المقالات
منوعات
قصة العم النوش
قصة العم النوش
06-14-2014 03:09 PM

لم يكن النوش ياخذ هم الحياه التى اخذت منه الكثير يعشقها يحبها يؤمن بالله وبالقدر خيره وشره يصبح صبحة باسم الله بافتاح ياعليم ويا رزاق ياكريم ويشرب شاى الصباح الذي يجمعة مع العائلة ام العيال والبنات سمية وزينب ومحمد والصغيرة التي دائما تقبله على وجنتيه وتضحك عند شراب الشاي ويضحك الجميع خاصة عنما يخرج عم النوش جزلانه (محفظته الكبيرة) ويخرج الدراهم التي تسمى( الضحاكات ) لانها تضحك أي شخص وياخذ الابناء الي الشارع ليذهبو الي المدارس ويرجع الى البيت لام العيال يقول لها نفسي اشوف الولد دكتور والبنت دكتورة واشوفهم في اعلى المراتب وتقول ام العيال امين يارب العالمين وربنا يزوجهم باولاد الحلال ويذهب عم النوش ويقول وداعا دعواتك يا ام العيال اوتدعو له بالخير الكثير والوفير وياخذ مفتاح التاكسي ويبدأ الركض ويركب معه الكثيرين الذين ينتظرون دورة في موقف التاكسي لان له كثير من الطرائف والنكات ومشاركة الاخرين في ابداء رايه في مشاكلهم العائلية ودائما يقول انا واقع من السماء سبع مرات البعض يحكي له عن مشاكله مع زوجته والبعض مع نسائبه والبعض مع اولاده ويشارك الاخرين الركبين معه في التاكسي الاراء ويقول له تصور مشاكلك مع زوجتك بتحل مشاكلي مع زوجتي وتصور انا ماعندي مشاكل خالص معاها بس مشكلتك دي بتفتح لي موضوع نقاش مع زوجتي نقعد نناقش في مشكلتك وننسى مشاكلنا وبالتالي مابنكون طرف في المشكلة ويضحك الجميع ويقبل ان ينزلوا جميعا يقول له خلي روحك رياضية ماهي برضه ام عيالك ..ماتجوا تتغدوا معانا ويضحك الجميع ويرحع الي موقف التاكسي ويحكي لزملائه السائقين قصة اليوم ويقول له الاخر انت والله يا النوش قصصك دي طه حسين ما عملها دي تنفع افلام سنمائية ..ويغيب النوش في اليوم التالي ولا يذهب الى موقف التاكسي ويسأ الجميع يا اخوانا ماتشوفو الرجل دا وين ويقول سيد العارفين وفي الواقع ان موقف تاكسي النوش ملئ بالعارفين ببواطن الامور وفيهم الذي يفهم في الطب الشعبي ضار . يا اخوانا انتو ماعارفين انو الليله الهلال والمريخ والنوش بيكون برحف من هسع ولا بتفاهم ولا بتكلم ولابياكل ولابشرب الله يكون في عونه.النوش رجل رياضي يعشق كل شئ يخص الرياضة حتي في المزاح مع ابنائه ياولد ماتجي ولاطلعت اوف سايد عامل راسك مثل الكورة ويابت ماتلبسي الوان الفريق الاخر والشائ دا ماحقو يكون احمر ويا ام العيال تاني ماتقولي لي الحاجة دي سمحة ذي العجب انا جني وجن العجب .لا والمشكلة انا اي حاجة بقت لي حمراء الشاي احمر والبطيخ احمر والدم احمر ديل حيجننونا ولا شنو ، المشكلة الولد قال لي انا عايز اشجع المريخ اقول ليهوشنوالمهم قلت ليهوالله يهديك......وانا ماشي الحج والحمد لله الحج مابلبسوا فيهو احمر ،ماشي اجيب الخضار الله يسترنا معا الطماطم المهم ربنا يهون لي الحج وربنا ينصر الهلال الليلة لكن يا الحاجة اذا مشيت الحج مابجيب ليك حاجة حمراء اصلو ولا حتى فستان النوم سبحة زرقاء مصلاية زرقاء شال ازرق ودايركم يا اولاد تكتبوا في حيطة الشارع باللون الازرق والابيض بس حجا مبرورا وسعيا مشكورا.وذهب النوش الى دار الرياضة قبل العصر وظل مرابطا بالملعب وانتصر الهلال ولم تسعه الفرحة فخرج الى سيارته التاكسي واتاه لاعب المريخ بعد ان خرج من الملعب مهزوما وهارب من الجماهير ياعمي النوش وديني بيتنا ...أوديك بيتكم وانا اعرف بيتكم كيف اصلو بيتكم دا القصر الجمهرري ..ويضحك اللاعب بالرغم من وقع الهزيمة عليه وبرغم ذلك يوصله الى منزله ويقول له انا ماعايز منك قروش كفاية عليك القونين وبرضه كان مشيت الحج بجيب ليك مصلاية زرقاء ولا انتو كفار مابتصلوا ..ومن شدة فرحته بالانتصار اهالي الحي كلهم في بيته واحضروا معهم كل ماطاب من العصاير والعشاء وعند صوله لم يعرف بيته من كثرة زحمة الناس فسال الاطفال الذين يلعبون في الشارع : يا اولاد وين بيت عمكم النوش فقال الاولاد : ما انت عم النوش. فقال لهم : يا اولاد انا ماسألتكم من عم النوش انا سالتكم بيته وين؟ وضحكوا الاولاد واوصلوه الى البيت. وتم استقبال اهالي الحي النوش وباركو له الانتصار وقدمو له الشاي الاحمر لكنه رفضه وقال لهم شاي ازرق بس .ويواصل العم النوش مسيرته الضاحكة وقلبه الابيض ويمر دولاب الحياة ويحاط بالابناء والاحفاد وحملتة الشهادات وتطلق ام العيال كل يوم زغرودة فرح ويقول هذه سنة الحياة وهذة جائزة الصبر والكفاح ويكرم العم النوش من الدولة ومن نقابة التاكسي باعتبار انه رجل ولا كل الرجال ، وتكرم ام العيال باعتبار انها الام المثالية. وفي يوم التكريم يستلم النوش سيارة جديدة وكان طريفا حبن قال : التاكسي ما لازم يكون اصفر. لاكن برضه هم اخوانا الميرخاب لاكن في الملعب لا ..لا..لا..
معاذعباس العبيد( السمتان)
المملكة العربية السعودية/الرياض
[email protected]


تعليقات 1 | إهداء 0 | زيارات 1343

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1041696 [ابو نبوية]
0.00/5 (0 صوت)

06-22-2014 02:37 PM
واله ياريت الناس كلها تبقى زي عم النوش ، تحيل كآبة الناسوحزنهم الى فرح بالله هى الدنيا بتستحق انو الواحد يزعل وماأعجبني ودعاني لاكمال القصة ان عم النوش من بني زرقان وهلالابي قاصع وسوداني أصيل شكرا لك معاذ واصل رحلتك القصصية

[ابو نبوية]

معاذعباس العبيد
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة