المقالات
السياسة
هل تستطيع الخرطوم منع مريم السفر من السفارة الامريكية
هل تستطيع الخرطوم منع مريم السفر من السفارة الامريكية
06-28-2014 02:11 AM

بسم الله الرحمن الرحيم
مريم ستسافر على متن طائرة السي آى ايه من السفارة الأمريكية بالخرطوم مباشرةً ، فهل تستطيع عصابة الخرطوم منعها ؟
عبدالغني بريش فيوف
بعد إدانتها بتهمة " الردة " ، ثم تبرئتها ، ثم اعتقالها ومنعها من السفر إلى الولايات المتحدة الأمريكية مع زوجها الأمريكي ، ثم الإفراج عنها حسب تصريح محاميها لقناة بي بي سي .
لجأت السيدة مريم يحيى ، بعد إطلاق سراحها، إلى السفارة الأميركية في الخرطوم، حسبما قال محاميها يوم الخميس لوكالة " فرانس برس" ( إنها وزوجها في السفارة الأمريكية بالخرطوم).
وكانت السلطات السودانية قد منعت في بداية هذا الأسبوع السيدة مريم وهي برفقة زوجها الأمريكي دانيال واني من السفر إلى الولايات المتحدة الأمريكية بتهمة تزوير أوراق رسمية ، وهي التهمة التي نفتها سفارة دولة جنوب السودان بالخرطوم ، بعد استدعاء الخارجية السودانية لسفيرها يوم الأربعاء 25 يونيو 2014 .
أرادت الخارجية السودانية بإستدعاء القائم بأعمال السفارة الأمريكية بالخرطوم ، تضليل الرأي العام السوداني ، وهي محاولة منها لحفظ ماء وجه النظام الذي يزعم أنه يطبق الشريعة الإسلامية وغيرها من القوانين الإلهية على عباده المساكين الذين لا حول ولا قوة لهم .
تبرئة السيدة مريم يحيى من تهمة قيل أن حكمها غير قابل للإستئناف أو إعادة النظر فيه أو الإلغاء ، وضعت النظام السوداني وهيئته الشرعية ( هيئة علماء السودان) في زاوية ضيقة جدا ، وما كان عليهم إلآ أن يفكوا كلابهم الأمنية لمنع المرتدة من السفر إلى الولايات المتحدة الأمريكية بدعوى تزوير أوراق رسمية .
ليس هناك تزوير أصلاً ولا هم يحزنون ، فدولة جنوب السودان حسب ما أوضح القائم بأعمال سفارة جنوب السودان السيد دينق للمسؤولين السودانيين أن بلاده أقدمت علي هذه الخطوة بدوافع إنسانية وبحسن نية.
كان من الممكن اعتبار الأمر تزويراً إذا كانت سفارة دولة جنوب السودان قد تلاعبت فعلاً بوثائق وأوراق سودانية رسمية ، وهو الأمر الذي لم تفعله سفارة جنوب السودان ، بل استخرجت لها أوراقاً خاصة بجنوب السودان بإعتبار زوج مريم السيد دانيال واني يحمل جنسية دولة جنوب السودان أيضاً .. فكيف تسمي الخارجية السودانية ما وقع تزويراً ؟.
المهم ، لجأت المواطنة السودانية المسيحية التي كان حكم عليها بالاعدام بتهمة الردة قبل الافراج عنها ثم توقيفها مجددا في المطار بعد ان اطلق سراحها، الى السفارة الاميركية في الخرطوم ، طبعاً ليس للإقامة فيها ، بل ستغادرها هي وعائلتها في أي وقت من الآن ، بأوراق أو دون أوراق على متن إحدى الطائرات الخاصة التابعة لوكالة الإستخبارات الأمريكية ( سي آى ايه ) عبر الأجواء السودانية إلى إحدى قواعدها في أفريقيا ومنها إلى الولايات المتحدة الأمريكية .. فهل تستطيع مافيا الخرطوم وعصاباتها توقيف الطائرة المشار إليها ومنع مريم وعائلتها من السفر ..وهل تعلم السلطات السودانية أصلاً بأنشطة هذه الطائرات في داخل الحدود الإقليمي للسودان ؟.

والسلام عليكم...
[email protected]


تعليقات 4 | إهداء 0 | زيارات 1704

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1047628 [الحزين]
4.04/5 (20 صوت)

06-29-2014 04:03 AM
ربنا يحفظك سوى كنت مسلمة او مسيحية ونا من المتابعين لموضوعك لكن فرحانة ليك كل الفرح امشى من البلد الحكومتها وحكامها فاسدين وحرامية وفى امريكا البلد المافها اسلام بتلقى كل احترام وتقدير وحماية وكمان مساعدات كثيرة الكل منتظرك اتركى بلد الحرامية وعيشى فى امريكا هنية وانا بتمنى ليك اقامة سعيدة

[الحزين]

#1047565 [ابو العلاء الجديد]
3.91/5 (20 صوت)

06-29-2014 12:12 AM
اطالب بارسال فرقه مارينز امريكية لتحرير اسرة مريم وفي نفس الوقت تقوم بالقبض علي البشير وباقي العصابه

[ابو العلاء الجديد]

#1047408 [خضر عمر ابراهيم]
3.67/5 (19 صوت)

06-28-2014 06:56 PM
طيب يا استاذ بريش السي اي اي لي غاية الان ما ركبت مريم طائرتها التي تدعيها دي مالك؟
والله شر البلية ما يضحك يا اخي؟؟؟
هل السي اي اي عبيطة لي الدرجة التي تأتي انت لترسم لها سيناريو الاختطاف؟؟؟
قصة مريم أصبحت حساسة عالميا لدرجة يتخوف اي جهاز مخابرات في ان يقرب اليها ً،حتي لا يهتم هذا الجهاز او ذاك بتوجه ديني او عقائدي ،،،
أوع تكون طائرتك دي كما بدون طيار عشان تطير من اي حوش او زقاق وبلاش حكاية المطار وتعقيداته ولا مستندات ولا وثيقة ولا جواز،،،
مش كان من الاول يحركو طائرتك دي ويريحونا بعملية كومانذوز في محل اعتقالها ونخلص او كم الف دولار لي بتاعين السجن ولا الحراسة والموضوع يبقي حكاية وتخمينات؟؟
ايه رأيك ؟؟؟ ولا عشان قاعد في امريكا هناك قائل المخابرات الامريكية فاضية لي الحاجات دي،،،؟
طيب لو هي ساهلة كدة ما حشروا البشير في طيارتهم القادينا بيها دي مالهم ما دام بتقدل في السودان علي قولك ومافي زول بقول بغم؟؟؟
والله انك ساذج وعبيد بشكل؟؟؟
ياخي متمني يوم تكتب ليك حاجة في موضوع يهم الوطن وما يحدث فيه بحرفية ،،،
دايما يا تكتب بعد الموضوع يخلص يا تجيب ليك موضوع خارج نص القضية المثارة،،
مش انت مختص في شؤون ما يدور في المنطقتين ومناطق الحرب الدائرة ؟؟؟
ما تجيب لينا خبر الإشاعات البنسمعها من الاطراف المتنازعة اليومين دي ،،،كل طرف يقول عملت وسويت ً،نصدق منو؟؟ وأين الأدلة ؟؟
هات الحقيقة وسيبك من حكاية مريم دي ،، كبار العالم ما مقصرين تب معاها وطلعوا ارجل مننا كلنا بي عربنا ،،ولسع واقفين لمبة معاها وما بتجيبها عوجة،،
ولكنها ستسافر بالطرق الرسمية وإمام الجميع ولا تحتاج لمن يهربها لان التهريب حيبوظ قصتها خالص

[خضر عمر ابراهيم]

#1046942 [زول وطني غيور]
3.91/5 (21 صوت)

06-28-2014 10:45 AM
هذه القضية أخذت منا أهنماما أكثر مما تستحق دعوا مريم وشأنها كل (شاة معلقة من عصبتها) والله مريم دي بقت أشهر إمرأة في العالم والسيد/ دنيال أصبح أشهر من (نجوم هيليوود)..

[زول وطني غيور]

عبدالغني بريش فيوف
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة