المقالات
السياسة
يا داخل الوطني
يا داخل الوطني
05-23-2014 07:28 PM


يا داخل الوطني
جيب لي معاك عضة
تحجب تغطيني
من هجمة مرتدة
في ملعب اﻹنقاذ
كذب البقول صد
أو أفسد الهجمات
و شباكه ما أنقد
لو ما أتمليت أهداف
بي كورة تنكده
ما عايز أبقى وزير
أسفاره ممتدة
يتعشى في كاركاس
في طوكيو يتغدى
أو ملحق اعلامي
إن شاء الله في جدة
طاقاه قوة عين
مع مسخرة وشدة
يشكر سعي اﻹنقاذ
ويدي اللسان مده
حتة خبير وطني
نقناق وديك عدة
أسرح وأحاكي ربيع
أنفخ وأتحدى
أملا المنابر زيف
للناس أقد قدة
بالمغصة املا بطون
أدي النفوس سدة
*****
الخزنة ما أنكسرت
أدوها للسمسار
قال القروش وينها
ما شالها سيلفا وطار
والباقي في هجليج
كملان (حلو) و(عقار)
التحلية أم طبقات
ما شافتها اﻷمصار
ﻻ في حلب ﻻ دمشق
ﻻ كوفة ﻻ أنبار
علوا العمارات فوق
الجار يفوت الجار
الباقي كم طابق
ونكمل المشوار
من وين نجيب تمويل
يا خازن اﻷسرار
ما فاضل إﻻ ربا
أو خرتت ايد في قمار
مالو القمار يا شيخ
الجوزوه كتار
بس دخلوا المجلس
وأرخوا ليه النار
في جلسة مضغوطة
في جو لطيف ما حار
أدوه ملعقة توم
زيدوه حبة شمار
جيزوه باﻻجماع
يطلع حلو وحلال
ما نحن مضطرين
دام القروش لعمار

[email protected]


تعليقات 0 | إهداء 0 | زيارات 547

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




أسامة أحمد خالد
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة