المقالات
السياسة
فى ذكرى انقلاب الانقاذ او الحركة الاسلاموية
فى ذكرى انقلاب الانقاذ او الحركة الاسلاموية
07-01-2014 05:27 PM

عند قدوم الانقاذ للحكم من خلال صندوق الاقتراع فى 30 يونيو 1989 وفوزها على حكومة الصادق المهدى التى اتت بانقلاب مسلح فى 6 ابريل 1986 وذلك عندما قام الانصار من الجزيرة ابا بعضهم باللوارى وبعضهم بالحصين وبعضهم بالحمير باحتلال القيادة العامة والكبارى والاذاعة وحلوا الاحزاب الا حزب الامة واعتقلوا زعماء الاحزاب الخ الخ الخ عند قدوم الانقاذ كان وضع البلد كالآتى:
الجنوب منفصل ومشكلة ابييى مشتعلة وكذلك الخلافات الحدودية!!
حلايب محتلة من المصريين!!
الحبش بيزرعوا فى الفشقة وباسندة وعاملين ارهاب للمزارعين السودانيين بل حتى والى القضارف اطلقوا عليه الرصاص!!
الدولار اكثر من 9 الف جنيه!!!
المشاريع الزراعية وخاصة مشروع الجزيرة منهارة!!!
الحروب مشتعلة فى ولايات دارفور الكبرى وكردفان الكبرى والنيل الازرق وتوجد العشرات من حركات التمرد!!!!
العلاقات الخارجية سيئة مع معظم الدول خاصة الخليجية وامريكا واوروبا!!!
الجنود الاجانب مالين البلد وكذلك المبعوثين الدوليين والقرارات الدولية ضد السودان والحصار الاقتصادى!!!!
آلاف المفصولين للصالح العام!!
الفساد المستشرى!!
حكومة الصادق شنقت مواطنين سودانيين لانهم يمتلكون عملة صعبة!!
لا يوجد استقرار سياسى او دستورى بل حكم الحزب الواحد(حزب الامة)!!
وجاءت الانقاذ واصلحت كل الاخطاء المذكورة اعلاه والسودان الآن يتمتع بالاستقرار السياسى والتداول السلمى للسلطة(مش السلطة بتاعة الخضار) والسلام والوحدة والازدهار الاقتصادى والعملة القوية والعلاقات الخارجية المتينة التى تخدم التنمية المستدامة ورفاهية الشعب وطردت المصريين من حلايب والعصابات الحبشية من الفشقة وباسندة وبقى الجيش واجهزة الامن ماعندهم شغلة غير مراقبة اعداء الوطن الخارجيين والمغامرين الداخليين واصبح السودان قوة عسكرية واقتصادية كبيرة فى الاقليم حتى اسرائيل ما تقدر تخترق اجوائه والجبهة الداخلية موحدة تختلف سلميا داخليا وتتوحد ضد الاعداء الاجانب جيران او غير جيران!!
واكان مكضبنى ارجعوا للبيان الاول لثورة الخراب اللاوطنى آسف ثورة الانقاذ الوطنى العظيمة وبروزوه وعلقوه فى بيوتكم ومكاتبكم!!!
امال الانقاذ جات ليه مش عشان تنقذ الحركة الاسلاموية آسف البلد؟؟؟
انا ما عارف لولا الانقاذ السودان ده كان اتبهدل جنس بهدلة لا يعلم بها الا الله ونحن بهذه المناسبة السعيدة ذكرى الانقاذ نحيى قادتها الفى القصر والمشوا للسجن على هذا الوضع السياسي والاجتماعى والاقتصادى الممتاز وهذه النغنغة والسعادة والامن والسلام والاستقرار والوحدة التى يعيش فيها الشعب السودانى وكل 30 يونيو وانتم بخير!!!
كسرة: هم بطلوا الاحتفال بالانقاذ ليه؟؟
اهدى هذا المقال للسيد وزير الاعلام وخليه يقول انه انا كضاب وان الانقاذ ما انقذت السودان وخلته من احسن دول الاقليم والمنطقة هى مش جات عشان كده؟؟
[email protected]


تعليقات 0 | إهداء 0 | زيارات 534

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




مدحت عروة
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة