المقالات
السياسة
حلايب..شلاتين و عادل إمام!!
حلايب..شلاتين و عادل إمام!!
08-07-2014 05:46 AM

جاء ذكر نقطة حلايب وشلاتين البوليسية في مسلسل صاحب السعادة بطولة عادل إمام والذي عرض في رمضان بأكثر من قناة عربيه.. و جاء ذكر حلايب و شلاتين علي لسان وزير الداخلية والذي أوصي بنقل أحد الضباط إليهم لإبعاده عن القاهرة.. وإنتقلت الكاميرا إلي ونقلت الحدث من عدة زوايا و ركزت في لقطة بارزة علي الإسم{ وزارة الداخلية المصريه..نقطة حلايب وشلاتين}
هذا الحدث أرجعني لعدة مواقف {Flash-Back} إذ أذكر و عندما كنا لاجئين بالقاهرة في فترة التسعينات قامت الحكومة المصرية بمد الطرق وشبكة التلفونات لمنطقة حلايب وشلاتين بالإضافة الي مجمعات سومانيل و الإهرام الإستهلاكيه..و في صيف[1996] أقاموا مهرجان الإسماعلية الثقافي وكانت فرقة حلايب وشلاتين الإستعراضية مشاركة في ذلكم المهرجان فإلتفت إلي صديقي المصري صابر نايل وكنا بمقهي زهرة البستان وقلت له هل إيقاع هذه الفرقة يشبه إيقاع العشره بلدي الذي يميز الرقص المصري و هل شكل هذه الأزياء يشابه الأزياء المصريه?? فضحك قائلا يا عمي دا كلو حايتغير ما دام و صلنالهم ألميه والظلط و التلفون ومأكولات سومانيل و الأهرام!! فأسقط في يدي وذلك و لأننا و منذ الإستقلال لم يروا من حكوماتنا المتعاقبه سوي الإهمال والتهميش بل و حتي الرابط الوجداني الذي كان يربطنا بهم ممثل في جغرافية سبل كسب العيش في السودان حطمه محي الدين صابر في ثورته التعليمية [1969} وإستبدله بجغرافية مصر والسودان وليبيا جريا وراء وحدة عربية متوهمة...
و أخشي ما أخشي أن يعرض تلفزيون السودان هذا المسلسل!!!!!!!!!!!
[email protected]


تعليقات 4 | إهداء 0 | زيارات 2090

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1073800 [على]
0.00/5 (0 صوت)

08-07-2014 09:53 PM
عادى يعنى يعرض ولا مايعرض شنو المشكلة ماهى نازلة فى النشرة الجوية من زمان المهم هى ضاعت وبتقاعس الحكام والمحكومين لا يغفر لااحد حكومة معارضة شعب ناس الشرق ذاتهم كله ساكت وكل الواطة فى الطريق الى الزوال اثيوبيا من جهة ومصر من جهة وتانى عشرة سنين ما فى حاجة اسمها سودان بهذه الطريقة الا اذا رحم ربى

[على]

#1073347 [D Koygale]
1.72/5 (12 صوت)

08-07-2014 10:39 AM
يا أخي الجفلن خلهن أقرع الواقفات دي خلاص راحت بدون عودة ووجع دماغ رأيك شنو امبارح حسين خوجلي فى برنامجو (مع حسين) قال انو الشعب السوداني لايستحق هذه الارض التي يعيش عليها بمعني يستحقها أخرون كالمصريين والأتراك والأحباش ، محي الدين صابر كان بمهد لاستيلاء أولاد النيل علي حلايب وباقي السودان ، في ذمتك ما سمعت الجنرال السيسي قال شنو في زيارتو للخرتوم قال بالحرف الواحد انو السودان جزء من مصر والجماعة ابتسموا ابتسامات عريضة دليل الارتياح واحد فيهم صحح المعلومة مافي ، طيب ،الطيب مصطفي قال شنو قبل كم سنة انو المصريين احسن لينا من الافارقة الجديد شنو الليلة ماهو السودان من يومو بايع نفسو لمصر حلفا كانت شنو توشكي ، جبل أوليا الرى المصرى بالشجرة وحتي بيت السفير المصرى بالخرطوم. لعلمك السفير السوداني في القاهرة ساكن بالمعادي وسواقين التاكسي بيحسدوهو عليهو بيقولو والله السفير السوداني ساكن في حتة أرض مافيش زيها في مصر كلها يا أولاد الايه ما انتو شايلين البلد ( السودان) كلها وما حدش اتكلم خالص. المهم شوفو قضية غيرهابس غزة وحلايب مما تتكلموش فيها واخدين بالكم؟؟؟؟؟؟؟

[D Koygale]

#1073263 [صلاح مصطفي أحمد]
0.00/5 (0 صوت)

08-07-2014 09:30 AM
الله المستعان علي ماتصفون ـ حلايب سودانية 100% رغم كل ماحصل وصاحب الحق منصور ولو طال الزمن بلادي وإن جارت علي عزيزة وأهلي وإن ضنوي علي كرام .

[صلاح مصطفي أحمد]

#1073175 [مغــــــــــــــــــــــلوب]
0.00/5 (0 صوت)

08-07-2014 07:01 AM
اللهم دمر كل من شارك فى دمار الوطن الجميل
اللهم عليك بالكيزان فانهم لا يعجزونك
اللهم آآآآآآآآآآآآآآآآآآمين ,, اللهم أجعلهم يشتهون الماء ولا يستطيعون شرابها ويتمنون الموت من شدة الالم فلا ينالونه ,, اللهم عذبهم بكل أم بكت أنصاف الليالى على فلذة كبدها أو زوجها أو أبيها ,, اللهم عذبهم وزبانيتهم بحق كل فم جاااع ,, وبطن قرقرت ومريض مات من عدم أستطاعته توفير الدواااء اللهم عذبهم بحق كل زفرات شوق وبعاد يعانيها ابناء المهاجرين والمتغربين الفارين من الوطن بسبب سياساتهم وأفسادهم ,, اللهم أجعلهم يشتهون الطعام فلا يتذوقونه بحق كل شبر من أراضى السودان التى باعوها والتى حبسوا عنها الماء فصارت بووورا تشكوهم لربها ,,, اللهم أنا غير شامتين ولكن أمرتنا بالدعاء على من ظلمنا لذا دعوناك ,, فأن كنتم أيها السودانيين تظنون أن البشير والكيزان ظلموكم فعليكم بالدعاء فأنه أمضى سلااااح ,,أدعوا عليهم بالويل والثبوور وعظائم الامور من سرطان وأمراض

الترابى .. البشير .. على عثمان .. نافع .. الجاز .. الزبيرين .. ربيع .. امين حسن .. غندور
قطبى .. مصطفى اسماعيل .. بكرى .. الخضر .. احمدهارون .. عثمان كبر .. وقوش .. والمتعافى ودوسة .. وسبدرات .. ومامون حميدة .. وحاج ماجد سوار .. وكل باقى التنابلة
وكل من اشترك فى دمار وتشريد محمد احمد دافع الضريبة

[مغــــــــــــــــــــــلوب]

ردود على مغــــــــــــــــــــــلوب
United States [mohd] 08-07-2014 11:51 AM
والله مغلوب صحي صحي اظنك مغلوب 10/صفر حتي انك لم تنظر لعنوان المقال ياخي كان تحليها شوية بكلمتين تلاتة عن حلايب وشلاتين ومن ثم تدعو دعاءك الذي نؤمن عليه ونقول لك انه يحتاج لجكة مقاومة مدنية ومسيرات ومظاهرات


عبدالله عبدالوهاب
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة