المقالات
السياسة
اغلب النساء السودانيات شينات ..!!
اغلب النساء السودانيات شينات ..!!
07-21-2014 05:57 PM

بسم الله الرحمن الرحيم

اخيار المذيعين و مقدمى البرامج فى كل الاجهزة المسموعة و المرئية السودانية فى كثير من الاحيان لا تخضع لمعايير مهنية و لا لمؤهلات علمية و انما يعتمد الاختيار الى حد كبير الى الولاء السياسى خاصة فى عهد الانقاذ ... !!

و قبل الانقاذ و اثناء فترة حكمها فالواسطة لا تزال تلعب دورا محوريا و كبيرا فى اختيار المذيع او غيره ممن يعمل فى الحقل الاعلامي .. و اما اذا كان لدى الشخص الذي يريد الالتحاق بالعمل فى التلفيزيون او الاذاعة أحد افراد الاسرة سبقه الى هذا المجال فان الطريق يكون ممهدا و الوصول الى الاجهزة الاعلامية يكون سهلا و مضمونا .. يعنى بالوراثة... !!

و الامثلة لكل ذلك كثيرة و مسيخة ... !!

و لان الاختيار يكون بهذه الطريقة السمجة فنرى ان هناك قصورا ملاحظا و كبيرا فى كثير من الاحيان فى دور مقدم البرامج و عدم حرصه على توصيل الرسالة الاعلامية الى المشاهد كما ينبغى واضحا لا يحتاج الى كبير جهد..

و مما ينبغى ان تقوم به الاجهزة الاعلامية ايضا الحفاظ على شخصية و تقديمها للمشاهد بما يليق بمكانة الوطن و هوية البلد المعنى ذلك لان الاعلام هو الوجه الحقيقى للوطن و المواطن ..

و مما ينبغى ان تعكسه الاجهزة الاعلامية ايضا صفحات من التاريخ و التراث و الثقافة و بالتالى تقوم بدور تربوى جوهرى و خطير لزرع القيم و المفاهيم فى اذهان اجيال المستقبل ... !!

فى كثير من دول العالم نجد ان المذيع و مقدم البرنامج يكون كالأسد فى عرينه .. يدافع عن العادات و التقاليد و ميراث ذلك البلد .. و لا يتنازل قيد انملة لردع الضيف اذما وجه اساءة صريحة و علنية او مبطنة الى الوطن او المواطنين ...!!

و من جانب كيف يتم اختيار الاشخاص حتى يمثلوا ضيوفا على البرنامج التى تقدمها القنوات التليفزيونية او بالأحرى ضيوفا علينا نحن المشاهدين فى داخل بيوتنا .. و ما هى المعايير الضرورية لاختيار هذا الشخص او ذاك ليستضاف فى برنامج ما .. ام ان فى الاختيار يكون فيه واسطة و محسوبية ام انه "هبتلى" ام لان هذا الشخص له قريب او حسيب و بالتالى تتم استضافته ... !!

فى احد البرامج التى تقدمها قناة تليفزيون النيل الازرق ظهر المدعو الدكتور انور محمد عثمان .. و ذكر فى بادية حديثه انه حضر الى السودان بعد طول غياب وصلت الى العشرين عاما و اردف قائلا ..

"بالنسبة للمرأة السودانية نسبة الجمال قلة جدا واغلبهم شينات خالص خالص وبعدين الشينات ما برحيو الانسان وأنا بالذات بتعمل لي حمى واغلبهم شينات وقصار وأشكالهم ما حلوة ... الخ"

يعنى الدكتور اتى الى السودان بعد طول غياب حتى يرى جمال بناتنا و اخواتنا و يتغزل فيهن بمزاجه .. لا حول و لا قوة إلا بالله العلى العظيم .. و لم يخفى قبح و سوء عمله و استرسل فى غيه و كلام التافه الذى لا يقبله سودانى فى كريمته ... !!

فمن هذا الدكتور انور محمد عثمان و ما هو المؤهلات التى يملكها او الخبرات حتى يستضاف فى بيوتنا من خلال قناة النيل الازرق .. هذا انسان ماتت فى نفسه الغيرة و الادب و الاحترام و التقدير للغير .. و كما قال فان همه الكبير هو ان

يتفرج على بنات الناس .. و يقول ذلك بكل قلة ادب و بجاحة و ازدراء و سفالة منقطعة النظير لم ارى لها مثيل فى حياتى من رجل سودانى .. يا للهول ... !!

و انى لأقسم بالله العظيم .. ان من بين السودانيين من يعود ارض الوطن و يحمل فى مخه علما و خبرة و يكون قد حاز على مؤهلات عالية من اكبر جامعات العالم و من ناحية يكون متمسكا بأخلاق اهل السودان السمحة و بالتالى يستحق ان يقدم الى المشاهد من خلال مثل ذلك البرنامج و حتما سيستفيد منه المشاهدون و سيجدون في كلامه ما ينفعهم من علم و خبرة و لكن لا يجد الطريق الى الاجهزة الاعلامية الا حقير مثل انور محمد عثمان ...!!

و من ناحية ما هو دور مقدم البرنامج تجاه ما قاله هذا الدعى .. الذى جلس متفرجا .. فلماذا لا يقوم بطرده من الحلقة و فورا و امام المشاهدين حتى يكون عبرة لمن تسول له نفسه بمثل هذا الكلام البخيس عن نساء السودان .. و الذى استغربت له اكثر .. لماذا لم تقوم احدى الضيفات من السيدات بالرد عليه و الثورة ضده و طرده من مكان تسجيل اللحلقة ... !!

ام ان الغيرة قد ماتت فى انفسنا .. هذا زمانك يا مهازل فامرحى ... !!


تعليقات 39 | إهداء 0 | زيارات 9316

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1134298 [ramadan]
0.00/5 (0 صوت)

10-25-2014 12:18 PM
هذا الدكتور الجاهل[القلم ما بزيل بلم]مصاب بشيزوفرينيا..منذ ان ذهب للدراسة في اوربا الشرقية ايامها وتزوج فيها..فاصبح يرى ان امه و اخواته و جميع قريباته عبارة عن بعاعيت طالعين من المقابر...فاعذره

[ramadan]

#1063927 [بنت الناظر]
5.00/5 (1 صوت)

07-22-2014 09:57 PM
قيل ليوسف إسلام زوجتك ليست جميلة قال لهم وجدت عندها المودة والرحمة التى ذكرها الله فى كتابه الكريم..

البياض لا يعنى الجمال والسواد لا يعنى القباحة..
فالكفن لونه أبيض ومخيف والكعبة سوداء وجميلة ...
والإنسان بأخلاقه وليس بمظهره..
فلو كانت الرجولة بالصوت العالى
لكان الكلب سيد على الرجال !!!!!
وقبل أن ترفع عينيك وتطلب من الله المفقود
أنزل عينيك وأشكره على الموجود..

المرأة السودانية أوغيرها لم تخلق نفسها .. جميلة كانت أو قبيحة فهى من صناعة الخالق عز وجل .. فهل من معترض ؟؟؟

[بنت الناظر]

#1063867 [لتسألن]
0.00/5 (0 صوت)

07-22-2014 07:06 PM
*ما كان الدكتور موضوع المقال مؤدبا و لا مهذبا و لا موفقا، و لكن قريمات كتب غاضبا و مبالغا.

[لتسألن]

#1063790 [بنت السودان]
5.00/5 (2 صوت)

07-22-2014 04:53 PM
شكرا ايها الكاتب الكريم ومن الواضح ان هذا الدكتور لديه عقده أو مشكله نفسية ...


لدينا خالة كبيره سمعت عن ماقاله هذا الرجل وعلقت قايلة : الراجل ده شكلو مشوكش اربعيين شاكوش !!!

من غير الطبيعي ان يعمم المرء هكذا ويقول ان كافة النساء من منطقة معينة قبيحات ... الجمال شي نسبي وهو موجود بكل مكان ... حتى اسيا وأروبا لدييهم القبيح ولديهم الجميل ...

وحتى ان كان المرء قبيح ..فهل يلام المرء علي خلقه الخالق ؟ ... هل نحن نختار صفاتنا الجينية ؟
هل نسي ان صفه القبح كذلك موجوده عند الرجل ؟ ... ان المجمتع مجتمع مجحف بحق المرأه ...إذا رفضت المرأه رجل بسبب شكله أو لونه لقامت الدنيا وقعدت و لملاء الرجال الدنيا ضجيجا بالشكوي من العنصرية والقبلية ...وبالمقابل حتى بعض المتعلمين معقدين من شكلهم وأشكال زوجاتهم.... انظر الِي تعليقات بعض القراء ادناه ...

المشكلة ان المرأه حاليا مدركه لنظره بعض الرجال تجاه المرأه السودانية..ولهذا اصبحت تتزوج فقط لجل الأمومة ..وتنازلت عن عشمها في رومانسية أو حنان ... وحتى هنا في دول المهجر ... نجد ان الرجل السوداني يتجاهل بنت البلد الموجوده معه في المهجر ويبحث عن العربية أو الأوربية ... فماذا نسمي هذا ... أهي عقده اللون والشكل ؟... تعال الِي أروبا وستري العجب !!!

ولكن كما قلت ...المرأه مدركه لما يحدث ..ولهذا تجد ان نسبة الطلقات ارتفعت ...لأن المرأه لم تعد تؤمن بالتضحية من اجل الزوج ... لماذا تضحي من اجل زوج لا يري فيها روحها ويري زنجية سمراء مكعوجة(علي قول بعض المعلقين ادناه ) تزوجها مجبرا لعدم وجود خيارات اخري ؟... وحتى في دول المهجر ...اصبحت السودانية لا تنتظر فارس الاحلام السوداني ود البلد ... اصبحن يتزوجن الرجال الاوربين الاسيوين وحتى الافارقة !!!

خلال 4 سنوات اقمت فيها في مدينة اوروبية ... حدثت 5 حالات زواج ... اثنتان تزوجتا من أروبين بريطانين ... واحده تزوجت الماني ..واحده تزوجت تشادي ... وكلهم سمر ... أما الحالة الخامسه فهاي واحده تزوجت سوداني وهي بيضاء البشره ... الكلام واضح واللبيب بالاشاره يفهم !!!

[بنت السودان]

#1063696 [أم جابر]
5.00/5 (1 صوت)

07-22-2014 03:14 PM
على فكرة السودانيات زاتن بقن متطلعات و بعرسن من خارج السودان و الحاجة دي ما بقت حكرا على الرجال بس و هم في نفسهن شايفات ان رجال السودان شينين و دميمين جدا و بعد ده متفلسفين و لسانهم اطول منهم ما عارف على شنو و الاجانب اسمح و اوجه منهم بكتير و ديل من حقهم يفتروا لانهم اصلا سمحين بس السودانيين على شنو اصلا يفتروا

[أم جابر]

ردود على أم جابر
Oman [أم جابر] 07-23-2014 08:27 PM
و في سودانيين اصلا متسببين لانهم عندهم عقدة اللون فبتحججوا بالحجج دي عشان يعرسوا الاجنبيات

United States [مواطن] 07-23-2014 12:04 AM
المطفش السودانيين من نساء السودان هو غلاء المهور وتكاليف الزواج الباهظة والبوبار .. ودي الحقيقة ..


#1063694 [حسان عـبدالله]
5.00/5 (1 صوت)

07-22-2014 03:13 PM
اعتقد بأن الدكتور محمد عثمان يقصد بأن المذيعات اجسامهم كبيرة ( سمينات كانهم بقر كافورى )

[حسان عـبدالله]

#1063678 [أبو الشيماء]
4.50/5 (2 صوت)

07-22-2014 02:54 PM
شكرا على إثارة هذا الموضوع الحساس وأعتقد أن تلفزيون السودان وكل المحطات الخاصة التي تبث باسم السودان لا تمثل السودان بأي حال من الأحوال. وبالتالي فإن خروج مثل هؤلاء المعتوهين إلى الملأ والإساءة إلى المرأة السودانية غاية في البذاءة. الملاحظ أن قطاعاً واسعاً من السودانيين في الجنوب الجديد ودارفور لا يجدون أنفسهم في هذه القنوات الشللية المسماة بهتانا وظلماً "قومية". لقد اختلت معايير الجمال وابتعدنا عن جمالنا الطبيعي الذي نال حظاً وافراً من أغاني الأقدمين "الأخضر الليموني" "الطير الخضاري" "يا خضاري" الخ... عندما أشاهداليوم مذيعات التلفزيونات السودانية وقد أصابهن ما يشبه البرص من كثرة استخدام الكريمات المبيضة للبشرة أستحي من نفسي ! ليس هناك أجمل من المرأة السودانية وجمالها في لونها الأسمر الطبيعي وجمالها في صونها لنفسها ورعايتها لزوجها وأطفالها والحنان يتدفق من بين جنبيها. فهي تحب زوجها لنفسه وليس لماله وهي تقف معه في أحلك الظروف . هذه المرأة هي السودانية . أما الذين تبلدت أذواقهم فلا أشك أنهم ممن تمرمقوا في أحضان الداعرات!

[أبو الشيماء]

#1063655 [gorashy]
5.00/5 (1 صوت)

07-22-2014 02:30 PM
عن أنس رضي الله عنه، أن رجلاً من أهل البادية كان اسمه زاهـر بن حرام وكان يهدي للنبي صلى الله عليه وسلم ،من البادية ،

فيجهزه رسول صلى الله عليه وسلم ، إذا أراد أن يخرج، قال النبي صلى الله عليه وسلم( إن زاهـراً باديتنا ، ونحن حاضروه )

وكان النبي صلى الله عليه وسلم يحبه ، وكان دميماً (قبيح) ،فـأتى النبي صلى الله عليه وسلم ، يوماً وهو يبيع متاعه ،

فا حتضنه من خلفه و هو لا يبصره.,

فقال زاهر بن حرام : من هذا؟

فالتفت زاهر فاذا هو النبي ،صلى الله عليه وسلم ،

فيحعل يلزق ظهره بصدر النبي صلى الله عليه وسلم حين عرفه .

فقال النبي ، صلى الله عليه وسلم : من يشتري العبد؟

قال زاهر بن حرام للرسول : إذا ً والله تـجدنـي كاسداً (بضاعه خاسره) .

فقال له الرسول صلى الله عليه وسلم: لكن عند الله لست بكاسد ،أو قال: لكن عند الله أنت غال.
والعارف عزو مستريح نحن إنشاء الله ونساءنا غالين عند الله

[gorashy]

#1063598 [hashim]
5.00/5 (4 صوت)

07-22-2014 01:54 PM
غايتو الراجل دا عبيط وعوير واهبل المذيعات والمذيعين صفر على الشمال في تلفزيونات الانقاذ ، بوصفي زرت كثير من بلدان العالم اقول ان السودانيات جميلات وكل منطقه لديها جمال خاص بها ، فبعض المناطق في الشماليه ومناطق غرب السودان بالاضافه للبطانه يتميز نسائهابجمال و بطول وتناسق لا يوجد سوى في عارضات الازياء ونساء الشرق الهندوده والبني عامر لديهن جمال ناعم وانوثه طاغيه لم ارى مثلها لانثى في العالم، ونساء الوسط بالاضاف للجمال فيتميزن بانهن لا يظهر فيهن العمر مهما تقدم السن ، ونساء النيل الازرق وجبال النوبه لديهن جاذبيه مثيره لا تفارقهن ينعم بها المتزوجون من تلك المناطق ولم اسمع في حياتي ان شماليا تزوج جنوبيه وطلقها ففتيات الجنوب لديهن سحر خاص ، مصر نسائها فاقدت الانوثه وبعد الاربعين مثل معظم باقي الدول العربيه الحاشرين معها السودان فهن يفقد جمالهن الجماعه لكاتبين عن الجمال شكلهم ما عنده فكره عن مقاييس الجمال ، المشكله في بنات اليوم ليست الجمال بل الادب والوعي المفقود . ولانقاذ خلقت شرخ عظيم في الهويه السودانيه

[hashim]

#1063488 [الكتروني]
4.00/5 (4 صوت)

07-22-2014 12:24 PM
الحقيقة ان السودانيين ينظرون الى نسائهم ولا ينظرون الى انفسهم الرجال فكيف للقرد ان يلد غزالة
ومن المعلوم ان اي سوداني سافر الى لخليج يجى وهو بعقدة نفسية --لكن حتى في السودان تجد ان افراد القبيلة لا يزوجون بنتهم من غير افراد القبيلة مهما كانت قباحة وجهها --اصبروا وصلوا واعبدو الله واعملوا الصالحات تدخلو الجنة وحور عين لكم ان شاء الله


هههههههه والله السودانين بحبو السكس

[الكتروني]

#1063437 [الطيب رحمه قريمان]
5.00/5 (4 صوت)

07-22-2014 11:46 AM
بسم الله الرحمن الرحيم

الاخوة و الاخوات الكرام ادارة الراكوبة و القراء و المعلقين

لكم التيحة الطيبة و التقدير و رمضان كريم

فى تقديرى ان المدعو انور محمد عثمان لم يكن حصيفا و لا كريما فى تعليقه عن المرأة السودانية بل احسب انه وجه اليها اساءة مباشرة ..

هل تكرم الادارة فى الراكوبة العامرة باضافة الفيديو حتى يقف القارئ على حقيقة ما قاله المدعو انوار فى حق النساء السودانيات ...!!

فى تقديرى ان جمال النساء من اى البلاد كانت يكمن فى الاخلاق السمحة من ادب و اخلاق كريمة و حسن معاملة و طيبة و كرم اكثر من اى صفات خلقية "جسمية" .. و مما قاله انور ان حمى تصيبه من النساء لانهن شينات .. و فى تقديرى ذلك اسفاف و ان هذا الشخص لا اخلاق له فهو يظل مبحلقا و يتفرس و ينظر الى النساء فى تفاصيلهن ليرى جمالهن .. فاين دينه و اين اخلاقه .. لا اعتقد ان لمثل هذا الانور وازع يردعه من النظر فى النساء .. بدليل انه قال ما عاد الشعراء يكتبون عن جمال المرأة السودانية.. فهو لا يغض الطرف مطلقا عن نسائنا ..و اردف قائلا انهن شينات و قصيرات فهو يبحث عن الجميلة منهن و الطويلة الى غير ذلك ... !!

لابد من المنظمات النسوية التى تدافع عن حقوق المرأة ان ترفع دعوى قضائية ضد انور محمد عثمان حتى يقول القضاء فى ما ذهب اليه من تجريح و اساءة فى حق المرأة السودانية ..

الطيب رحمه قريمان كاتب قريمانيات ...

[الطيب رحمه قريمان]

#1063378 [ممووو]
5.00/5 (2 صوت)

07-22-2014 10:40 AM
لا يوجد انسان شين أيعيب الخالق هذا المخلوق كانه خلق نفسه بنفسه اتمني عدم الالتصاق بمن لا يعترف بك

[ممووو]

#1063372 [موجاف]
0.00/5 (0 صوت)

07-22-2014 10:33 AM
السودانية مخلوقة للسوداني
وجهها مقبول ومحبوب في غير السودان ربما حيث الاهتمام بالزنجيات

لكن الصراحة عدم تناسق الجسم فيها غير مقبول، ومحاولة زيادة الوزن وتركيز الشحوم في مناطق محددة يضر بهيئتها
البدانة دي للأسف ثقافة أهل أفريقيا جنوب الصحراء في حزام يمتد من موريتانيا لوسط السودان وحتى جيبوتي وتنزانيا
الأسباب قديماً أن تظهر بهيئة تدل على كرم أصلها وثراء عشيرتها التي لم تحوجها إلى شيء
ولكن حديثاً لذلك أسباب جنسية بحتة وهي لفت نظر الرجل الحامي الذي تعجبه تلك المظاهر

[موجاف]

#1063359 [تفتيحة لمن فضيحة]
5.00/5 (1 صوت)

07-22-2014 10:17 AM
هو انور دا منو؟

[تفتيحة لمن فضيحة]

#1063341 [ابو خنساء]
5.00/5 (3 صوت)

07-22-2014 09:54 AM
والله بالغت يا الاسمك منو القال ليك نساءنا شينات والله ما في اجمل من السودانية ابى من ابى ورضي من رضي بس المهمة تبقى عليك انت في الاختيار مش تختار ليك واحده شينة وتجي تتباكى على اللبن المسكوب والله المراة السودانية بقوامها ولونها وظرافتها وثقافتها تفوقت علي كل نساء العالم يا غافلين مين الركب الوهم ده في ادمغتكم انا بتذكر نساء سودانيات رفضن الزواج من عرب في عهود سابقة وذلك لتفضيلها الرجل السوداني .. وكمان اعرف سودانيين في المهجر متزوجين نساء عرب عايشين بعقد ومشاكل نفسية عميقة بسبب الخطا الكبير الذي وقعوا فيه وذلك لاسباب لايمكن حصرها في هذا المكان .. افيقوا واحمدوا الله انكم سودانيين من نساء سودانيات وحولكم حفيدات مهيره ومهله وبنونه وتاجوج وتيريزا وخنساء (بنيتي الله يديها العافية) وهسي انا ده بشوف بنوتات سودانيات لمن انظر حولي لاخريات غير سودانيات تاكل قلبي الحسره على (الضل الوقف ما زاد)
الله يغفر ليكم شينتنا البتقولو عليها دي انظروا لجمال اخلاقها تجدوها تتفوق على كل نساء الارض واستغفر الله لي ولكم وما تنسونا من صالح الدعاء في هذه الايام

[ابو خنساء]

#1063275 [كاسبر]
5.00/5 (1 صوت)

07-22-2014 06:49 AM
المازول ده عايز ليهو تاتشر زى الجات لى عثمان ميرغنى ولا شنو؟؟!!

[كاسبر]

#1063234 [عمر معاليا]
5.00/5 (1 صوت)

07-22-2014 04:47 AM
أشك في سودانيته

[عمر معاليا]

#1063220 [x]
5.00/5 (1 صوت)

07-22-2014 04:10 AM
انا احسد السودانيات على طولهن

[x]

#1063206 [قرضمة]
5.00/5 (3 صوت)

07-22-2014 03:41 AM
والله ما في كلام من ناحية الاخلاق السودانية لايعلى عليها لكن التعامل و الاتيكيت عند السودانيات صفر على الشمال .. لا بعرفن يتكلمن و طاقاهن تقالة دم خيالية دم قرادة بس

اضافة لذلك نحنا نكون صريحين نحنا رجال على نسوان و خصوصا النسوان شينين شناة ما عادية الواحدة على القبح العليها تلقاها مجلبطة وشها بالكريمات و كل الوان الطيف و تبقى اشبه باكائنات الفضائية في افلام الرعب الرخيصة لمن تقرب لمن تلقى واحدة منهن تقول ليها (مرحبا بك في كوكب الارض اننا نطلب السلام)

غير القبح الشكلي في القبح الجسماني .. لقينا قبح شكلي في غرب افريقيا لكن جسمهم ما شاء الله
كل حاجة في مكانا لكن نسوانا ديل الجسم مبعجر زي الناقة

لكن طبعا الجمال جمال الروح ( الشعار الرسمي للشينين )

[قرضمة]

ردود على قرضمة
[سودانية شينة شنة مرة] 07-22-2014 03:01 PM
هههههههههه غايتو قدر قدرتهن دافراتنها بنقش الحنة

بعدين الدكتور المسبهل من الشنة ده كان يستثنى تسابيح

Sudan [alkarb33] 07-22-2014 12:55 PM
لكن نسوانا ديل الجسم مبعجر زي الناقة

ههههههههههه
ههههههههههههههههه
ههههههههههههههههههه


#1063100 [الحران الرزيقي]
5.00/5 (2 صوت)

07-22-2014 12:18 AM
لالوب بلدنا ولا تمر الناس بناتنا فيهن صفاتنا وكرمنا و اخلاقنا وبرضو بنحب من بلدنا الله يرحمك يا ابو امنة حامد

[الحران الرزيقي]

#1063097 [كبسول]
5.00/5 (3 صوت)

07-22-2014 12:15 AM
لنكون اكثر صدقا فقد راجعت كلام الدكتور ملخص حديثة ان المرأة السودانية في الماضي كانت تمتاز بجمال طبيعي عبر عنه انه اذا رأي احدي زميلاته في الجامعة يصاب بروفة من جمالها الطبيعي وأظن انه قصد بدشانة وقبح المرأة الان ما تستخدمه من كريمات وتجليطات للجمال وتغيير لون البشرة وغيرها......كان من الممكن طرح الموضوع بذكاء من غير مباشرة .....ولكن أوافق بعض المعلقين ان طريقة الطرح لم تخلو من سماجة

[كبسول]

#1063095 [آمال]
5.00/5 (3 صوت)

07-22-2014 12:14 AM
دكتور ما فاهم بس كأن أمه اللي جابتو للدنيا ما سودانية مفروض هو زاتو يشوف وشو في المراية و يشوفو عامل كيف حتى بعداك يتفلسف

[آمال]

#1063093 [محمد احمد]
5.00/5 (4 صوت)

07-22-2014 12:13 AM
من اين اتن النساء الشينات ؟ الجواب من رجال شينين اكيد. و اذكر ايام شبابى المبكر و بينما اسير فى وسط المزارع فى ربوع كردفان ومر بجانبى اعرابيان يركبان جملين , وشهاد الاعرابيان فتاتين تعملان مع والدهن فى الزرع , سمعت الاعرابى يقول لاخيه امحمد شوف البكار ديل (يقصد الفتاتين ) فرد عليه الاخر اي والله بس جنس شنه !فقال له الاول لكن كيف يجن سمحات , كدى انت شوف الفحل ( يقصد الاب القبيح ) . البكار ديل بنات الفحل دا . كل السودانيات بنات فحول شينة , امر غريب والله واحد شين ولسانه طويل , امشوا للخلجيات و اللبنانيات عشان تسمع كلمة عبيد و ساعتها تحلف يمين مافى احلى من السودانية .

[محمد احمد]

#1063082 [girls beautiful]
3.75/5 (5 صوت)

07-21-2014 11:59 PM
انا سافرته اوروبا فلندا بلد جميل وبناته حلوات لكن لمن جيت راجع السودان لقيت السودانيات احلي بس الجو السخن وطبيعة مناخنا لكن عندنا جميلات وحسناوات

[girls beautiful]

#1063042 [Sawt Al Hag]
3.00/5 (3 صوت)

07-21-2014 10:29 PM
كن جميلا .. ترى الوجود جميلا .. والذى نفسه بغير جمال .. لا يرى فى الوجود شيئا جميلا ..!!
شفنا العالم كله و طفنا فى مدنه و قراه .. لم نجد انظف و ارق و احن و اجمل من بناتنا ..!!
لم تسمع بانت السماء بدت لنا .. و يا صوتها لما سرى عبر الاثير .. و كتير بتناسى ايديا .. و اسيبا عنية فوق ايدك .. و اقدلى وسكتى الخشامة .. و انزلى فى العوازل كى .. و الصغيرة شتيلة الاراك يا قمر عشرة الفى سماك .. يا عيون المها .. و مرسال الشوق .. و يا بلادي اهلا .. و استنيني .. و الزوول ابو عيون كحيلة .. و يا سايق البوباي .. و كمان يالسايق الفيات .. يا خى تقولى شنو و تقولى منو .. نحن بناتنا ياهن ديل .. و يا عفاف يا الشايلة من اسمك صفاتو .. عايز اقول اقيف لسع .. و اقيف اسمع .. لكن ظروفنا ما بتسمح .. لاننا مشفولين و مهمومين بازالة و تغيير النظام ((الشين)) .. الشناتو مره ما بتنطاق .. مرارة الحنظل .. !!

[Sawt Al Hag]

#1063041 [تيس البركس]
5.00/5 (3 صوت)

07-21-2014 10:29 PM
انور ده اسالو عنو اولاد دفعتو بكلية الاداب جامعة الخرطوم عن عواراتو وهبالتو
احى انا يالبعيو الجخص

[تيس البركس]

#1063039 [رانيا]
5.00/5 (3 صوت)

07-21-2014 10:24 PM
ما كان ترفقوا المقال بصورة الدكتور العينة ده عشان نعرف هو بشبه منو يمكن مفتكر نفسه " يوسف الخال " وللا " مكسيم خليل " أو " تيم الحسن " !!!

[رانيا]

ردود على رانيا
European Union [صالحين] 07-22-2014 07:51 PM
والله يا محجوب عدم الموضوع ماعندك لكن !!!

تغزل شنو ؟ هي قاعده تتهكم فيه..يعني بتتكلم بسخرية ..افهموا الكلام قبل ماتعملوا فيها واعظين !!!

Sudan [محجوب] 07-22-2014 03:43 PM
صـومي يا أخت (رانيا) وتجنبي التغزل بجمال الرجال في العشر الأواخر.. وشكرا..

United Arab Emirates [بنت الناظر] 07-22-2014 01:53 PM
ولا آلان ديلون ؟


#1063015 [بكرى ابوصلاح]
5.00/5 (3 صوت)

07-21-2014 09:35 PM
والله دى عوجة دكتورنا الهمام دا خلوهو يبرطع على كيفو يصول ويجول وينعت المراة السودانية بالقبح حسبى الله ونعم الوكيل لكن العيب ليس فيه وانما العيب فى وزارةالسخافة والايلام واجهزة التلفزيونات التى تنقصها الثقافة والجهل عن مهمة الاعلام وهو حالنا بعد مجى الانقاذ اخى الحبيب قريمان حيث التدهور والانحطاط فى كل مرافق الدولة وهذه ذمانك يا مهازل فامرحى

[بكرى ابوصلاح]

#1062991 [ود الشيريا]
1.29/5 (10 صوت)

07-21-2014 08:32 PM
المراة البيضاء الجميلة تسر الناظرين وتجلب المسرة والبهجة فى النفوس وتساعد فى الصبر على مشقة ومصاعب الحياة وفساد الحكومة .. ولكن للاسف ربنا ابتلانا بهؤلاء القبيحات (( الدشنات )).. بنات ( الشيريا ) ذوات الحوافر والاظالف.. شينات كريهات مسيخات بطعم الحنظل .... عشان كده معظم الشعب السودانى محبط مكتئب بسبب حكومة الكيزان من ناحية وبسبب دمامة نسائه من ناحية اخرى ....وتزداد اعداد البايرات والعوانس والمطلقات بنسب مخيفة كل يوم ..لان الشاب بعدما يفيق من سكرة المراهقة او يسافر اى بلد اجنبى ويرى النساء الحقيقيات يكتشف انه تزوج من (( غوريلا ))..واعرف كثير من الرجال كانوا(( يتعقدوا)) ان يصطحبوا معهم زوجاتهم الى البلاد الاجنبية لقبحها وعدم تناسق شكلها ..

[ود الشيريا]

ردود على ود الشيريا
Saudi Arabia [رانيا] 07-21-2014 10:20 PM
حسبي الله ونعم الوكيل في الرجال البتقول عليهم .. لو مستعريين من نسوانهم إتزوجوهم ليه ؟؟


#1062989 [ود الشيريا]
1.52/5 (9 صوت)

07-21-2014 08:31 PM
المراة البيضاء الجميلة تسر الناظرين وتجلب المسرة والبهجة فى النفوس وتساعد فى الصبر على مشقة ومصاعب الحياة وفساد الحكومة ...... ولكن للاسف ربنا ابتلانا بهؤلاء القبيحات (( الدشنات )).. بنات ( الشيريا ) ذوات الحوافر والاظالف.. شينات كريهات مسيخات بطعم الحنظل .... عشان كده معظم الشعب السودانى محبط مكتئب بسبب حكومة الكيزان من ناحية وبسبب دمامة نسائه من ناحية اخرى ....وتزداد اعداد البايرات والعوانس والمطلقات بنسب مخيفة كل يوم ..لان الشاب بعدما يفيق من سكرة المراهقة او يسافر اى بلد اجنبى ويرى النساء الحقيقيات يكتشف انه تزوج من (( غوريلا ))..واعرف كثير من الرجال كانوا(( يتعقدوا)) ان يصطحبوا معهم زوجاتهم الى البلاد الاجنبية لقبحها وعدم تناسق شكلها ..

[ود الشيريا]

#1062978 [جاك سبارو]
4.50/5 (6 صوت)

07-21-2014 07:52 PM
للاسف هناك من يحمل شهاده الدكتوراه ويتفوهون بالحماقات !!!

لا ينبغي ان يلام إنسان علي خلقة الخالق !!!

بس سؤال واحد للدكتور ... هل انت من اصول أروبية؟

وبعد كل هذا يغضب البعض عندما كتب بعض الصحفيون ان المرأه السودانيه قد فقدت الثقه في الرجل السوداني ؟!!!

[جاك سبارو]

#1062977 [جبة جابر]
4.00/5 (6 صوت)

07-21-2014 07:52 PM
الزول دا ما عنده موضوع لانو مافى زول خلق نفسه وكل الناس بمختلف اشكالهم وسحناتهم خلقهم الله لهدف معين
ثانيا الزول دا عاش خارج السودان 20سنة عشان كده
جاتو صدمة حضارية
ثالثا لماذا لم يسأل هل امه واخته وبنته من الشينات ولماذا رجع لارض الشينين

[جبة جابر]

ردود على جبة جابر
Oman [شاية] 07-22-2014 06:26 PM
صدقت يا جبة جابر .. جبر الله بخاطرك .. السودانين مشو برة جاتهم صدمة وافتكروا الجمال
هو البياض لان الكثيرين من السودانيين ما بحبو بلدهم بشتموها دائما للناس ويصيروا مضحكة حتى انك لو قرأت اي موضوع تجد الشتيمة في السودان والسودانيين وقالوا الناس ان المصريين بلدهم كعبة لكن بحبو مصر والسودانيين بلدهم سمحة لكن بكرهوا بلدهم .. ولك ان تقرأ كل مقال لتجد الشتيمة ولما الواحد يقول ليك السودانيين كانه هو ما سوداني طيب منو ديل السودانيين الكعبين ديل ؟؟ الله يرحم ايام كان الناس في الخارج يقفون تعظيم سلام للسوداني والله ما شوه صورة وسيرة السودان الا السودانيين الذين يشتمون ليل نهار في السودان والسودانيين ... هسه ما فضل ليهم غير النسوان .. الله يرحم الرجال الرجال الذين تغزلوا وغنو في جمال السودانية
ومحاسنها وخلقها وجمالها ..ولا علينا بامثال هؤلاء,. اظنك فهمت ..


#1062975 [الراخى اضانو]
1.71/5 (10 صوت)

07-21-2014 07:51 PM
السودانيات شينات وقبيحات ومكلوجات ده امر الله سبحانه ودى ما مشكلة فما عندهن يد فى ذلك..المشكلة ان اغلب السودانيات اليومين ديل متوهمات انهن جميلات ومركبات مكنة (( جنيفر لوبيز ))..الواحدة من قلة عقلها مجرد انها لطخت وجلطت ليها كم كريم (( منتهى الصلاحية )) فى وشها تعتقد طوالى انها اصبحت (( جميلة الجميلات )) وزيها مافى ..وتبداء تتصرف على هذا الاساس .... ..
حتى يقضى الله امرا كان مفعولا وينصلح حال البلد على السودانيين ان يصبروا ..وكل واحد يشوف ليهوا اى حاجة (( يشربا )) قبل ما يدخل بيتوا بالليل تخليهو (( يشوف الفسيخ شربات والقرنتية غزال )) حتى يستمر التناسل الانسانى والمودة والرحمة ..

[الراخى اضانو]

ردود على الراخى اضانو
Oman [شاية] 07-22-2014 06:27 PM
هسي صفة الراخي اضانو دي صفة رجال...

Oman [شاية] 07-22-2014 06:18 PM
الراخي ...المتراخي السودانيات جميلات في نظر الرجال .. مش الراخي ..!!


#1062970 [handi]
4.47/5 (6 صوت)

07-21-2014 07:38 PM
يا استاذ ولا يهمك دا واحد سكران حيران وياريت لو هو كان زول وجية زول قصير وقبيح المتنبى قال من كان فوق محل الشمس موضعة ~ فليس يرفعة شى ولا يضعة ~ المتنيى بهذا كانة كان يعنى المراة السودانية عموما ~ بالمناسبة دا كان كل ىوم والتانى واقع سكران قدام بوابة البركس

[handi]

#1062967 [المقدوم مسلم]
3.22/5 (11 صوت)

07-21-2014 07:34 PM
وانت ليه زعلان يا كاتب المقال ؟؟ ام تريد تزييف الحقائق كحكومة الكيزان ؟؟؟ نعم فى الشكل الخارجى نسائنا واخواتنا السودانيات شينات وقبيحات ودميمات وتلك حقيقة يعرفها حتى العميان فى الدول الاخرى ..ايه المشكلة فى ذلك ؟؟؟؟ وهن نفسهن يعرفن تلك الحقيقة ومتعايشين معاها عن طريق المبالغة فى استخدام الكريمات (( جلط وزلط الوجوه )) او لبس النقاب (( الواحدة تعمل فيها انصارية سنة وكده )) او تشتيت الانتباه بلبس الضيق من الملابس حتى تبرز اماكن اخرى تعوض عن قبح الوجوه وعدم تناسق الاجسام!!!او التظاهر بالظرافة واللطافة الزائد عن الحد ..
...خلوا العقد يا ناس فهذه مشيئة الله وتقبلوا وتعايشوا مع قبح نساؤكم ودمامتهن بالنظر الى القنوات الفضائية حتى (( تشوفوا )) كيف يجب ان تكون النساء واسالوا الله الصبر على المصائب .. و من ناحية اخرى اطمئنوا على نساؤكم الشينات ديل فيمكنكم تركهم فى اى مكان بدون خوف عليهم فحتى الشيطان نفسه لن يقترب منهن ...مين البيقرب من (( الغولة ام اربع واربعين )).. والعندو قريشات يهجم على مصر والمغرب .. .

[المقدوم مسلم]

ردود على المقدوم مسلم
[هدهد] 07-22-2014 02:12 AM
لو صدر هذا الكلام من سورى او لبنانى شوية نقول ليهو كل زول عاجبو الصارو لكن يصدر من ناس من نفس الملة والجنسية !!!! من اين اتيت انت واين جمالك الذى تتباهى به على بنات وطنك وبنات عمك واخواتك ؟؟؟؟ الجمال شيىء نسبى ولا داعى لمثل هذه السفاسف من القول والماعاجبو السودان دا يروح فى ستين داهية البلد برجالها ونساءها وشبابها وشاباتها الحسناوات المتعلمات .

Sudan [ابو القرف] 07-21-2014 10:44 PM
والله احيييك و دى الحقيقه


#1062964 [M.bushara]
2.06/5 (10 صوت)

07-21-2014 07:28 PM
الدكتور ما قال الا الحقيقه ... السودانيات شينات جدا جدا ... شنات خلق و طبع ... وما بعرسن الا مجبور....

[M.bushara]

ردود على M.bushara
United States [مواطن] 07-22-2014 01:47 AM
وبعد ده مهورهن وتكاليف زواجهن باهظة وأغلى من أي بلد ...

Sudan [ابو القرف] 07-21-2014 10:50 PM
حقو الناس ما تزعل من الحقيقه و الشيئ الماثل امامنا

والله شينات و السماحه عند هجين الاتراك و المجر والمصريين و بقايا الجيش الغازي


#1062961 [المهندس سلمان إسماعيل بخيت على]
4.25/5 (7 صوت)

07-21-2014 07:24 PM
لا أدرى فى مجال من مجال العلوم هذه الدكتوراة ياأنور محمد عثمان
المرأة لاينظر لها بمعيار جمال وجهها وجسدها وكلنا يرى أمه ملكة جمال دون أن يتمعن يوما فى شكلها
أنظر لشعوب جنوب شرق اسيا وبعض دول أمريكا الوسطى وامريكا الجنوبية من أصل هندى أحمر قد تجد نساء وجههن اقرب للشمبانزى مع كل ذلك يحظين بإحترام وحب أزواجهن
وحقيقة السودانين بدأوا يتمردوا على واقعهم ودا أمر متوقع ولكن ليس بنسبة مقلقه
أمثال هذا الحقير دكتور أنور لا يتعدى أصابع اليد الواحدة
نسبة الجمال بين السودانيات نسبة عالية جدا ولكن الحشمة والأدب والمحافظة تجعل الإنسان لايرى إلا القلة التى خرجت للعمل ومن بينهن شديدات الجمال وبعضهن يتمتع بنسبة جمال مقبوله وفوق المتوسط
قالوا عنا شعب كسول ومن خلال دراسة علمية أتضح أن السودان يتمتع بنسبة خمول فى غدده تقل عن خمول اليابانى والبريطانى
ووالله لو كشفت كل نساء السودان عن جمال وجههن وأعناقهن وسيقانهن وحتى شعرهن لأحدث ربكة فى حركة المرور
ولكن نحن نفضل أن يقال عن نسائنا شينات ولا يقال متبرجات سافرات كاشفات كاشحات على القنوات الفضائية
وأنت يا دكتور مش راجل وأكيد أمك ما جابتك من ضهر راجل سودانى فأنت ديوس تريد بناتنا يتبرجن ويكشفن عن مفاتن جمالهن لأمثالك وأن كنت واثق أنك رجل ناقص الرجولة فكيف تسب إمرأة منها أمك وخالتك وعمتك وشقيقتك وبنتك ولولا الشهر الفضيل لقلت لك يا ( ......... )

[المهندس سلمان إسماعيل بخيت على]

ردود على المهندس سلمان إسماعيل بخيت على
Sudan [Abushazaliya] 07-22-2014 05:08 PM
افوفيت عنا الاخ الباشمهندس هو من الادب ان لا يسخر الانسان من نفسه ومن ثم لا يجب مقارنة امة باخرى اي بمعنى من المستحيل مقارنة الجمال (الخلقي) بين الهند والكنغو هذه من الغباء وهذه اشياء غريزية ونحن المسلمون نقول هذه المودة والرحمة التي واضعها الخالق لمواصلة النسل وحتى في البيئة الواحدة والله تجد من تستغرب على خلقته ولكن لله في خلقة شئون برضو بتحب من احدهم وتكون هناك زواج.
اما مشكلة دابي السواج دة مالو معاك يمكن قريب حسن ولا بكون هو ذاتو ... هون شوية يا ثعبان
هو الدكتور من رايه ان يقول اي شيء بس ما ينسى نحن سودانيين مرات بنقدم التقاليد والعرف على العلم والاعوج حقنا عديل ومتفق عليه منا بس كان الدكتور بكون غلبو التعبير .. كان يسال ناس تيراب او محمد موسى الناس ديل بعرفوا للوصف دون احراج الاخرين ....
اخيرا بكون الدكتور نسى ثقافتو بقى على ثقافة ناس النصارة قال ما بعرف الكذب ياهي قوم لف

Sudan [alkarb33] 07-22-2014 01:05 PM
ديوس والله (دبوس زمان ما اديتنى درس فى اللغة العربية )

[الكتروني] 07-22-2014 12:15 PM
والله صدقت يا باش مهندس ولو رشحت لرئاسة السودان تستاهل ولكنت اول من صوت اليك ---وفي الحقيقة ان السودانيين ينظرون الى نسائهم ولا ينظرون الى انفسهم الرجال فكيف يلد القرد غزالة

[المندهش] 07-22-2014 01:59 AM
يا باش مهندس انت كاتب فى هذه الصحيفه خليك معقول فى الفاظك ولا داعى لهذه المبالغه فى الشتيمه الراجل لما سألوه قال وجهة نظرو ولانه عاش خارج السودان لاكثر من عشرين سنه نسى المجامله والكضب وتكلم بصراحه ايه المشكله فى ذلك وكل العالم بقول كده ..وانا كمان بقول ليك نحن ذاتنا الرجال السودانيين شينيين وانت بالذات شين وقبيح والامثال التى ذكرتها من ناس امريكا الوسطى تؤكدان الشنه مابتدس والدليل ياهو ده انت عارف حتى الشيينين فى امريكا الوسطى وبنفس القدر ناس الواق واق عارفين انو السودانيين شينيين ولا انت براك البتعرف

Saudi Arabia [دابي السـوج] 07-22-2014 12:12 AM
مرحبا" بك يا صاحب الأسم الطويل والمهنة( المكنكشة فيه) ، طولت الغيبة ، بس حسين سكت وانت سكت ، والله اشتقنا ليك رغم أنه صورتك بتذكرنا بالمتعافي ، المهم .. نورت .
أما عن موضوع هذا الدكتور فأولا" أقول لك بالله من في السودان صار لا يحمل صفة دكتور ؟ الممثل دكتور ، الصحفي دكتور ، السياسي دكتور ، بتاع العود دكتور ، الماسك ليه صفارة دكتور، مدرب الكورة دكتور ، إمام المسجد دكتور ، والمشكلة أنها دكتوراة علي كبر ( يعني بعد الستين ) وبالمناسة ليه ما تكمل الحكاية إنت ذاتك وتكتب الكتور المهندس فلان( بالإسم الرباعي) ،الحاميك شنو ؟
أماما قاله (دكتوركم) فهو والله كلام في غاية الإسفاف والسقوط ،وكلامك مية مية في نسبية الجمال وقد تكون زوجتك غير جميلة في نظر الناس ولكنك تحبها وترتاح لسلوكها واحترامها لك ، وبالمناسبة الغربيون يهتمون بذكاء الزوجة والانسجام في الهوايات أكثر من جمال الجسد ، بس اضافة أخيرة أنك وصفت الرجل بان أمه ما جابته من ضهر راجل سوداني، وهذا اتهام كبير ، فماذا يكون شعور أمه أو أخواته إذا قرأن هذا الكلام الجارح ( أتمنى أن تكون هذة زلة لسان ).وكلام بيني وبينك (ما عايز القراء يسمعوه) ديوس تكتب هكذا ( ديوث )، ويا ويلكم يا سودانيين من حرفي ( الثاء والقاف ) ومعناها من يعلم أن زوجته ( فاكة اللعبة ع الآخر) ويرضى بذلك ، وعليه عندك خطأ في الإملاء والمعنى : يعني ( أعــد) ، وأتمنى الا تغضب من عمك : (الدكتور الأديب المهندس المثقف العلامة العارف بالله دابي السوج) .
وبالله ما تنسى تسلم لينا على ....حسين خوجلي.


#1062950 [بت البلد]
4.00/5 (4 صوت)

07-21-2014 06:54 PM
هههه منتهى الخواء والسطحية ... وما هو موضوع الحلقة؟؟؟ وهل هو مباراة في قذف المرأة السودانية ؟؟؟!!!

[بت البلد]

#1062930 [alkarb33]
2.13/5 (4 صوت)

07-21-2014 06:33 PM
السلام عليكم
اولا واشهد الله انا اول مرة اقرأ ليك
واول مرة اسمع بالكتور الذى تكلمت عنه
وقد راجعت حديثه وهو موجود على اليوتوب
وهو يتكلم عن المرأة السودانية فى السابق مادحاً
وعنها فى هذه الايام واصفا لها بالقبح بسبب ما يفلنه بانفسهن من استعمال للكريمات المضرة وغيره
وما ذكره لم يخرج عن السياق المطروق وسط معظم الناس
وبهذا لا ارى انه جانب الصواب او اهان النساءالسودانيان بل انه قد اعتز بالمرأة السودانية على طبيعتها وبساطتها
ولا اجد لك عزراً الا ان تكون مدفوع من غرض شخصى مرتبط بمصالح تجار الكريمات واخيرا الدنيا رمضان احسن نكون صادقين.

[alkarb33]

ردود على alkarb33
Sudan [ود نفاش] 07-22-2014 11:30 PM
ارى ان نحصر الموضوع فى مقدم البرنامج
اتفق مع الكاتب ان قنواتنا اصبحت تعج بالمساحيق والثياب الفاخرة والحنه ولكن ليس لديهم اى خبرة فى ادارة الحوار ولا استدراك فيما يقوله المستضاف
لماذا لا نتعلم من ب ب س او فرانس24 اوالحزيرة والعربية حيث مستوى من الحوار رفيع
الا تذكون تلك البنت المفعوصة مع الاديب الطيب صالح رحمة الله حيث قالت له ان فى كلام بنت مجذوب بذاءة فرد الاديب الربيب ليس هناك بذاءة وبعدين نحن بنشوف بذاءة كثيرة .والله لو عندى سلطة اقيم عليها الحد عشرة جلدات ثم الذى اعطاها هذه الفرصة مائة جلده نكاية بهم
فالعيب فى معد البرنامج
بسال الله الشفاء لحمدى بدر الدين حيث زادت ثقافتنا من برنامج فرسان فى الميدان
فهل يعود هذا الزمن الجميل
اتمنى ذلك


الطيب رحمه قريمان
الطيب رحمه قريمان

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة