المقالات
السياسة
فساد الاسلاميون.. لماذا الكشف عن المستور فى هذا الوقت
فساد الاسلاميون.. لماذا الكشف عن المستور فى هذا الوقت
05-15-2014 11:30 AM



تعتبر قضية الفساد من اهم القضايا التى تؤثر على نمو وتطور الدولة وفى العام الماضى اصدرت منظمة الشفافية الدولية بان السودان من الدول الخمس الاوائل التى ينتشر فيها بصورة ممنهجة كان انفصال الجنوب له دور كبير فى اظهار قضايا الفساد بسبب تضاءل الموارد المالية للحكومة ولم يستفيد الشعب السودانى من النفط وانما كانت الفائدة للاسلاميون .ظهرت حالات الفساد يصورة واضحه ابتداءا من والى كسلا محمد يوسف الذى اوضحت التقارير انه ومجموعته يعمل فى تهريب الوقود والسكر والدقيق والطامة الكبرى جاءت من المجاهد والى الجزيرة الزبير بشير طه الذى منح قافلة الرحمه عشرين قطعة ارض سكنية يالولاية والادهى والامر ان فاتوره غسيل ملابس المجاهد 32 مليون جنيه لاندى هل الوالى يغسل ملابسه بماء ذهب ام ماذا ............ ؟
اقترحه على المجاهد وخلفه شراء ملابس جديده بدلا من الغسيل المرهق لخزنة الدولة والتبرع بالقديمة للفقراء والنازحيين فى دارفور والنيل الازرق وجبال النوبة .
جملة من قضايا الفساد من الريس واسرته مثل تسمية عزيز كافورى بحوش باتقا وهيمنة عبدالله شقيق الرئيس على الشركة العربية للانماء الزراعى واعتراف الرئيس انه يمتلك مزرعة وشقة وفيل فى كافورى وغيرها ومن المعلم عندما سرق البشير السلطة كان عميد ومئات العمداء فى القوات ليست لديهم منزل ولا فى الحلة الجديدة امدرمان .اعترافات الملازم اول غسان عبد الرحمن بان القضية يشترك فيها نجل الوالى ومحمد كامل نسيب الوالى وعباس البشير شقيق الريس ومهدى ابراهيم رئيس كتلة الوطنى بالمجلس الوطنى .اعتقد ان الكشف عن قضايا الفساد هنالك احتمالنا هما بان هنالك جهات داخل الوطنى ترغب فى كشف حقيقة المفسدين وخلق قاعده تعاطف شعبى باعتيار ان هذا المجموعة كانت بتمسك ملفات ذات اهمية كبرى ومن هؤلا الاشخاص مدير جهاز الامن والمخابرات الوطنى صلاح قوش والعميد ود ابراهيم الذان رفضوا الخروج من المؤتمر الوطنى ولديهم مجموعه من الانصار مازالوا فى الاجهزة الامنية والاجهزة التنفذية اما الاحتمال الثانى هو بان المؤتمر الوطنى يرغب فى تقديم هؤلا المتهمين كباش فداء بانهم مفسدين وهو يرغب فى اصلاح حقيقى بعد اعلان وثبة البشير والدخول فى حوارات مع القوى السياسية .

محمد على تورشين
[email protected]




تعليقات 4 | إهداء 0 | زيارات 2801

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1005620 [المهندس سلمان إسماعيل بخيت على]
0.00/5 (0 صوت)

05-16-2014 03:36 PM
يا جماعة غردون قال ليكم لا فساد وسط الكبار
لكن الفساد وسط الصغار مسموح به وعشان كده دكتور تاج السر محجوب فى سفارتنا بنيجريا مادخل هو فى الفساد
دا دخل ولده وفى فقه الكيزان دا مسموح به
تاج السر محجوب دا كان عامل فيها خبير تخطيط إستراتيجى لنظام البشير لحد ما ضرب بتخطيطه الفاشل بالبشير ونظامه الواطه وهسي يبرطع فى ابوجا
خلوه
كل حد حر فى موزه
يا جماعة كلام غردون دا ماتابوه ساكت
فعلا فى وسط الكبار ( جدا ) مافى فساد - هسي والى الخرطوم الخضر دا لمان فكر فى الفساد مش جاب وليدات صغار نفذوا العملية وهو طلع بره - ما وقف فى نصهم - طيب كلام غردون غندور ما صحيح
أمشى وراء أى فضيحة فساد يمرقوا ليك وليد صغير ملازم أول والفرقاء والمشيرات والواليات بره
كلام غردون صحيح ميه فى الميه
هسي وينا قضية حاويات المخدرات - حيركبوها شخص ما حيلته اللضاء - يقبض ليهو كم مليون ويقولوا ليهو بنضمن ليك محاكمة ماتزيد عن 10 الى 12 سنة ودى 120 مليون جنيه لو خدمت بأيديك وكرعيك فى 12 سنة بتجيب 120 مليون - لا والله - خلاص - شركة الحلول المتكاملة دى كل أوراقها لدى مسجل الشركات حتكون بإسمك - وقع وقع - إستلم - أمشى سلم الملايين دى لأم العيال وتعال أدخل الحراسة لمان يحققوا معاك عارف بتقول شنو - خلاص قفل الملف - كلام غندور صحيح - عاوزننا ندمر المؤتمر الوطنى وحكومة الإنقاذ اللى كل المسلمين بيعاينوا ليها عشان كم حاوية مخدرات
طيب قضية الخضر قيت - حقيقة الملازم غسان دا كل المبلغ الذى إستلمه كان 2 مليار ودا مبلغ بسيط نحن كلمناهم يردوا للشعب 17 مليار ولغسان 10 مليار دى 27 مليار وباقى الـ 690 حلال عليهم السبعة كل واحد حوالى 95 مليار - طيب السبعة ديل منو عاوزين نعرف أسمائهم - السبعة ديل ما خلاص زابوا فى غسان وحيشيل الشيلة براهو - يعنى كلام غردون غندور صاح - وفى زول يقدر يقول كضب
وقضية تحكيم الأقطان - دى خلاص المذنب فيها مش من جماعة المؤتمر الوطنى محى الدين عثمان من جماعة أنصار السنة ماشايفين دقنه مو دقن كيزان كدى عاينو لى لحيته وقارنوها بحقت الوالى الخضر - فرق - مو من جماعتنا حنشيله الجريمة كلها ونمرق ناسنا زى الشعرة من العجين
كسرة من كسرات الفاتح جبره
سبق وأ تقدمت بإقتراح للإخوة فى إدارة الراكوبة أن توضع صورة الرئيس البشير بدلا من صورة السيدة حرمه لأنه هو من أخطأ فى حقها وحق ضرتها بنت خاله فاطمة التى يشتكى تكاسة شندى من أن إسطولها خرب بيوتهم - فهو المتهم الأول الذى سمح لهن بالظهور وليه وصلت الزوجة الثانية لمرتبة السيدة الأولى لسيدات العرب ونحن عروبتنا مازالت موضع شك والزوجة الأولى ومن دمك ولحمك يادوب تصل لصاحبة سيارات تاكسى فى شندى - قالوا فى زوجة وزير جنوبى ( شهيد برضو بفقه الكيزان )إستشهد فى واحدة من طيارات الإنقاذ الإنتنوفية - صدقوا ليها كشك فى لفة الكلاكلة ومسئول بدرجة رئيس جمهورية - عرفتوه منو - تزوج من أرملة زميل زوجها فى الحادث - قالت واحدين يزوجوها وواحدين كشك فى كلاكلة لفه وهده دا تكون جاذبة كيفن
أمل أن تستبدل صورة وداد بصورة زوجها لأنه هو المجرم رقم (1) والمرأة كانت حسنة السيرة والسلوك مع زوجها الأول والد عيالها - والمرأة على دين زوجها طبعا شفنا زوجة جمال كانت فى غاية الحشمة والأدب تلزم بيتها وتربية أولادهاجات بعده جيهان دمرت تاريخ السادات وأعقبتها سوزان دمرت مبارك ويقال فى إحدى حلقات المواجهة الأسرية حملها كل ماحدث له ولأسرته وقال لها أنت ياسوزان بتطلعاتك وطمعك دمرتى هذه الأسرة
قلنا عاوزين صورة المشير وأن تستبعد صورة زوجته نهائيا فنحن سودانين لا نهاب الرجال ولا نخشاهم حتى لو كان برتبة مشير ورئيس جمهورية لكن لينا تقاليد وأصول تجعلنا نحترم المرأة وخصوصيتها وحين تخطىء نحمل الخطأ لزوجها وزمان عندى فى الرباطاب إمرأة تجرأت وضربت رجل الرجل شال طوريته وفجخ بيها زوجها خلاص 40 يوم طريح الفراش وكل الناس شكروه وقالوا لو مد يده وصفع المرأة كان عيب يجلل فوق راسه لمان يموت عشان كده أى حرمه تخطىء فى حقك أنصحك تعاقب زوجها ومايقال عنك بيضرب إمرأة والرسول وصانا عليهن قبل مايموت
فى أمر كبير يشغلنى لو كنت أملك القدرة عليه لنفذته بيدي هاتين وهو أن تصمم قائم صورة وإسم تشتمل على كل قيادات الفسادات فى حكم الإنقاذ وتصمم فى شكل دبوس ايكونه يعلقه كل سودانى على صدره ويكتب عليهم
قائمة المفسدين فى حكومة الإنقاذ حتى يحرموا من ممارسة أى عمل سياسى فى مستقبل السودان
THE BLACK LIST OF THE SPOILERS OF KAIZAN AL- INQAZ CONTAMINATED DIRTY ERA
كل مفسد جديد يضاف لها ومن تحلل أمرقوه منها بره دا شرعا برىء هههههههههههههههه
بس عشان القائمة ماتفقد قيمتها المادية والمعنوية لا يضم أى مفسد إليها دون بينة مادية وألا تكون مكان لتصفية الحسابات والضرب تحت الحزام كل شخص بيكره زول يلفق ليهو تهمة بالكذب ويطالب بإضافته لقائمة مفسدي عهد الكيزان الإنقاذى ولازم شعب السودان يأخذ العبرة بأن من دمر هذا العهد هو الكذب الكذب الكذب يكذبون حتى على زوجاتهم يتزوجون عليها مثنى وثلاث ورباع وهى لا تعلم لمان يموت تفاجأ الحاجة أم العيال الكبار لديها 3 ضرات و15 طفل شركاء فى البيت الكبير ويقع الكوراك والفضائح – وهو كان وكان وكان
مافى داعى توخوا الصدق والصدق لا يخرج من فم رجل جبان
قائمة المفسدين سنطالب بتجريمهم وحرمانهم من تقلد أى وظيفة سياسية أو منصب حكومى ولو فراش فى محلية

[المهندس سلمان إسماعيل بخيت على]

#1005313 [Abdu]
0.00/5 (0 صوت)

05-16-2014 05:48 AM
Please compare our thieves with their respected president
Copy and pasted from yahoo news


WASHINGTON (AP) — President Barack Obama and first lady Michelle Obama reported assets worth between $1.8 million and $7 million for last year, little changed from their previous year's holdings, according to financial disclosure forms released Thursday.


That is why they lead the world by Justice

[Abdu]

#1004589 [ابو ياسر]
0.00/5 (0 صوت)

05-15-2014 01:50 PM
ياالله من الاسمو مهدى ابراهيم ده منفخ نخريه الفاسد الكبير والله البشوف كلامو المقعد واسلوبه تصدق انهم ح يعملوا السودان دولة عظمى ، والله محن الله ابتلانا بيها . قال نحنا متعنا الشعب السودانى فى ال 11 سنة الفاتت ، ياخى اختشى على دمك يافاسد مصيتوا دم الغلابة الله يورينا فيكم يوم .

[ابو ياسر]

#1004509 [المتجهجه الاميي]
0.00/5 (0 صوت)

05-15-2014 12:56 PM
وما تنسي كشف شحنة المخدرات - ودولارات ولد ابو الجاز - الجماعة بقوا يطاقشوا مع بعض اصلو المثل بيقول اذا اختلف اللصان ظهر السارق.....والا شنو ياااااااا... دقي يا مزيكاوبكرة احلي

[المتجهجه الاميي]

محمد على تورشين
محمد على تورشين

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة