توجد (واو) جديدة
05-02-2014 08:14 AM


- مما الناس قعدت تهبش فى السلم التعليمى وتغير فيهو التعليم ماضاق عافية وما قامت ليهو قائمة تانى … مره ستة تلاتة تلاتة … ومرة تمانية تلاته صفر …ومرة عوزين يعملوهو تسعة تلاته …ومرة مش عارف أيه .. خلاس خلوها أطناشر صفر وريحونا !

- أيه المشكلة لمن موظفين يشيلوا الورق المروس بتاع والي وكمان الختم ويقلدوا الأمضاء ويستولوا على مليارات وبعدين (يتحللوا) .. يحلنا الحلا بله .
- نفسي أعرف رأي (علماؤنا) في مسألة (التحلل) دي؟ .. ساكتين (جنس سكتة) هههههه
- بعد غلاء السلع ذات القيمة الغذائية العالية كالفراخ واللحوم والفاكهه وكون أنها أصبحت خارج ميزانية المواطن .. سنة سنتين وكل الشعب الفضل ح يكون مصاب بالأنيمياء .. (فقر الدم)
-قرأت تقريراً علمياً عن أضرار تناول الدكوة وتسببها فى مرض السرطان لذلك ومن هذا المنبر أنادى بفصل الدكوة عن السلطة .
- التحدث بالموبايل مخالفة .. ما قلنا حاجة .. لكن الإنهماك فى مشاهدة ما تبثه (الشاشات التلفزيونية العملاقة) الختوها لينا قدام كل صينية وتقاطع (صورة وصوت) دى أكبر مخالفة .. (الشاشات دي تكون بتاعت منووو)؟
– من علامات العبقرية التى أصبح يتمتع بها الشعب السودانى أن الطالب الجامعى بيدخل المحاضرة ما شايل ليهو لا ورقه لا قلم .. فى عبقرية أكتر من كده !
- عندما ذهبت إلى الطبيب اشكو له إرتفاع ضغط الدم كتب لى فى الروشته .. إبتعد عن سماع تصريحات المسئولين (المجغمسة) وملفات الفساد ولأخبار وزارة العدل وتعال قابلنى بعد عشرة يوم (عشان المراجعة المجانية بتنتهى بعد أسبوع)
- نحن شعب لا يعرف الرشوة .. لم تسجل مضابط الشرطة منذ الإستقلال حالة واحدة لا لموظف أو لمسئول تمت رشوته .. نحن شعب مصنع بمواصفات عالية الجودة !
– لو كنت مسئولاً (كبيراً) لأصدرت أمراً بعدم ظهور المسئولين فى حفلات إفتتاح أى مشروعات … معقول وزير يسيب شغلو ومهامو ويمشى يفتتح ليهو (شفخانة) فى (أم جلافيط) مع أنو (أم جلافيط) الكهرباء ذاااتا لسه ما وصلتا ؟
– لو قمت بتضريبه بسيطه لمنصرفات الزول (كان قعد فى سريرو وما قام) لمده شهر لوجدتها حوالى 200 جنيه بالجديد .. نفايات … خط تلفون .. إيجار عداد كهرباء.. إستهلاك مياه .. عوائد .. بالله ده إسمو كلام ؟
– من قام بإتخاذ قرار (السبت إجازه) إضافة ليوم الجمعة أكيد كان غلطان .. يومين إجازه ؟ وخمسة يوم شغل؟ مفروض يكون العكس خمسة يوم إجازة ويومين شغل !
- تمتلئ الوسائط الإعلامية هذه الأيام بإعلانات عن المستوصفات الإستثمارية من شاكلة .. لقد تم بحمد الله وتوفيقه افتتاح (مستوصف تمساح الدميرة التخصصى) لجميع الأمراض وبأطباء عالميين ، المستوصف تتوفر به جميع أقسام الرعاية الطبية…. قسم خاص للغسيل…غسيل كلى…غسيل مخ ..غسيل عدة.. غسيل سجّاد وموكيت …غسيل بخار مستعجل وغسيل جيوب (طبعن)
- بعد وضع الإشارات الضوئية مكانها تأكد لى بأن لدى الحكومة إصرار عجيب فى (حذف) الصينية من حياتنا.
- هل تعلم عزيزى القارئ ان الفرق الوحيد بين عربة الإسعاف (عندنا) والعربة العادية أن الأولى يفسح لها الطريق .. لا كادر طبى لا أدوية منقذة للحياة لا أجهزة ولا يحزنون !
- يقولون أن عهد الأنبياء قد ولى ولكن لدينا خمسة ملايين (مسئول) معصومون عن الخطأ !
- لا يوجد لدينا عاطل واحد عن العمل فنصفهم قد هاجر بينما النصف الثانى قد قضى نحبه منتظراً .
- أعجب لبعض الأثرياء عندنا الذين لهم أكثر من نشاط (أدب – رياضة – صحف – شعر – تلحين) شخصياً لو كنت أمتلك مليوناً واحداً من الدولارات لما كتبت (سطرً واحد) .. أكتب وللا أقعد أعد فى المال ده ؟
كسرة:
حقو الحكومة توزع (ليمونة) لكل مواطن … حالة (طمام) شديد !!
تنبيه :
توجد واو جديده !!
كسرة ثابتة (قديمة) :
أخبار ملف خط هيثرو العند النائب العام شنو(وووو وووو وووو وووو وووو وووو وووو)+و+و؟
كسرة ثابتة (جديدة) :
أخبار تنفيذ توجيهات السيد الرئيس بخصوص ملف خط هيثرو شنو(وووو وووو وووو)+و+و؟


تعليقات 14 | إهداء 0 | زيارات 5497

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#992196 [حمدي]
2.00/5 (1 صوت)

05-03-2014 02:56 PM
من زمان قلنا الناس ديل حرامية و كضابيين ---- أها هسه بعد غضائح الهير و اللبع و الختف و الكربات و التصبينات -- ظهرت برة في السهلة --- كمان جابت ليها مخدرات استيراد و تصدير و تهريب بالسنايك الي الدولة التي بها قبلة المسلميين من اهل القبلة .

[حمدي]

#991766 [عادل احمد]
4.00/5 (2 صوت)

05-02-2014 09:08 PM
استاذ/ جبرا
سمعنا أنو الحكومة عملت ليك عقد مع جريدة الشرق القطرية براتب ضخم ودون أن تظهر هي إي الحكومة في الصورة ( صحي الكلام دا )
( دايرين يبعدوك ويخلونا مع ناس تيتاوي والكرنكي ) .
( يازول ما تمشي وتفكنا عكس الهواء مع الجماعة ديل ) . لآنك بتخلينا نشعر انو قد يكون هناك امل
غايتو لو مشيت حتجي تلاقنا كلنا بنهتف هي لله هي لله لا للسلطة ولا للجاه .
وتكبير تكبير تكبير وارمي قدام .

[عادل احمد]

#991613 [radona]
3.75/5 (5 صوت)

05-02-2014 04:06 PM
ت تحلل
ت تحكيم
الناس تخطو حرف الواو
السودان سيوقع اتفاقية مكافحة الفساد بالامم المتحدة ويطلعهم على القوانين التي سنها من اجل ذلك بما فيها قانون الثراء الحرام والمشبوه المتضمن التحلل
اكتشفنا ان منظمة الشفافية العالمية غير محايدة لانها صنفت السودان الدولة الثانية واحيانا الثالثة في مجال الفساد وفي هذا غمط لحقوق السودان الذي ثبت بانه الدولة الاولى في هذا المضمار
اؤكد لك يااستاذ جبره ابليس نفسه في حالة دهشة من حجم الفساد والافساد في السودان
وهذا وجه فقط لسياسة التمكين وماخفي اعظم
وهي لله والله اكبر

[radona]

#991607 [عبد الملك]
4.50/5 (5 صوت)

05-02-2014 03:57 PM
إتكل على الله وإشتغل محكم(بضم الميم) عشان تجنى المليارات صدقنى الشغلانية لن تتعدى قولك باركوها ياجماعة الخير ... مساكين حكام مباريات كرة القدم... يأتى أحدهم لبيته مفلق ولا يجد عشاءه معلق .بالمناسبة هل يعرف جيل اليوم ملاح البربور !!!!

[عبد الملك]

#991559 [mazin]
4.07/5 (5 صوت)

05-02-2014 01:48 PM
السلام عليكم الاستاز الفاتح جبرا

داير اسال عن المخدرات الجات ومافي زول جاب ليها سيره
كلو عن الوالي ما كلنا عارفين الحاصل من بدري و ما جديد علينا
بس مخدرات و بالكميه دي .
يعني ما دايرين شاب واعي .
عشان شنو دي جاوب لي انت ?

[mazin]

#991550 [حليمه وجزمتا القديمه!!]
3.00/5 (3 صوت)

05-02-2014 01:27 PM
ياجبر إنت سبب البﻻوى البيحصل لينا ده إنت عارف ليه؟!!وبما ان النظام مكابر و(مجاكر) ومعتاد على أن ﻻيسمع إﻻ نفسه ختاك فى راسو بسبب (واواتك) وقال لنفسه (اها..انا يااوﻻ ال... ديل)وبيتصرف معانا كلنا على هذا اﻻساس !!وماعندنا طريقه عير نمسك خشمك عشان الحاله تتصلح!!وبمناسبة الشاشات الضخمه الفى الشوارع !! هل تعلم بان سلطات الحركه هى السلطه الوحيده فى العالم السايبه سواقين المركبات تجرى فى الشوارع معتمدين على ذكائهم وفهلوتهم !!وعشان كده ما بتجد فى التقاطعات مايفيد اولوية السير لمنو وزمان الخرطوم وعدد العربات ما كانت تجاوزت اصابع اليد كان بتجد ﻻفته مكلفه مصنوعه من الحديد الظهر ومكتوب عليها (قف قبل متابعة السير) بالعربى واﻻنجليزى وهسع حتة صاجه غلبتهم،،وكمان كان بيكتب على ارضية الظلط ممنوع الدخول /وقف /واسهم تدل السائق للمسار الذى يجب أن يتبعه!!وده كلو كوم وإنتشار الكمائن (المخفيه) كوم تانى !! وتلقى رجل شرطة المرور وكأنه معبى شرك زرزور ﻻبد فى حته عشان تغلط ويحرر ليك مخالفه ثم دفع فورى وطبعا له فيه نصيب وانا فى راى ياجبر بدل الواوات اكتب ززززززز وما يهمك نحنا كده هنفهما برضو !!!!!!.

[حليمه وجزمتا القديمه!!]

ردود على حليمه وجزمتا القديمه!!
[radona] 05-02-2014 04:09 PM
يجب ان يتم خصخصة شرطة المرور واتاحة الفرصة للشركات ان تدخل مجال تنظيم المرور وجباية المخالفات عن طريق عطاءات بما ان شرطة المرور اصلا بتحصل المخالفات بدون اورنيك 15


#991538 [دا كلام ما صاااااح]
4.00/5 (5 صوت)

05-02-2014 01:12 PM
ما شفت مسؤول بربر الإفتتح العلامة المرورية قف ؟؟

الطالب البجى المحاضرة لا ورقة ولا قلم ، جاى فوق راى
عاااارف انه ممكن يتحلل من الإمتحان بسهولة


مبروك الواو الجديدة

[دا كلام ما صاااااح]

#991500 [wedhamid]
4.13/5 (5 صوت)

05-02-2014 12:17 PM
يا أستاذ جبره الظاهر عليك ما إتطلعت على خبر إفتتاح اللافه المروريه فى بربر و أنقتها أليظ بضبانتها !!! لأنو دا كووولو محسوب فى صحيفة إنجازات الإنقاذ

الحكومة تفتتح لافتة مرورية - شاهد الصورة


الحكومة تفتتح لافتة مرورية - شاهد الصورة

قف تأمل..!!

05-01-2014 03:52 PM
الراكوبة تداول ناشطون في مواقع التواصل الاجتماعي صورة لعدد من المسئولين يُعتقد انهم معتمد بربر وآخرون وهم يفتتحون لافتة مرورية !.

وأثارت اللقطة موجة من السخرية وسط المعلقين عليها واستدلوا بها كمؤشر علي حجم التدهور الذي اصاب مؤسسات الدولة. ويظهر مع المعتمد ضابط شرطة وعدد من المواطنين والاطفال وبعضهم يبتسم.

ويبدو ان إفتتاح اليافطة المرورية وإقامة الاحتفال بالمناسبة يجئ كإستجابة لنداء كان قد وجهه والي الخرطوم عبدالرحمن الخضر نهاية العام قبل الماضي حين دعا عضوية حزب المؤتمر الوطني بضرب الطار للمشاريع التي تفتتحها الحكومة "ليرى الناس ما فعلتم لهم".

وبرر الخضر المتهم باختلاس ارقام فلكية دعوته وقتها: "نريد أن نخرج الناس من أجواء الإحباط وصغائر الأمور وأن الدولار نازل واللاّ طالع، والمحاولة الانقلابية ومرض الرئيس، وتسجيل هيثم مصطفى".

وطالب الخضر العضوية "بدق الطار حتى ولو على افتتاح غرفة بسط أمن شامل". ومن الراجح ان معتمد بربر قرر منافسته فيما هو اقل شأناً وضرب الطار لافتتاح يافطة مرورية في مدينة لايشكل موضوع الإزدحام والمخالفات المرورية احد همومها وهواجسها!.

من الضروري ان نشير ان اليابان احتفلت قبل سنوات بإلغاء اليافطات والتحذيرات المرورية علي شاكلة STOP لان شعبها وصل مرحلة من الرقي واحترام القوانين لم يعد معها في حوجة لمثل هذه اليافطات التحذيرية.

[wedhamid]

#991495 [المهندس سلمان إسماعيل بخيت على]
4.25/5 (5 صوت)

05-02-2014 12:14 PM
يا أستاذ الفاتح جبرا ماتكون ضياق كده الرئيس وعد كل المشكلات دى بيحلها
حصل يوم الرئيس دا ياجبره كضب عليكم
حصل يوم الرئيس دا يا جبره قال ليكم حاجة وماعملها
الرئيس دا أول ما وصل قال ليكم جينا بالإنقاذ عشان تنقذكم - كلام دا بعد ربع قرن طلع كضب
طيب الضيق شنو
اصبروا كمان 75 سنة الرئيس لمان يقفل قرنه الأول بعدين إتفصحوا والضيق ياولدى ضيق
شعب زى دا عمرى ماشفته
وحقيقة إنتو مابتستاهلوا ريس بالشكل والفهم دا
شوية بس 75 سنة بس لسع فى كيزان ناركوك مابنوا قصورهم ولا خزنوا ملايين خلوهم يخلصوا الكيزان بعدين بيجوكم
الضيق لى شنو

[المهندس سلمان إسماعيل بخيت على]

#991452 [salma]
4.50/5 (2 صوت)

05-02-2014 11:12 AM
لاستاذ الفاتح جبرا
ارجو التكرم بلبحث والتقصي حول الموضو ادناه
موضوع طلاب الهندسة المعمارية كالاتي
كل الدفع بضم الدال من خريجي كلية هندسة العمارة من جامعة المستقبل رفض المجلس الهندسي منحهم الرقم الهندسي وهو الرقم الذي يخول لكل مهندس معماري رسم الخرط واجازتها من وزارة التخطيط العمراني والاشراف علي المباني من بناء وهد وخرصانة وغيره جاء الرفض بحجة ان الكورسات التي درسها الطلاب لاتتوافق مع المناهج في الجامعات التي بها كليات هندسة معمارية كجامعة الخرطوم وغيرها
توصلت وزارة التعليم العالي والمجلس الهندسي والجامعة الي حل وسط وهو عمل كورسات اضافية للطلاب تحت اشراف المجلس والجامعة والوزارة ورضخ الطلاب لذلك وجلسوا للكورسا ت وللاسف الاسيف لم يكن هناك اتفاق بين الجهات الثلاث حول من يعد الامتحانات ومن يقيمها ومن يصححها ولا كيف تكون طريقة اعدادها وهكذا رجعنا الي المربع الاول
نحن كاولياء امور نحمل الجامعة برئسها الدكتور ابوبكر مصطفي اولا هذه المسئولية والمجلس الهندسي ووزارة التعليم العالي مسئولية مستقبل ابنائنا ونسال الله ان ينتقم منهم جميعا
نحن نتالم عندما نري الحسرة والالم في اعين ا بنائنا دون مستقبل ودون وظائف علما باننا كنا ندفع الرسوم كاملة بالملايين ( دون تقسيط ) كشرط اساسي للقبول واستمرار الطالب في الدراسة
اللهم ارنا فيهم يوما اسود كيوم عاد وثمود وفرعون وقوم لوط
علما باننا ومع ابنائنا نعمل علي رفع قضية علي كل هذه الجهات حتي ينال ابناءنا حقهم
نحن اولياء امور الطلاب نعول عليك ونامل ان تاخذ هذا الموضوع علي محمل الجد
وحسبنا الله ونعم الوكيل

[salma]

ردود على salma
United States [محامي الشيطان!!] 05-02-2014 06:16 PM
الوداكم جامعات قبل ماتعرفوا معترف بيها ولا لا شنو!!! اي واحد يكضب تصدقوهو!!!!افخم جامعة هندية في الهندسة بربع تكاليف جامعاتنا الخاصىة المواسير ديله!!!معليش الشفع لسه صغار ومافي شغل!!!خليهم يقروا تاني في اي جامعة معترف بيها من الدكاكين الخاصة!!!ممكن البروف السمسار والوزير يقبلم بنصف القيمة لعدد من السنوات!!!!واهو اخير من الانتظار غير المجدي في قضايا تاخد سنوات ويضيع العمر!!!!صدقني قضايا ومحاكم بعد تدخل الريس حتلحق هيثرو!!!!!!!!! شوفت عينك جبرة زاكي الموضوع وحينزل المعاش ومطار هيثرو يبقي راكوبة وما حيحصل حاجة!!!!شفت ليك مافيا بتحاكم بعض!!!


#991446 [hahaha]
4.13/5 (5 صوت)

05-02-2014 10:59 AM
"توجد واو جديده !!"

يا عمك انتى كدة زى العامل اعلان لبيع الواو ..الواو دى لونا شنو وموديل كم ومشت كم كيلو وترخيصا بنتهى متين ؟؟84

[hahaha]

#991422 [AMJAD]
4.29/5 (6 صوت)

05-02-2014 10:17 AM
الاخ جبرا اخبار السودان الخارجيه شنو؟ كل يوم بصحى عاوز اعرف لسع السودان ما اتباع و غيرو اسمه , لانو هرمنا مع الانقاذ و لم يعلن ببعه حتى الان

[AMJAD]

#991398 [ادروب الهداب]
2.75/5 (4 صوت)

05-02-2014 09:38 AM
انت ياجبرا لسه في فيلمك القديم الناس اطورت بقت اقطان ومكتب الوالي ومخدرات وتجارة بشر والخير لقدام يانور العين انت وينك وييييييييين..؟.

[ادروب الهداب]

#991383 [ابو طربوش]
4.13/5 (4 صوت)

05-02-2014 09:09 AM
طيب ومعتمد بربر الواقف ليه جنب يافطة الاستوب ومعاه مدير الشرطة وجماهير وهاك ياتكبير وهاك ياتهليل
ورجعوا خطة336
اين الارجوز دفع الله بس فالح لي بفتواي النساء

[ابو طربوش]

الفاتح جبرا
الفاتح جبرا

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة