المقالات
السياسة
لعنة الله علي جهاز الامن وسجانيه
لعنة الله علي جهاز الامن وسجانيه
06-27-2014 09:46 AM

ممكن ياجماعه زول يورينا العلاقه بين سفر المظلومه مريم المتهمه بالرده وجهاز الامن والمخابرات؟ لنفرض مثلا في مواطن سوداني غير الدكتوره دي قام بتزوير كل الاوراق البتتعلق بالسفر من جواز ( ودا بحصل كل يوم) وتاشيره خروج (ودي برضها بتحصل كل ثانيه) وورقه صحيه, واي ورقه منيله بنيله مطلوب استخراجا من الحكومه بخصوص السفر حتي لو كانت الخدمه الالزاميه, هل دا بدي جهاز الامن الحق يتدخل ويوقف الزول دا في المطار ويمنعو من السفر ويحجزو في احد اقسام الشرطه؟ وين الدوله المدنيه الممثله في الجوازات والمباحث والناس الكتار المالين مطاراتنا بالملابس المدنيه والبتابع ممارسة المواطن لحياته العاديه كالسفر مثلا. ولا خلاص بلدنا اتعسكرت.
البلد دي ياجماعه حاكما جهاز الامن ولا شنو؟ بقو كمان يتدخلو في كل كبيره وصغيره في حياتنا. حكايه يقوم الجهاز بتامين الخرطوم بقوات مايسمي بالدعم السريع ممكن تكون لحد ما مبلوعه, بس توقيف شخص عايز يسافر, بنفتكر دي فيها مبالغه شويه ويجب ان نقف ضدها بقوه. قال شنو, قال ادوها غرفه في القسم الشرقي هي وزوجها عشان ترتاح شويه من التلتله العملوها ليها في المطار. ياود يارحيم انته. داير طبعا توروينا في رحمه في قلبك مش كده؟ والله انته الرحمه ماجات بي عندك وقلبك اسود زي السكن وزي ماورد في القران قلبك اشد قساوه من الحجاره فمن الحجاره تتفجر الانهار.
بلدنا ياجماعه محكومه بي ناس الامن. والناس ديل هم البعرضو امننا للخطر. وجهاز الامن هو من جعل حياتنا جحيم واصبح يشاركنا في كل تفاصيل حياتنا. جهاز الامن يرفع قضيه ضد الامام ويفرتق المظاهرات ويقفل الجرايد. اي حته في الخدمه المدنيه والحياه العامه لازم يكون فيها فرد من الامن. حتي اللجان الشعبيه اصبحت بؤره لرجاله يعيشون في الاحياء فسادا وظلما. يعني ياكيزان ياها دي الشريعه الهاوسننا بيها من الستينات ايام كبيركم الذي علمكم السحر في اكتوبر 64؟ كل المساجد العملتوها والقران الختمتو بلايين المرات وديوان الذكاء والذكر والذاكرين ولجنه استقبال رمضان كلهم طلعو (كموفلاشات) ساي عشان تعملو لينا جهاز امن يشاركنا حتي في غرف نومنا؟
والله انا بضحك لمن اسمع اي خبر تقوم بيو الحكومه دي خوفا علي الدين. زي الكانو الاسلام دا واقف في السهله مستني الكيزان ديل عشان يحموه. الكيزان غير مؤهلين لحمايه الدين لانهم مسكونين بشياطين غير الشياطين البنعرفها. ياخ ديل فيهم شيخ كبير لقوهو في نهار رمضان مع اربعه فتيات في احد الفنادق بيمارس في الزنا. هسع في كافر بعمل كده سيبك من مسلم.
قال شنو, قال تم استدعاء سفيري الولايات المتحده وجنوب السودان لي وزاره الخارجيه. بلاي ياجماعه مش نحنا فعلا ربنا غضبان مننا؟ ياخ وزاره الخارجيه دي ماعندها شغله تستدعي سفيرين عشان بس زول داير يسافر؟ فعلا وزارة الخارجيه بقت مهزله. مش كفايه وزيرها عشان زوجته سفيره في ايطاليا بقي لو ماشي الجنينه لازم يمر عن طريق ايطاليا كانو السودان دا حق ابوهو او حق ابو مرتو.
اما موضوع وثيقة السفر فدي مهزله تانيه. واحده متزوجه جنوبي اتعملت ليها وثيقة سفر جنوبيه المشكله شنو. والوثيقه دي تودي الجنوب تودي جهنم انته علاقتك بالموضوع دا شنو. لو وثيقتك انته بتودي بلد واحد دي مشكلتك انته, انا وثيقتي بتودي امريكا والامريكان رضيانين المشكله وين؟ ولا انته قايل لازم الدول تكون قوانينا قمعيه زيك؟ هو انته اصلا عندك وزارة خارجيه عشان تعرف الاصول الدبلوماسيه؟ الامن برضو متسيطر عليها سيطره تامه.
لو اصلا في استدعاء كان مفروض السفارتين يستدعو وزير خارجيتنا عشان يدوهو درس في العلاقات الدوليه. وللاسف بلدنا مابتعرف قانون والا ماكان رئيسنا مطلوب للعداله كاكبر منتهك للقانون في العصر الحالي. ياناس الامن اطلقو سراح مريم وسراح اولادنا ناس محمد صلاح عشان الرحمه تنزل علي البلد دي.
[email protected]


تعليقات 4 | إهداء 0 | زيارات 2021

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1046596 [هاشم الطيب]
5.00/5 (1 صوت)

06-27-2014 09:47 PM
والله يا ابو قنايه شهدة الدكتوراة هذه ذكرتني المثل السوداني الذى يقول ( القلم ما بزيل بلم ) لو افترضنا جهاز الامن ده يقوم بكل المصائب التي ذكرتها فكيف جاز لك ان تسبه وتلعنه وأظن مثل تاني سوداني لانك بعيد عن البلد وعن نيرانها البتشوى شي لقيت هواك وعليك ان تضرى كلامك الذى لا يودى ولا يجيب .. ولو فاكر انك بالطريقه ده بتجعل امريكا تتكيف منك فخاب فألك بالله خلونا من الجعجعة والرقيص خارج الدايرة ولو عاوزين البلد تتقدم تعالوا راجعين وخليكم رجال زى المرحوم نقد الذى لم يفكر يوم يركب الطيارة !!

[هاشم الطيب]

ردود على هاشم الطيب
[عودة ديجانقو] 06-29-2014 07:54 AM
باين عليك ياهشومه جربت عود الأمن بس أن شالله بدون شوك...ياخى حريقه تحرق أمنك بما فيهم الفريخ أمن عطا..كفايه ولا أزيدك.


#1046511 [Awad]
0.00/5 (0 صوت)

06-27-2014 07:40 PM
دكتور الرازى أبوقناية.تحية من جارك وصبى سنين دراستك.يادكتور البلد بقت محروسة بكلاب الامن والبد ماشية لوراء بسبب فعايل الأمن التى تغضب الله قبل الشعب.زى ماقال لى واحد صاحبنا وبدون مؤاخذه لوفتحت لباسك تجد كلب أمن.البلد ضاعت يا الرازى أخوى وقرانا الفاتحة عليها من سنين.بس نقول الله يفكنا منهم ويتفكوا عننا ببلوى تهد بنيانهم عليهم وما يفضل فيهم سيد الرايحة الفتح خشم البقرة.هؤلاء آفة أبتلانا بها الله فنسأله أن يزيلهم عنا.

[Awad]

#1046508 [ادروب الهداب]
0.00/5 (0 صوت)

06-27-2014 07:33 PM
ياتو رحمة يادكتور..... المثل البقول المابيخاف من الله خاف منه..... من قتل مؤمنا كانما قتل الناس جميعا... ديل كل يوم بيقتولوا بدم بارد وﻻ تهتز لهم
شعره.... هؤﻻء ليس ببشر !!!

[ادروب الهداب]

#1046188 [ابو القرف]
0.00/5 (0 صوت)

06-27-2014 10:44 AM
عشت يا دكتور

فى الحيقه نحن محكومين بواسطة اولاد المايقوما

[ابو القرف]

د .الرازي الطيب ابوقنايه
د .الرازي الطيب ابوقنايه

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة