المقالات
السياسة
عيدكم سودانى !!!
عيدكم سودانى !!!
07-28-2014 02:34 AM

ودعنا رمضان الضيف الكريم ومازالت رائحة الحلو مر عبقة فى الانـوف ولايزال مذاق اللمة الحلوة حول مائدة الافطار منتعشة فى الذاكرة رطبة فى الاحساس رغم ان التراحم وروح التقارب بيننا نحن اهل السودان ارحب من المــــوائد واحلى من طعم التلذذ بما فيها من اشهى الطيبات لان بيت القصيد عندنا فى الغالب هى روح الكرم وحسن المباشرة وطيبة النفس ولين الجانب هكذا تجمع شملنا المحبة ... والمودة والاشواق....
وتدخل علينا الاعياد بحرارة معانيها تحمل ازاهير التبريكات وطيب اللقاء والروح ايضا سودانية نلتف حول المودة وتطوف بنا مظاهر الحنين والعطف ايضا سودانى نتعانق لا نعرف الا التسامح الجميل والعفـــو والعافية ديدننا فى حياتنا والمحبـــــة سودانية نتزاور وقلوبنا مفعمة بالاشواق تسابق خطواتنا البساطة وتعطر الحيشان الرحيبة البخور والسلام ايضا سودانى وهكذا الاعيـــاد تأتى وتمضى ويبقى عبقها مشبع بالاصالة السودانية الحلوة .....
كثير من شعوب العالم الاسلامى لا يختلف عندهم العيد لو هنا اوهنـــــاك داخــــل اوطانهم او خارجها الا السودانى فعيدنا فى السودان غيــــــر على قول الخليجيين
فلا يشبه العيد فى السودان مكان اخر فى الدنيا ... الا السودان ...
قد تقسو الاوطان على اهلها ولكن يظل الحنين يشدنا الى احضانها الحبيبة يظــــل العشق الابدى رغم الاحزان السودان يطوف فى قلوبنا ويحرك الاشجان ويدغدغ الوجدان ...
فى يوم العيد اذا سألت اى سودانى مغترب عن اغلى امنية له يوم العيد لن تجد الا امنية واحدة مشتركة بينهم يتمنى لو كان عيده فى السودان بين اهله واحبابه .. واذا امعنت النظر فى الوجوه قد تجد دموع الاشواق تكاد تفصح عن الحنين فهى حقيقة اكبر من الكلمات واعمق من التعبير....
اذا ايها الاحباب نحن شعب نحب الوطن بكل المقاييس ولكن قد تخوننا الكلمات فى التعبير وقد نعبر عن مكنون صدورنا باشكال مختلفة ولكن مهما اخفينا احاسيسنا المكبوتة المتوارية ستجد فى قلب كل سودانى مكتوب...
بلادى وان جارت على عزيزة ....واهلى وان ضنو على كرام
اسعدكم الله يا شعب السودان الكريم اين ما كنتم ووفقكم وكل عام وانتم بالف خير

منتصر نابلسى
[email protected]


تعليقات 0 | إهداء 0 | زيارات 690

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




منتصر نابلسي
منتصر نابلسي

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة