المقالات
السياسة
نكبة السودان
نكبة السودان
07-02-2014 04:50 PM

نكبة السودان

ربع قرن على النكبة

يا بلدي يا مخدوع
بي فتوي مرتجلة
عقدين وخمسة سنين
والفتنة مُفتعَلة
من حلفا لي نمولي
وزالنجي لي كسلا
ظلمات ورا الظلمات
حلقاتا متصلة
دارفور ونيل أزرق
والنوبة في جبلا
ايه (وطني) او ( شعبي)
يا نُخبة الفشلة
ليه دقنو دقن التيس
وشايل عقل سخلة
كيف ترضي يا خرطوم
والفرحة مُعتقلة؟
كيف ترضي تاني نصوم
ونفطر علي البصلة؟
يا قصعة الفرعون
وكهنوت من الاكلة
ما بنرضى الا قصاص
من عُصبة القتلة
وقد لعلع الرصاص
ايه فايدة المَهَله؟
وغصباً عن الفرعون
باكر بكون أحلى
وغصباً عن الفرعون
باكر بجيهو بلى
والثورة جايبة النار
والجذوة مشتعلة
الثورة دايرة رجال
أخوان بنات أُصلاء
ينحازوا للشرفاء
يقتصوا للثكلى
والثورة قولة حق
وما كلمة مبتذلة
والثورة فعل الحق
يا عازة يا بطلة
ويا بلدي يا مخدوع
للثورة قول يا هلا
ويا بلدي يا مخدوع
خليك دوام أعلى
لا ترضي بالتسويف
لا ترضي بالجهلاء
للثورة قول مرحب
للثورة قول يا هلا

ضياء الدين مدثر رجب
برلين في 01.07.2014
[email protected]


تعليقات 1 | إهداء 0 | زيارات 623

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1051404 [Baha]
1.00/5 (1 صوت)

07-04-2014 03:49 PM
يا هلا

[Baha]

ضياء الدين مدثر رجب
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة