المقالات
السياسة
قصيدة - أنغام زفافك يا على
قصيدة - أنغام زفافك يا على
05-23-2014 01:53 PM


وكتبت ليك
غنوة حنين
غنوة الزف المصاحب
دمعة الأم بالفرح
إشتقت ليك
شوق السنين
الما كمل
فى يوم زفافك يا السمح
وعزفت ليك
نغم المنى
وحرف القصيد
دهشة قوافى
شهد مرح
يازولى أبشر بالحباب
فى يوم حلوك
حتى العصافير
فرحانة تصدح
رغم البعاد
هجرانى عنك
يا على
بفرح وأغنى
وليك أمدح
وأنا فى البعاد
رغم الظروف المانعت
خطواتى ليك
تلقانى أرقص منشرح
وأنا فى الغياب
أسعدنى إنك
حوش أبوك
عمران محبين
معمر بالقدح
وأسعدنى إنك
بالأهل فرحان
مجرتق بالعديل
موشوم محنن مصطبح
فرحانة بيك
أختك بت أبوك
خالاتك الجد ما نسوك
وأهلك الحلوين
بشمروا فى السمح
الحلة بالزغرود
تبارك قدلتك
والسيرة يا المبروك
زفافك بالفرح
وأنا إن كتبت
حروفى فيك
ياها الوشم
ياها الفرح
وكل التهانى
مع المزح
مبروك عليك
أمى الحنون
للطفلة
فى الحوش الكبير
للنيمة
للعصفور يغنى
وفى سماك يجنح منشرح
.....أبوناجى.....

isuliman67@gmail.com


تعليقات 0 | إهداء 0 | زيارات 763

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




الشاعر أبراهيم سليمان أبوناجى
الشاعر أبراهيم سليمان أبوناجى

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة