المقالات
السياسة
قال حوار قال
قال حوار قال
05-26-2014 10:40 PM

توب يا ظلوم

قبال تقوم من كرسي أبداً ما بدوم

إنت من ما جيتنا شوم

سكنت منازلنا الهموم

و بلت شوارعنا الدموم

عز النهار شفنا النجوم

تتمادى في الباطل تعوم

و جزى البينصح أو بيلوم

بس طلقتين عند اللزوم

توب يا ظلوم

جيتنا مشحون بالكذب

و لعبت بالاسلام لعب

علماك إخوان النهب

يفتو ليك ذي ما تحب

أشعلت نيران الحرب

في ضوها ترقد تنوم

توب يا ظلوم

إنتو حفنه من التتر

بل إنتو أصلاً ما بشر

زولكم اذا خاصم فجر

و كبيركم لو صالح غدر

و قلوبكم أقسى من الحجر

شعب النضال كم كم صبر

يا ويلكم إذا انفجر

توب يا ظلوم

أفهم تمام راجيك يوم

نور العدالة إذا سطع

و حبل الصبر وقع إنقطع

وين الهروب ؟

كيف يا جدع ؟

نظامكم السوى البدع

بيوت أشباح إسم الدلع

و دفن الشباب جوه الترع

و ناساً كتار بالجوع تموت

و ناساً تموت من الشبع

توب يا ظلوم

ما تغشنا و تقول حوار

نحن أصحاب القرار

الإنتفاضة القربت

واضحه ذي ضو النهار

و أحسن تفكر في الفرار

و شوف يا ظلوم

ده كله كوم

و مصير بلدنا براه كوم

نتسامى و نصالح الخصوم

يرجع وطنا كما نروم

الخير يعم و العين تنوم

توب يا ظلوم

توب يا ظلوم


زاهر أحمد
[email protected]


تعليقات 0 | إهداء 0 | زيارات 537

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




زاهر أحمد
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة