المقالات
السياسة
ارشيف مقالات سياسية
ما مُت فينا وإنت يادوب إتولد
ما مُت فينا وإنت يادوب إتولد
02-01-2011 07:54 AM


ما مُت فينا وإنت يادوب إتولد


دمك فدىً
لى كل من هبْ ومرق
دمك زكاة
لى كل من مات وإحترق
دمك بيتفجر غضب
ياعبد الرحمن يامحمد
ياولد....
مامتْ فينا وإنت يادوب أتولد
كتلوك ناس الجبهه
ناسين إنو زمن الظلم ولى
وليهو حد
كتلوك ماعارفين
سويعات بالعدد
والكل بيمرق للشوارع ونتحد
تارك نجيبو عديل نجيض
مافينا زولاً برتعد
للموت فداك بنستعد
نتوشح الدم يوم لقاهم
من شوفتو جبهه بترتعد
خايفين قلوبهم ماها ثابته
هاربين أمام هذا الصمود
عادين أيامهم بالعدد
ياحكم ظالم ومستبد
ياخونه سيبوها البلد
ماقدرها
مامنها
وماقدرها ومامنها
فالشعب إتخذ القرار
الشعب قال إنو الحكومه التنطرد
الشعب قال إنو الرئيس البنطرد
الشعب قال إنو اللصوص التنطرد
ياعبد الرحمن يامحمد ياولد
مامتْ فينا وإنت يادوب إتولد
إنت شعله
وإنت ضو
فى ليل ظلامنا
وإنت دايما متقد
ماشين على درب النضال
دمك أثر
لى كل من ثار وإنتصر
دمك أثر
لى شعب أبداً مافتر
دمك أثر
للشارع
الناس
للهدير
ياعبد الرحمن يامحمد
ياولد
تارك بجيك
تارك وطن
تارك خلاص
من الكوارث والمحن
تارك بيتواصل نضال
فى كل حاره
وكل بيت
تارك مواعيد للشباب
لى يوم جديد
لى مره تانيه من التلاحم والتوافد والمسير
للقصر حتى النصر
يا عبد الرحمن
ياااااااامحمد
يااااااااااولد

تارك ولد
نارك بتتواصل
تولع فى قلوبنا الى الأبد
نارك بتتواصل
تولع فى قلوبنا الى الأبد

أحمد ابن عوف
يناير 2011-01-31


تعليقات 0 | إهداء 0 | زيارات 1151

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




احمد ابن عوف
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة