المقالات
السياسة
ليت عبد الواحد صمت..!!
ليت عبد الواحد صمت..!!
07-23-2014 12:39 AM

في العاشر من يوليو الجاري وقع مجلس الصحوة الذي يتزعمه الشيخ موسى هلال مذكرة تفاهم مع الحركة الشعبية شمال.. الصورة التذكارية للمذكرة شملت رئيس الحركة الشعبية مالك عقار بجانب اسماعيل اغبش مندوب موسى هلال واللواء جقود الذي وقع أنابة عن الحركة الشعبية..قطاع الشمال دشن المذكرة بأقل قدر من الضجيج لان الطرف الاخر المتمثل في الشيخ موسى هلال يحمل معه عدد من الصفات أدناه عضو بالبرلمان السوداني ومستشار بالحكومة السودانية مع دور معروف في تفاصيل يوميات الحرب في دارفور.

خطوة التقارب بين شيخ قبيلة المحاميد وقطاع الشمال استفزت بعض النخب الدارفورية المعارضة التي رأت فيها انتهازية لم تراع لمشاعر ضحايا الحرب في دارفور ..في اقل من اسبوع جاء الرد بريطانيا حيث أصدرت وزارة الخزانة البريطانية قرارا بتجميد أرصدة الشيخ موسى هلال بحانب ثلاث اسماء من تيارات اخرى ..التجميد صاحبه قرار اخر بحظر دخول الشيخ هلال الى الاراضي البريطانية.. تلك الخطوة الاولى والتي من الراجح تعميمها على دول الاتحاد الأوربي وفي مرحلة لاحقة الولايات المتحدة الامريكية
الا ان السؤال من الذي حرك ملف موسى هلال في العواصم الأوربية في هذا التوقيت..شيخ موسى في حالة بيات حربي منذ اشهر طويلة.. بل هو الان اقرب للمعارضة من الحكومة..بل ان اسمه قد تردد من قبل في أروقة المنظمات الدولية باعتباره عنصرا فاعلا في يوميات الحرب الاهلية في دارفور ومع ذلك لم يتم إشهار بطاقة عقاب في وجه ..اغلب الظن ان *النخب الدارفورية الغاضبة نفضت الغبار عن ملف موسى هلال وعبر علاقاتها الواسعة مع صناع القرار ومنظمات المجتمع المدني جعلت الإدانة تسقط على راس الرجل الذي لم يكن تنقصه معركة جديدة.

في تقديري ان الإدانة البريطانية لموسى هلال أحرجت قطاع الشمال كثيرا.. وان كانت قد حدثت من قبل لما تجرأت الحركة الشعبية في التواصل مع موسى هلال من حيث المبتدأ ..وذلك لان الخطاب السياسي للحركة الشعبية وكل حركات دارفور العسكرية قائم على تقمص دور الضحية في الحرب الدائرة ..دون مقدمات يجد التحالف الجديد ان عليه ان يدافع عن وجود شخص وكيان يحمل مواصفات موسى هلال المثيرة للجدل.

من هنا جاء بيان الاستاذ عبد الواحد محمد نور قائد حركة تحرير السودان ..البيان حمل مفاجاءات وتناقضات..المفاجأة ترحيبه الشديد بالتحالف الجديد بين الحركة الشعبية وموسى هلال..تكمن المفاجأة ان عبد الواحد نور كان المسوق الرسمي لظاهرة الجنجويد و احتلال اراضي القبائل الافريقية المصحوبة بحرق القرى الآمنة تمهيدا لتطوين قبائل عربية زاحفة من غرب افريقيا..في وقت سابق تم ربط كل ذلك بأحكام ومع سبق الإصرار والترصد *بصورة شيخ قبيلة المحاميد موسى هلال.

حوي البيان عدد من التناقضات ..بعد الترحيب بمقدم موسى هلال الى صفوف المعارضة المسلحة تم دمغه بانه مارس الابادة الجماعية في دارفور وان محاكمته ستتم لاحقا..ثم إشارة عنصرية غامضة حوت الترحيب بجهد جميع ابناء دارفور في الحكومة ان تحولت بندقيتهم الى صدر الخرطوم مع وعد بالحساب اللاحق الذي لن ترفعه حسن الخاتمة السياسية.

في تقديري ان بيان عبدالواحد لم يرضى أحدا.. موسى هلال لن يقبل ان يصبح حصان طراودة يحقق احلام الاخرين في السلطة ثم يذهب الى السجن حبيسا....البيان *اجتمعت فيه العنصرية والانتهازية وسوء التقدير السياسي.. أسوا الساسة هم من يتحدث في الوقت الخطا بحديث غير متماسك آخره يهد اوله.. وهكذا فعل عبد الواحد نور.

(التيار)
[email protected]


تعليقات 8 | إهداء 0 | زيارات 3673

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1064548 [SADIG]
0.00/5 (0 صوت)

07-23-2014 04:33 PM
معايشك جبارة يا عبدالباقي الظافر

[SADIG]

#1064189 [77]
0.00/5 (0 صوت)

07-23-2014 11:06 AM
والان فقط تكتب عن الشيخ موسي هلال
موسي هلال له عشرات السنوات لاعبا مؤثر في السياسه لم تكتب عنه ،والان تكتب عنه لانه دخل في خلاف مع الحكومه
كوز انتهازي يرضي اسياده فقط

[77]

#1064181 [jas]
5.00/5 (2 صوت)

07-23-2014 11:02 AM
ضل الفيل سهل الطعن اخي التياري انت زعلان عشان موسي هلال ترك الحكومة ورجع لاهلو في دارفور ولا زعلان من عبدالواحد ما قام حارب وضرب موسي هلال في اللقاء الجمعت بيهم ابان التوقيع انتو ناس الشمال النيلي وشرزمة الخرطوم كتابكم علي جنجويدكم واحد الحرب كفانا نحن في دارفور يجب ان يحول الي الشمالية حتي تعرفو مرارته وكيف زاق الناس طعمه صنعتو الوكالات في كل مكان جنوب السودان جيال النوبة النيل الازرق ومن قبل في جنوبنا الحبيب كل ذلك من ضغائنكم الكلاب رئيسكم علي غفيركم سواء في الحقد الدفين والرسالة وصلت عندنا لكن امل ان تصلكم حتي تتضح الروية عندكم وتحاربونا شوية قوة جيش الغربية كن اتحولت الشمالية حسي تعملو معسكرات نزوح في الجيلي وكل شمال الخرطوم وعندها تفق الحرب في السودان لان من يضرب قلب العفريت يوقف فبض الشيطان وافتكر دي واضج عشان ما تلخو كتير عبدالواحد قال وموسي هلال سواء وعمر بشير رقص انتو ضميركم ما بتحيا اصلا كل مر ةتفكرو في زرع فتنه جديدة في الناس

[jas]

#1064138 [حيدر م]
0.00/5 (0 صوت)

07-23-2014 09:53 AM
للاسف ان الصحفي كاتب المقال يجهل واقعة العقوبة المفروضة على موسى هلال واخرين فهى تجدد سنوياً ولا علاقة لها بهذا التحليل والحديث عن التوقيت الذي يبدو انه كتب لصالح جهاز الامن---- للاسف

[حيدر م]

#1064033 [نص صديري]
0.00/5 (0 صوت)

07-23-2014 02:51 AM
قال "تلك الخطوة الاولى والتي من الراجح تعميمها على دول الاتحاد الأوربي وفي مرحلة لاحقة الولايات المتحدة الامريكية"!! انت قاعد في اضنيك يابتاع امريكا؟ هي امريكا اعلنت تهمها ضد هلال منذ 2004 وسمته بالاسم في نشرة للقبض عليه قبل حتى الجنائية اما بريطانيا فلاتعدوا تجديد التأكيد بمطالبتها بمحاكمة كل من شاركوا في مزابح دارفور واصلا منذ عدة سنوات هنالك نشرة بمتابعة رؤس اموالهم

[نص صديري]

#1064024 [ali]
5.00/5 (1 صوت)

07-23-2014 02:25 AM
استاذ الظافر
والله العظيم انت ما متابع الحبه ياخي خليك حريف في التحليل دا شنو ونست بيت البكاء دا ياخي خليك كوووووز حصيف ومطبلاتي جيد . والله خجلته ليك حلل صاح او اقول ليك امشي خش سنة اولي روضة في السياسة .

[ali]

#1064018 [موردة نفر نفر]
5.00/5 (1 صوت)

07-23-2014 01:56 AM
وياليتك انت تسيب الدعارة الفكرية والاصطياد فى الماء العكر

[موردة نفر نفر]

#1063999 [ادريس زقلونا]
5.00/5 (1 صوت)

07-23-2014 12:58 AM
ما يهمنى هنا هو تجميد ارصدة موسى هلال فى البنوك البريطانية !!!!!
كل الناس ليهم ارصدة الا انت يا ادريس زقلونا يا درويش

[ادريس زقلونا]

ردود على ادريس زقلونا
United Kingdom [انا سوداني انا] 07-23-2014 09:59 AM
منو القاليك يا ادريس زقلونا يا درويش انو موسي هلال عندو أرصدة في بريطانيا ولا امريكا ؟؟
اتو مواهيم ساي ،،، متين نوسي هلال حاء بريطانيا ولا مشي امريكا؟؟؟
ومتين فتح حسابات في الخارج؟؟؟ وبالأخص في دول الغرب؟؟
مافي كوز فاتح حساب في بريطانيا يا ناس ،،،
كلهم فاتحين حسابات وبي اسماء أسرهم في قطر ودول الخليج وماليزيا وأخيرا قبلو علي تركيا نصهم حول حساباتو ليها،،،
حكاية حظر دخول موسي هلال اوربا وأمريكا دي من زماااان 2004 وما عندو التكتح في دول الغرب،،، وكمان اقوليك يا درويش يا زقلونا موسي هلال اغلب قروشو في تشاد مع نسيبو وبتو ولدو
وكل المحاميد هناك ،،،
بطلوا هبل يا ناس الحركة الشعبية وما اهب لكن الا عبدالواحد ،،، يطالب بتوجيه البندقية للحكومة ويتوعد بي المحاسبة،،،
صحي والله انو زول مسيديد مش مسدود بس،،،
في واحد عاقل يصدق موسي هلال انو حيقيف مع المعارضة المسلحة ونسيبو ديبي ضدهم وأول من باعهم وكمان الرئيس الخاطبة لي بتو معاهو ،، وهو عضو في المؤتمر برتبة شيخ وقائد وعضو برلمان؟؟ دي بتدخل عقل؟؟؟
بكرة نسمع مندوب الترابي وقع معاهن كمان مع موافقته علي المحاكمة بعد تغيير الحكم والرئيس عبدالواحد هو الحاكم الجديد
هزلت


عبدالباقي الظافر
عبدالباقي الظافر

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة