المقالات
مكتبة كتاب المقالات والأعمدة
شوقي بدري
الترابي معروف.. البشير مابخجل ؟؟
الترابي معروف.. البشير مابخجل ؟؟
08-05-2014 09:24 PM

لقد وصف الترابي البشير لخلصائه بأسوأ الكلمات . وقال في تسجيلات فيديو ان علي البشير ان يسلم نفسه للمحكمة في لاهاي . وكان يلمح لان البشير جبان . وتحدث عن تصريحات البشير بخصوص حديث الغرباوية التي يجب ان تعتبر اغتصابها بواسطة جعلي ، شرف لها. كيف يسمح البشير لنفسه لان يضع يده في يد الترابي . وكيف يقدر اهل دارفور ان يجالسوا البشير ؟ ناهيك عن الحكم معة .

لقد تكلم الترابي عن فساد النظام ، وان الفساد كان 9 % وصار 90 % . ووصف علي عثمان قائلا,, انحنا علمناه كل حاجة بس ماعلمناه الولاء .لانه تربي بموز القرود ولحم الاسود . اشارة الي ان والد علي عثمان الذي كان يعمل في حديقة الحيوان كان يسرق من طعام الحيوانات لاطعام اسرته . وشوهد الترابي وهو يصافح علي عثمان بكل سهولة
وصرح الترابي امام العدسات بان فكرة المهدي فكرة خاطئة وهي نوع من الدجل ولا وجود للمهدية . طيب كلم مرتك تغير اسمها المكتوب في الاوراق الثبوتية . وكلم شريكك وصفيك وخال اولادك الصادق يغير اسمه . انحنا الدخلنا شنو ؟؟ وبعدين انت جدك ود التراب مش جلدوه في الحرم قبل مية سنة من دعوة المهدي ، بسبب ادعاءه النبوة . . وحضر جلده كل حجاج العالم . ومنهم الشيخ الصابونابي صاحب القبة في سنجة . وجدك عرف بود التراب لان والدتة توفيت وهي حامل به . وبعد دفنها تزكر احدهم انه قد نسي جزلانه في القبر وعندما رجعوا وجدوا الطفل قد خرج من التراب . وعرف بود التراب . والترابي لا يختشي من حمل اسم جده الذي خرج من التراب . نحن امه تستحق الصفع والركل.
هل صرنا شعب من الاضينات بدون كرامة ؟؟ ان الزعماء والرؤساء هم من يمثلون القدوة للصغار والشباب . اذا كان هؤلاء قدوة فعلي السودان السلام . لقد اهين الترابي وتعرض للهجوم والسجن والسخرية . واتهم باقبح الامور بواسطة البشير ومن حوله . وصرح البشير ان كل الجرائم ، من حرب الجنوب والتمكين وبيوت الاشباح وتشريد العقول السودانية هو نتاج عقل الترابي المريض . والآن يجالسونه ويشاركونه الملح والملاح . وكأن شيئا لم يكن . الم يقل الصادق انه بعد اعتقاله في بداية الانقاذ ان قوش قد وضعه في الشمس ذي العيش ابو ردة بحراسة عسكري . وبعد مده واحتاجة نادوه . وسألوه عن اسمه . طيب ليه تاني يقبل تكريمهم . زمان لو زول كجاك ساكت ، غنمايتهم ما تنكرش في حيطتكم .
ويقول المشير البشير انهم كانوا بلا رأي وبدون ارادة . وكانوا يذهبون يسارا او يمينا حسب طلب الترابي . وربما للخلف دور والانبطاح . مشير لا يختشي من ان يقول انه كان يتلقي اوامره من مدني لم يشتهر بحسن اخلاقه . بكل بساطة يقول الترابي لاذنابة وامام عدسات التلفزيون ,, اسمعوا كلامي فانه خير من قيام الليل . ولا يجرؤ ود مقنعة او مقنعة لان يقول له خسئت . يا من عرفتك رفاعة حنتوب وجامعة الخرطوم . ، بما لا يشرف .
وكانت ساحات الفداء . ووزع الشيخ وكيل ابليس شهادات الجنة وصكوك الغفران . وكان عرس الشهيد . والتكبير ، ولتسل منهم دماء ولتسل منا دماء ، ولتسل كل الدماء . وفجأة يقرر شيخ الظلمات ان من مات في الجنوب ماهم الا فطائس. ودماء الكيزان كان من الواجب ان يلتفت لها الدهابة لانها اثقل من الزئبق . ويمكن استعمالها في التنقيب . فالبشير والترابي ليس عندهم ذرة من الحياء . ويستمتعون بتخانة الجلد وثقل الدم .
لماذا يسمح الجنوبيون للترابي ان يطأ ارض الجنوب التي رواها بدماء السودانيين من الجانبين . ولماذا بصق نقد رحمة الله عليه في وجه الشعب السوداني وذهب مهنئا الترابي باطلاق سراحه من سجون البشير . هل هي الطيبة السودانية ام الغفلة ، ام الغباء الذي يصفنا به الآخرون . قبلها ذهب فاروق كدودة وكمال الجزولي وارتكبوا فاحشة زيارة الترابي وتهنئته . وما الذي استفاده الحزب الشيرعي في المشاركة في برلمان الكيزان . الم يطرد الدكتور محمد محجوب عثمان من الحزب في بداية الانقاذ لانه حضر جلسات في نفس البرلمان لانه عين بدون استشارته . وكان يريد ان يتحصل علي الجواز وامكانية الخروج من السودان .
ماذا استفاد فاروق ابو عيسي ؟ ونحن الي الآن نخجل عندما نشاهد صورته ، وهو يحمل المنديل باكيا علي جمال عبد الناصر، المسئول عن كثير من مصائب السودان . لماذا يشوه تاريخ المناضله فاطمة ام واخت المناضلين باشراكها في برلمان ، ضم قاتل ومعذب زوجها المجرم ابو القاسم محمد ابراهيم ؟؟؟ لماذا ولماذا ولماذا ؟؟؟
الا يختشي البشير عندما كان يقابل نائبه حاج ساطور وكان قد نشر صوره في الصحف وطالب بالقبض عليه بتهمة محاولة قلب نظام البشير والخيانة . وعرضوا الاسلحة التي قام الشعبي والوطني بدفنها سويا لكي توجه لصدر الشعب السوداني في حالة تعرض نظامهم لاي خطر . ودفن الاسلحة والتآمر اتقنه الكيزان منذ قديم الزمان . وحوادث 1976 لا تزال في الزاكرة والذين ادينوا مع حاج ساطور واحدهم قد مكث في السجن دستة سنين وحاج ساطور بيضرب في التورتة في القصر ، ما هو شعوره وشعور اهله واطفاله ؟ اليس لحاج ساطور اي شعور بالخجل او الانكساف ؟؟.
مالذي دهانا ؟ هل صرنا علي دين ملوكنا ؟ لقد ادين هلال محليا وعالميا . وهو قتل وحرق ونهب واغتصب .كيف يستقبله اهل الضحايا . هذه امور شرف وعرض . لا يمكن التحلل او المغفرة . ماذا سنقول للمحكمة الدولية ؟؟ نحن عفونا وغفرنا فلترفعوا يدكم . هذه محن لا تصدق . يبدوا ان الكثير من اهل السودان اضينات . هلال ولا مريخ ، اليس هو من قام بالحروب العنصرية ضد الزرقة ؟ واشاد وافتخر بأصله العربي النقي . لماذا باع ابنته بعشرين مليون دولار ، او اي مبلغ لرئيس تشاد الذي من الزرقة؟ محن محن
لقد قلت ان البشير,, بو ,, بالفتحه ثم السكون . والبو هو عجل البقرة الذي يموت فيسلخون جلده ويملئونه بالقش فتواصل البقرة في حلب اللبن . والاذكياء يلعبون بالبو . لان ذكائه محدود ويكبرون رأسه وينفخونه ويرقص وينتشئ ويصدر التصريحات التي جعلته مطلوبا دوليا . ومن المؤكد انه يتقلب خائفا ومضطربا في مرقده كل ليلة . واليوم يذهب الرؤساء الافارقة الي امريكا ، يقبع هو في الخرطوم كالجرذ . ولقد رفضه الاوربيون في المؤتمر السابق . ورفضت السعودية والدول العربية والافريقية استقباله . حتي الفلوس السودانية ترفض البنوك استقبالها.
لقد ضحكوا عليه وجعلوه يفرض عقوبات علي الحكومة الدنماركية بسبب قضية ليس للدنمارك يد فيها . ولا تستطيع الدنمارك ان تؤثر فيها ،سلبا ام ايجابا . انها تصرفات فرد دنماركي قام برسم رسول الله عليه الصلاة والسلام ، بصورة مسيئة . والدنمارك لستة عقود تبني المستشفيلت في السودان ومحطات الكهرباء وتمد شبكات المياه . وتبني السدود والحفائر . وتهدينا السفن الحديثة الاوتوماتيكية لكي نصدر منتجاتنا بدون مقابل . والسعودية التي ولد فيها النبي صلي الله عليه وسلم وبلاد الحرمين لم تقاطع الدنمارك .
وتقاطع شركة آرلا السويدية اكبر منتج للالبان ومشتقاتهاوهي شركة سويدية . كله عند العرب صابون . ويكتشف السودان ان 75 % من الانسولين وبعض الادوية المنقذة للحياة تأتي للعالم العربي من الدنمارك . وبعضها مجانيا للسودان . ويتراجع البشير في زمن الاخت تابيتا بطرس وتخرج تلك العقارات من المقاطعة . ولم يعرف البو بانه قد استحمر . وكانوا قد جهزوا شركات انسولين صناعة سوق الشمس وتحت الشجر ، بدون تسجيل . والآن بعد نصف دستة من السنين ، يتسائلون كيف سمح بدخول تلك الادويه بدون دراسة او اختبارات وتسجيل ؟
اذا قلنا ان كل مريض سكري يكلف فقط 10 دولارات في الشهر وهنالك الملايين من المرضي في السودان ، كم كسبت تلك الشركات من استحمار البو .اسألوا مامون حميدة . وامال السيارات الفارهة والعماران دي قامت بروس ؟؟ وسمير لسة ماشي , والمقابر دي دخلت وسط الحلة كيف ؟ ما بي سبب الادوية دي الجابوها من بلاد تركب البغال والحمير .
العرب سيد الشي ذاتا ما قاطعوا الدنمارك . زمان وزير خارجينا المحجوب هاجم امريكا وادانها بسبب دخول الاسطول الامريكي السادس الي لبنان في الخمسينات . وبعدها رشح المحجوب لرئاسة الامم المتحدة . وقامت امريكا بواسطة وزير خارجيتها فوستر دالاس بلي زراع الدول للتصويت لمندوب لبنان التي كان يدافع عنها السودان . وفاز ممثل لبنان بالمنصب . وكانت تلك فرصة لن تتكرر ابدا للسودان .
وكرتي يحذر الشعب السوداني من القصف الاسرائيلي المتوقع . ويطالبه بالاحتياط . يا من ستنتعش تجارته بسبب تهديم البيوت بسبب الامطالا والفيضان ، ماذا تريد من الشعب ان يعمل ؟ يبرك فقرا مثلا ؟. كلم وزير دفاعك ينطم ويقفل قدومه الدبل قبينة ده . النبي صلي الله عليه وسلم حذر من ان اكبر الكبائر ان يسب الرجل والدية وبالسؤال . قال يسب الرجل اب الرجل فيسب اباه وامه . تتبجحوا بارسال الصواريخ الايرانية لحماس . تخلص اسرائيل من حماس وتضرب ال جيلي واليرموك واليرفعوك .
البو البشير ما قادر يفهم انه الناس دي كلها بتهلل لانه بغبائه يخلق لهم مناخا رائعا للنهب والسرقة والفساد . والامن لا يهمه الا تمكنه من السيطرة علي سوق العملة والعمولات والتجارة وسوق الاراضي . وعندما يحموا الطار سيهرب حملة الجوازات الاجنية واهل الحسابات الخارجية ويتركونه هو حامل الاوزار .والجنجويد ولائهم للككس ثم الككس وبعد الككس ، الككس من جديد . وطباعة الفلوس لتمويل الحرب وتشوين الجنجويد سيؤدي لان يكون الدولارريكة فلوس . وهذه الغلطة ارتكبها النميري من قبل .
ع . س . شوقي
[email protected]


تعليقات 22 | إهداء 0 | زيارات 7957

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1073371 [زهجان من الضبان]
0.00/5 (0 صوت)

08-07-2014 11:00 AM
الحاجة الاكتشفتها من خلال تعليقات القراء لموضوع خروج جد الترابي من بطن امه , أن جل المعلقين لا يقرأون لانه ببساطه حكاية الخروج الواردة في المقال وردت في كتاب طبقات ود ضيف الله و ليست من بنات افكار عمنا العزيز شوقي
اقروا يرحمكم الله
شعب وهم

[زهجان من الضبان]

ردود على زهجان من الضبان
Sweden [shawgi badri] 08-07-2014 03:25 PM
ياخي دي عادة السودانيين تبني قصر تحفة يقولوا ليك اسليلوقة التسعة وتلتين معووجة . . يجي بروفسر يتكلم عن الحياة في الفضاء . يقولوا ليك الراجل ده ما بفهم جزمتهه وسخانة . علشان كده الطائفية راكباهم وهم فرحانين . والانقاذ بتشلت فينا وكتابنا ومفكرينا بيطبلوا . بعضهم عارف انه دة ما ورد في الطبقات . لكن بيكابروا .


#1073107 [abdel]
0.00/5 (0 صوت)

08-07-2014 01:40 AM
كلام مركز

[abdel]

#1073076 [واحد]
0.00/5 (0 صوت)

08-07-2014 12:48 AM
ما الكيزان البراهم بيسرقو , الشعب ذاتو غالبيته حرامية ولصوص , قولو لى كيف الكلام دا ؟ الراشى حرامى , الما وقف فى الصف حرامى , الاستعان بى قريبو فى البوليس ولا الجمارك ولا فى الاحصاء ولا فى اى حتة تانية تجاوزو ليهو فيها اى صف لقضاء مصلحة معينة حرامى , الكسر اشارة المرور حرامى , التاجر اللى كسب اكتر من المعقول حرامى , الباع حاجة بدون ما يكشف عيوبها حرامى , ووووووووو مليون مثل ومثل , الشعب 99 فى المية حرامية ما ناس الحكومة براهم , التغير لن يحدث الا بسلوك مختلف , او تحملو الكيزان 25 سنة تانية

[واحد]

#1072957 [saif]
0.00/5 (0 صوت)

08-06-2014 08:25 PM
شوقى سمارة ماشى ماشى وماشى شنقلى طوباية فهمت حاجة ؟؟

[saif]

ردود على saif
Sweden [shawgi badri] 08-07-2014 03:31 PM
اذا الموضوع ما وقع ليك اسأل .من التراث السوداني وما صار مثلا يردد . هو انه في مباراة حاسمة بين المريخ والهلال تساوت الكتوف . فقام الظهير سمير بالتقدم بالكرة والمذيع يردد سمير ماشي سمير لسة ماشي سمير ماشي سمير ماشي . قون . سمير عبر كل الميدان وسجل اصابة . افتكر المذيع كان العم طه حمدتو رئيس نادي الشاطئ.


#1072926 [صبري فخري]
0.00/5 (0 صوت)

08-06-2014 07:27 PM
الرئيسةمنبر الحوارالأخبارالمقالاتحواءالصورالفيديوراسلناالرياضةأغاني سودانية

الأربعاء 6 أغسطس 2014

*العبودية المختارة



. الطغاة كلما نهبوا طمعوا
.اﻷنسان ﻻ ينساق الى العبودية اﻻ عن أحد سبيلين اما مكرها أو مخدوعا
.أنى للطاغية بالعيون التي يتبصبص بها عليكم ان لم تقرضوه اياها؟
وكيف له باﻻكف التي بها يصفعكم ان لم يستمدها منكم ؟ كيف يقوي عليكم ان لم يقو بكم ؟ تنشئون أولادكم حتى يكون أحسن ما يصيبهم منه جرهم الى حروبه ... أعقدوا العزم اﻻ تخدموا تصبحوا احرارا .... فما أسألكم مصادمته أو دفعه بل محض اﻻمتناع عن مساندته ... اﻷطباء ينهون عن لمس الجرح التي لا برء منها .
. الكتب والثقافة الصحيحة تزودان الناس أكثر من أي شيئ آخر بالحس والفهم اللذين يتيحان لهم التعارف والاجتماع على كراهية الطغيان ... فالطاغية يسلبهم كل حرية ... حرية العمل وحرية الكلام وحرية الفكر .
. الحظ لا يتخلى أبدا من مناصرة اﻻرادة الطيبة .
.اسم الحرية المقدس لا يجوز استخدامه مع اعوجاج القصد .. الناس يسهل تحولهم تحت وطأة الطغيان الى جبناء مخنثين .
. الحرية تزول بزوال الشهامة .
. الطغاة يضطرهم اﻷذى الذي يلحقونه بالناس جميعا الى خشيتهم جميعا فهم يستخدمون المرتزقة اﻷجانب في شن الحروب خوفا من ترك السلاح في أيدي رعاياهم .
. أذا استتب اﻷمر للطاغية تكون غايته تصفية المأمورين بأمره من كل رجل ذي قيمة .
. هل يعني القرب من الطاغية في الحقيقة شيئا آخر سوى البعد من الحرية .
. أي وضع أشد تعسا من حياة لا يملك فيها المرء شيئا لنفسه ، مستمدا من غيره راحته وحريته و جسده وحياته .
. أي عذاب أن يقضي المرء النهار بعد الليل وهو يفكر كيف يرضي واحدا ... يقرأ في وجوه أقرانه ايهم يغدر به يبتسم لكل منهم وهو يخشاهم جميعا ﻻعدوا سافرا يرى ولا صديقا يطمئن اليه ، الوجه باسم والقلب دام لا قبل له بالسرور ولا جرأة على الحزن


د.صبري فخري

[صبري فخري]

#1072798 [جنوبي]
1.00/5 (1 صوت)

08-06-2014 03:35 PM
اولا يا شوقي ياخوي كونهم يتشاكلوا ويتنابذوا ويجوا تاااني يقعدوا مع بعض دي عادة ملازمة للنوعية دي من البشر واظن الغربة نستك ام درمان ما بتتذكر زمااااان ناس ( سبعة بيوت ) دق ومعّيط وكواريك وفي عصرية بس يتصالحوا بجودية ادم سفير وجبنة العصر تتدور !
للبقولوا د. قرنق قعد مع البشير فهو قعد بعد ان نال كل ما كان يطالب به لشعب الجنوب واكتر كمان, لكن كان الترابي ولا الصادق ولا المرغني ولا غيرهم من الناس الصالحت البشير لقوا شنو من الكانوا بيطالبوا بيهو من اجل الشعب !؟ مطالب الشعب كانت عندهم مجرد تحلية بضاعة ليس إلا ..

[جنوبي]

#1072578 [أبو محمد]
0.00/5 (0 صوت)

08-06-2014 11:31 AM
ردود على العر أبو ريالة
لماذا جلس المناضل نيلسون مانديلا مع سجانيه وتعاون معهم. أولاً لأنه تحقق له ما كان يناضل من أجله وثانياً لأنه رأى أن التسامح والعفو هو الذي يقود بلاده إلى الأمام. وهذا بالضبط ما حدث لقرنق.
أنصحك بتغيير اسمك المستعار لأنه غير لائق.
شكري وتقديري الأخ شوقي على المقال الرائع، بس حكاية ود التراب دي عايزة ليها معالجة شوية، مثلاً أن يكون بعد ما دفنوها وكانوا يعتقدون أن الجنين في بطنها قد مات وجاء شخص للعزاء وعندما علم بالموضوع أشار عليهم باعادة استخراج الجثة فربما يكون الجنين حياً.

[أبو محمد]

#1072532 [هههههههههههه]
0.00/5 (0 صوت)

08-06-2014 10:30 AM
شر البلية ما يضحك
الليلة انت زعلان شديد يا استاذ

[هههههههههههه]

#1072515 [ابو ماجد]
5.00/5 (1 صوت)

08-06-2014 10:07 AM
الاستاذ الكبير شوقي بدري
لك التحية
ارجو الرد على تعليق الصالحابي، لاني لا أريد أن أكرر ماقاله في تعليقه لانه ما يساورني ايضا
( كبف لهذا الطفل حديث الولادة أن يخرج من الفبر؟ )

[ابو ماجد]

ردود على ابو ماجد
Sudan [زهجان من الضبان] 08-07-2014 10:43 AM
انا ما عارف السودانيين السجم ديل بفهمو كيف !!!!!!!!!!!
الحكاية انو ود التراب لقو طلع من بطن امو جوه القبر دي ما من عمنا شوقي
ارجعوا لكتاب طبقات ود ضيف الله حا تلقوا الحكاية بالتفصيل
شعب وهم ...
هسه كان بتقروا التعليقات البايخة دي ما بتكتبوها

United States [أبو تامر] 08-06-2014 08:00 PM
كنت مثلك أتمنى أن أقرأ ردا من عمنا كاتب المقال يعتذر فيه عن استخفافه بعقول القراء ، ولكنه زاد الطين بلة بقوله:
( ود التراب كانت امه قد ماتت لساعات وجهزت للموت من برود وحنوط وكفن . من المؤكد ان الطفل قدمات . ولكن الخرافة لا تزال تسيطر علي عقولنا )

وأقول له:إذا كانت الخرافة لا تزال تسيطر على عقلك
فإن عقولنا والحمد لله توقفت عن قراءة مقالك عند حد الخرافة التي صورتها لنا كحقيقة، والتي بنيت عليها استنكارك على الترابي أنه لا يختشي منها !


#1072511 [عبد الجبار احمد]
0.00/5 (0 صوت)

08-06-2014 10:03 AM
كفيت ووفيت والله يا استاذ شوقي بدري

والله لم تترك للبشير واعوانه صفحة ينوموا عليها

لكن واله تخانة جلد الكيزان وزعماء احزابنا دي ليس لها مثيل في كل الدنيا

الواحد تلقاه اليوم كدا وبكرة كدا

خذ مثلا مواقف الصاداق المهدي. ليس هناك شخص يبدل مواقفه زي الصادق ويدافع عنها وكان شيئا لم يكن

والله محن محن بلا جدود
ويقولوا ليك دي طيبة الشعب السوداني

[عبد الجبار احمد]

#1072503 [شاهد اثبات]
5.00/5 (1 صوت)

08-06-2014 09:54 AM
والله يا عمناشوقي بدري كفيت ووفيت -نفس الناس واعادةالتدوير 1964 و2014
بسبب الانقاذ دي والسودان القديم ذاتو.. بقرا رواية انميال فارم كل اسبوع مرة عشان ما يطق لي عرق
وعشان تفش اقراها معانا وخاصة دور بنجامين الرائع الذى اخذ يروي للوافدين الجدد ما لم يعرفوه من البدايات في حقل الحيوان و الفجر الكاذب من 1نياير 1956 ومنصات التاسيس المدمر للدولة السودانية وجهود ابرهيم بدري ومحمود محمد طه وابيل الير ..وها انت تفعل الشيء نفسه وبنجامين يردد donkeys always lives long
السودان القديم هو السودان القديم لا فرق بين ابو عيسى ولا ترابي ولا فلان ولا علان..كلهم ملة واحدة-بضاعة خان الخليلي الوافدة والرديئة من مصر...
بس عايزنك تطور اداءك شوية وتحول هذه المقالات الى "محكي صوت صورة "في اليوتيوب وتعمل محطة يو تيوب تخصك لازم توثق اي كلمة كتبتها صوت صورة-كل حلقة نص ساعة- جلسة كده في حديقة- ...وبس انتظر نهاية السنة دي شوف كلامك بيصل وين وبعمل شنو ..
وفتك بالعافية

[شاهد اثبات]

#1072475 [ابوحمرون]
4.00/5 (4 صوت)

08-06-2014 09:15 AM
ياخي الجزلان طائر امانة ما عملها فينا

[ابوحمرون]

#1072470 [د. هشام]
0.00/5 (0 صوت)

08-06-2014 09:01 AM
أستاذ شوقي بدري كلامك جميل جميل و هو مضحك و مُبكي أو يسبب "ضحكاً كالبكا" كما قال الشاعر... "و سمير لسة ماشي" رحم الله الأستاذ طه حمدتو.

[د. هشام]

#1072418 [ود الباشا]
4.93/5 (8 صوت)

08-06-2014 05:52 AM
اقتباس:
(جدك عرف بودالتراب لان توفت والدته وهى حامل به وبعد دفنها تذكر احدهم جزلانه بالقبر وعندما رجعوا وجدوا الطفل فد خرج من التراب)

وانا اقول من زماااااااان الزول دا بشبه ام سيسى كده ليه

[ود الباشا]

#1072402 [الصالحابي]
4.00/5 (3 صوت)

08-06-2014 04:42 AM
"وجدك عرف بود التراب لان والدتة توفيت وهي حامل به . وبعد دفنها تزكر احدهم انه قد نسي جزلانه في القبر وعندما رجعوا وجدوا الطفل قد خرج من التراب . وعرف بود التراب . والترابي لا يختشي من حمل اسم جده الذي خرج من التراب . نحن امه تستحق الصفع والركل."

نعم ، نستحق الصفع والركل طالما وجد بيننا من يصدق ويروج لمثل هذه الخزعبلات!!!
ياخي نحن لو ما متنا واندفنا لسة، قايلنا ما شفنا الزول بيدفنوهو كيف؟
ده الطفل المعجزة؟؟؟؟؟؟؟؟
كدا أسأل ليك أي طبيب أو حتى طالب طب عن إمكانية إنو طفل يطلع براهو من بطن أمو الميتة
وفكر براك كدا - كبف لهذا الطفل حديث الولادة أن يخرج من الفبر؟

مدد يا سيدي ود التراب!!!!!!!!!!!
مدد يا سبدي ود بدري!!!!!!!!!!

وبعدين ما تنسى تحاول تصلح العربي بتاعك ده شوية

[الصالحابي]

ردود على الصالحابي
Saudi Arabia [السفير] 08-07-2014 04:11 AM
ياالصالحابى معظم القصص والروايات التى ارتبطت بتسميات وكرامات رجال الصوفية جاءت عبر الحكاوى والقصص الشعبى وزيدت عليها بعض الخزعبلات كونها موغلة فى القدم وفى ازمان غابرة ولكن استاذ شوقى وضح ذلك وعدد لك عددا من رجال الصوفية وتسمياتهم وكان رده مقنعا...عموما مسألة الخطأ فى الكتابة شىء وارد فى استخدام الكيبورد وليس معناه عدم المام الاستاذ شوقى بدرى باللغة العربية ....عموما انا ضد التجريح والمهاترات التى لا تفيد فى شىء.

United Arab Emirates [ود الكوتش] 08-06-2014 05:38 PM
سلام،أرجو أنه ما يزعجك ردي وسامحني اني رديت على تعليقك ,اكيد انك مستني رد الاستاذ شوقي،
يعني حسي دي الحاجه الوحيده الطلعت بيها من المقال؟!! المعلومه عن أم جد الترابي فأكيد الاستاذ ما حاضر زمنها يعني القصه مسموعه أومنقوله من أهل الترابي نفسهم أو من أي شخص كان، واذا هي تمجيد وتعظيم منهم للترابي وكذب والاستاذ غلط انه كتبها أرميها وراء ظهرك ، وركز على فكرة المقال وناقش فيها .

Sweden [shawgi badri] 08-06-2014 03:04 PM
اتباع الشيوخ الاسلاميين كانوا يشيعون عنهم معجزات او كرامات . الشيغ الكباشي كان يهب الولد بي وقتين دهب والبت بوقية . والشيخ الخواض تنازع فريقان في ارض جزيرة وكادوا ان يدخلوا في حرب . وكانوا قد اخذوا المراكب ز الا انه حضر بدون مركب . وقال انه خاض البحر لان ملابسه لم تكن مبتلة . وتنازل له الفريقان من الارض وعرف بالخواض . والشيخ حسن ود حسونة كان النساء تتبرك بقبره لكي يعطيهم الاطفال . ولكن الشيخ لم يخلف .
قيصر ماتت والدته في اثناء عملية الوضع . فاخرجوه من بطن امه بسرعة وعاش . ولهذا تعرف العملية بالقيصرية . ولكن يجب ان تحدث في ثواني . القلب قد يتوقف ويمكن ان يعود الي الحياة مرة اخري بالدلك او الضغط والتنفس الاصطناعي . ولكن اذا تعدي الامر دقائق فيكون العقل قد مات لتوقف ضخ الدم . وقد يعيش الانسان لسنين بعقل ميت بواسطة اجهزة .
ود التراب كانت امه قد ماتت لساعات وجهزت للموت من برود وحنوط وكفن . من المؤكد ان الطفل قدمات . ولكن الخرافة لا تزال تسيطر علي عقولنا . الصابونابي . بعد الحج كان يقول لمريديه الذين يطالبونه بكرامة ,, الاستقامة خير من الف كرامة .. العبيد ود بدر طلب منه احد الناس ان يدعوا له لان يلحق باقرانه بسبب فقره . فامسك يده وضربها قائلا .. حشي بدري وازرعي بدري شوفي كان تنقدري .. وعندما طلبت بنته المشاكسة ان يكتب لها زوجها الذي يريد طلاقها ليكون طوع بنانها . قال لهل ,, كان طحنتي دققي وكان طبختي لضضي وكان رقدتي اتخجعي شوفي كان تطلقي

Netherlands [atif] 08-06-2014 07:49 AM
عندك معلومة ثاتي فيدنا من اين اتي اسم الترابي يا ابو عرب بتاع النساء و الولادة


#1072330 [ام الحسن بت عثمان]
3.00/5 (2 صوت)

08-05-2014 11:26 PM
يا استاذ ديل وصولوا مرحلة من السوء لم يسبقهم اليها احد.
ربما لضيق مساحة مقالك لم تذكر ان البشير قال في بداية خلافه مع الترابي( لو كتلت الترابي الله ما حيسألني). ومررت سعاد الفاتح يديها على عنقها كما يذبح شاة.

عندما نقرأ لك باهتمام كبير فلك التحية.

[ام الحسن بت عثمان]

#1072318 [خالد]
3.00/5 (2 صوت)

08-05-2014 10:58 PM
يا سلام على السهل الممتنع و الممتع في ذات الوقت ،،، كلام زي الرصاص ... ونرجع تاني للسؤال الأزلي نسوي شنو ؟؟؟؟ نتخارج كيف من هالورطة ؟؟؟ ديل حكامنا !

[خالد]

ردود على خالد
Netherlands [atif] 08-06-2014 02:07 AM
مليون سوداني لوضع تاني.

Netherlands [atif] 08-06-2014 02:05 AM
مافي حل غير الخروج مرة واحدة بلا رجعة الي الشارع و انت عارف كدة و شوقي كمان.


#1072317 [موسكو]
2.50/5 (3 صوت)

08-05-2014 10:53 PM
الاخوة الاعزاء قراء الراكوبة
فى هذا الرابط صورة للمناضل الشفيع احمد الشيخ قبل عام من اعدامة - صورة للمرة الاولى لم تكن معروفة من قبل ولم تنشر - كنا ارسلناها الى هنا للراكوبة ولكن يبدو زحمة العيد فتاهت --
الرابط هو

https://m.facebook.com/story.php?story_fbid=815119061862421&id=100000930047800&refid=17&_ft_&__tn__=%2As&_rdr

[موسكو]

#1072314 [الفينا مشهودة]
0.00/5 (0 صوت)

08-05-2014 10:50 PM
والله ما خليت للمتاعيس جنبة يتكو عليها

[الفينا مشهودة]

#1072312 [Abushazaliya]
0.00/5 (0 صوت)

08-05-2014 10:39 PM
والله انت زعلان شديد بس ماقلت لينا الحل قريب ولا بعيد وبعدين نحن ما عارفين اننا مظلومين لهذا الحد غايتو انا بفتكر تنو مافي حاجة اسمها امم متحد ولا امريكا ويمكن حاجات تانية برضها ماسورةساي بس الغالب هو الله والمعين برضو بس ما ننسى الاية الكريمة في ما معناها تنصب الحطم من الله وبرضو قلعها ..

بس نؤكد ان الاية ديك من المصحف ما ذي بتاعة ناس المريخ داك.
تحياتي لك

[Abushazaliya]

#1072291 [العر ابو ريالة]
1.50/5 (3 صوت)

08-05-2014 10:00 PM
والله يا أستاذ شوقي كنت قايلك زول عاقل لكن طلعت زيي(أنظر الي الأسم الممهور عاليه).تنتقد سياسيين و انت الأدري مني ومن غيري بانو السياسة لا مبدأ فيها..قبل يزمين طلعت مقالات عن صاحبك قرنق و كمية من الثناء و الشكر للزعيم و مرفقات من صور فوتغرافية كلكم متلصقين فيه و تضحكو ببلاهة و تحدقو في الفراغ العريض كأنو قارصاكم ام دقيق. قرنق دا زااتو أو علي قول د.عادل الصادق ظااااتو ما حارب الحكومة لمدة عشرين سنة و قعد مع البشير في القصر الجمهوري الواحد دا.اظن في السياسة لا توجد الا مصالح دائمة مشكلتنا الكبري انو سياسيينا كلهم لا هم لهم بالوطن او المواطن

[العر ابو ريالة]

ردود على العر ابو ريالة
Saudi Arabia [السفير] 08-07-2014 04:02 AM
كنت عايز اعلق على كلامك لكن ضحكتنى بكلمة ظااااااتو دى لانو زمان لما كنا صغار عندنا صاحبنا بقول ظاااااتو ذكرتنى ليهو الان .

Sweden [shawgi badri] 08-06-2014 03:43 PM
اولا لماذا لم ترد في بوست قرنق . الدكتور قرنق ذهب الي تانزانبا وعاد مع اتفاقية السلام مع نميري . اشار منذ البداية لان الاتفاقية غير كاملة . لم يستمعوا لرأيه لانه كان صغيرا , عندما القي النميري الاتفاقية واعاد تقسيم الجنوب واضاف بانثاو او هجليج للشمال بسبب البترول واعلن الشريعة التي رفضها الجنوبيون لان الاغلبية غير مسلمة ، انتفض قارانق للدفاع عن كل السودان .
توصل قرنق لاتفلق مع الميرغني والصادق لسلام . اورد الاستاذ كمال الدين عباس بالفيديو ،وهو احد قادة حزب الامة . انهم قد وافقوا علي التصويت لصالح الاتفاقية , وجاء الترابي واشار للصادق وبعد نصف ساعة خرج الترابي ورجع الصادق وغير اوامرة وطلب بالتصويت ضد الاتفاقية . وادخل الكيزان في الحكومة . وعرض عليه احمد سليمان وآخرون فكرة الانقلاب العسكري .
قرنق حارب وانتصر وفرض شروطه وارادته . واخرج الجنوب من الشريعة الاسلامية وضمن نصف عائد البترول .... الخ فرنسا جلست مع هتلر وناقشت . هؤلاء دول مختلفة . اليوم الجنوب خارج سيطرة الكيزان والشريعة التي فرضت عليهم . هنا فرق كبير . حاول ان تتجنب عدم الموضوعية والفهلوة ، اذا اردت ان تناقش .:

United States [مواطن] 08-06-2014 02:27 AM
كلام صحيح .. الكاتب يناقض نفسه .. ذكر كل السياسيين الذين جلسوا مع عمر البشير ولم يذكر جون قرنق !

[ياسر] 08-06-2014 12:42 AM
فعلا اسمك يشبهك اولا جون قرنق فاوض علي مبداء و فى النهايه حقق مراد الجنوبين الله يهديهم و زعماء كثيرين فاوضو علي اساس مبدىء واضح ونالو حقوقهم بعد نضال متعدد الاوجه زي نلسون مانديلا , غاندي. انت بتقصد ايه بكلامك يعني نتفاوض مع الانقاذ فقط من اجل التفاوض و فى النهايه الانقاذ تمشي العاوزاه ,, يا زول قولينا كلمه واحد غير صحيحه من الكلام القالو الكاتب شوقى ..انا اتفق مع اسانذنا شوقى تماما نحنا فينا حاجه غلط سامعين وشايفين الاعوج فى افعال و كلام قياداتنا و تناقضاتها و برضو ندافع عنهم و الله حاجه غريبه ما تحصل الا فى سودان السجم دا .. رتيس وزراء ينقلب عليه عسكر و يسجنوه و يرجع يقبل تكريمهم و يشغل اولاده فى معاهم ويقعد يطلع كل يوم بمبادره تشل المعارضه تطلع مظاهرات د الانقاذ تطالب برحيل و تفكيك النظام يطلع ويقول تقويم النظام و يرجو يعتقلوه برضو تطلع ناس ترهن مصير السودان بيه الله دي بلد سجم


#1072289 [إيام لها إيقاع]
3.50/5 (3 صوت)

08-05-2014 09:55 PM
كلامك القلتو دة كلو يا شوقي يمكن اختصاره في الذي يحدث لنا حالياً :
نحن أمة لم تحترم نفسها و رضيت الذل و صنعت لنفسها من شخصيات تافهة أسياد و الآن تدفع ثمن ذلك كعقاب إلهي
أمة تقبل أن يكون فيها مثل الترابي شيخاً و زعيم لحزب ومنظراتي، لا بد أن يعاقبها الله .
أمة فيها اشخاص يبوسون أيادي أمثال الميرغني واحمد المهدي و الصادق المهدي لابد أن يعاقبها الله
السودانيون الآن يعاقبهم الله بما ارتكبت غباوتهم
دة الفرق بينا و بين الجنوبيون، الجنوبيون يولدون أحرار و نحن نولد عبيد ،، نحن إن لم نجد سيداً صنعنا سيداً ،، أدخل أي بيت يا شوقي ، تلقى صورة المهدي و الميرغني و الشيخ فلان و السيد فلان ،، عرفت ليه الجنوبيون قدروا ياخدوا حقوقهم ؟ لأنهم أحرار و لأننا نستلذ بالعبودية لأمثال الصادق و الترابي

[إيام لها إيقاع]

شوقي بدري
شوقي بدري

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة