المقالات
منوعات
نص خاص جداً
نص خاص جداً
07-20-2014 04:33 AM


يا يمة
ما تتمحني
شميها قلوتك
دُقيه بُنك اسحني
اشربي بكريك
وزيديه يمه بالتني
اشربيها يمه قهوتك
ما تتمحني
يايمة عارفك طود
للرياح ما بتتحني
يا يمه انت
لقمة ساعة دمعة
عنقريب وحنوط
لحظة موت
وحصن امان
في زمان الوجعة
وأنت يمة
ركازة بيت
وللأفراح يا يمة
يا يمه
انت هقيت
وعارفك يمة
لكل غريب
ملجأ ولمه
وعارفك يمه
صابرة ما بتشكي الوجع
يا يمه داير
اسمع صوتك شجي
وأدس راسي في حجرك
تهدهدين يا يمة بالحُجي
امي دائما لي تقول
رغم الثعالب وألف غول
فاطمة السمحة
لازم تجي
وأمي دائماً لي تقول
يا لؤي
اشرب اللبن
يا لؤي
اشرب اللبن
وتاني بتقول
ولو ماشربته
تستنى حول
وامي دائما تقول
يا لؤي
ادله بول
وولدك يمه
من لعبه الكثير والدرش
يوماتي يملاه الفرش
(جميلة) تزعل
لما صوته ينقرش
وأنت يمة
ما بتعرفي اسلوب الهرش
يا رحاب اقلبيه
يا المبروكة هاجر
اديه الشمش
وأمي دائما لي تقول
يا لؤي
لو باكر ما تبول
يوماتي بديك القرش
وأسلوب الحوافز معاي

ما بمش
وكيفن يمش
وانأ من كثر لعبي والدرش
في اقرب لحاف
اقع انبرش
لكن اصحي الصباح
القى اللحاف اصبح برش
مسكــــــــــــين البرش
في مصير اللحاف وقع
والسروال
اسكت ســــــــــــــــــــاي
مليان بالخرائط والبقع
الامريكتين واضحات عديل
وآبيي في مكان الرقع
امي مسكينة
امي حنينه
صابرة
ما بتشكي الوجع
بكرة يكبر دائماً تقول
وحتى لم احرد للفطور
امي
ما سمعت يوم صوته ارتفع
تحنسني
وعشان خاطري أُكل
دائما تقول
يا يمه ما تزعلي
وتقولي تحنيسك ما نفع
ولدك مو جعان
غنمات رقية
وذي بتاع العداد تقول
يتغشى لكل البيوت
يبدأها من التاية وبتول
ونس صافية نية ودفع
ولدك مو جعان
ماليها فوق حد الشبع
ما تزعلي يمه
وتقولي تحنيسك ما نفع
ولدك مو جعان
ولدك زديته دلع
يا يمة
ما تتمحني
شميها قلوتك
دُقيه بُنك اسحني
اشربي بكريك
وزيديه يمه بالتني
اشربيها يمه قهوتك
ما تتمحني
يايمة عارفك طود
للرياح ما بتتحني

شتره
الى كل ام كل عام وانت بخير

[email protected]


تعليقات 0 | إهداء 0 | زيارات 634

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




لؤي الصادق
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة