PM
اقول للاخ ابوعبيدة وليس دفاعا عن الاخ عرمان مثل حديثك هذا يا اباعبيدة هو ما اوصل البلد لهذا الحال الذي لا يسر عدو ولا صديق فمن حق عرمان كمواطن ان يتحدث بما يراه هو وليس بما تراه انت وغيرك وحرية الرأي متاحة للجميع ولا يحق لك بأي حال طالما انتعارف الدين الاستهتار والاستهزاء بالناس والتخيف من شأنهم الم يرد هذا في الدين والقرآن؟؟؟؟ ام حلال عليك وحرام على الآخرين ... الاخ عرمان مواطن سوداني ويحق له الادلاء برأيه .... اما الفرق بين الطيب مصطفى وباكاش لا اعتقد ان هنالك فرق بينهما الا بالتقوى التي لا يعلمها الا الله لكن واقع الحال يقول ان الطيب مصطفى خال الرئيس ويحق له ان يقول ما يشاء وان يفعل ما يشاء ولو كان مخالف للصواب اما باكاش فلا يحق له ذلك لانه احد المهمشين الذين لا يزنون جناح بعوضة فكيف له ان يتحدث بهذا الحديث الذي يعتبر جريمة يعاقب عليها القانون بينما خال الرئيس وان نطق كفراً فهو المعصوم ابن المعصوم ....


#88654 [مواطن حرررر نفسه]
0.00/5 (0 صوت)

02-01-2011 11:41 AM
التهميش في كل السودان لاكن لاكن لاكن الجزيره مدينة ودمدني العاصمه

الاولي في العهد التركي ودمدني الان زي المقبره وأحد مافي أي عنايه بصحى المواطن

كل الولاة الشريف بدر الشاذ وعبدالرحمن سر الختم الكوارتي سرقوووا ودمورا

ودمدني الوسط مهمش من سنيين بعيده أين العدل يا حكومة السودان والجزيره


#88625 [سودانى]
0.00/5 (0 صوت)

02-01-2011 11:14 AM
ارحلوا ايها الموتمر الظالم الفاسد الفاشل



ارحلوا خيرا لكم

ارحلوا خيرا لكم



ارحلوا خيرا لكم


#88604 [فيصل ]
0.00/5 (0 صوت)

02-01-2011 10:49 AM
صدقني ياعرمان عقلية التعالي وحب السيطرة تمنعهم من الشعور بوجود الآخر ناهيك عن حقوقه.


#88603 [Zingar]
0.00/5 (0 صوت)

02-01-2011 10:48 AM
يا ابوعبيده اوع تكون مفتكر انك ابوعبيده بن الجراح...ازاى فيهو وفيه الطرب وين راح مناى زهرة الأفراح.
دعنى اقول لك يا سيد العارفين..لا انا ولا انت ولا عرمان فاهمين فى هذا الدين لأننا حا ننقسم الى ثلاثه وسبعين فرقه الا واحده هى الناجيه وهى هيئة علماء السودان....وكما تعلم يا سيد العارفين ان هذا لدين نزل غريبا وسيرفع غريبا...عشان كده خليك ظريف يا حريف.


#88589 [Omer]
0.00/5 (0 صوت)

02-01-2011 10:32 AM
كل ما فى هذا المقال صحيح
هنالك تمييز واضح ومحاباة ظاهرة
علمنا بها ونرفضها رفضا باتاً(علي الاقل بابداء الرأي)
ونسأل الله ان يتولي كل من يقع فى مثل هذه المواقف برحمته ويعينه علي الخروج منها سالما

لكن نصيحة لهذا الرجل:

تتعدد الاسباب فى انفصال الجنوب الحبيب وانت احدها
انت من زدت نار الحقد اشتعالاً

وكل ما بدأ ان الامر ربما يذهب الي الافضل( صفاء الاخوة بغض النظر عن وحدة او انفصال) جاءت كلماتك تنكأ جراحا قديمة نحن نقر بانها كانت اكبر الاخطاء فى حرب الجنوب.
الجنوب كان لابد له ان ينفصل فى ظل كل هذه المعطيات ولكن كنا نريده بشئ من الرضاء ولو قليل( انفصال وليس استقلال) كما كنت تكرس لهذه المعاني.

ثم ماذا بعد ان انفصل الجنوب؟؟؟؟؟؟؟؟؟

ماهو الثمن الذي قبضته ؟

الخيبة!!!! اليس كذلك؟؟؟؟
اذا
رجاءً امسك عليك قلمك والزم جانب الصمت ......

فلا انت اهلاً للتحدث عن الحقوق والواجبات
ولا انت تنشد للناس الحريات....

أكرمنا بالسكوت فربما يكون فيه صلاحا وتكفيرا عن ما زرعته فى نفوس اخواننا الجنوبيين تجاه اخوانهم(المواطنين) الشماليين..
دع الحديث عن الشرق وجبال النوبة والنيل الازرق...
فلا انت منهم ولاهم ينتظرون منك التشهير والصياح من الجلهم
فهم اقدر منك علي التعبير عن الحق والواجب.....

فقط رجااااااااااااااااااااااااااااااااااااااااااااءءءءء




#88560 [محمد احمد الحورى]
0.00/5 (0 صوت)

02-01-2011 10:00 AM
ان النزعة العنصرية للشماليين
والمتمثلة فى كونهم يرون انهم دون غيرهم من السودانيين اعلى شانا
ويستغلون فى ذلك الاسلام والعروبية ولا يعترفون بالقوميات الافريقية
واريد ان اورد لك مثالا حيا : -
الحزب الحاكم وهو المؤتمر الوطنى يتكون مجلسه القيادى من 30 عضوا من 25 عضو يرجعون لاصول شمالية حتى ولو اتو من ولايات غير الشمالية واقصد هنا بالشمالية بالمنطقة من حلفا حتى مدينةالجيلى شمال الخرطوم 25 عضو فى المجلس القيادى من جملة 30 عضويمثلون كل السودان فى الحزب الحاكم هم من الشماليين اضافةالى الرئيس واثنين اخرين هم المتبقين من مجلس قيادة الثورة ( وزير الدفاع - عبد الرحيم محمد حسين من دنقلا وبكرى حسن صالح من دنقلا ايضا
ولو رجعنا الى تعداد سكان هذا الاقليم بالرجوع الى السجل الانتخابى الاخير 2010 م نرى ان مجموع الناخبين فى هذا الاقليم 700000 ناخب وبالمقارنة مع ولاية كسلا عدد ناخبيها 700000 ناخب ولكن كم منهم فى المجلس القيادى للمؤتمر الوطنى
نصيبهم واحد فقط بينما الشماية 25 عضو من جملة 30 زائدا الرئيس وعضوى مجلس ثورة الانقاذ
وكيف النتيجة لو قارنا ها ايضا مع دارفور والتى عدد الناخبين فيها يفوق المليون لن تصدق عضو واحد وهى حليمة حسب الله
بهذه الطريقة التى يتصرف بها المؤتمر الوطنى يجر السودان باسم الشمال بهذه السياسات الرعناء التى تفيت ما تبقى من السودان
ولذلك لا بد لقيادات المؤتمر الوطنى ان تتصالح مع نفسها وتعترف للاخرين فى حقهم ان يكونوا اخرين
ولا يعقل ان تجبر احدا على ان يكون جزءا من وطن هو ليس جزء من سيادته


#88511 [عمر الشريف ]
0.00/5 (0 صوت)

02-01-2011 09:15 AM
من حق باكاشا ان يقول لان حرية الراى والتعبير يكفلها الدستور لكل مواطن والسودان كله مهمش وخاصه فى الاقليم الشرقى والاوسط .والذى يقول خلاف ذلك ام ان يكون منافق او اعمى . الذى يحيرنى ان ياسر عرمان يتكلم عن الدين هل رجع الى الاسلام والمسلمين ؟؟؟ لو كان هناك محاكمه يحب أن يحاكم ياسر عرمان على ما فعله فى السودان عندما كان متحدث الحركة الشعبية لانه تسبب فى ترويع المواطنين وقتل ابناءهم لحشدهم فى المعسكرات من قبل الحكومة بسبب ت صريحاته والتشهير بالسودان فى المحافل الدولية وتقديم اشاعات كاذبة لدول المعادية لضرب السودان ام نسى ذلك ؟؟؟


#88510 [Mabba]
0.00/5 (0 صوت)

02-01-2011 09:14 AM
To Abu Alssara... Mr. Arman is supporting the ISSUES of IDEAS and struggling descrimination and as well as Bakash and any loyal sudanese calling for Equality and Fairness..


#88498 [بروسلى]
0.00/5 (0 صوت)

02-01-2011 09:01 AM
العدالة للجميع
حتى لاتكون فتنة

وللظالم نهايه ايها الموتمر النفعى

ايها الموتمر الظالم البشيرى

نحن نعلم انتم لايهمكم الوطن الا انفسكم

ولهذا ان ترحلوا بانفسكم

وتعيشوا بين الناس

هذا افضل لكم لان لاتوجد جهة تستقبلكم حتى الدولة التى تستقبلكم

مصر نفسها فى ورطة


#88490 [ود الهودى]
0.00/5 (0 صوت)

02-01-2011 08:51 AM
المؤتمر الواطى عندما اعتقل المواطن باكاش وزميله كاظم وقتها يعلم المؤتمر النفعى ان هذه الجريمه سوف تحرك كل مهمش فى السودان وانسان الشرق بصفة خاصه لانها عمليه استفزازيه
لايعقل عندما يتحدث بجاوى على ان التهميش يقود الى انفصال الشرق يتم اعتقاله لان فعلا التهيش ادى الى انفصال الجنوب

هذا هو النقد حتى يعلموا ان فى الشرق تهميش
اليس هذا مخطط عبدالرحيم حمدى لتفتيت السودان

والكل يعلم ان
هذه العمليه من خبائث حكومة البشير

حتى ينفذوا مشروع مثلث عبدالرحيم حمدى

ولهذا ندعوا كافة المواطنيين ان ينتبهوا لمامرات الموتمر الواطى لتفتيت السودان

العدالة لجميع السودانيين لا للعنصريه حتى نحافظ على الوطن
اليوم شرق السودان
وغدا دارفور
والنيل الازرق
كردفان
جبال النوبة
ان ننتبه للموتمر الواطى لتفتيت السودان
ان نقول جميعا لا عاش من يفتت وحدة تراب الوطن من اجل دنيا



#88411 [التيار ..]
0.00/5 (0 صوت)

02-01-2011 02:54 AM


هذا مواطن « رئاسي » وذاك ( عادي ) جداً وأغبش .. يفرق (كتير) ، شن جاب لجاب ؟؟


#88393 [ابوعبيدة احمد]
0.00/5 (0 صوت)

02-01-2011 01:25 AM
ياسبحان الله عرمان بيعرف يتكلم عن الدين الاسلامي وعن عدالة الرسول الكريم وصحابته رضوان الله عليهم - ياخي والله انت اخر من يتكلم عن الاسلام - اما الفرق الذي بين المواطن الطيب مصطفي وبين المواطن باكاش ليس هنالك فرق بينهما من كونهما مواطنين سودانيين اصيلين - ولكن انت يقارنوك مع شنو ولا اقول مع منو - وانت لسة ما خلصت من خوازيقك في الجنوب عاوز تمش للشرق تسو خوازيق هناك - والله انا مستغرب جدا كيف اهلك متحملنك من ثقالة دمك وهبالتك


ردود على ابوعبيدة احمد
Saudi Arabia [الوالي ] 02-01-2011 05:55 PM
\" ابو عبيدة \" الشيوعية فكر سياسي ليس نكران للدين اذا لم تعلم فاذا كان الشيوعية حسب تعريفك له كان ياسر \" يغير اسمه الى بيرغوف او كلاشنكوف او بيرماكوف فاعلم فان الشيوعية ايدلوجية سياسية لاشان له بالدين فلا تسخر بعرمان او اي شيوعي اخر وقبل ان تتحدث في اي امر يجب عليك مراعاة القاريء الاخر والكلام الوارد هنا حقيقة لماذا يفرق بين باكاش والطيب مصطفى صاحب الفتنة الكبرى فهل انه خال البشير ؟ ام انه عريبيوي اسلاموي ؟ وهل انه سيدخل الجنة ام الاخر باكاش مكتوب عليه الجهنم ؟ الواقع يقال في فم الكلاش والمدفع وكلام باكاش صحيح قانونيا وليس تحريضا لانه يناشد الجهات المسئولة في حال عدم اهتمامهم بانسان الشرق المهمش سيضع نصب عينيه ويطالب بالانفصال كما حدث بالامس القريب مع الاخوة الجنوبين

United Arab Emirates [عادل ] 02-01-2011 09:34 AM
وسبحان الله انك عميت عن موضوع المقال وما شفت الا ياسر ودفقت ما بإنائك فاضحا ضحالة تفكيرك ومستوي قيمك الاخلاقيه ......
إذا اعطيناك من واحد الي 10 بكم تقيم نفسك ؟؟ بالمناسبه الصفر غير مضمن .. قد تكون امينا ولا تجد الرقم (مستواك) .


#88386 [boiler]
0.00/5 (0 صوت)

02-01-2011 01:03 AM
ان ذلك ما يمكن ان تتوقعه من هولاء ... يحكمون بامزجتهم وغرائزهم .. لايسندهم دين ولا اسس عدالة وحق انسانى ... لذا فسوالك مشروع يعبر عن وعى بمقاومة التهميش ويستند على حق انسانى اصيل فى المساواة .. ماهو الفرق بين مواطن ومواطن ؟؟؟...


#88372 [قرفان]
0.00/5 (0 صوت)

02-01-2011 12:08 AM
ياخي ديل والله العظيم مابشر

انا بس عندي سؤال محيرني.....
الشعب السوداني دا منتظر شنو.....؟


#88359 [القدال]
0.00/5 (0 صوت)

01-31-2011 11:14 PM
التحية للمناضل الرفيق ياسر وأقول حاجة الطيب عندو عقدة من ال
وبعديين يا صاحب التعليق الفوضك تتكلم بأسمنا منو يا أخونا _الثورة قادمة شدوا الأحزمة


#88333 [IDRIS]
0.00/5 (0 صوت)

01-31-2011 10:17 PM
يا أخواني ما لكم لا تعدلون ألم تنادي الحركة الشعبية بالقيم الإنسانية المقدسة ((الحرية والعدالة والمساواة)) ؟؟؟ يمكن أن نختلف معه في وسائله لترسيخ هذه القيم لكننا يمكن أن نتفق معه في الإيمان بهذه القيم لأن القيم هي التي تحكم كيفية أداء الرسالة لمصلحة البشرية جمعاء.


#88305 [Muslim.Ana]
0.00/5 (0 صوت)

01-31-2011 09:31 PM
اخونا صاحب المساهمة الاولى (السيد قرنق بالانجليزي)
سبحان الله! اول سطر في كلامك هو نفسه الرد على ثالثاً بتاعتك. وزي ما انت قلته انفصال الجنوب هو احترام لرأي الاخرين وبالتالي ياسر عرمان كان بقى شمالي ولا لو بقى حاوي ما بقدر يغير (رأي الاخرين) والمواطن الجنوبي لو كان شاف تنمية وتغيير في الفترة الانتقالية كان احتمال يغير رايه ويصوت للوحدة ودي كانت مسؤلية الحكومة يا حكومة انتا(و كانت دي هي مؤنث كان وهو فعل ماضي مبني على الفاضي بالذات مع حكومة السجم دي).
وبالمناسبة انا بختلف تقريبا مع كل افكار ياسر عرمان لكن ده براهو ودا براهو، والمكتوب في المقال ده حق وفعلا القضية هي كيل بمكيالين لو ما اكتر.
فياخي المرحلة حرجة وما بتستحمل الهرجلة والنطيط وبعد ما ننتهي من قضيتنا الكبيرة بعد داك نتفاهم مع ياسر عرمان او غير ياسر عرمان. واعتقد انو الكلام ما داير شرح اكتر من كده الا لو كنت امنجي مندس واحتمال مغير اسمو ففي الحالة دي حا اعذرك وهرجل هرجلتك ساكت لكن المشكلة انو ما بتلقى ليك طيرة يسمع كلام الطير حقك ده وفي وقت زي ده فالجنوب ولى خلاص ودايرين كلنا نحاول نلحق الباقي الانفصالي مننا والما انفصالي.


#88294 [Abu Alssara]
0.00/5 (0 صوت)

01-31-2011 09:17 PM
again Arman again
yesterday was south
today is east
and what will be tomorrow
west and north
Arman be away
dont play with fire again


#88293 [mmmmmm]
0.00/5 (0 صوت)

01-31-2011 09:15 PM
والله انت الذى زرعته الكراهية ورسختها فى قلوب الاخوة الجنوبين والتى ادت الى تقسيم الوطن واليوم بعد طردك من الجنوب بواسطة باقان اموم تريد ان تبحث لمكان لك لكن اقولها لك بلسان كل السودانين الشزفاء لا مكان للعملاء فى السودان


#88276 [حامد]
0.00/5 (0 صوت)

01-31-2011 08:47 PM
السودان سيصبح صومالا اخرى لانه فى النهاية لن يجد الناس الا السلاح لحفظ كرامتهم ولكن الافضل الاستعانة بالمجتمع الدولى كما حدث فى افغانستان للقضاء على هؤلاء المنافقين والقبض على الرئيس وكل من جاء فى قائمة المحكمة الجنائية , صدقونى لغة السلاح والمجتمع الدولى هي التى تنفع مع هؤلاء فلا بد من اتحاد الحركات المسلحة والمعارضة والشعب سويا مع المجتمع الدولى للقضاء على الطواغيت


#88212 [الحوت]
0.00/5 (0 صوت)

01-31-2011 06:49 PM
آآآآآلآآآآآآآآآآآآن



الطيب مصطفى ما جاب حاجه من خيالو ابدا انما تبع ونفذ ما امرته به سياسات حزبه. الم يقل ال(قشير) ان الجنوب كان عاله على الشمال؟

تيييييب!!!!!!!

حاجه واحده نتمناها وهى ان يعنا الله على الخروج من ( زجاجة ) اعنى التخوف من بطش السلطه . وان تتتوحد جهود الشباب وقادة الاحزاب لاسقاط هذه الطغمه.


#88210 [حسن تانقو]
0.00/5 (0 صوت)

01-31-2011 06:47 PM
التحية لك المناضل الرفيق ياسر عرمان العدالة في السودان خشم بيوت بما ان خال المرتكب الجرائم الابادة الجماعية في دارفور عمر الرقاص يدعو عبر صحيفة الكراهيةوالفتن واقلية المنبوذة يقولون وما زال يقولون الكثير عن ما قالة الصحفي بكاش ولايحاكم لانة خال المجرم الرقاص


#88198 [ود الجزيرة]
0.00/5 (0 صوت)

01-31-2011 06:26 PM
المسألة وما فيها يا سيد ياسر ..تكمن في انشقاق جديد في أروقة المؤتمر الوطني المتشقق اصلا..وليس لها علاقة بالدستور ولاتقويض الحكم....فباكاش وابوعيشة يعبران عن تيار جديد ..يسير في اتجاه خلق ( مؤتمر شعبي آخر )) بلغة بيجاوية..لو ان دعوتهما قد تصاعد صوتها فستصل الي كل تخوم الشرق..الذي يمثل قاصمةالظهر للنظام اذ قد يفقد ثغرا يبتسم به ناحية تجهم الخارج..أو يدفع بقبضته يلطم من خلالها ناجية الوجه الداخلي للاقتصاد نهبا لمقدرات الامة.. ومع اننا نقول اللهم اجعل كيدهم في نحرهم ..لكننا نؤيد الدعوة المثتالية للوقوف مع المتهمين انصافا لحقهما في حرية التعبير ..التي بات النظام الخائف من هبة المصريين بعد طول صبر وصمت...وقد تجلي ذلك في حجب جريدتي الصحافة وأجراس الحرية اليوم.. والبقية تأتي.. فهل يكون للشارع راي اخر صونا لكرامة الشرق والغرب والشمال والوسط..وجنوب ما دون الجنوب في وطننا المتبقي..؟؟؟


#88195 [garang manyeit]
0.00/5 (0 صوت)

01-31-2011 06:22 PM
اخوانى انفصال الجنوب ليس هو السبب فى تفكيك السودان ليصبح دولة مستعمر من قبل الدول بل هو احترام راى الاخرين
ثانيا:-
السودان محكومة دكتاتوريا لا وجود لدمقراطية لذالك ارجو من كل الحكمات الشمالية ان تعمل لصالح الدمقراطية و من اجل جعل السودان دولة مستقر الاوضا الامنية دون اى تفلتات امنية
ثالثا:-
سيد ارمان هو صاحب المكانة فى الحركة الشعبى و هو من الشمال هل سالت نفسك كيف يبدو هذه سيد النائب ناضل من اجل التهميش و ليس من اجل التفكيك!


ردود على garang manyeit
Kenya [Muslim.Ana] 01-31-2011 09:28 PM
اخونا صاحب المساهمة الاولى (السيد قرنق بالانجليزي)
سبحان الله! اول سطر في كلامك هو نفسه الرد على ثالثاً بتاعتك. وزي ما انت قلته انفصال الجنوب هو احترام لرأي الاخرين وبالتالي ياسر عرمان كان بقى شمالي ولا لو بقى حاوي ما بقدر يغير (رأي الاخرين) والمواطن الجنوبي لو كان شاف تنمية وتغيير في الفترة الانتقالية كان احتمال يغير رايه ويصوت للوحدة ودي كانت مسؤلية الحكومة يا حكومة انتا(و كانت دي هي مؤنث كان وهو فعل ماضي مبني على الفاضي بالذات مع حكومة السجم دي).
وبالمناسبة انا بختلف تقريبا مع كل افكار ياسر عرمان لكن ده براهو ودا براهو، والمكتوب في المقال ده حق وفعلا القضية هي كيل بمكيالين لو ما اكتر.
فياخي المرحلة حرجة وما بتستحمل الهرجلة والنطيط وبعد ما ننتهي من قضيتنا الكبيرة بعد داك نتفاهم مع ياسر عرمان او غير ياسر عرمان. واعتقد انو الكلام ما داير شرح اكتر من كده الا لو كنت امنجي مندس واحتمال مغير اسمو ففي الحالة دي حا اعذرك وهرجل هرجلتك ساكت لكن المشكلة انو ما بتلقى ليك طيرة يسمع كلام الطير حقك ده وفي وقت زي ده فالجنوب ولى خلاص ودايرين كلنا نحاول نلحق الباقي الانفصالي مننا والما انفصالي.


ياسر عرمان
ياسر عرمان

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة