المقالات
السياسة
سودانير..تاني جبتو لينا سيره الطياره الواحده دي؟
سودانير..تاني جبتو لينا سيره الطياره الواحده دي؟
05-14-2014 11:06 AM



ممكن البرلمان يورينا كلام وزير النقل القالو قدامو الاسبوع الفات فيما يخص سودانير كان قاصد بيو شنو؟ مش ياهو نفس الكلام الاتقال قبل كده؟ مش المنتدي الاتعمل واللجنه الاتكونت ولجنه النقل بتاعه البرلمان ذاتو برئاسه مشار الزارت رئاسه سودانير كلهم قالو انو سودانير عندها طياره واحده ومحتاجين لي عشره مليون دولار عشان صيانه بقيه الطيارات؟ طيب الجديد شنو؟ انتو الناس دي بياخدو ماهيه عشان الكلام ولاكيف؟ ولا دي دردقه عشان يدوهم القروش؟
ياجماعه متضيعو زمنا ساكت لانو موضوع سودانير دا نحنا قنعنا منو زي ماقنعنا من ولايه الخرطوم ومصلحه الاراضي والسودان كلو كمان. الحكومه ماجاده, ونحنا كمان مادايرنها تكون جاده في اصلاح الشركه عشان كده جمدوها لغايه مايتغير الحال وسيبو الناس تركب اي طياره تانيه. ولعلم الجميع. البركبها ببقي ذنبو في رقبتو مايجي يشتكي ويقول لينا عفشي اتسرق ولا الطياره اتاخرت اسبوع او الموظف اداني كف.
قلنا قبل كده وسنظل نقول انو الناس المسئولين في سودانير ماعندهم الدرايه الكافيه لي تشغيلا لانهم مجموعه من الهمباته تركيزهم الاساسي في المصالح الشخصيه. لا في ضمير ولا خوف من وزير ولا من الله سبحانه وتعالي يخليهم يشتغلو كويس. عشان كده حتي الطياره الواحده دي بعد شويه حاتلقوها مافي ولا اتحرقت ولا شلعوها وباعوها اسبيرات زي غيرا. لمن كنا شغالين في سودانير كان في سفريتين للابيض وبورتسودان يوميا. تجي الناس دي تعمل ليها احتفال كبير عشان فتحو خط الابيض؟ الحكايه بقت ظاهره والهدف طبعا مش افتتاح الخط وانما الاحتفال بي افتتاح الخط. احتفالات ناس الحكومه اصبحت الماسوره البيها كيزان الحكومه بفرغو الخزائن. نسيتو بتاع بربر العمل احتفال لافتتاح علامه (قف)؟
المهم. نحنا راينا في الوقت الحالي تتقفل سودانير بالضبه والمفتاح ويتسرحو الناس الفيها لانو اي قروش تتصرف عليها بتكون مساعده علي الفساد. اذا دا ماحصل, تتوضع مسئوليه التشغل علي عاتق الاداره العليا واي خطا تشغيلي تسأل منو مباشره, ووزاره العدل ترفع الحصانه منها وتدي الركاب الحق في مقاضاتا بالقانون الدولي لانو الحمايه بتديهم الامان. ولو اصلا الاداره العليا بقي ماعندها دم ودايره تنشف الشركه وتعصرا لي اخر نقطه زيت, ياها دي الطياره الواحده عندهم خليهم يبيعوها اسبيرات.
صراحه نحنا تعبنا وكل اوجهه القصور القلناها قبل كده وكانت واضحه الحكومه ماشتغلت بيها. مدير المحطه الاتكلمنا عنو, الشركه بتصرف عليو مليون درهم سنويا ولازال موجود في مكانو بس عشان اختو مؤتمر وطني وشغاله في الشئون الاداريه وماسكه بلاوي علي الناس ماقادرين يرجعو الخرطوم. ولجنه ايجار الطائرات مستمره في نهب اموالنا بالكمشنات التحت التربيزه. اما العاملين المساكين ليهم الله. رافعين يديهم للسما عشان يقبضو مرتباتهم اخر الشهر.
افتحو لينا ملف الفساد بتاع سودانير زي ماحصل في الولايه ووزاره العدل والاقطان عشان نرش الجماعه ديل ونوريكم الشريف وعبدالله والناس الكانو لافين حولهم كيف باعو خط هيثرو وكيف بي كل براعه حولو شركه كانت بتمتلك كم وعشرين طياره لي شركه شغاله بي طياره واحده. خلونا ندخل دهاليزها عشان نكشف المستور قبل مانفقد الطياره الوحيده الفضلت وندخل موسوعه جينيس كاول شركه طيران فيها عدد لا يستهان به من ذوي الخبره في مجال الطيران, ولا توجد بها طائره واحده شغاله.
Follow me in [email protected]_elrazi


تعليقات 5 | إهداء 0 | زيارات 1482

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1003834 [ودمدني]
3.00/5 (1 صوت)

05-14-2014 06:29 PM
علاقتك شنو بي عثمان ابقنايه الوزير المقبوض بي جريمه اخلاقيه في نادي الجزيره وقالو كمان اكل قروش الدوره الافريقيه مع حاج ماجد سوار. وصحي ابقنايه بتاع الماليه عندو برج 10 طوابق مبني بالقزاز في لفه شارع مدني؟ البيتو من قزاز مابطقع بالحجار كدي شوف لينااهلك ديل في الاول

[ودمدني]

ردود على ودمدني
European Union [محموم جدا] 05-15-2014 02:16 PM
كل شاه معلقة من عصباته لكن انت يا ود مدني علاقتك بسودانير شنو؟


#1003807 [العلاقة الاذليه بين الانقاذ والماسونيه]
0.00/5 (0 صوت)

05-14-2014 05:55 PM
اول حاجه رش اخوك بمقالين او ثلاثه اخوك الطيب مصطفي ابوقنايه وكيل وزارة الماليه الاسبق ومدير عام الشئون الماليه والاداريه بالقصر الجمهوري ومدير شركة مطابع السودان للعمله ومدير ايه كده ماعارف مفوضية الفساد هو زاتو اكبر فاسد لماذا تم وضعه في هذا المنصب بعد اقصائه من الماليه ولماذا لم يحرك ساكنا وتم كشف ملفات الفساد من بعده ، لماذا لم ترد علي تعلقي في المقال السابق ورددت علي بعض المعلقين .

[العلاقة الاذليه بين الانقاذ والماسونيه]

ردود على العلاقة الاذليه بين الانقاذ والماسونيه
European Union [سليمان الفارسي] 05-14-2014 08:40 PM
يادكتور زول الماليه دا جايب ليك الهو لازم تمشي المحكمه تتحلل منو. لندن فيها تحلل كمان


#1003560 [Ahmed Hassan]
0.00/5 (0 صوت)

05-14-2014 01:15 PM
يا جماعة انا اعتقد ان القرار الصحيح هو فتح الباب امام القطاع الخاص بشراكة استراتيجية مع احدي شركات الطيران المعروفة عالميا لان صناعة الطيران هذه مكلفة جداً وما بيقدر عليها راس مال صغير زائدا الخبرة لتشغيل هذا النوع من النشاط الاقتصادي اما الكلام في الاعلام بالعواطف فلن نصل لشيء وشكرا

[Ahmed Hassan]

#1003516 [Blind man]
0.00/5 (0 صوت)

05-14-2014 12:32 PM
الاخ دكتور الرازي
السلام عليكم ورحمة الله

نغمة مؤسسة فاشلة او عاجزة عن العمل هي نغمة تسبق البيع النهائي لمؤسسات الدولة عادة. وكترة التكرار بتعلم الشطار.

[Blind man]

#1003435 [nashaby]
5.00/5 (1 صوت)

05-14-2014 11:35 AM
الطيارة الواحدة دى الفضلت دى قالو محركاتا ودوها برة للصيانة وتانى ماجات راجعةز
يعنى عبارة عن قفص جداد [س.

[nashaby]

د. الرازي الطيب ابوقنايه
د. الرازي الطيب ابوقنايه

مساحة اعلانية






الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة