الصادق وسفاد الطير
05-12-2014 10:10 PM

الصادق وسفاد الطير
بمناسبة وبدون مناسبة يدلي الصادق بدلوه في كل الامور حتي سفاد الطير . ولكن المحير ان الصادق تجنب في ان يفتي في موضوع مهم . وهذا موضوع مفصلي . في 1968 افتي مجموعة من علماء السوء بأن الاستاذ محمود مرتد وقاموا بتطليق زوجته التي تزوجها علي سنة الله ورسوله .
كان ذالك في ايام الديمقراطية الثانية . ولم تحرك الدولة ساكنا . ولم تقدم علماء السوء الي المحاكمة . لان فتواهم تجعل الاستاذ وزوجته من الزناة . وهذا قذف في حق مواطن محترم . .
وبعد مهزلة محاكمة الاستاذ ، لم نسمع احتجاجا او ادانة من الصادق . وبعد استلام الصادق للسلطة لم يقم برد الاعتبار الي الاستاذ ولم يقم بادانة قاتليه . وواصلوا تبخترهم . وربما للصادق العذر، فهو لم يلاحق من قتلوا الامام الهادي . وانحصر جهده في التعويضات لاسرة الصادق .
وتكلم الصادق بحماس عن الديمقراطية . وكتب الكتب وقرأنا ان الديمقراطية عائدة وراجحة . ولكن عندما ذبحت الديمقراطية في الستينات وطرد نواب منتخبون ديمقراطيا ، كان الصادق مع الذابحين وتباكي علي ذبح ديمقراطيته . واتي بالمحاربين وسالت الدماء وتعرض المقاتلون للخيانة والاهمال . وقبل ان تجف دمائهم كان الصادق يحتضن النميري ويؤدي القسم في الاتحادي الاشتراكي الناصري .
اليوم منع حلفاء الصادق واولياء نعمته الجمهوريين من ممارسة الديمقراطية . والصادق صامت صمت القبور . وحتي لا يأتي من يقول لنا ان الصادق لم يسمع او كان مشغولا بمحاربة المشاكل العالمية والتي انعم عليه بسببها عليه بالجوائز والنياشين المحلية والعالمية ، نطالب الصادق ومريديه برد حاسم . هل انت ضد قرار منع الجمهوريين في التسجيل وممارسة حقهم الديمقراطي ، ام انت توافق علي قرار الانقاذ ؟؟؟.
ان الصادق يحشر الناس بطريقة محمومة للحوار مع الانقاذ . بل لق انتقد من بعدوا عن الحوار ورفضوه . والآن يأتي اهل الحوار ويصمت الصادق ، ولم يذكر الجمهوريون والا فكر الناس في الحوار والامانة وحسن المعشر . فلتعطوا القوس لبارئها . اهل الحوار هم الجمهوريون . فكيف تدعون للحوار وانتم تستبعدون اهله وتكممون افواههم . هذه هي المحن السودانية .

والآن تاتي ذكري استشهاد الاستاذ والصادق لم يفتح الله عليه بتعليق بسيط. نعرف ان الترابي كان حاقدا على الاستاذ كحقده علي اغلب اهل رفاعة ومن ان كان يعرف تاريخ حسن الكريه. وان كان الاستاذ يترفع عن التعرض لاي انسان. ولكن حسن عنده ثأر مع بعض اهل رفاعة. ما هي مشكلة الصادق ؟ هل هذا تضامن مع صهره ؟؟ اسئلة لا تتوقف من ازعاجنا . ونتمني ان نجد من يتكرم علينا بالرد .
ع . س . شوقي
[email protected]


تعليقات 15 | إهداء 0 | زيارات 3895

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1003045 [عادل الامين]
5.00/5 (1 صوت)

05-14-2014 06:45 AM
يا عمنا شوقي الفكرة الجمهورية هي المضاد الحيوي لكل التراهات والابتزال في السودان من 1946-2014 داير ديل يرجعو المنابر الحرة؟؟ الفي ايدو القلم ما بكتب نفسو شقي والامام شايف نفسو المفكر الاوحد وحكيم الامة
لكن منعهم لجمهوريين لن يجدي ودي فرصة ايضا لفرز الصف الوطني السوداني ومزيد من التنوير واختبار مؤسسات الدولة العدلية والقضائية بعد عملية شد الجلد والتجميل البقوم بيها البشير شخصيا دون مؤسسات او دستور او ناصح امين ....
القصة بقت لي ناس السودان االقديم كله"عود عشر"

[عادل الامين]

#1002631 [محمد بدوي]
5.00/5 (1 صوت)

05-13-2014 06:02 PM
الصادق جرتق لا خير يرجى منه
راجل غير السواطة و اللف و الدوران ما عندو حاجةرجل ضبابي انتهازي يسعى الى السلطة
و يحب جلاديه
اولياء نعمة الصادق هم الاخوان المسلمون
و هو من اتى بالاسلاميين ليحكموه
و ليذلوه تارة و ليغمتوا له تارة اخرى عند السخانة
رغم اختلافي مع بعض افكار الجمهوري الا انهم و الشيوعي من انبل ابناء السودان

[محمد بدوي]

#1002487 [ود الحاجة]
5.00/5 (1 صوت)

05-13-2014 03:50 PM
استاذ شوقي : العلماء الذين افتوا بأن محمود طه مرتد لم يكونوا علماء سوء و على اقل تقدير في هذه الفتوى و اذا كنت تختلف معهم فبين لنا حجتك من الادلة الشرعية

يا حبذا لو نورتنا برأيك عما يدور الان في جنوب السودان

[ود الحاجة]

ردود على ود الحاجة
United States [مندس] 05-14-2014 10:32 AM
عاجبك اسلوب سلمان يا راجل!!!

[مبارك] 05-13-2014 10:43 PM
المهندس سلمان بخيت ما خاتي عليك يا (ود الحاجة) وهذه اول مرة اتفق معه على شئ...


#1002453 [حمدي]
0.00/5 (0 صوت)

05-13-2014 03:29 PM
شكرا للأستاذ بدري .. بس لو تكرمت تشرح لينا (سفاد الطير)

[حمدي]

#1002321 [ود نوباوى]
5.00/5 (3 صوت)

05-13-2014 02:06 PM
يا شوقى بدرى انت ما عندك موضوع غير الصادق المهدى ؟ عايزو يتكلم فى كل شى ؟ واذا اتكلم فى كل شى تقوم تنتقدو وتقول بتدخل فى كل شى .. بعدين هو الحزب الجمهورى ده بعرف شنو للديمقراطية ؟؟ وكان موقفو شنو لمن النميرى ضرب الجزيرة ابا وودنوباوى بالدبابات ؟؟ واستاذهم ذاتو نطق بشنو لمن كان الصادق وغيره محبوسين فى المعتقلات بالسنين ؟؟
والسؤال الاهم :: يادوب الجمهوريين صحو من نومهم ؟؟ كانو وين خلال ال 25 سنة بتاعت الانقاذ دى ؟؟ وين شغلهم تحت الارض واللا فوقها ؟ظ ما كل الاحزاب كانت شغالة شيوعيين على بعثيين على اتحاديين على غيره واللا هم بعرفو يشتغلوا بس فى الباردة ؟؟
الحزب الجمهورى كان فى غيبوبة يا دوب فاق منها لكن لقى الزمن جرى وهو لسه عايز يتعامل بعملته القديمة منتهية الصلاحية ؟؟ لسه واقفين فى محطة سب الطائفيةوالكلام النظرى وترك الانقاذ رغم العملتو فيهم ..
اخيرا حقو الناس تتذكر وتستغرب برضو وتحاول تجد تفسير لموقف الجمهوريين فى انهم بعد سقوط نميرى ما ظهر فيهم زول وما عاودوا نشاطهم مع انو البلد كانت مفتوحة لكل الاحزاب والنشاطات تفسيركم شنو يا جماعة ؟؟؟
انا تفسيرى انهم كانو وقتها تحت تأثير صدمة موت محمود قبل اكمال (رسالته) كما يعتقدون
عشان كده السؤال بتاعك ياشوقى حقو يتوجه للجمهوريين مش للصادق المهدى والسؤال يكون كالاتى : انتو كنتو ويين السنين دى كلها ؟؟ وما لكم ما كونتو حزبكم بعد سقوط نميرى واسى دايرين بالتسجيل شنو؟

[ود نوباوى]

ردود على ود نوباوى
United States [ود الحاجة] 05-14-2014 10:35 AM
فترة ربع قرن ,,, يا صديقي !

European Union [ع. ع] 05-13-2014 08:41 PM
بناء على وصية من الراحل محمود محمد طه أخبرنى بها شخصياً نائبه عبد اللطيف وهو الآن حي يُرزق بأن يتركوا السياسة ولو لفترة والإبتعاد عن أجواءها وعدم المقاومة للحفلظ على كيان الحزب وهذا ليس إستسلما بل خط رجعة وأسرار اخرى كثيرة ، ومن يدري ربما كان تكتيكاً يدرك أبعاده ويحس به الاستاذ.

United States [ود الحاجة] 05-13-2014 05:37 PM
وصفك للجمهوريين صحيح


#1002131 [برعي]
3.50/5 (2 صوت)

05-13-2014 11:47 AM
انا اري ان مشكلة الصادق ، كما مشكلة الغالب من السياسين السودانيين ، هي مشكلة نفسية تربوية اجتماعية ، بمعني ان الصادق في نفسه وشخصيته اشياء تدفعه لممارسة العمل السياسي بعيده كل البعد عن اي اهداف عامة لمصلحة الحزب وجماهيره اولمصلحة اهداف وطتية عليا.
فالسياسة في السودان عبارة عن لقمة عيش وتجارة وشطارة والحشاش يملي شبكتو ، في نظرهم ، وكل الاعيب وممارسات الصادق المهدي تكشف ذلك وابسطها ، الدفع بابنه للعمل مع النظام من داخل القصر.
وتصريح مبارك الفاضل الاخير في قناة امدرمان يؤكد ان السياسة في السودان هي لقمة عيش ومصالح ليس الا ، اما شخصيات مثل الصادق والترابي والميرغني وخلافه من رموز ، فهم يمثلون فشل المجتمع السوداني في الدفع بافذاد ابناءه الي دائرة العمل العام وتركهم يرحلون في هدوء الي المنافي والابقاء علي الرجرجه والدهماء.
مع تحياتي

[برعي]

#1002113 [عكر]
2.00/5 (1 صوت)

05-13-2014 11:28 AM
الصادق خلي دا ما بيمثل غير الرجعية و التخلف الذي يبداء للاسف من (أم درمان) عاصمتنا الوطنية كما يدعوون ...!!!
خير الكلام ما قل ودل ... بس زعلتني في ((.....التسجيل وممارسة حقهم الديمقراطي ، ام انت توافق علي قرار الانقاذ ؟؟؟))
ديموقراطية شنو يا استاذ البيسجلوا فيها هل انزاحة (الطغمة) (العصبة) و الان نحن في عهد ديموقراطي ...؟؟؟
و الله حيرتونا انتو وبتاعين الحزب المكلوم....!!!
(اها لو سجلو ليك دي ما الاعتراف ذاتو بالديموقراطية الانقاذية).
اشان كدا انا اقول الكيزان مصرين علي موضوع الانتخابات في الجامعات و هم بيدهم تصنيع الصناديق كما يشاؤون ...

[عكر]

#1002105 [صاقعة و هجايم ليل]
0.00/5 (0 صوت)

05-13-2014 11:21 AM
"وأعلن الصادق المهدي رفض حزبه لإجراءات عدم تسجيل الحزب الجمهوري لدى مسجل الأحزاب بالرغم من خلافاته السياسية مع الحزب الجمهوري، مضيفا أنه سيدعم تسجيل الحزب."
المصدر:http://www.sudaress.com/suna/194403

[صاقعة و هجايم ليل]

#1002092 [الصاحب]
3.75/5 (3 صوت)

05-13-2014 11:06 AM
اللهم ارحم (خير واجد)لانو هو الوحيد العندو الخبر اليقين بسبب كره الترابى لناس رفاعة

[الصاحب]

ردود على الصاحب
[المشتهى البيوت السبعة] 05-13-2014 02:23 PM
(خير واجد)ههههههه يعنى عملها عرفنا اللعبة.


#1002045 [على حسن سلوكة]
4.00/5 (3 صوت)

05-13-2014 10:35 AM
العم المحترم / شوقي بدرى
لك التحية

عندنا سؤال مهم نرجو منك الكتابة فيه باستفاضة وهو هل حزب الامة تم تأسيسه بواسطة ال المهدى؟

[على حسن سلوكة]

#1002038 [كبسور]
4.00/5 (2 صوت)

05-13-2014 10:29 AM
كعادتك لا تضع قلمك حتى تلمح الى البذاءات

[كبسور]

#1001762 [ابوسامي]
3.00/5 (3 صوت)

05-13-2014 01:57 AM
نعرف ان الترابي كان حاقدا على الاستاذ كحقده علي اغلب اهل رفاعة ومن ان كان يعرف تاريخ حسن الكريه.>>>>>>>>>>>>>>>>>>>>>>> تقصد يعني الترابي قرا الوسطى في رفاعة ولا تاريخه الكريه شنووووووووووووووووووووووووووووووووووووووووووووووووووووووو

[ابوسامي]

ردود على ابوسامي
European Union [abu] 05-13-2014 11:00 AM
يا ابو سامي خليك من تاريخ الترابي الكريه لما كان في المدرسه الوسطي برفاعة لو كنت قرات لوشوقي كنت عرفت تاريخه هو الان يحاكم الوثبه او الحوار المعلن في الساحه في هذه الايام ويحاول ان يجد تفسير لمنع تسجيل الحزب الجمهوري


#1001689 [Amin]
3.50/5 (2 صوت)

05-12-2014 11:55 PM
سؤال يؤكد تلمس آراء الصادق رغم كثرة النقد وهذا شئ يُحترم

وكما قالت الأستاذة فاطمة محمد ابراهيم : ما ياهو كبيرنا

لكن سؤال : ماذا كان موقف الأستاذ والجمهوريين من إنقلاب نميري ووأد الديمقراطية وتنكيله بأعدائه وبالأنصار والشيوعيين?? .

ما هو الموقف الصارم الذي إتخذه لعودة حزبه وبقية الأحزاب للنشاط السياسي ووقف ملاحقة الأعداء ؟؟؟؟

[Amin]

#1001659 [جمال علي]
2.75/5 (4 صوت)

05-12-2014 11:15 PM
ما هي مشكلة الترابي مع أهل رفاعة؟ أهل رفاعة من أحسن الناس أخلاقاً و أكثرهم وعياً و تحضراً و ناساً وجيهين.

[جمال علي]

ردود على جمال علي
United States [نصيحة] 05-14-2014 10:39 AM
ناس ( خيرو واجد) ديل كثير منهم أكلوا( خيرا واجدا) قبل ما خيرهم يكون واجد

اظنك فهمتني

United States [الصاحب] 05-13-2014 11:19 AM
كما يقال هى قضية اخلاقية واحد ابطالها قد توفى الله يرحمو(خير واجد)مرة انا واحد الاصدقاء(حركات حسين خوجلى .. خديجة وصافة) عرضنا عليه ان يذهب معنا لمقابلةالمرحوم الصحفى سيد احمد خليفة ليروى القصة فقال زمان وهو طالب رفدونى ليه اسى والله ادخلونى فى..... وزة.

[shawgi badri] 05-13-2014 01:57 AM
السيد جمال لك التحية . نحن نشانا وكل يوم نسمع من اهلنا ومن اصابوا حظا كبيرا من التعليم والوظائف الكبيرة وهم كل يوم يتحدثون عن روعة رفاعة وحنينهم لرفاعة وايام رفاعة . شقيقي الشنقيطي رحمة الله عليه قال لي مره ساخرا اهلك ديل رفاعة بالنسبة لهم هي اورشليم وارض الميعاد .
نحن ندين لرفاعة بكل شئلولا رفاعة لم تعلم اهلنا . رفاعة وناسها اعظم المكان والبشر . علي عكس الترابي . والترابي مسئول عن شنق الاستاذ . اذا انت بتعرف رفاعة مفروض تكون عارف مشكلة الترابي .


#1001639 [ابوحبل]
5.00/5 (1 صوت)

05-12-2014 10:55 PM
تقول يا شوقي بدري (( منع حلفاء الصادق واولياء نعمته الجمهوريين من ممارسة الديمقراطية ))
وين الديمقراطية دي عشان يمارسها الجمهوريين أو غيرهم .. قولوا كلام معقول ومنطقي عشان يتبلع ، ما تكونوا ذي ناس ( الكيزان ) .

[ابوحبل]

ردود على ابوحبل
[shawgi badri] 05-13-2014 02:04 AM
يا ابو حبل ، اذا انا فاكر انه في ديمقراطية كنت قاعد بره السودان لي 25 سنة وما رجعتا السودان . وكل يوم بكتب في المقالات وبمشي المؤتمرات واواجه اهل الانقاذ واسمعهم ما لايقدر ان يقوله الكثيرون . الصادق والانقاذ يعتبرون انم يمارسون الديمقراطية . وبالرغم من هذا يحرمون الجمهوريين ، حتي من قشور الديمقراطية .

United States [jackssa] 05-13-2014 12:37 AM
... التحية للأخ شوقي , افتقدناك مدة من الزمن أخي شوقي لعل المانع خير , فعلا ان كان الصادق المهدي فعلا ديمقراطيا ويؤمن بالديمقراطية فليدلو بدلوه والأخ شوقي رمى الكرة بين رجلي حصانك ...


شوقي بدري
شوقي بدري

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة