المقالات
السياسة
ارشيف مقالات سياسية
باااامية ذى بتاعت امبااارح
باااامية ذى بتاعت امبااارح
02-03-2011 11:39 AM


باااامية ذى بتاعت امبااارح

عبد اللطيف البوني
[email protected]

في مارس 2003 كانت كل الدنيا متجهة نحو العراق حيث الغزو الامريكي باعتى الة حربية شهدتها البشرية في تاريخها كانت الطائرات( الجبانة) الخالية من الطيار ترمي بحممها في ارض الرافدين والصواريخ تنطلق من السفن الرابضة في البحار حول العراق والجيش العراقي الذي قيل انه رابع جيش في العالم من حيث القوة والعتاد (يسردب) للموت . والخيانة تمسك باطراف صدام والصحاف الذي اصاب نجومية موهومة يكذب ويتحرى الكذب وكلما كان الجو صحوا كان الموت اكبر فالضباب وحده هو الذي يمنع سلاح الجو الامريكي من العمل اذ ان صدام كان يفتقر حتى للطائرة التي يمكن ان يهرب نحو المجهول فاكتفى بحفرة في تكريت والشعوب العربية والعالمثالثية تتمزق مع الشعب العراقي الذي اقسم بوش بارجاعه للعصر الحجري وقد فعل . في هذا الوقت وفي هذا الظرف كان السودان يشهد حربا اهلية مجنونة ولئيمة في دارفور كانت حربا بشعة ولكنها منسية اذ لم تتجه اليها الكاميرات ولم تعكسها الفضائيات فكل (العدة ) كما الانظار كانت متجهة نحو العراق
ثم سارت المسالة العراقية من غزو جوي الي زحف بري الي احتلال امريكي الي برايمر الي الجلبي وحكومة عراقية مستظلة بظل الدبابة الامريكية ومقاومة انتحارية و...و... وكل ماهو معروف عن العراق لدى الكافة وفجاة وفي عام 2005 التفت الاعلام العالمي لمسالة دارفور وباثر رجعي وسلط عليها ضؤا لم تشهدة مسالة الجنوب التي تجاوز عمرها نصف قرن من الزمان انذاك لقد كشف الاعلام العالمي طابق دارفور المستور لدرجة اننا نحن الذين ندعي امتهان الصحافة ومتابعة الاحداث اليومية فوجئنا بما كان يجري في دارفور ثم انهمرت المعلومات تباعا فهاج العالم وماج انفعالا بدارفور وتم حشر السودان في زواية ضيقة يسعى الان جاهدا للخروج منها دون ضؤ في نهاية نفق المحنة فتدويل المسالة الدارفورية جعلها الان هم السودان والاول وقد يتعملق هذا الهم في الايام القادمة اي بعد اكتمال ظهور الدولة الجديدة
ما يحدث الان في العالم حولنا يذكرنا بتلك الايام في من ذلك العام 2003 م فالعالم كله اليوم يصاقر الشاشات يشاهد ما يجري في ميدان التحرير وميدان مصطفى محمود في القاهرة ومن جمعة الغضب الي الجمعة الاخيرة من شباب يتجمع لخلع اقوى حكومة من حيث القبضة الامنية في اكبر بلد عربي وافريقي فاذا اصيبت مصر بالزكام فان كل العالم الثالث سوف يعطس وتتفاوت درجة العطس بحسب القرب والبعد الجغرافي من مصر (هسه في زول جاب سيرة البحر ؟ ) نحن في السودان لسنا استثناء فاحداث مصر احتوتنا لدرجة اننا لم نعد نشاهد في شاشاتنا المحلية الاعلان البائخ الذي يقول ( عايزيين باااااامية ذى بتاعت امبااااااارح) اذ اخذنا نطارد الجزيرة (المشردة) والعربية والبي بي سي والتي منه وتركنا ميلاد ميلاد دولتنا الجديدة ويبدولي انه حتى سلفاكير قد انشغل بما يجري في مصر حتى ولو من باب متابعة ما تفعله امريكا مع حلفائها الذين يفقدون اراضيهم
غدا سوف تصفو ليالي مصر بعد كدرتها بذهاب مبارك او ببقائه مشروطا وسوف تتنافس كل الدنيا لاعادة اعمار مصر امريكا واسرائيل والانظمة العربية فالمصريون يعرفون كيف يسوقون موقعهم الاستراتيجي ومواقفهم السياسية انهم يتقنون قراءة اتجاهات الرياح الدولية واخشى ما اخشاه ان نستيقظ نحن من التنويم المغنطيسي المصري ثم نلتفت لبلادنا ونجدها اسوا مما كانت عليه مسالة دارفور بعد العودة من احداث العراق فياجماعة الخير الدنيا كلها مقلوبة مع مصر امريكا اسرائيل فرنسا ومصر نفسها فالنستغل هذة السانحة و نعود الي (باااااميتنا) لنرى ان كانت مثل باااامية امباااارح ام (خمت) ؟اي نفكر لانقسامنا وكيفية تخفيف مضاره والنظر الي كيفية بناء جمهوريتي السودان الثانتين قال ثانية قال


تعليقات 10 | إهداء 0 | زيارات 3145

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#90526 [ابو الماحي]
0.00/5 (0 صوت)

02-04-2011 10:48 PM
مالك يالبونى تقارن الجمهورية الثانية بالكلاكلة ولا قصدك تكون مدغمسة
يعني زى (بامية امبارح )


#90242 [أبو علامة]
0.00/5 (0 صوت)

02-04-2011 01:58 AM
بروف / البوني ..... ما تخلط الكيمان !!!!!!!!!!!!!!!!!!!!!!!!!!!!!

انت قصدك ميدان التحرير و ميدان البطل عبد المنعم رياض

وديل وسط البلد !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

مش ميدان مصطفى محمود بالمهندسين!!!!!!!!!!!!!!!!!!!!!!!!!!!!

لانو ده الميدان الكان اعتصم به اللاجئون السودانيون!!!!!!!!

(يعني بالبلدي كده نحن السودانيون علمنا المصريين كيف يكون الاعتصام)

;) ;) ;) ;) ;) ;) ;) ;) ;) ;) ;) ;) ;) ;)


#90200 [يحي احمد محمد]
0.00/5 (0 صوت)

02-03-2011 09:59 PM
بس المقادير هي هي لكن الزيت ما زيت صباح يابوني


#90161 [ابو النصر]
0.00/5 (0 صوت)

02-03-2011 08:08 PM
بصراحة الجزيرة بتغض الطرف عمدا عن اي حدث يشوه صورة الحكومة السودانية طبقا للايدلوجية اما عن القنوات الفضائية السودانية ما اظن في حد بتابعها الا النسوان بشوفن المسلسل
لانو اصلا مافي حاجة كلها تخريج شرطة شعبية دفعاع شعبي سد مروي شيخ عبد الحي دي برامج قنواتنا الفضائية اما قناة ابوني ياسر عرمان يخلص الشريط يرجعو الاخــــــــــــرين يجــــــــــــــب ان يكونو اخـــــــــــــــــــــــرين الناس حفظو حفظ اما ماتسمى بقناة قون دي ماعندها موضع البيت المزيعة كل اهدافه انو الناس تعلق عن وركينا او فخدوها ودي رد علي كلام صاحب البامية بالمرقة مسيخة مساخة


#90107 [eisa]
0.00/5 (0 صوت)

02-03-2011 06:01 PM
البوليس ابــــــــــوكـــــــــــــــــرش


#90032 [محمد احمد فضل]
0.00/5 (0 صوت)

02-03-2011 02:40 PM
( هسه في زول جاب سيرت البحر ؟ ) ظريف ياأستاذ;)


#90022 [زول عاااااادي]
0.00/5 (0 صوت)

02-03-2011 02:13 PM
شفتوا ناس الجزيرة ديل بتاعين فتنة ما يدخلوا كراعهم في بلد الا يخربوها وهم راس الفتنة وجهاز استخبارات امريكي عديل -زي ما بقول ليكم كدي -ودي ما دايرة ليها فهم جاطوها في تونس وفلسطين -اكتر ما هي جايطة وقبلوا هسه علي مصر والحرب حرب اعلامية جونا في الانتخابات بمذيعينهم واهتمام اكتر مننا نحن زاتو ما عرفنا البلد دي حقتهم ولا حقتنا ولما ما لقوا حاجة لموا عدتهم وجركاناتهم ورحلو ا وهسه في الاستفتاء قايلين حتحصل مجازر ومصايب ورد الله كيدهم ولما لقونا ناس وهم ولا تفتيحة ما عارف رحلوا لانو المادة الدسمة من دماء وحرائق وذبح وسحل وتفجيرات ما لقوها قبلوا علي غيرنا والله يكفينا شرهم هم والبي بي سي الفينا مكفينا -يا تمساح الكدرو صابونك بطئ ولا ايش؟هههههه;)


#90018 [بت ابوها]
0.00/5 (0 صوت)

02-03-2011 02:02 PM
قال المثل الشقي بشوف في نفسه والسعيد بشوف في غيرو-ونحن الشايفنو انو ناسنا ديل يتعظوا من الاشقياء السبقوهم يعني السودانيين يقعدوا في الواطة او ان شاءالله في بنابر ساي واوع من الكرسي لانو رمز الحكم-وناس المعارضة يخلوا عوارتهم البسوا فيها دي وما يجروا الناس لي زي الحاصل في مصر دا ومين كان متوقع تصل لي كدا واناشد جميع افراد الشعب السوداني الماعندو جمل في الحكومة او ناقة في المعارضة ما يلعب بي روحه ابقوا تفتيحة يا شعبي العزيز -انا حذرتكم عشان ما تمرقوا من المولد بدون حمص كالعادة -خلوا بالكم وما تتغشوا بالاتنين ويخموكم ساكت-;]كدا كيف يا بروف مش عليك الله دي الحقيقة


#89978 [خالد فارس]
0.00/5 (0 صوت)

02-03-2011 01:05 PM
د/البوني اكل بامية امباااارح وغسل يدك بصابون ELIT لانو طبق دارفور انكشف وكانت تحت بامية بايتة لحدي ما عاملة ريحة ولولا الاعلام الخارجي لما انكشف الطبق والجماعة بقول خلوها مستوره 0


#89950 [علي تمساح الكدرو]
0.00/5 (0 صوت)

02-03-2011 12:27 PM
استاذي الأكرم البوني...قد نقسم المتتبع للأحداث اليومية والإخبارية منها بالذات الي فريقين لا ثالث لهما :
1/ فريق يري في حجب النظر عنه وتسليطها علي غيره محمدة يتمني أن لا تنتهي.
2/فريق يحب أن تسلط عليه الأضواء حتي يظفر بما يريد.
وأعقد أن الفريق الأول هو فريق حكومة السودان والتي تفعل ما تفعلة النعامة تماما ... وكأن والسودان ينقسم وسوف ينقسم كمان وكمان هذا أمرا ليس يعنيهم في شئ..الجنوب ...دارفور ...الشرق... وبعد أن أطلقنا علي أنفسنا دولة منتجة للبترول تغير الحديث عن المنتجات والصادرات غير البترولية..
وصدقني بامية زي بتاعت امبارح وبطاطس بتقرمش دي بقت صعبة جدا في ظل هكذا نظام!!.وهكذا عقلية...
أستاذي البوني عندي ليك حاجه تانية تتابعا (عارفين أنتو بتاكلوا أيه جراثيم جراثيم)...وأنا برضوا ما جبت سيرة البحر....!!!!


عبد اللطيف البوني
عبد اللطيف البوني

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة