المقالات
السياسة
حسين خوجلى:الشعب السودانى لا عنده عقل لا عنده وطنية
حسين خوجلى:الشعب السودانى لا عنده عقل لا عنده وطنية
06-15-2014 10:41 PM


حسين خوجلى :الشعب السودانى دا لا عنده عقل لا عنده وطنية ولو نحن عاوزين حكام يملأون العين بنفتكر أن الحكام البيملوء العين مابيجوا إلا عبر مواطنين يملأوا العين ( وطبعا افهموها يا سودانين أنت عقل ماعندكم ووطنية ماعنكم حتجيبوا حكام يملوا العين من وين وأنت يا البشير لازم تسمعها وتعيها - أنت حسب كلام حسين خوجلى لا تملأ العين - والله الزول دا فجر يشتمنا نحن الشعب نحن جضما تعود على اللطشي منذ ربع قرن - كمان يا حسين تصل لى هانة المشير زاتو - الله وأعلم دى تمرق منها - أنا المرة الفاتت ماقلت ليك ياخى الكلام الشفهى دا بيوديك فى ستين داهية أكتب لك روءس أقلام عشان ما تقع فى المحظور
وإنتو يا سودانين عشان مابتملوا العين جبتو قيادات ما بتلملأ العين
والصحيح أن يقول حسين خوجلى التالى ( حيث أن الحركة الأسلامية السودانية ليس فيها رجال يملأون العين لذا قدمت لنا حكام لايملأون العين - حسين خوجلى ساب الفيل وطعن فى ضله - المواطن المغلوب على أمره مهان مزدرأ به ومحقر من حسين خوجلى فى عقله ووطنيته وكمان لأنه مابيملأ العين جاب لينا البشير وجماعته - يا حسين خوجلى البشير أول حاجة جاء راكب دبابة وشال السودانين رماهم فى التراش باق للصالح العام - هسي أنت مدخلنا عشان شنو ولا بس خلاص بقيت تس
مع حسين خوجلى السبت 14 يونيو 2014م الجزء الثانى
فى حديثه بالجزء الأول ( مع حسين خوجلى ليوم السبت 14 يونيو 2014م ) طرح علينا المدعو حسين خوجلى مقارنة بين عملية ( رحول عفش بيت خليجى متحضر عبر شركة نقل اثاث متخصصة على النظام الأمريكى ) و ( رحول عفش بيت سودانى متخلف باللورى وعتالة عنقاله من سوق الله اكبر ) ومن خلال نظرته هو لهاتين العمليتين فى الرحول الغير متكافئتين حمل الشعب السودانى أسباب هذا التخلف وكلنا عارفين سنة 1970م وقف الشيخ زائد على الخرطوم وتمنى أن تصبح ابو ظبى كالخرطوم ، ليدخل بنا حسين خوجلى لقصة درامية جديدة حين قال : ( فى زول كتب لى مرة تقرير عن التخلص من مشروع الجزيرة – والله حاجة تبكى – نفس الطريقة بتاعت اللورى الشال عدت الزول الشفتها بى عينى دى واللى فعلا حتمشى الكوشة )
دون أن يذكر لنا حسين خوجلى فى أى عام حدثت عملية البيع المهزلة ؟ وفى عهد من من الحكام ؟ والسبب واضح – حسين يود أن يعوم كل مشكلات السودان لتكون مناصفة بين كل من حكموا السودان مابين 1956م الى 2014م بينما نحن نريد أن تحدد فترة ذبح وسرقة السودان مابين 1989م الى 2014م ، ولأن حسين خوجلى من يوم ماقبضوا على الصادق ودخلوه سجن كوبر ومن يوم ماظهرت قوة خفية تقبض وتسجن ولا تحاسب – حسين دخلت فى قلبه خوفه وبقى كلامه مبهم وغير محدد وواضح امعالم
أولا يا حسين خوجلى ماهى صفتك عشان الزول دا يرفع لك التقرير دا وما يدريك الزول دا قد يكون كاذب زى الغلام الذى كذب لدى المنصور عن سيده ، أنت تروى قصة غلام كاذب فى عهد المنصور وليه ما تضع ولو 10% كذب زولك فى عهد الكذب – يا حسين مافيش زول من أصله وأنت من الجزيرة ولكن لأنك جبان بتبعد نفسك أن تكون مصدر الخبر وتقول حدثنى فلان عن فلان ، بعدين الزول دا ليه مارفع التقرير دا لدكتور تاج السر المكلف بدراسة الفساد والخلل فى مشروع الجزيرة
حسين يواصل : إسبيرات بملايين الدولارات بيعت لناس مابيعرفوا عنها أى حاجة – وأدفعت فيها أتفه الأتمان لأن زاتو الزول القام ببيعها هو زاتو فى مشروع الجزيرة معين سواق ( لا حظوا معى حسين أخذ تقرير الزول دا وماقال لينا تحرى عنه وعن صدقيته وبدا يتكلم وكأنه هو الزول الراوى نفسه – ماقلت ليكم حسين دا بتاع غرض – يا عاوز يملأ برنامجه بأى كلام أو هو يهوى تأليف القصص ويريد ان يشبع رغباته ويصطاد عصفورين بحجر واحد حين يملأ برنامجة بحديث نصف ساعة عن قصة من تأليفه – بعدين يا حسين الحكومة الماذكرت إسمها لينا دى ولا إسم الزول الكتب ليك التقرير ولا السواق الذى أصبح فجأة مسئول المبيعات فى أكبر مشروع زراعى مروى فى العالم – ديل كلهم من رأس الدولة للسواق لزولك أسماء نكره لم تحدد وتاريخ البيع لم يحدد – نحن كمشاهدين عبر قناة الحرية والصدق والجمال القاعدين فى السهلة السودانية التى دخلنا لها عبر بوابة عبد القيوم وجعلنا منها القناة الأولى فى العالم – نعمل شنو بعدما سمعنا قصتك دى ؟ نمشى النيابة نفتح بلاغ ضد منو عشان نرجع حقوقنا السرقوها دى ؟ والله يا حسين قصتك دى لو حكيتها قدام المنصور كان جلدك تانى 40 يوم ما تقدر تقعد فى كرسي على صلبك
تخيلوا يا جماعة حسين بيقول ليكم الزول الباع مشروع الجزيرة لهسي دى ورقه فى مشروع الجزيرة سواق – أنت يا البشير العملية دى سويتها فى ركبتك أم فى اضنيك – ماسامع الشريف حسين بيقول فى شنو – إنتو رسلتم سواق باع مشروع الجزيرة – معناه قريبه الشريف بدر براءة لأنه دا ما سواق – والله البلد بقت مسخرة وملطشة فى يد كيزان آخر زمان
هسي نصدق منو ونكضب منو ؟
حسين يواصل : دى المجموعة القامت ببيع البيوت والسرايات – السكة حديد – أى حاجة إتباعت – واتباعت بلا شىء
يا حسين كن رجل شجاع وأكشف لشعبك من هو البائع ؟ ومن هو المشترى ؟ الكلام المبهم دا لا قيمة له
بعدين أنت ما سودانى وعندك حق فى المال المنهوب دا – مادام عندك مستندات أدله تؤهلك عشان تفتح حلقك وتتفصح فى قناة الحرية والجمال ليه ماتمشى تفتح بلاغ لدى النيابة أنت ماقلت البلد دى فى قضاء عادل
حسين يواصل : مشروع الجزيرة دا لو جاءوا يرجعوه لما كان عليه – بس هو واللورى الكان شايل العفش وجارى فى شارع عبيد ختم دا مافيه اى حاجة – لذلك يا جماعة نحن بنفتكر انه السودان دا حتى لو قنعنا منه عشان نعمل عملية تسليم وتسلم إذا ما دايرين نعمل لينا حكومة قومية ومادايرين نحارب الفساد ونخت الرجل المناسب فى المكان المناسب والزول الفالح والصالح والبيعرفوه الناس – نعمل لينا يا جماعة شركة مناوله ( Handling ) – شركة بتاعت عتالة نضيفة عشان لمان نجى نبيع مشروع الجزيرة دا نعرف نخت الحاجات كيف ونخزنه كيف ونجيب ليها منو البيشتريها – بلد محتاجه ليها لدلال نضيف اذا اشترى يشترى بعدل ولو ما اتفقنا معه نخزن بضاعتنا
على الطلاق حسين دا شارب حاجه – يمكن شاى بلين مقنن – يا جماعة حسين دا اخدنا فى قصة طويلة ( فى زول كتب لى مرة تقرير عن التخلص من مشروع الجزيرة ) ما خلاص بيع وتم التخلص منه تجى تانى وتقول ( نعمل لينا شركة بتاعت عتالة نضيفة عشان لمان نجى نبيع مشروع الجزيرة ) نجى نبيعه أم نشتريه ؟ نحن يا حسين ماقلت لينا اتباع خلاص وشبع بيع – غايتو يا نحن هبل عشان بنتابع احاديث الكيزان ديل ونديهم قيمة ونعلق عليها أم هم مجموعة مجانين عاوزين يجننونا معاهم
مرة يجى يقول المضايرة واليوم يجى يقول البلد دى دايرة عتالة نضيفة – الناس من وندرز 8 ماشين على وندوز 9 و10 ونحن حسين مودينا لمرحلة العتالة النضيفة يعنى كل زول يضع بردعه فوق ضهره ويدخل السوق وكل مشكلة يحملها للشعب وجماعته يسرقوا يقتلوا يحرقوا براءة
حسين خوجلى يواصل : لو قريتوا التقرير الذى عملته لجنة دكتور تاج السر مصطفى لو وراكم الحصل شنو فى مشروع الجزيرة حتعرفوا بالضبط مش الذى حدث لمشروع الجزيرة ولكن حتعرفوا بالضبط ما الذى حدث للعقلية السودانية ؟ وما الذى حدث فى أننا بقينا ماعندنا أى صلة بالممتلكات العامة وتعرفوا ليه أنحسرت قيم الوطنية وأن الشايفنه قدامنا دا ما حقنا – لا الأراضى حقتنا – لا الموية حقتنا – لا المشروعات حقتنا – لا المكاتب حقتنا – لا الخدمة المدنية حقتنا – لا المستشفيات حقتنا – كارثه – بلد يبحث الأن عن شركة لللملمة والتغليف والتخزين والترحيل والحفظ
حسين خوجلى يكمل حديثه : ونفس الحصل دا لمشروع الجزيرة نفس الحصل للخطوط الجوية السودانية – نفس الحصل لسودانلاين ( الخطوط البحرية السودانية ) – نفس الحصل للنقل النهرى – دى كلها مش إتباعت – دى تم رميها على قارعة الطريق – دمعة واحدة ما بكت عليها - تصوروا دولة الأن لا عندها بحرية – لاعندها نقل نهرى – لا عندها نقل برى – ولا عندها سكة حديد ولا عندها طيران – ماعندها أى حادة – قاعدة على قارعة الطريق – وأى زول جابوه فى أى وظيفة عامة فيها عنده أى حاجة لى جنى الجنى - هذه دعوة عشان نعيد إكتشاف حبنا للسودان
والله حسين خوجلى يا متخلف يا مجنون – 25 سنة من الحكم تسوا التسووه دا كله وتجى نعيد إكتشاف حبنا للسودان – سودان شنو وانتو حكامة لو وقفنا معاكم ورجعناه تانى ما بتاكلوه – يا حسين اتخارجوا منه وبكره نعيده سيرته الأولى لكن فى وجودكم – يا أخى كان سواقكم بياكل مشروع الجزيرة أمال البلدوزر بتاعكم ومتعافيكم واليكم ووليداته وبقية البلاوى – إنتو والله من يديكم السلام يطلع خسران
حسين يواصل : هذه دعوة عشان نعيد إكتشاف حبنا للسودان – هو حبنا لأنفسنا ما أدانا حاجة غير الفقر والخوف والهجرة والتطاحن والتشاحن والضغينة ما أدانا اى حاجة
لا يا حسين إنتو أداكم بدليل أنت واحد من الجماعة عندك قناة فضائية وصحيفة وإذاعة أف أم ما تقول لى شطاره ومن حقى فى دكان الدبلان والدمورية – لا يا حسين إنتو جماعة التمكين كأفراد تملكون الكثير – وكان تفكيركم أن تخلقوا دولة قوية وشعب ضعيف متبعين سياسة جوع كلبك يتبعك والشعب السودان شعب اصيل مش كلب عشان يتبع امثالكم – خطأكم أنكم دولة بدون علماء ومفكرين – أسستم دولة شعبها فقير فأنشئتم مصانع الأسمنت فأمتلأت المخازن ولم تجدوا مواطن يملك بناء بيت بالجالوص لفقره ناهيك عن المونة الحرة – أنشئتم مصانع الحديد فأمتلأت المخازن ولم تجدوا من يملك حق بناء بيت مسلح – كل ماتملكونه من مال خوفا من تدهور قيمة الجنيه مقابل الدولار حولتموه لأراضى والأراضى بنيتوا فيها الفلل والقصور والضانقيل وفقدت قيمتها واسقط كل شىء بين يديكم – فصل الجنوب وفقدتم مصدر مال كبير وجن جنونكم – والأن تطلبون من الشعب أن يكتشف حبه للسودان – عن أى سودان تتحدثون – سودان الشعب السودانى أم سودان الكيزان
يا حسين خوجلى كلامك واضح جدا أن هذه المؤسسات العامة التى بيعت تحولت عائداتها لملكية خاصة لجماعتكم جماعة التمكين – طيب كلما الناس تحدثوا عن الفساد تسدوا عليهم المنافذ وتقولوا النيابة تحجب النشر فى الموضوع دا – لمتين الفساد عفن والعفن ما بيتمسك بيمرق لو ما مرق على شكل ريح حيمرق حيكتم ويسبب لكم مشاكل فى المعدة – ولو كتم عليكم ما بيمرق إلا بحقنة شرجية
حسين خوجلى يأخذنا من مرحلة المضايرة وقبل أن نستوعبها ينتقل بنا لمرحلة العتالة النضيفة - صدقت يا حسين خوجلى حقيقة عتالتكم دى وسخانه شديد لأن أى شىء تكلفوا بحمله تدخلوه فى حساباتكم الخاصة وأى قطعت أرض تعجبكم تسجلوها بإسم اولادكم أو زوجاتكم أو أزواج شقيقاتكم – عتالتكم وسخانه – إنتو عايزين عتاله ناس مساكين وعلى نياتهم زينا ينقلوا الحاجة ويوصلوها لمحلها بأمان – الشعب كرهكم وكره حياته - كل شىء شايفنه ما حقنا كل شىء بقت حقتكم أنتو وجماعتكم ولو بس أنت أطلعت على قوائم قطع الأراضى الإستثمارية التى يمتلكها كل فرد من جماعتكم تعرف أن البلد ما حقت زول عليكم ولو خطفها كلب مافى زول يقوله جر – أنتو ما جيتوا تنقذونا هاكم ليها – أرجع لمانشر على الراكوبة عن قوائم أراضى جماعة النظام التى حصلت عليها الصيحة – هسي الصيحة وينها – ودا كله أنت عندك به علم وفايت أضانك – لكن أنت أضانك مغطيها بالصوف الشين دا وكمان فوقه خاتى عمامة زى عمة ترباس والقلع طلع العمة دى وأحلق الصوف والوبر دا ونضف أضنيك بأصابع قطن ـ COTTON BUDS وأنصف شعبك ولو مرة قبل ماتموت وكمان بعد الهانة دى كلها عاوز تكون حزب السودانين من شعب فقد عقله ووطنيته – طيب فضل لينا شنو
أنت يا حسين خوجلى تجرم الشعب السودانى كله دون إستثناء وكمان تتهمه فى عقله ووطنيته - الشعب دا انعدمت فيه الوطنية – ولم يفتح الله عليك بكلمة حق تقولها فى حق جماعتك - جماعة الأخوان المسلمين التى هيمنت على حكم البلاد لربع قرن وأبعدت كل الشعب من الخدمة المدنية للصالح العام
يا جماعة الخير أنا بجرجر فيكم من قبيل عشان عاوز أصل معكم لهذه العبارة (ما الذى حدث للعقلية السودانية ؟ وما الذى حدث فى أننا بقينا ماعندنا أى صلة بالممتلكات العامة ؟ دى تفسيرها يعنى لا عندكم عقل لا عندكم وطنية ) حسين خوجلى يبرىء جماعة الأخوان والحركة الإسلامية السودانية وجماعة الكيزان وجماعة التمكين وكوم الحرامية والحصل دا كله لأن العقلية السودانية حدث لها ما سيحدثكم به حسين خوجلى
عاوزكم تبحثوا معى فى القاموس السودانى عن صفة حقيرة **** قذره نتنه نلصقها بثياب وجسم هذا الخنزير القبيح واقترح أن يتقدم محامى وطنى غيور نيابة عن شعب السودان مدعوما بهذا التسجيل ويفتح بلاغ جنائى بالقذف والإساءة فى حق الشعب السودانى وأن ندعم هذا المحامى بتوقيع مليون مواطن فى الداخل والخارج
يا حسين خوجلى الشعب السودانى الذى طعنته فى سلامة عقله ووطنيته يريد أن يعرف إسم السائق الذى أوكلت له الدولة مسئولية بيع مشروع الجزيرة ؟ ألم تسمع حديث السودانى الطيب صالح : من أين أتى هؤلاء ؟ أنتم لستم بسودانين وأخلاقكم ليست أخلاق سودانى وفعايلكم ليست فعايل سودانين فلا تلصق بالسودان والسودانين جرائمكم وفسادكم والعارف عزه مستريح كما قال العلامة جمال الوالى
حسين خوجلى بعد أن تمادى فى ذم وتحقير شعبه واصفا اياه بعدم سلامة عقله وطاعنا فى وطنيته ، إتلفت لموضوع آخر كعادته حين يكون الأمر يمس الحكومة فقال : دايما يا جماعة نحن نطالب بحكام يملأون العين بنفتكر أن الحكام البيملوء العين مابيجوا إلا عبر مواطنين يملأوا العين ( رجع تانى لهانة المواطن وهو يريد أن يقول لكم أن هذه النوعية من الحكام لم تأتى بهذا السوء إلا أن مواطنيهم اسوأ منهم وكأننا قد هرلونا لصنايق إنتخابات وإخترناهم – حرام عليك يا حسين ما أنت عارف القدره وغطاها ) – مواطنين لا رعايا ( غايتو يا حسين الله لا يسامحك ماخليت لينا فى الهانة مش شىء قبح الله وجهك المركب فوق أكاتفيك ديل بلا رقبه )
طبعا غالبتكم يكون قد سمع القصة التى رواها الربيع عن شجاعة رجل من بنى أمية أمام الخليفة المنصور وتابعت القصة حتى نهايتها فكانت شجاعة الرجل طوق نجاة له من غضب الخليفة المنصور ولا أدرى ماذا يرمى حسين خوجلى من وراء قصص كهذه – وأين المنصور اليوم فى حياتنا وهل مثل السيد الصادق فى مجلس البشير – وهل للبشير مجلس – أنت نايم فى بيتك يجى بكس الأمن ياخدك يوديك كوبر أو حراسات الأمن والموضوع فى زماننا هذا لا تنفع فيه شجاعة ولا خلافها فقصصك يا حسين لا تناسب حالنا والمنصور ليس بيننا
الهدية : سئلت الممثلة مديحة كامل ، لمان تكونى مسافرة ماهو الشىء الذى تحرصين أن يكون معك دائما ؟ قالت كتاب الله المصحف الشريف سألها مقدم البرنامج : لكن أنت تؤدين أدوار فاضحة وفيها تعرى ، فقالت له : ربنا قال فى كتابه الكريم ( ساعة لربك وساعة لقلبك ) خبثاء المدينة قالوا أن الملياردير الأخوانى السودانى جمال الوالى خريج مدرسة مديحة كامل للشئون الدينية عشان كده بيفتكر أن العارف عزه مستريح ايه قرأنية

[email protected]


تعليقات 8 | إهداء 0 | زيارات 3253

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1037274 [بامكار]
0.00/5 (0 صوت)

06-17-2014 11:18 AM
يا باشمهندس الزول ده انا اتفق معاه وكلامه صحيح 100% لانه منذ الاستقلال وخروج الانجليز الى الان نتدهور بمتواليه هندسيه نقول الحقيقه ولا الحكايه عافيه نحنا شعب فاشل ما قادرين نأكل من أرض السودان يا أخى قولوا الحقيقه وسموا الاشياء بمسمياتها الاناشيد والاغانى والسودانيين ناس طيبين ما تأكل عيش الان أمى وأختى وخالتى ماشين يشتغلوا خادمات فى دول الخليج فى المنازل يعنى خادمه سودانيه بلاش من ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وبس

[بامكار]

ردود على بامكار
[المهندس سلمان إسماعيل بخيت على] 06-18-2014 11:01 AM
يا بامكار لخطورة ماورد بتعليقك أعلاه أنا أرتأيت أن يأتى لك التعقيب على تعليقك فى شكل مقال منفصل نشر بالأمس على الراكوبة بعنوان لا يابامكار لا تنساق وراء أحاديث خوجلى - أرجو أن تتطلع عليه


#1036597 [المهندس سلمان إسماعيل بخيت على]
5.00/5 (1 صوت)

06-16-2014 03:07 PM
أنا وأعوذ بالله من كلمة أنا ، أود أن أوثق لقصص فساد الكيزان
حسين خوجلى قال إسبيرات بملايين الدولارات بيعت لناس مابيعرفوا عنها أى حاجة – وأدفعت فيها أتفه الأتمان لأن زاتو الزول القام ببيعها هو زاتو فى مشروع الجزيرة معين سواق
حسين لم يقل لنا متى ؟ لأنه لا يريد أن تعرف هذه الحقبة الزمنية فى عهد الإنقاذ الزاهر الأخوانى الغير ميمون
وحسين قال الشخص المكلف سواق ولم يذكر إسمه - نحن هبشنا هبشنا وراء كلام حسين أولاد الحلال كتيرين وإنسان الجزيرة متفتح ومضطلع على أى شىء
الإجابة جات وبسرعة السادة ( حفتر ) و ( النون الساكنة )
الفترة الزمنية : العام 2005م يا جماعة بس ماوريتونا سنة 2005م الكان حاكم اللبلد دى منو ؟ أوعه يكون اللورد كرومر - الله يلعن الإنجليز دمروا مشروع الجزيرة
الشخص المغفل النافع الذى إستخدمته جماعة التمكين لبيع مشروع الجزيرة قالوا كان رئيس سواقين وإسمه النقر
أوعه يكون ولدنا النقر لاعب الهلال - دا رباطابى من أب هشيم بلد بابكر بدرى والرباطاب يعرفوا كل شىء إلا الحرام لكن البقوا كيزان ديل ذنبهم على جنبهم
يا حبائبنا ناس الجزيرة ويا حفتر والنون الساكنة عاوزين تقرير كامل عن النقر دا واسمه بالكامل عشان لو بقى حى يرزق يدخل على الراكوبة ويبرىء نفسه ويكشف السمك الهامور الغلاد غلاد الواقف وراه فى جريمة بيع مشروع الجزيرة وأنا بفضل نفتح محاكمات لكل المفسدين على صفحة أسمها الراكوبة القضائية نحن لو رجينا ناس دوسه ديل كله شىء حيدوسوه تحت رجليهم - يلا يا أخواننا القانونين تعالوا نفتح كل ملفات الفساد ويتم إستدعاء المجرم على الراكوبة وتوجه اليه التهمة والمادة الجنائية والعقوبة التى قد يتعرض لها ويطلب منه ان يقدم دفوعاته ومحكمة كاملة البينيان من قضاء جالس وواقف وتصدر احكام وبعد سقوط هذا النظام يحول ملف محكمة الراكوبة لمحكمة الشعب بالخرطوم للتنفيذ

[المهندس سلمان إسماعيل بخيت على]

#1036336 [ابوبكر]
0.00/5 (0 صوت)

06-16-2014 11:46 AM
جميل والله لكن حسين كوزومرسلنو ناس الامن عشان يخفف علي الشعب شويه

[ابوبكر]

#1036245 [المهندس سلمان إسماعيل بخيت على]
4.00/5 (1 صوت)

06-16-2014 10:43 AM
يا محمد الفاتح عشان تعرف أن إطلاق سراح كان ضرورة للحكومة عشان الصادق يعيد الروح للحوار والحوار هو من عيد الروح للحكومة ويمد من اجلها ويمنح الإنقاذ فرصة عشان تغير دمها وتعمل غسيل دموى للكلي حقتها من خلال فرصة إنتخابات تعيد البشير للحكم بعدما ركب جوز ركب جديد والبشير يفضل أن يبقى فى موقعه حتى يتوفاه الله ليكون فى حماية جنوده من عقاب الجنائية الذى ينتظره
وعشان تعرف أن سجن الصادق وإطلاق سراحه كلها مناورات تخص الحوار ولذلك لا أحد يتوقع أن يكلف وفد وساطة أخر للتوسط لدى السيد الرئيس لإطلاق سراح الأخ إبراهيم الشيخ لأن ود الشيخ وحزبه خارج دائرة الحوار
الشغل شغل مصالح ولكن أنا اتوقع أن السيد الصادق سيصدم الجماعة ولن يعود للحوار فى ظل نظام الحكم الحالى ولابد أن تسبق الحوار عملية جراحية كبرى لقيام حكومة وحدة وطنية حقيقية تجرد حزب المؤتمر الوطنى من كل أسلحة القوة والمال العام من تجنيب مبالغ هائلة بعيدا عن وزارة المالية والتمتع بخدمات الدولة فى المجالات العسكرية والشرطية والأمنية والمناصب العليا - لازم توضع جميع الأحزاب السودانية فى ميس واحد تصطف فى خط سباق داخل مضمار واحد ثم يطلق طلق مسدس ببداية السباق نحو الإنتخابات - أما لو دخلنا الإنتخابات بهذا الإصطفاف الحالى فإن المؤتمر الوطنى يتقدم كل الأحزاب بـ 999 متر فى سباق الألف متر ليعدو لواحد متر ويحقق السابق بينما البقية مطالبة بالجرى لأف متر كاملة

[المهندس سلمان إسماعيل بخيت على]

#1036206 [المهندس سلمان إسماعيل بخيت على]
0.00/5 (0 صوت)

06-16-2014 10:14 AM
يا أستاذ محمد الفاتح لن أتوقف عن الكتابة معلقا على مايبث على قناة أمدرمان الفضائية ( مع حسين خوجلى ) حتى يتوقف هذالبرنامج نهائيا عن بث الخبث والخبائث
حسين أمس الأحد 15 يونيو 2014م كلاما خبيثا مشيدا بوفد الوساطة المكونة من الأستاذ أحمد عبد الرحمن والدكتور دفع الله الحاج يوسف والدكتور الجزولى والقس فيلى ثاوث فرج والأستاذ طه على البشير وكلنا نعرف أن هذه المجموعة كلها منضوية تحت لواء المؤتمر الوطنى وطلب منهم التحرك وتقديم طلب العفو للبشير لأن البشير وحكومته وحزبه مأزوم بقرار سجن السيد الصادق وأحدى بنات الصادق ( الرجال ) قالت منه السجان ومن هو السجين ؟ وشبهة ابيها بمن يسجن السجان والدولة كان لازم تبحث عن حل يطلق سراح السيد الصادق وكلنا كنا نتوقع أن يحدث ذلك
حسين خوجلى وهو يقلب صحافة الخرطوم قرأ خبر مفاده ( احمد المهدى يطلب من رئيس الجمهورية إطلاق سراح السيد الصادق ) علق حسين قائلا ( خلاص يا إمام الصادق قد اطلق سراحه ) ولكم أن تتخيلوا معى درجة الخبث والحقد والكراهية التى يحملها حسين خوجلى لشخص السيد الصادق المهدى والأنصار حين يخاطب أحمد المهدى بكلمة ( يا إمام ) وهو يعرف جيدا أن الإمامة عند طائفة الأنصار حسمت ومنذ زمن للسيد الصادق الصديق عبد الرحمن محمد أحمد المهدى ولكن جماعة الأخوان المسلمين يبحثون عن تسجيل أى نصر ضد شخص السيد الصادق وسعوا كثيرا لأن تؤول الإمامة للسيد أحمد لأن السيد أحمد رجل طائفة وليس رجل سياسة وهم يعلمون أن الإمامة تعلى من شأن السيد الصادق والسيد الصادق رجل سياسة من الطراز الأول ولا يقل عن جده عبد الرحمن وبجمع الإمامة ورئاسة الحزب فى يده سيظل هنالك رقما كبيرا يهدد وجود جماعة الأخوان وبسجنه سعوا لإغتياله سياسيا فقتلهم وهو سجين وسجنهم وهو سجين فسعت جماعة الكيزان لتحريك وفدها لطلب الصفح فى مسرحية مشروخه يفقها طالب الصف الأول سياسة ، وخرج السيد الصادق وهزمهم وهو طليق ، ليأتى حسين الخبيث شقيق ياسر الخبيث بتاع الرافضه ليقول ( على الشعب السودانى وعلى حزب الأمة ليفرح بإطلاق سراح السيد الصادق ) وكان الأجدر به أن يقول ( على الحكومة وحزب المؤتمر الوطنى أن يفرح بإطلاق سراح السيد الصادق لأن الصادق فى سجنه كان أقوى من سجانه والدولة كلها كانت مأزومة متى يزول كابوس سجن الصادق ليعيد الروح فى جسد الحوار ولكن السيد الصادق لا أظنه سيعود للحوار بل سيقود معارضة ترفض كل حوار وعودة للديمقراطية فى ظل نظام يعتقل ويسجن دون أمر النيابة العامة )
وختم حسين الخبيث ( بمناسبة ياسر الخبيث فهذا رجل شيعى رافضى له قناة فضائية زى بتاعت صاحبكم متخصص فى سب ولعن ( والعياذة بالله ) أم المؤمنين الحميراء التى قال عنها رسول الله ( خذوا نصف دينكم من هذه الحميراء ) السيدة عائشة بنت أبى بكر وابيها الخليفة الأول وعمر بن الخطاب الخليفة الثانى وخلفاء دولة بنى أمية الذين توسعت دولة الإسلام فى عهدهم رضى الله عنهم جميعا - هذا فقط لمن لا يعرف من هو ياسر الخبيث ) وحسين خوجلى الملقب بحسين الخبيث يطعن ويهمز ويلمز ويقول كلمات خبيثة كمخاطبته للسيد أحمد المهدى يـ ( يا إمام ) ولعلمكم أنا تجمعنى صداقة قوية وحب لشخص السيد أحمد المهدى تفوق حبى بكثير للسيد الصادق وأنا وطنى إتحادى وليس إتحادى ديمقراطى - ولكن الأنصار وليس أنا وليس حسين الخبيث من يقرروا من هو إمامهم وقد حسم أمر الإمامة للحبيب الإمام الصادق المهدى ولا داعى للخبث يا حسين

[المهندس سلمان إسماعيل بخيت على]

#1036011 [حــــــــــــــــفـــــــــــــــتر]
0.00/5 (0 صوت)

06-16-2014 06:46 AM
ياهندسه الزول السواق البتكلم عنو الجبان حسين
على الطلاق راعى الغنم فى ترع الجزيرة بعرفو ومشور
ومعروف حرامى وعندو عمارة كبيرة وسمحة فى حى المعمورة
واسمو النقر .. الاسم سالم .. انا شخصيا مدمن برنامج
حسين ومابذكر انى فوت حلقة .. ولكن بعد نهاية الحلقة
بتف عليهو لمن املأ الشاشة بصاق . وحتى اللحظة ماعارف السبب
حسين وسخ وجبان وخايف على القناة والمليارات

[حــــــــــــــــفـــــــــــــــتر]

ردود على حــــــــــــــــفـــــــــــــــتر
European Union [الكرباج الحار] 06-16-2014 07:19 PM
كلكم منافقين وبطبلوا لبعض بدون ما تعرفوا بعضكم

[المهندس سلمان إسماعيل بخيت على] 06-16-2014 10:47 AM
يا حفتر فى صديق لينا بحب الشمارات وعاوز يعرف حسين بيقول شنو - يقوم يشغل القناة وعنده مركوب قديم يجيبه يضعه فى مواجهة حسين الخبيث ويجلس بعيدا عن مواجهة الشاسة كمستمع فقط - الناس البيكرهوه كتار ولحد اليوم ما جاب لينا زول واحد يخالفه فى الرأى عشان نسمع دفوعاته - ونفسى حسين الخبيث بنفسه يفسر لجماعة الأنصار ليه قال لأحمد عبد الرحمن المهدى ( يا إمام )

[المهندس سلمان إسماعيل بخيت على] 06-16-2014 09:07 AM
على الطلاق أنت تستحق إسم حفتر ولكن برتبة مشير أول ودى جديدة بارك الله فيك وفى حفتر ليبيا ليخلصنا من عبد الحكيم بلحاج وجماعة أخوان ليبيا لتعيش المنطقة فى سلام


#1035930 [الجمبلق]
1.00/5 (1 صوت)

06-16-2014 01:31 AM
يا هندزه .. انت بتتخّيل انو سحس ده ممكن يغلت على (السيد الرقيص) بتاعو ؟؟؟؟
يا عمك وليد خوجلي ده ما هو الاّ موظف لدي سيدنا عطا والقناة دي بتاعة (الأمن) .
يعني سحس بالواضح مجرد (أمنجي) زيو وزي فرفور ومولانا العارف بالله جمال الوالي ، عرفت كيف ؟؟؟

[الجمبلق]

#1035893 [محمد الفاتح]
0.00/5 (0 صوت)

06-16-2014 12:40 AM
يا باشمهندس اناشايفك تخصصت في حسين خوجلى وجعلت من الحبة فبه يااخى انت اعطيت الرجل وضع ما كان يحلم به لان شغلك الشاغل اصبح هذا الحسين النكره والذى تسود بة وجه الراكوبة ونحن نهرب من مع حسين خوجلى فنجد من يتحدث عنه بهذه الكثافة وما كتبته عن حسين خوجلى يمكن ان يكون مرجع لاحد الذين يودون تحضير الدكتوراه فى كذب ونفاق وتملق اخوان السودان؟ وجريمة واهدار لوقتك ان يكون هذه المتملق الارزقى مصدر الهامك ومعينك وان تستغى اقكارك عن ما يصدر منةويقول من حديث الافك والبهتان دعة يقول ما يقول والشعب اصبح يفرق بين الحق والباطل بين التملق واكل العيش وهو الذى دعى الشعب بصوره غير مباشره ان مرشحه القادم هو البشير لان حواء لم تلد البديل والقيادات اصبحت عاجزه والاحزاب اصبحت تتمثل في الرجل الواحد اذا ذهب ذهب الحزب هذا حسب مفهومه ؟ لذا يرى ولى نعمته هو الانسب وهو الاقدر بختك البشير !
فشخص بهذا القصور والعجز ليس جديرا بان توجع راسك وقلمك به هو مجرد بوق ليس الا !! هذا الشخص تحلق حولة منبهرين الناس في بداياته كانوا يقولون كيف يتحدث بهذه النفس والحده عن البعض ويغض الطرف عن اخرين يمدح هذا ويذم هذا ! فكان فيلم جيد الاخراج في بداياتة لكن سرعان مااحبطهم في نهايته لضعف الحبكة الفنيه والسناريو السئ الذى تباعدت بنياته مع المقدمه؟ جاء يحمل معه مثالية افلاطون كانة لم بكن ضمن بعض الذئاب التى نهشت لحم هذا الشعب الطيب وكسرت عظمه بدليل امتلاكة امبراطوريه اعلاميه من دم هذا الشعب وكاذب اذا ادعى غير ذلك؟ لذا يا مهندس شوف مواضيع غير هذا الحسين ؟ ومعينك لا ينضب يا باشمهندس والمشاكل كثيره والحرامية كتار ايش رايك في حميدتى ؟ بالمناسبه كتبت موضوع واحد عن هذا الحسين في بداياته وهو بعنوان ( مع حسين خوجلى وحسين خوحلى مع من ؟؟) وانتهى الامر !يلا نشوف غيرو ده اتعرف خلاص ويوم الحساب آت!!

[محمد الفاتح]

ردود على محمد الفاتح
[النون الساكن] 06-16-2014 12:44 PM
اولا يا حفتر انا ما قايل في زول بحب حسين طرشي قدري ياخي خليني استمتع بكرهه .. يا خ دا قال لاولاد السودان ما فيكم الا انا ...وهي فريع البان البدوب نديان منو يا سلام...بتخرج الزول بيعرف طب و اجتماع و اقتصاد و لولوه و كل ذلك في شخص واحد...
حسين الخوجل فينا
لي وين انتا مودينا
يا صحفي السرجي مرجي
كدي ياخ انزل خلينا
حسين يريد ان ينفي دمار السودان من سكة حديدو لمشروع جزيرتو لخدمتو المدنية و جهابذة التمكين يريد ان ينفي كل ذلك عن حكومة الانقاذ و ينسبه الي مجهول حتي تكون التهمة لافة في الفضاء الاسفيري..
طيب يا حسين النقر دا في سوداني ما سمع بيهو..
اصلهم كانوا نقرين نقر حق الهلال و نقر حق مشروع الجزيرة و السودان كلو عارف نقراتو..
نقراتو الفي بقراتو...الذ حاجة النقر دا امي..اي والله امي...ما بعرف يفك الحرف...و يشتبه عليه الالف و الواو الضكر...
وكان يا ما كان رئيس السواقين وفي هذه قصة اريد ان احكيها لكم..كان في سواق محافظ حشري شديد يعني لمان يركب المحافظ و نايب المحافظ و معاهم المهندسين و يعملو تووور في المشروع بقوم يتحشر في الكلام فقام المحافظ تضايق منو و قال للسكرتير شوف لي سواق غير دركسينو و غيار زيتو و مويتو ما يتكلم في اي حاجة السواق السكوت علي وزن امسك دركسونك و ودينا المكان الفلاني..
قام السكرتير مشا للسواقين و قال ليهم عايز سواق خشمو عندو فاشارو علي النقر لانو غيتوني بسكت ساكت النوع الذكي الدغيل داك..و بعدين من سواق المحافظ لا هميتو الاستراتيجية السواقين اختاروه نقيب سواقين في نقابة المشروع و من ديك و عيك...فلما جاء قانون 2005 (قانون الدمار الشامل) ما لقو انتهازي و حريف غير النقر ...فكانو يملون عليه ما ارادو لجهله من ناحية و تملقه من اخري حتي اطاحو بمشروع الجزيرة العملاق ...و حسين خوجلي يريد ان يلبس الشعب السوداني المسكين الذي هو اخر من يعلم كل تلك المسرحية...


المهندس سلمان إسماعيل بخيت على
 المهندس سلمان إسماعيل بخيت على

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة