المقالات
منوعات
شناة السودانيات
شناة السودانيات
07-26-2014 11:23 AM

درجت العديد من الفرق الكوميدية على تقديم وصلات من الفكاهة في المناسبات والفعاليات وتنشط بصورة رئيسية في رمضان والإفطارات التي تنظمها الفنادق والمطاعم (الخمسة نجوم).
وفي مطعم فينيسيا الكائن على شارع النيل وبعد الإفطار وفاصل من المدائح بدأت تلك الفرقة في تقديم عروضها.
والحق يقال أنه وبالرغم من أن معظم تلك القفشات مسموعة وقيلت من قبل وطرقت آذاننا كثيراً إلا أن أسلوب قص النكتة يسرق منك الابتسامة إن لم يسرق منك القهقهة ، كما أن بعض أفراد تلك الفرق خفيفي الظل ويدخلون للقلب من دون استئذان.
ولكني هنا بصدد الحديث عن النكات التي تسخر من السودانيين والمرأة السودانية مثل النكات (القبلية) والتي تتحدث عن بخل الشايقية، وحماقة الجعليين، وغباء الدناقلة، وسوء إسلام الحلفاويين، وتخلف ناس الغرب، وسذاجة أهل العوض .
وجميع هذه القفشات نسمعها ويبدأ كل منا في إخراج لسانه للآخر من القبيلة المعنية بالنكتة.. الجعلي يشمت في الشايقي والحلفاوي يضحك علي الهدندوي ...وهكذا من دون أن نشعر نرسخ لمفهوم القبلية والتهميش ونلصق صفات بقبائل الكثير من أبنائها بريئين من تلك الأقوال براءة أستاذ عثمان ميرغني من الإساءة لانتفاضة فلسطين .
وفي مطعم فينسيا كان أحد المنتمين لتلك الفرق يتحدث عن قبح المرأة السودانية وشناة المذيعات وكان هذا الحديث في وجود جالية عربية كبيرة من إحدى دول الخليج، والذين بدورهم فغروا فاههم وهم ينظرون باستياء إلى رجل سوداني يسخر من المرأة السودانية والتي هي أمه وأخته وزوجته وابنته وإني استغرب لهذه النوعية من الرجال والأفكار .
وسؤال بسيط ..
أوليست ولادة طفل هي نتاج لتلاقح جينات ذكورية وأنثوية أم أن هذه المرأة تحبل لوحدها أو تحبل بالتزاوج مع امرأة أخرى .
اتقوا الله يا هؤلاء وكل واحد يعاين لي نفسو في المراية ....قال المرأة السودانية شينة ....خلااااااااص ياتوم كروز.

[email protected]


تعليقات 66 | إهداء 0 | زيارات 9722

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




صفحة 1 من 212>
التعليقات
#1073450 [mohd]
0.00/5 (0 صوت)

08-07-2014 12:55 PM
السودانيات شينات وماذا في ذلك؟ لسن اكثر قبحا من كثير من بنات افريقيا ولكنهن يبحثن عن ارضاء الرجل السوداني في مقاييسه للجمال.. والبركة في قدر ظروفك والشعر المزروع وحقن تغيير اللون وحشو الصدر والارداف وحقن الانسولين وكوني نجمة لهذا فان العريس سيبحث عن صورة المرأة في ثوب الزفاف قربه فلا يجد لها شبيهاً في المنزل بعد زوال رسم التاتو والبدرة والالوان واخراج جوارب اليدين والرجلين.. الحق يقال نحن شينين..شينين

[mohd]

#1068023 [africa]
0.00/5 (0 صوت)

07-29-2014 08:07 PM
الأخت سهير
هذه دعاية روج لها الشوام والفلسطينيون وغيرهم ممن يدعون أنهم عرب للأسف ممن فتحنا لهم بلدنا ومكناهم من خيراتها، المرأة السودانية جميلة خلق وأخلاق وهي سيدة نظيفة في بدنها وملبسها وإن ، والله أنا عملت مع نساء من دول تدعي أنها عربية ما أن تقربك الواحدة لتتحدث معك في العمل حتى تقوم نافر وجاري من رائحة الفم الكريهة الناس ديل حتى ما بتسوكوا ولا بستحموا كيف يكون دا جمال مرأة يا بهم إنتو، والسودانية إذا أحبت فهي وفية مخلصة وفوق كدا شاطرة في عملها وتخصصها وحقوا الناس الذين يطلقون هذه السخافات ينتبهوا لما يفعلون من تمزيق لنسيج مجتمع كان متماسكا قبل أن ينهش فيه داء القبلية والتعصب الجهوي. أوافق من تحدثوا عن الأثر السالب والمضر حقا لهذه الفرق السخيفة والكوميديان مين ومين، ديل مسوقين لثقافة استهلاكية ولا يستحقون حتى لقب منلوجست على أهميته. سيبك منهم وقولي العارف عزوا مستريح لأنهم هم أنفسهم خارجين من خضم أسر وخلفيات اجتماعية مفككة وكل إناء بما فيه ينضح. إنتك زاتك حلوة جدا وبالمناسبة عجبني قولك خلاص يا توم كروز وأضحكني ديل شوية جهلاء ينالون من سمعة بلادهم ويحطون من قدرها وحقوا يتذكروا أمهاتهم وحبوباتهم وأخواتهم ونسوانهم قبل ما يوجوهوا هذه الإساءات الفارغة، وشكرا لك على إثارة هذا الموضوع وأرجو أن تعودي إليه وتطرقي الأثر السالب لهذه الظاهرة القبيحة، فأنت صحفية شجاعة وماهرة وصاحبة قلم محبب

[africa]

#1068022 [عبود الجمر]
0.00/5 (0 صوت)

07-29-2014 08:07 PM
الجمال موجود ومايعيبه
- الختان
- الكرش
- المساحيق
-بس خلاص

[عبود الجمر]

#1067857 [عمار - أبو فارس]
0.00/5 (0 صوت)

07-29-2014 02:43 PM
ياستاذة - الشنة حاصلة ماتكوني مكابرة اين الحيادية والشفافية في كتاباتك - نحن كوم الشنة يوزعوا مننا ومع الشنة مساخه ولئمة مع دا كله - يعني لاخلقة ولا أخلاقة لكن نرجع ونقول (لالوب بلدنا ولا تمر الغير )

[عمار - أبو فارس]

ردود على عمار - أبو فارس
[أحمد عبدالله] 07-29-2014 05:36 PM
و انتو يعني من سماحتكم حتى تعيبوا بنات بلدكم


#1067847 [شجن]
0.00/5 (0 صوت)

07-29-2014 02:23 PM
سهورة العسولةحدائما انت عسل-والذى فعلته هذى الفرق واشرطة الكاسيت الصادرة منها ؛لم يفعله الاستعمار فى تمزيق النسبج الاجتماعى للامة السودانية-ومافى زول جايب خبر-اذا كان تصديق طاحونة فى الحى يحتاج لتصديق وعدم مماتعة من اهل الحى بخوف الازعاج!!!! غهل من ازعاج -وخلخلة-اكثر من خلخلة هذا الفعل الشنيع الذى تقوم به هذه الغرف (الكوميدية )!!!!!والتى تسعى بجهل القائمين بامرها بنسف الوطت ووحدته ان بقى منها شيئ-لماذا لاتكون هناك لجان نصوص لاجازة مايقدم ومعاقبة من يتجاوز عرض اى نص غير مجاز لكن هذى جبانة وهايصة -

[شجن]

#1067723 [معاوية]
2.50/5 (3 صوت)

07-29-2014 07:56 AM
المراة السودانية من اجمل النساء و يكفيها فخرا انهاانظف نساء الأرض ده كلام مجرب الناس مسحورة ساي بالون و ديل ماطلعوا بره البلد الواحد فيهم حدو حلفاا

[معاوية]

ردود على معاوية
[أحمد عبدالله] 07-29-2014 02:58 PM
انت شكلك يا الراخي اضانو عندك احساس بالدونية من كلامك ده و انا بقول ليك ان المرأة السودانية من اجمل نساء العالم حتى الناس برا بقولوا ان السودانية نظيفة و مهتمة بنفسها و اسأل اي زول و بناتنا حور و بطفن النور

Saudi Arabia [الراخى اضانو] 07-29-2014 11:54 AM
انت الظاهر عليك قاعد خارج البلد و( داقس ) وعمرك ما ((جازفت )) برة مع الحور العين يا ولدنا..


#1067498 [dr_islam]
3.00/5 (2 صوت)

07-28-2014 03:22 PM
تحياتي
أنا معاك في تكريث منظور القبلية بدون مانشعر وده أس المشكلة ومعرقل تطور السودان في دولة تأسس للفبلية .. بس مالك إنفعلتي في أخر المقال لكن برضو كلامك صاح ...

[dr_islam]

#1067431 [جاكس]
3.69/5 (5 صوت)

07-28-2014 09:46 AM
قبح هيئة السودانيات في تقديري
قبح مصطنع تجني عليه براقش على نفسها
بنسفها في أغلب الأحوال... وذلك بعد
تفشي ظاهرة تلطيخ البشرة والوجوه التي
خلقها الله في أحسن تقويم وأفضل لون
يتناسب مع البيئة والطبيعة بكميات
وأنواع مختلفة من المواد الكيماوية
والسموم، فأصبحت معظم النساء مثل
كالمسوخ... مما يؤكد أننا شعب في
غاية الغباء والتخلف...

لدرجة أن الواحد فينا بات عندما يشاهد
أي مذيعة أو ممثلة أو حتى ضيفة على
برنامج سوداني يصاب بالغثيان والغرف
فسرعان ما يتحول إلى أي قناة أخرى.

وشعب بهذا المستوى من التخلف لا غرابة
أن يعيش في بلد من أكثر البلدان انهيارا
اقتصاديا وتخلفا وتردي في كل شيء لدرجة
أن رشة من مياه الأمطار تغرق عاصمته.
ولا غرابة أن يستخدم الغالبية العظمى
(الادبخانات) حتى الآن لانعدام شبكات
الصرف الصحي حتى في عاصمته.

[جاكس]

#1067184 [آمال]
3.00/5 (2 صوت)

07-27-2014 08:14 PM
كفيتي و أوفيتي يا أستاذة و ياريت لو الناس البصفوا المرأة السودانية بالشنة يفهموا ده كويس و يعاينوا لنفسهم في المراية و يشوفوا شكلهم كيف قبل ما يتكلموا و يطولوا لسانهم و كمان في من البقولوا ان المطفش الرجال في السودان من النسوان البوبار و ما عارفة شنو بس بصراحة في ناس متسببين بتحججوا بالحجج دي عشان يعيبوا بنات بلدهم و يوروا ان غيرهن احسن منهن

[آمال]

#1067179 [ابو القرف]
1.00/5 (1 صوت)

07-27-2014 07:58 PM
ما كلامو صاح كمان بتغالطى فى شناتن؟؟؟

حسه ساميه غزه دى سمحه؟؟

و لا عمايل هنايه ديك سمحه

والبشوفيها سمحه يا بتى دى ما سودانيه 100 الميه

نحن السودانيين عارفين قدر نفسنا وسماحتنا فى اخلاقنا و يكفى

[ابو القرف]

#1067114 [حمزة]
3.44/5 (5 صوت)

07-27-2014 05:18 PM
هذه الفرق التى تطلق على نفسها "كوميدية" مستعدين يصلو أى قاع من الإنحطاط عشان يشتهرو و عشان الناس يتكلمو عنهم و عن نكاتهم الساذجة فاقدة المضمون ..

و نقلك لما حدث فى مطعم شارع النيل من هؤلاء الكوميديين (الذين لا يعرفون عن الكوميديا سوى إسمها) يُعتبر دعاية مجانية لهم و لنشاطهم و هو ما يريدون الوصول إليه فى الأساس .. عايزين الناس يكتبو عنهم و عن نكاتهم البايخة ,

وفى النهاية من هم هؤلاء المتأكمدين (إذا جاز التعبير) من هم حتى يعطو نفسهم الحق فى تصنيف الناس و الضحك و التندر عليهم !!
و ما هو مقياسهم التى وضعوها لهذا التصنيف ؟؟

لكن الحقيقة تبقى حقيقة , وهى ان المرأة السودانية هى واحدة من أجمل نساء العالم (ان لم تكن أجملهن) ليس فقط فى المحيط الافريقى و العربى بل حتى على المستوى العالمى , هذا واقع , رضى هؤلاء " المتأكمدين" أو لم يرضو ..
و غصباً عنكم يا كوميديين فان المرأة السودانية جميلة و فاتنة و جذابة مما جعل عمالقة الشعر فى السودان يتغنون بروعتهم , على سبيل المثال (لا الحصر) الشاعر حسن الزبير الذى قال:
أعاين ما الشبه باين ,
وعايدة القمرة لي أصلها ,
كبرنا وكبرت احزانا ,
وإنتوا كبرتوا وزدتو حلا ,

وزي ما القمرة تبدأ هلال ,
جمالك إنتي يومي يهل ,
ومحيك بدرو يتجلى ,
ويزيد قجة ويوج ويول ,

وعينيك سارحة ما هماها ,
يكتر سهري ولا يقل ,
صباحك إنتي حقو الناس ,
يجوهوا يشيلوا منو الفال ,

صباح البشرى للمحزون ,
صباح العيد على الأطفال ,
وطبعك فيه رقة ونفرة ,
زي طبع الجدي الجفال ,

وأسألي عن سؤالي عليك ,
الطير في سماه سألتو ,
لو لاقيتي يشرح ليك ,
ما فضلت غير أسرح ,

واناديك وأشابه قيس ,
وكل عيون أعاين فيها ,
بينا وبين عيونك أقيس ,
وكل نغم سمعت نداه ,

وكل خطاوي جاية تميس ,
أقول إنتي وخلاص بنتي ,
وأبشر زي كأني عريس ,
--------------------------

ف ما تشتغلو بهؤلاء المهرجين فاقدى الإحساس العميانين .. دمتم بخير .
و كل عام و الجميع بخير ..

[حمزة]

#1067111 [أسامه]
1.00/5 (1 صوت)

07-27-2014 05:15 PM
مقالك جميل بس خربتي بي توم كروز..

[أسامه]

ردود على أسامه
[أحمد عبدالله] 07-28-2014 07:48 AM
يا ابو القرف انت شكلك من اسمك ده قرفان و زهجان من شكلك عشان كده بتنتقد السودانيات و بتعيبهن

Sudan [ابو القرف] 07-27-2014 08:02 PM
عشان مافى رجل سودانى وسيم و بملأ العين . يا اخى انت ما عارف امور الشينات ديل


#1067064 [A BU ALI ALI]
1.00/5 (1 صوت)

07-27-2014 03:29 PM
انا ما كنت عارف ان توم كروز هو جمل راجل في العالم

[A BU ALI ALI]

ردود على A BU ALI ALI
Saudi Arabia [تمام] 07-27-2014 11:29 PM
ها زول ها اقرع جمل راجل الطريفي..
كل عام وانتم بخير


#1067061 [غزال البرى]
2.00/5 (3 صوت)

07-27-2014 03:26 PM
الاخت الكاتبة سهير
لك التحية على هذا المقال الرائع والهادف ولانه من خلال التعليقات للعديد من القراء للاسف تستشف وتحس ممايكتبون ان هنالك خلل وانهزام بل ايضا اهتزاز فى الشخصية السودانية وخصوصا حينما تقارن حواء السودانية باخرى مصرية او تركية او هندية ... اقول لهؤلاء لا والله لا مقارنة فحواء السودانية هى دوما جميلة اينما حلت وستبقى مميزة لاتقارن بغيرها كما يقول هؤلاءالاخوة السودانيون المصابون بداء راغب علامة شفاهم الله من العقد والاحساس بالدونية.

[غزال البرى]

#1067045 [حزين جداً]
2.00/5 (5 صوت)

07-27-2014 03:08 PM
المصيبة والطامة الكبري الآن جلبيط الوجه بكريمات التبييض والأيادي السود !!!؟؟

ما أجمل وأحلي من اللون الطبيعي . وكلام بره الشبكة :

أول حاج 80% من مذيعاتنا مهذبات ويجلسن بأدب جم ولهن التحية . ولكن

القاهرنا زيادة بعض المذيعات زي سلمي السيد . مثلاً تجلس ونخلف رجلها وسط الرجال

وطز في كل راجل .أين الحشمةوأين مكانةالرجل اللي جالس بجوارك .

شئ من الجسم الطبيعي + الأدب والحشمة هو الجمال بذاته .

بس حزين للموضة القبيحة ووضع البياض الزائد تحت الحاجب وشئ أحمر وشئ بمبي وأخضر ما هذا القبح ؟

[حزين جداً]

#1067041 [Elgony]
3.00/5 (3 صوت)

07-27-2014 03:01 PM
والله ياشباب وبدون اى تحيزوفهذا المقال موضوعى جدا ويظهر انو المسلسلات والافلام التركية والمصرية وكمان اخيرا الهندية خلتنا ندخل فى مقارنات مع حق الاخرين وننصح هؤلاء وكمان بنتحدى وبنقول بناتنا اكان فى الغرب او الشرق او الشمال او الوسط والجنوب سمححححححات ونبقنا ولا تمر غيرنا والبقول عكسى كلامى عندو احساس بالدونية ونقصان فى الشخصية ... والدايرنو من بعض بناتنا بس يبقن طبيعيات لامساحيق لاكريمات ودايرنكم زى ما انتن سمراوات ..خضراوات ...سوداوات برضكن حلوات وغاليات عندنا.

[Elgony]

ردود على Elgony
Qatar [نادوس] 07-28-2014 08:49 PM
عفيت منك Elgony سوداني أصيل..


#1067025 [هامش الهامش]
4.50/5 (6 صوت)

07-27-2014 02:32 PM
حل بسيط وعملي < لو تركتم الزواج بين أبناء العمومة وأبناء الخؤولة > لانصلح الحال وعم الجمال قواما وصحة وميسما . فمن أين يأتي الجمال اذا كان محمد أحمد أو فاطنة أحمد أبناء عمومة أو خؤولة وكذلك الوالدين و والدي الوالدين و والديهما ... الى الجد السابع ومن نفس القبيلة وربما نقس القرية. هذا النوع من التزاوج مرفوض حتى في مزارع تربية الحيوان {inbreeding). الغريب في الأمر تجد طبيب سوداني درس كل هذا ولكنه متزوج من بنت عمه أو بنت خاله. أعرف طبيبا من هذه النوعية يحمل دكتوراة في تخصصه وله طفلان يعانيان اعاقة دائمة من هكذا ممارسة.

[هامش الهامش]

#1067006 [سوداني]
2.75/5 (3 صوت)

07-27-2014 02:06 PM
شكرًا علي اثارة هذا الموضوع المهم عن عنصرية هذه النكات و الفرق التي تستهين بمشاعر أهل الهامش في السودان . لو كان هناك قوانين منصفة في البلد لتم ردع هذه الفرق التي تهتك النسيج الاجتماعي المتهتك اصلا . نحتاج الي مزيد من تسليط الضوء علي الامر . النساء السودانيات جميلات جداً ، ليس الجمال النسبي بل المطلق ، عادات السودانيين تلعب دورا كبيرا في عدم إظهار الجمال و الجميلات . معظم/ كل من يتحدثون عن الجمال يربطونه بإظهار المفاتن.

[سوداني]

#1066992 [اب شلاضيم]
4.25/5 (4 صوت)

07-27-2014 01:52 PM
يا ناس
هي البت الشينة ده الجايبها منو ؟؟
جايبا ابوها الشين طبعا
السودانيين ( الرجال ) شينين ومعقدين وده خلقت ليهم مشكلة هوية

[اب شلاضيم]

#1066950 [اسد الشرق]
4.00/5 (3 صوت)

07-27-2014 12:31 PM
أنتى عن نفسك وين من الكلام دا فنان العرب الكبير قال شنو نسيتى دا كلو وشكلك ماقاعدة تشوفى المورتانيات والصوماليات أجمل من السودانيات ؟؟؟؟ هسه لو هن جميلات لى ما يجى الوقت النسمع فيهو السودانية فلان بت فلان ملكة جمال العالم ياخى حتى على مستوى العرب المابعترفونا ما قادرين نلقى الجمال شوفى موضوع تانى تكتبى فيهو

[اسد الشرق]

#1066923 [غسان الحرامي]
2.50/5 (4 صوت)

07-27-2014 11:34 AM
يا اختي نحن الان في السودان نعيش اسوا انواع الانحطاط الشامل انحطاط اخلاقي وفكري واقتصادي وتعليمي وسياسي وهذا الانحطاط وليد شرعي لسياسيات نظام جثم علي صدر الوطن لفترة ربع القرن ... اما هؤلا الارجووزات فرق الكوميديا والسخف لقد ساهمو في نشر التعصب القبلي هذا اسوا درجات انحطاط وتخلف المجتمعات انها القبليه

[غسان الحرامي]

ردود على غسان الحرامي
Qatar [نادوس] 07-28-2014 08:58 PM
ما فلت إلا عين الحقيقة...
لك كل الشكر.


#1066895 [فضحتينا الله ينصرك]
2.50/5 (2 صوت)

07-27-2014 10:33 AM
تستاهلي العلامة الكاملة بالضبط هذه النكات ليس إلا مسخرة فاضية ، علينا أن نهجر كل العادات السيئة ونستقيم حتى ينصلح الحال وينصلح المجتمع اي واحد يعدل نفسه ولو في طريقة يصلح معاه واحد . بتاعين النكات ديل يا بتنا بيأكلوا عيش والمشروع الحضاري قائم على التفرقة وهؤلاء النكتنجية بنكتو في جراح نحن في غنى عنها . لك كل الود

[فضحتينا الله ينصرك]

#1066855 [كاسبر]
2.75/5 (4 صوت)

07-27-2014 07:41 AM
ضحكتونى وانا جيعان!!!!!!وعطشان!!!!!وفلسان!!!!هىهىهىهىهىىىىىىىىىىىىىىىىىىىىى!!!!!

[كاسبر]

#1066849 [سيد الكارو]
3.00/5 (2 صوت)

07-27-2014 07:32 AM
ده مقال ؟
خلااص ياتوم كروز ؟ ماهذا ؟؟

[سيد الكارو]

#1066836 [ss]
2.94/5 (5 صوت)

07-27-2014 06:43 AM
شنه ساي هي شنه وغبشه

[ss]

#1066806 [ابو سكسك]
3.97/5 (9 صوت)

07-27-2014 04:05 AM
السودانيات سمحات والله ولكنهن شرسات. انا بصراحة كده لمن اكون قاعد شغال في الكمبيوتر واسمع بالمرا جايا في اتجاهي (دج دج دج دج) طوالي ابدأ في قول (محمد معانا ما تغشانا..محمد معانا ما تغشانا..محمد معانا ما تغشانا)، لو حدث "دج" وقفت فوقي شعر جسمي كلو يقيف وانا اردد (الهم لا نسألك رد القضاء ولكن نسألك اللطف فيه)، اما اذا مرت بجانبي بسلام وتجاوزتني، شعر جسمي كلو يرقد زي الكديس وانا اقول (الحمد الله رب العالمين). لكن قصة سمحات دي سمحات مافي كلام......غايتو!!!

التحية للكاتبة

[ابو سكسك]

#1066799 [لاكوستا]
3.00/5 (2 صوت)

07-27-2014 03:27 AM
هي عاد شناة نصاح دي شنا ليها خاوية

[لاكوستا]

#1066750 [ما أعظمك يا أمي]
3.00/5 (2 صوت)

07-27-2014 01:14 AM
هذا المقال مسيءلأمهاتنا لأنهن هن اللائي أنجبهن وهذا ما لا نرضاه أبداً.

[ما أعظمك يا أمي]

#1066731 [التمبوشة]
2.75/5 (3 صوت)

07-27-2014 12:41 AM
كدى يا انتى خلينا من شناة السودانيات ...بس الزول القال الكلام ده بكون عدى 70بعد لان الزول بعد الخمسين بجيهو الزهايمر وبنسى اغانى القمر بوبا وبدور القلعة وكت شفتك شعرت الرعشة من صوف راسى لى كرعى وجميع الملقين ديل عندهم زهايمر مراهقة متاخرة يا اخوان المره السودانية دى اجمل نساء الدنيا والله وجمال المره السودانية فى العطور البلدية التى تستخدمها والله زينه المرة السودانية لا تقاوم لكل من دخل سن التكليف لكن فى حاجة واحدة المرة السودانية محرومة منها هى اناقة الشعر وتصفيفه ويرجع السبب لاحدى اثنتين
1_اما الله لم يقسم ليها شعر وبالتالى تسعى هى الى ان تغطى راسها بالخمار ليس التزاما بالشرع ولكن اخفاء لشعرها المظعمط
2_السبب التانى فى اعتقادى ليس لانها لا تملك الشعر بل تملكه ولكنها لا تستغنى عن دهنه بالودك والكركار مما يكسبهه رائحة العته ودى رائحة جاذبة لازواج خاصة الترابلة والمكنيكيه والبنائين وكل من يلتصق العرق بجسمة ويصبح جزء من سلوكة وعطرة الاجتماعى
وفى الحاتين العقدة قايمة من الشعر
لكن رغم ذلك تستطيع المرة السودانية ان تكون اجمل نساء الدنيا وحفيدة امنا حواء بالجد لو بطلت النقة ولوية الخشم ..حريقة فىكم كلكم اسع ده موضوع تشغلو بيهو الناس ؟ انتى ياسهير صورتك دى براها كدة ما دليل عافية لبنات الانقاذ؟ الواحدة شدة ما شينه لما سارقه ليها صورة حبشية وعاملاها بروفايل لمقالها

[التمبوشة]

ردود على التمبوشة
Saudi Arabia [الراخى اضانو] 07-27-2014 11:01 AM
قصيدة ( القمر بوبا ) و ( سواة العاصفة ) كتبها الشاعر / اسماعيل حسن فى واحدة من رحلاته الكثيرة الى مصر ... الكلام ده قالوا هو ذاتو فى احدى اللقاءات معه فى الثمانينات ...!!!! ما تكونى صدقتى انوا الكلام ده اتقال فى واحدة سودانيه ...؟؟؟؟ بى وين بس ...

Saudi Arabia [المقدوم مسلم] 07-27-2014 05:10 AM
كل الاغانى الرائعة تم تأليفها فى مصـــــــــــر ...نعم مصر.وبالذات اغانى الشاعر المبدع / اسماعيل حسن ..و الرائع/ اسحق الحلنقى متعه الله بالصحة والعافية .ويمكن سؤاله عن ذلك ..وكانوا يذهبوا فى اجازات كل كم شهر يكتبوا شعر فى بنات مصر ويجوا راجعين بيهو السودان يغنيهوا محمد وردى.. ...عشان كده كان الابداع الناتج من الحرمان .. للاسف حتى اغانينا تم تاليفها فى مصريات .....انظروا الى الاغانى المشاترة التى تم تاليفها فى سودانيات..مثل ..اضربنى بالعكاز والرصاص ..افلقنى..ارمينى قنبلة ...!!!دشنة ومشاترة وقبيحة زى اخواتنا السودانيات الله لا كسبم ..


#1066686 [قرفان]
3.00/5 (2 صوت)

07-26-2014 10:58 PM
قولى الحقيقه علييييييييييك الله ماشينات وخاصه لمايعملو فيها استايل

[قرفان]

#1066651 [شموس البلد]
1.00/5 (1 صوت)

07-26-2014 09:40 PM
والله انتي عسل يا سهير,, المشكلة ما شنا المشكلة عقد,, واحد يضرب السودانيات عشان يثبت انه حمش وشهم,,, واحد عايز يقتلها عشان يثبت انه بخاف الله,,, واخرتها عايزين يبقو توم كروز,, وكلو واحد حر في عقدو,,
ملحوظة للاخوة المعلقين ما في ناس بيطلعو نكات في نسوانهم اكتر من المصريين

[شموس البلد]

#1066635 [ودالباشا]
1.00/5 (1 صوت)

07-26-2014 08:49 PM
الجمال ليس كل يا استاذة الاخلاق الاخلاق ثم الاخلاق

[ودالباشا]

#1066611 [كاكا]
4.50/5 (4 صوت)

07-26-2014 07:59 PM
المرة السودانية شينة لكن كمان الراجل السوداني تعباااااان خلقة وحاجات تانية كمان ! حكمة ربنا مناسبين لبعض والمرة السودانية لولا عيوبها لما قبلت بالسوداني بغلا لها

[كاكا]

#1066604 [شنداوي]
4.00/5 (4 صوت)

07-26-2014 07:43 PM
صورة سامية بتاعة البرلمان وين ؟ دي بتحسم لي جدال

[شنداوي]

#1066601 [قرصان ملاحو بايت]
4.36/5 (8 صوت)

07-26-2014 07:39 PM
قبل كم سنة كدا ظهر مسلسل الحاج متولي و ظهرت فيهو ممثلة شابة فاتنة جدا جدا جدا اسمها نورهان
و من يومها مسخت علي بنات السودان و اظن انو السودانيين كلهم بشاطروني الاحساس دا
غايتو في الزمن داك ما التقى رجلان الا و كانت الونسة عن نورهان العجيبة و لو عملوا دراسة لوجدوا ان نسبة المواليد انخفضت في سنة عرض هذا المسلسل لأنو الرجال بطنهم طمت من الاشكال البشوفوها دي و عينهم في نور العين نورهان
ياااااااااااااه على العيون و الابتسامة و لمن حسينا انو حواء السودان ولادة و شفنا تسابيح جا ود الميرغنية طباها ان شاء الله ما تنفعوا
غايتو ذكرتينا الجمال الما شفنا بعدوا ولا قبلو شكرا ليك لكن كونوا انك تدافعي عن طائرات الاباتشي الهنا دي و تسميهن نسوان الكلام دا ما صاح منك

[قرصان ملاحو بايت]

ردود على قرصان ملاحو بايت
Sudan [ابو القرف] 07-27-2014 08:18 PM
و الله ضحكت لا من قربت افطر

انت اعسل معلق و اتفق معك


#1066596 [فيتامين]
2.75/5 (5 صوت)

07-26-2014 07:31 PM
الجمال دا اصلا متدني عند نسوانا دي ما دايرة غلاط و ما عيب ( بيني و بينكم و تحت تحت كدا دا اكبر عيب )

لكن النسوان الما بعرفن يتكلمن و ما بعرفن يقعدن و لا بعرفن يمشن ديل ياهن الجايبات الكفوة
كلامن عواليق و مشيهن برطيع و قعادن قعاد جزار بس
يعني فوق القبح الفوق المعدل الهي فيهو تلقاها تصابحك بي مساخة و تمسيك بي لداحة و برطع برطع برطع (الله وكيلك بتمشي اسرع كاكي زاتو) بي سفنجة خدرا دا الما ممكن اقبلوا نهائي

نصيحة للسودانيين اقعوا المغرب و اثيوبيا حيث المرا مرا فعلا حنية و ابتسامة و صوت خفيض و راحة نفسية ما ليها حد و الغفر الهنا ديل خلوهم تيراب

[فيتامين]

ردود على فيتامين
Sweden [Hisham] 07-27-2014 05:39 PM
فعلاَ المغربيات حلاتن , أخلاق و سماحة و راحة بال و سروال ..
كله فى محل واحد ..حداشر من عشرة .

[كاكا] 07-27-2014 02:24 AM
ذنبهم شنو الحبشيات والمغربيات


#1066590 [الراخى اضانو]
3.00/5 (2 صوت)

07-26-2014 07:27 PM
يكفى السودان فخرا انه يضم (( رماز ميرغنى )) و (( منى مجدى ))كاعلام فى الجمال والادب .....اماالباقى كرور سا كت ..

[الراخى اضانو]

ردود على الراخى اضانو
Qatar [شجن] 07-29-2014 10:04 PM
رد على الراخى اضانو فيما ورد اعلاه بان اغنية سواة العاصفة،،،والتى هى للشاعر محمد على ابو قطاطى فى ما اطن وليست للشاعر اسماعيل حسن كما ورد ، وقد كتبها ابو قطاطى فى طالبة جامعية من الولاية الشمالية حسب افادته هو ،ربنا يديهو العافية، ويرحم ود حد الزيت ،ولك التقدبر يا الراخى اضانو


#1066587 [حرباشة]
3.00/5 (2 صوت)

07-26-2014 07:23 PM
ياخي الكضب شنو ؟!

والله شناة السودانيات ما دايرة اي جدال و اي زول شايفن سمحات يبقى عميان او شارب حاجة بي 3 كروت
شنا في كل حاجة الوش و الجسم و الشعر و اي حاجة و زي ما قال زميلنا نوري تحت شوفو صور بنات الثانوي في الجرايد عشان تقنعوا من المستقبل كمان

ياخي انا مقوم نفسي لشنو .. جيبو صورة نائبة البرطمان سامية قدوم السمبر و اختصروا علي الموضوع

[حرباشة]

#1066579 [المقدوم مسلم]
2.00/5 (4 صوت)

07-26-2014 07:10 PM
الشناة والقبح والدمامة دى حاجات من الله ولا يد لهم فيها وما مفروض الناس تتكلم فيها ...بس (( قلة الادب و شراسة الخلق والجلافة وعدم الاتيكيت والبداوة والهبالة وعدم النظافة اضافة الى الروائح الكريهه التى تنبعث منهم مع الطقس الحار )) التى تتمتع بها السودانيات شىء سىء و لا يمكن احتماله ..و لازم يشوفوا طريقة يتخلصوا منها ....غير كدة ما عندهم عوجة و رجالهم ممكن يتحملوا وشوشم الشينة دى و قبحهم ودشانتهم دى عن طريق الخيال و ((الحاجات البتخلى عقل الواحد يغيب )) عشان ما ينتحر و يشوف ((الجاموسة القاعدا معاهو فى البيت دى )) ويتخيل انها (( جنيفر لوبيز ))..لكى تستمر الحياة ..الى ان يقضى الله امرا كان مفعولا ......قاتلكم الله ..

[المقدوم مسلم]

#1066525 [علاء سيداحمد]
1.00/5 (1 صوت)

07-26-2014 05:28 PM
( قال المرأة السودانية شينة ....خلااااااااص ياتوم كروز. )

لاتنه عن خُلق وتأتى مثله عار عليك .....

[علاء سيداحمد]

#1066502 [ود الشيريا]
2.00/5 (4 صوت)

07-26-2014 04:33 PM
ان تكون نسبة الجمال متدنية فى بلدنا تصل الى اقل من واحد بالمئة فتلك ليست مشكلة كبييييرة ويمكن للبنات والحريم التغلب عليها بعمل ( سمكرة وبوهية وحنة وباروكات للشعر القصير وكدة ) زى ما بيعملوا كل الفنانات ابتداء من انصاف مدنى وندى القلعة وانتهاء ب سمية جركانة بتاعت الكلاكلة ..
المشكلة العظمى هى فى الاخلاق والادب والتهذيب الذى يمكن ان يعوض كثيرا عن الجمال المفقود...معظم البنات اليومين ديل اخلاقهم كريهة وشرسة.. سنيحات لديحات ..يعنى ( لا خلقة ولا اخلاق ) ..والواحدة فيهن تلبس ليها لبس ضيق جدا لتشتيت الانتباه عن وشها الشين الكريه المليان حبوب (( وش النحس )) وبعد ده كلوا تعمل ليك فيها (( جنيفر لوبيز )) ..

[ود الشيريا]

#1066469 [saif]
1.00/5 (1 صوت)

07-26-2014 03:33 PM
انتو مابتشفو المسلسلات المصربة وبنات بمبا جيرانكم ؟؟

[saif]

#1066459 [yasir zaeenm]
3.00/5 (2 صوت)

07-26-2014 03:21 PM
هههههههههه اعجبني عمودك والله خاصة توم كروز الله يعينا وينهم صدقتي ياست

[yasir zaeenm]

#1066458 [ساهر]
2.38/5 (6 صوت)

07-26-2014 03:20 PM
- شريط فيديو تخريج ابنتي الأولى والوحيدة من الروضة قبل شهرين المليء بالنكات شبه الجنسية التي ألقاها على مسامع الحضور (كلهن نساء) شخص من فرقة كوميدية محلية، أثار غضبي وحنقي وأصابني بالغثيان والقرف.
- ممارسات تلك الفرق بحاجة إلى مراجعة شاملة من النواحي التربوية والنفسية والأخلاقية، إضافة إلى أنها أصبحت مكررة وتافهة وعتقية وتؤسس وتعمق للجهوية والقبلية والعنصرية والبعض والكراهية وإنكار الذات والهروب من الجلد واستبعاد الآخر.
- إليكم هذا التعليق الذي قدمته إلى الراكوبة في شأن قريب من ذلك قبل أقل من أسبوع.
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
صدقوني كنت ساهراً ربما في نفس ليلة الاعتداء على المهندس\ الصحفي عثمان ميرغني، أشاهد عدداً من مقاطع اليوتيوب. شاهدت مشهداً لفرقة تيراب المسرحية للكوميدي الأستاذ\ محمد شيلا وهو يصور شخصية (أرتيري)، وإن كان التقديم يفيد بأن الشخصية حبشية. المهم في الأمر كانت تعليقات الأرتريون على المقطع صادمة، فقد وصفونا ب (قوم لوط) وبأننا قوم (نمشي صاح مع من يضغطنا ويخيفنا)، ونستفز ونضطهد من يرخي لنا الحبل!! وهذه بالطبع أوصاف هامة تجعلنا نعرف كيف نبدو في عيون الآخرين، وهي نظرة ما كان يتيسر لنا معرفتها لو لا أننا بالغنا في استفزاز ذلك الغير وتحقيره وتصغيره.
- المشهد الثاني كان عبارة عن عدة مقاطع من كاميرا ربيع طه الخفية تحت مُسمى (مع ربيع طه في تشاد). المشاهد كانت مستفزة وكارثية حيث حاول أحد التشاديون طعن ربيع طه بالسكين لو لا أن تداركه طاقم البرنامج!!
- بقية مقاطع ربيع طه كلها دون استثناء كانت كارثية ومستفزة، وهي تبشر بمنحى إعلامي جديد يسير على نهج الإعلام المصري المستفز الذي درج على تصغير الشعوب واستفزازها وجرح كبريائها الوطني بما يبثه من برامج ونكات صادمة وتافهة.
- مصر تقدم المنح الدراسية لكل الشعوب الأفريقية، ووقفت مع جميع حركات التحرر الأفريقية ودعمتها.
- مصر قدمت المعلمين والدعاة مجاناً لكثير من الشعوب العربية والأفريقية وبنت الجامعات وصرفت عليها ببذخ شديد.
- رغم ذلك، لا يكن أحد في أفريقيا كبير احترام لمصر!!!
- السبب في كل ذلك هو الإعلام المصري الذي يسير في خط معاكس لنهج السياسة المصرية أو يسير في خط مواز لها بمعرفة الدولة وتشجيعها.
- لقد أوغر الإعلام المصري صدور كثير من العرب والأفارقة بكتاباته المستفزة التي لا تعترف بالأخر ولا تحترمه، فجلب الكراهية لمصر رغم المساعدات الضخمة التي بذلتها مصر بسخاء في كل حقبها التاريخية لتلك الشعوب.
- كانت إذاعة أم درمان خير سفير للسودان في الماضي. فقد قدمت هذه الإذاعة الغناء السوداني، والدراما السودانية لمعظم أفريقيا بدون استفزاز ودون توجيه إعلامي مقصود، وعلى وجه الخصوص، أثيوبيا، وأرتريا الحالية، وتشاد، والنيجر، وأجزاء من نيجريا، ومالي وبعض أجزاء من موريتانيا.
- الآن وفي عهد العولمة وثورة الاتصالات وامتلاك أي دولة مهما صغرت لأدوات الرد والردع الإعلامي الفوري يحاول إعلامنا هدم ما بنته الإذاعة السودانية من تاريخ مجيد في أفريقيا، وذلك بإرسال إشارات سالبة تحقر وتصغر من الشعوب وتمسح بها الأرض.
- الكلمة مسئولية، فكما أننا غير راضين عن تصوير بعض أجهزة الإعلام العربية للشخصية السودانية بالكسل والعجز والغباء، فسوف لن ترضى عنا تلك الدول التي تحاول بعض أجهزة إعلامنا تصويرها بنفس النهج الذي نرفضه ولا نرضاه لأنفسنا.
- كلمات عثمان ميرغني رغم أنها انتقدت مواقف محلية، إلا أنها لا تبعد عن ذلك النهج الاستفزازي الذي أوردناه هنا.
- كلمة أخيرة للأخوة في فرق الكوميديا السودانية وللسيد ربيع طه: يكفي نفخكم في روح العصبية القبلية السودانية، فلا تذهبوا بعيداً لاستفزاز شعوب كانت ولم تزل تكن لنا كثير من الاحترام لا لشيء إلا لأننا كنا نحترمها بالمثل ونقدم لهم ما عندنا على طبق من ذهب. فإذا لم تتوقفوا فدونكم التعليقات وروح الكراهية التي توضح بجلاء كيف ينظر لنا الآخرون، وهي نظرة لا تسر على أي حال وتهدم ما بناه الأجداد.

[ساهر]

ردود على ساهر
[aborasil] 07-26-2014 08:05 PM
صح لسانك يا ساهر , ديل كرهونا النكات والله , ياخي يكون جنبك صحبك وهو من جهة او قبيلة معينة ولكنو ما عندو علاقة بخطرفات النكتة يجي واحد منهم يشبكنا ناس القبيلة ديك وعاملين كيف و... جنس اهانة وتصغير بطريقة مستفزة والواحد فينا ما يقدر يعمل حاجة غير الضحك ,! غايتو المفروض المجتمع يقوم بدوروا تجاه الموضوع ده بالذات لأنو استفحل والله وجد مستفز ومحرج في نفس الوقت


#1066443 [الفحل ماعواف]
3.00/5 (2 صوت)

07-26-2014 02:57 PM
ياسهير النصيحه حاره والزمن العلينا ده البقوله الا يخت عكازو جنبو

[الفحل ماعواف]

#1066442 [saif]
2.75/5 (3 صوت)

07-26-2014 02:53 PM
ياربى انتو ماقاعدين تتفرجو على المسلسلات المصرية؟؟؟؟؟؟؟؟؟؟؟ وماشين وبن ماشين مصر جايين من وين جيين من مصر واللة حاجة عجيبة لا بتعاينو لابتشوفو لا بتتعلمو؟؟؟؟ لماضة سسسسسسااااااااى؟؟؟؟؟؟؟

[saif]

ردود على saif
[سوداني شين] 07-28-2014 11:48 AM
انت مالك قديم كدي ! من زمن بنات بمبا هن ديل ذاتن بقن شينات خاصة بعد الحجاب ! الموضة الايام دي التركياااات التركيات يا عالم خلو عندكم زوق


#1066421 [سيف الدين خواجة]
2.38/5 (5 صوت)

07-26-2014 02:23 PM
ابنتي العزيزة كل سنة وانت طيبة وشكرا لك حقيقة شخصيا لا اهضم النكات السودانية خاصة القبلية وما يمسنا او خصوصا واكاد لا استمع لها بل اتحشاها خاصة ان البعض يدعي خفة الدم وان كان لابد علينا اعلاء وتوحيد النكته من اجل الوطن القومي الذي يجمعنا اما المراة السودانية فقد قال عمي وكان بالقاهرة وعلي مسرح وكانت هناك مجموعة من النساء السودانيات وبينهن عروس في شهر العسل فما كان من الممثلة نحية كاريوكا ان نزلت من المسرح وحيت كل النسء وظلت تقبل العروس وقالت علي المسرح انها بجمال المراة السودانية وطلبت من الحضور العروس بل واخذتها الي المسرح هذه ناحية اما الناحية علي الفرق ان تقرا كتاب الكاتبة المصرية جاذبية صدقي عن جمال ونظافة المراة السودانية حيث عايشت ذلك بتجربة داخل البيوت السودانية بالعاصمة وكتبت كلاما للشعر منه الي النثر فاتقوا الله ايها الرعاع واذكر ان من ضمن مواصفات اجمل امراة عربية بجريدة الشرق الاوسط كتب رئيس التحرير قائلا وكان ياخذ من كل بلد ميزة ومن السودان قال ( القوام الممشوق ) فهل يا تري قد جمالنا كلا والحديث يطول يا عزيزتي في هذا التكسب الرخيص !!!

[سيف الدين خواجة]

ردود على سيف الدين خواجة
Saudi Arabia [حزين جداً] 07-27-2014 02:56 PM
أشك أنك زميل دراستي !!!؟؟ مداخلتك رائعة ....

United Arab Emirates [ودالباشا] 07-26-2014 08:44 PM
كماقلت فى الختام التكسب الرخييييييييص


#1066409 [نورى]
3.88/5 (5 صوت)

07-26-2014 02:06 PM
بصراحة و بالجد يا استاذة سهير نحن السودانيين مظلومين كتير من شناة حريمنا التى ربما تكون سمة عامة للغالبية العظمى من حريمنا و بناتنا - بالله عليك أمشى فى الشارع او أى تجمع نسائى و عدى عدد الوجوه الجميلة التى تقابلك !!!! تقريبا مافى أو ماندر يمكن واحدة أو أثنين - المصيبة ليست فى الجيل الحالى و لكن حتى فى الاجيال القادمة - بالله شوفى صور بنات المدارس الناجحات التى تعرض صورهم المدارس الخاصة فى التلفزيون !!!لاحول ولاقوة الا بالله - ويمكن عشان الشناة الكتيرة والشديدة دى حكومتنا أسوء حكومة فى العالم -وهذا تطبيق عملى للمقولة ( كما تكونوا يول عليكم) .

[نورى]

ردود على نورى
Sudan [دروغبا] 07-26-2014 07:16 PM
ياخي والله اصبت الحقيقة في مقتل نحن اشنا شعب في العالم و لا ينافسنا سوى شعب بوتسوانا
و ملاحظتك سليمة في صور بنات الثانوي الناجحات فعلا حاجة مؤلمة تخلينا نقول للشباب لا تحلموا بعالم سعيد فخلف كل شينة تفوت تجيك واحدة اشنى منها

Saudi Arabia [Abu Areej] 07-26-2014 03:27 PM
كذلك اخ نوري انظر الى الرجال السودانيين!!! لا تقول لي الراجل ما بقيسوه بالسماحة..

كن صريح وصادق مع نفسك (نحن لهن وهن لنا)


#1066407 [المتغرب الأبدي]
3.00/5 (2 صوت)

07-26-2014 02:05 PM
ما تزعلي يا سهير ..
انتي بالذات استثناء ..

[المتغرب الأبدي]

#1066400 [عبود الجمر]
4.00/5 (4 صوت)

07-26-2014 01:59 PM
الموضوع ليس موضوع جمال حسب وجهة نظري وهو يشمل المرأة السودانية والرجل السوداني، انا لا ادري لماذا لاتتغير الصورة النمطية للمرأة السودانية خصوصا بعد الزواج انتفاخ وكرش مفرطة الحجم لايسترها ثوب او عباية وكمية من الذهب في اليدين وفي العنق ووشين بوماستيك في الوش ..... ايضا الرجل السوداني كرش وجسم متهدل غير متناسق سمنة في الوسط واذرع ضعيفة خصوصا في معصم اليد ،،، السبب هو العادات الغذائية السيئة وعدم الاهتمام بالرياضة البدنية كشئ اساسي وانا طبعا اقصد الذين يعيشون في بحبوحة ورغد فهم من تتحور اجسادهم بهذا الشكل.😎

[عبود الجمر]

#1066397 [د . الشريف]
4.00/5 (5 صوت)

07-26-2014 01:57 PM
كنت حضورا يا بنتى لتظاهرة ثقافية فى بيروت قبل عامين تقريبا نظمتها السفارة السودانية لمجموعة من اهل الفن والثقافة فى لبنان للتعريف بثقافة اهل السودان .. وكانت حسرتى كبيرة عندما شاهدت احد فرق الكوميديا ممثلا لثقافة اهل السودان .. حاولوا تخفيف دماءهم من خلال نكات فطيرة مملة تتمحور اغلبها حول النساء وقبحهم وعمرهم مما جعلنى اتوارى خجلا امام نساء لبنان .. حقا كانت لحظات قاسية علينا كسودانيين .. وزاد الطين بلة بان تكون ممثلة الفن السودانى مطربة خريجة نجوم الغد لا اذكر اسمها فمسحت بالأرض ما تبقى من كرامة لثقافة اهل السودان !!!

[د . الشريف]

ردود على د . الشريف
United Arab Emirates [ودالباشا] 07-26-2014 08:52 PM
دى المصيبة فليتعلموا من المصرين كيف يتعاملوا فى مثل هذه المحافل


#1066395 [الشعب الفضل]
1.00/5 (1 صوت)

07-26-2014 01:57 PM
توم كروز عجبك ؟

[الشعب الفضل]

#1066373 [اب شلاضيم]
3.00/5 (2 صوت)

07-26-2014 01:28 PM
سهير انت باذلة مجهود جبار في صورتك ده
انت من زمن الصورة البدنقرو ليها- والابتسامة المصطنعة
تاعبة روحك شديد
خليك تلقائية

[اب شلاضيم]

#1066362 [السعودي الحجازي]
2.44/5 (10 صوت)

07-26-2014 01:16 PM
لايوجد شعب يسخر من نفسه مثلنا نحن السعوديين وانتم السودانيين ولكن الفرق اننا نحترم انفسنا بعد السخريه ونلتزم بحدود كونها نكته اما انتم فتخلطون النكته بالواقع حتى اصبح البعض منكم يتوقع ان النكته هي نتاج الواقع وليس العكس تحيات محب لارض النوبه واهلها

[السعودي الحجازي]

#1066357 [محمد الصادق]
3.00/5 (3 صوت)

07-26-2014 01:12 PM
والقال ليك توم كروز سمح منو ؟؟؟
الشنا موجوده في عقولكم قبل اشكالكم بي فهمكم المعفن ده
قال توم كروز قال __ احتمال يكون مخنس برضو حلو ؟؟؟

[محمد الصادق]

#1066355 [حمود]
3.00/5 (2 صوت)

07-26-2014 01:10 PM
ده شنو ده و منو توم كروز ده يا بت الحلال.

[حمود]

#1066347 [سؤال برئ]
3.00/5 (5 صوت)

07-26-2014 01:03 PM
على الجانب الآخر تزخر موروثاتنا الثقافية والأدبية والإجتماعية بالكثير الكثير من النماذج المشرقة والتي تبارت في التغني بالمرأة السودانية، روعتها، أصالتها وشموخها وحتى جمالها الظاهري، فلا تغضبي أختي الكريمة من الأصوات النشاز التي تبرز بين الفينة والأخرى فالمرأة السودانية مكانها في الثريا وأترحم هنا على الإنسانة التي لولا فضلها بعد المولى عز وجل لما تمكنت حتى من كتابة هذه الأسطر المتواضعة، رحمك الله تعالى ياأمي برحمته الواسعة فلقد كنت حقاً دوحة من العطاء.

[سؤال برئ]

ردود على سؤال برئ
Qatar [نوارة] 07-26-2014 02:41 PM
شكرًا علي تعليقك الراقي فنعم الرأي ورحم الله أمي وأمك وجميع أمهات المسلمين ألمت وفيات ومتع الله بالصحة والعافية من هن علي قيد الحياة


#1066343 [حسان عـبدالله]
2.00/5 (3 صوت)

07-26-2014 01:00 PM
انتى بالذات حلوة وسبحان الله الخالق .

[حسان عـبدالله]

#1066326 [Omda]
1.00/5 (1 صوت)

07-26-2014 12:42 PM
ما شينة البتة

قلتي في سردك انو ناس الفرق الكوميدية - الكومدياني السوداني - عشان عايز الناس

تتضحك وتنبسط -- اقول الحلفاوي قال - الدنقلاوي قال - الي اخره

هذه الكوميديا -- تسمي كوميديا فراغ

مفروض زي ما ضربتي بتوم كروز --- تضربي مثل او شي مشابه لمثل هذه التفاهات الناعرة

وعشان كدا يا عزيزتي مفروض م تزعلي لاننا م توم كروز ولا يحزنون

بس بقول مثل يا استاذه واكيد بتكوني عارفاه - لاني عارفك تفتيحة

وبكون بيه دا ردي عشان نحنا م توم كروز - بس الجوانا كايس فيروز

بقول المثل ((( من شناتا قامت ليها سن في لهاتا )))

مع كامل الحب والتقدير

[Omda]

#1066324 [ود أبكر]
2.00/5 (3 صوت)

07-26-2014 12:38 PM
كلهن شينات إلا أنت.

[ود أبكر]

صفحة 1 من 212>
سهير عبدالرحيم
سهير عبدالرحيم

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة