المقالات
السياسة
كلمه ونص انا احب الصادق المهدى
كلمه ونص انا احب الصادق المهدى
05-18-2014 08:52 AM


سيسجل التاريخ السودانى الحديث ان السيد الامام الصادق المهدى هو اكثر الساسه السودانيين احترافيه ويلعب البلوتيكا السياسيه على مستوى عال جدا من المهاره . فقط تذكروا لاحقا ان هناك شخص مهووس فى لحظة تاريخيه حرجه اسمه سعيد شاهين ويحب ان ينادوه بسعيد ولد اسيا قال الصادق المهدى رجل سياسى محنك من الدرجة الممتازه
لك الله سيد الصادق لاننى احس بك تماما وبالدور العظيم والمسئوليه الضخمه التى آثرت ان تتحملها بصبر وجلد لانك فى وجهة نظرى جسدت تماما وجمعت شخصيات منديلا ونهروا ومازجتهم بالارث العربى الاسلامى السودانى فانتجت طبخه غريبة المذاق عند اطفال سياسى الايسكريم
لك الله ولك حبى وتقديرى وقلبى معك ولا اريد ان استرسل حتى لا تبوظ وتمسخ الطبخه والما عاجبو الباب يفوت فييييييييييييييييل مش جمل لان جمل هذه تواضع وادب مهدى منك واقولها بالفم المليان انك من الكاظمين الغيظ العافين عن الناس الآمرين بالمعروف الناهين عن المنكر ولك من الله الاجر والثواب الاعظم
الفهم فهم والما فهم على كيفو لانو الفهم قسم ودنيا الناس محن
انا احب الصادق المهدى
مفتاح فهم
فى عهد الكره الذهبيه كان هناك لاعب فى فريق النيل اسمه يوسف مرحوم الله يرحمه كان اخطر لاعب فى الميدان وكل خطورته انه كان بيلعب بايديه اكتر من رجليه ودى بيعرفوها العايشوا تلك الفتره وتمتعوا وتذوقوا روعتها
وبرضه انا بحب الصادق المهدى ويا سيد الصادق انا احبك لله والله على ما اقول شهيد وتاكيدا لكلامى ربنا يطول عمرك ويحقق الفى مرادك
وفى الوقت داك الجمال بترجع لمراحها
مخارجه
انا ما حزب امه ولا علاقة لى به سياسيه لكنى سودانى وبحب الصادق لانه المحنك وفى حضرة جلاله يطيب الجلوس واحبك بتضحك لانها حصه واحبك عبوس لانها تاكيد لماذا احبك وتانى الفهم قسم
باختصار دى بينى وبين سيد الصادق انا فهمتك واعتقد انك فهمتنى دى علاقة فهم من سنة 64 وعشره طويله فى الفهم ربنا يحفظك ويحفظ البتحبهم ودى برضه انا عارفا وانت عارفا والله عارفا وعشان البتحبهم ديل انا بحبك وبرضه الفهم قسم
تحذير
ما يطلع واحد يقول دى كسير تلج لانو البكسر تلج بيكون عطشان عنده مصلحه خاصه وانا فى الحته دى ما عطشان لكن عطشى وعطش سيد الصادق واحد وبنصبر عليه
وبالتاصيل..... دا من الصيام الحلال...... ورمضان قرب تصوموا وتفطروا على خير
الله يرحمك يا د.عمر نورالدائم يا حبيب الامام والفاهمو تمام

[email protected]


تعليقات 8 | إهداء 0 | زيارات 1116

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1008534 [الامين دياب]
0.00/5 (0 صوت)

05-19-2014 10:23 AM
ده بلعب بتكتيك عجيب و هو اصضلا متقدم علي عصره 0 انا بحب الصادق و بكره الجماعة اييييي

[الامين دياب]

#1007667 [النون الساكن]
0.00/5 (0 صوت)

05-18-2014 04:05 PM
اضم صوتي الي صوتك يا شاهين و احب ان اضيف انه لو هنالك وطني واحد مازال قلبه علي السودان هو السيد الصادق و لو كان هنالك سياسي واحد بمفهوم السياسة العالمية بعيدا عن المصلحة و الشوفونية و اللعب بمقدرات الامة فهو هذا الرجل ...
عموما ستبدي لك الايام ما كان خافيا
اما عن مسرحية الاعتقال و نظرية الاحتمالات المزعومة فاعتقد ان من يراهن علي ذلك بعيد عن السياسة في الساحة السودانية و ان كان في قامة الاستاذ صديق محيسي مع الاحترام...

[النون الساكن]

#1007646 [سودانى و بس]
0.00/5 (0 صوت)

05-18-2014 03:50 PM
حرام عليكم يا جماعه الرجل عندما يحاور تنتقضيهو و تكيلون له الشتم و السباب و عندما ينتقض أفعال و اليات النظام تزيدون له السباب, فماذا تريدون منه ليرضيكم. أتركوالرجل و شأنه و أقنعوا منه ورونا شطارتكم ماذا انتم فاعلون لدحر هذا النظام الظالم وله فلاحتكم وشطارتكم على الصادق بس.
الذين يقولون أن الاعتقال مسرحيه جانبهم الصواب . الموضوع ببساطه ان النظام تفاجأ بأن مناخ الحوار و الحريات قد فتح له أبواب جهنم من حيث لا يحتسب فأنكشف رأس جبل جليد الغساد الذى طال رؤؤس الهرم و لسه التقيل قدام لذلك قرر النظام سد الباب البجيب الريح بلا حوار بلا لمه
قوموا إلى ثورتكم يرحمكم الله

[سودانى و بس]

#1007644 [سودانى و بس]
0.00/5 (0 صوت)

05-18-2014 03:48 PM
حرام عليكم يا جماعه الرجل عندما يحاور تنتقضيهو و تكيلون له الشتم و السباب و عندما ينتقض أفعال و اليات النظام تزيدون له السباب, فماذا تريدون منه ليرضيكم. أتركوالرجل و شأنه و أقنعوا منه ورونا شطارتكم ماذا انتم فاعلون لدحر هذا النظام الظالم وله فلاحتكم وشطارتكم على الصادق بس.
الذين يقولون أن الاعتقال مسرحيه جانبهم الصواب . الموضوع ببساطه ان النظام تفاجأ بأن مناخ الحوار و الحريات قد فتح له أبواب جهنم من حيث لا يحتسب فأنكشف رأس جبل جليد الغساد الذى طال رؤؤس الهرم و لسه التقيل قدام لذلك قرر النظام سد الباب البجيب الريح بلا حوار بلا لمه
قوموا إلى ثورتكم يرحمكم الله

[سودانى و بس]

#1007598 [أبوالكجص]
0.00/5 (0 صوت)

05-18-2014 03:17 PM
والله يا ود آسيا حب الناس مافيهو حاجة وأظنك زول ريّاد(ما أصلو البزورو الريد .. حب الناس يزور قلبو) بس كتّرت المحلبية شوية في الريد. نعرف جيداً أن الصادق زعيم وسياسي لكن القارئ لما يسترسل في موضوعك عشان يطلع بي إضافة(وهذا ما يُفترض أن يكون زبدة المقال) تفيدنا فيها بخراقة (من خارق) الزعيم الصادق فهذا ما لم توضحه لنا .. دا مُلاح شنو يا ود آسيا (بس إسمك متناغم يا كوتش).

[أبوالكجص]

#1007557 [مارس ماسك يد أبريل]
0.00/5 (0 صوت)

05-18-2014 02:45 PM
دة شعبان عبد الرحيم بتاعنا
أنا بكره إسرائيل وبحب الصادق المهدي
هييييييييييييييييه

[مارس ماسك يد أبريل]

#1007156 [خاطره]
3.00/5 (2 صوت)

05-18-2014 10:29 AM
طيب وقت بتحبوا بعض ومتفاهمين شديد كده رسل ليه خطاب خاص وتساب ايميل ولا اي حاجه. الموضوع بيناتكم تاعبين القراء معاكم في شنو .

[خاطره]

#1007155 [ودمدرع]
5.00/5 (3 صوت)

05-18-2014 10:27 AM
من غيرك يقول لنعامة المك تك ايها المناضلي الثمانيني الذي لا تلين لك زراع........ لين لا تنكسر.... قوي لا تخرب.... تتكلم لا تسئ .....تحاور لا تساوم ......تناضل لا تتاجر.....انك الامة انك حاديها ودليلها نحن علي دربك سائرون ايها الحبيب الامام

[ودمدرع]

سعيد عبدالله سعيد شاهين
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة