بدر مدر
08-07-2014 11:55 AM


بسم الله الرحمن الرحيم


في عام 2008 كتبت في صحيفة الراي العام قصة حقيقية عن امراة عجوز تدعي حاجة (آمنة ) ، وكانت حاجة آمنة تقيم في منزل ابنها وهي ترعي احفاده بعد وفاة والدتهم وفي ليلة عاصفة هطلت الامطار بشدة بينما كان ابنها غائبا وهو يلبي نداء الوطن في وردية ليلية .
انحدرت المياه بقوة وامتلأ بيت حاجة آمنة بالمياه وغرقت غرفة الطين الوحيدة الموجودة في المنزل بمياه الامطار.
تلك المياه التي لم تجد خيران جاهزة لتسرع بخطاها نحوها فأنزلقت بأقدامها نحو ذلك البيت وخلعت نعليها واقامت فيه .
وبينما كانت حاجة آمنة واحفادها يحتمون بمنزل الجيران ارتفع صوت حفيدها الصغير بالبكاء طلبا للحليب فما كان من الحبوبة ألا ان ذهبت الي غرفة الطين الآيلة للسقوط لتبحث عن ماتبقي من حليب ، فهي مابين صراخ الصغير ورغبتها في الاتثقل علي الجيران .
دلفت حاجة آمنة الي تلك الغرفة الطينية وهي تتوكأ علي عصاها لجلب الحليب رغبة في ان يسكت الصغير من الصراخ حينما يئست من صمت المطر .
وبمجرد دخولها الغرفة انكسر المرق وانهارت الغرفة علي رأسها فماتت حاجة آمنة وتركت الصغار يعانون يتم الام والجدة وانعدام المأوي وغياب الاب .
تذكرت قصة حاجة آمنة وانا اطالع مناظر الدمار الرهيب الذي سببه سوء التخطيط والتصريف والادارة ولم تسببه الامطار والسيول واني علي يقين ان قصة حاجة آمنة تحدث الآن بنفس السيناريو والاخراج واماكن التصوير الاختلاف فقط في الابطال اما قناة البث فهي ولاية الخرطوم.
ان لسان حال المواطنيين هذه الايام هو بالضبط ما عبر عنه شاعرنا حاتم حسن الدابي حين قال
بدر مدر يا رواسي نحن بعاد لحقنا القيفة
انت مدبج ونحن نقاسى فى برد امشير والموج والزيفة
مركبك الماليها مطارق تمشي تقيف تسرح بى كيفه
مرة مغارب ومرة مشارق وانت تخاف الريح وحفيفه
ساوها زينة وفوقها بيارق وانت مدبج توب وقطيفة
فيها المات والضاربه الفالق والسلمين فى حالة مخيفة
كل الناس ترزح في كفة وانت وناسك فوق الدفة
الدايشين والراسهم لفة والشاخصين فى المدى للضفة
صوف افضالك فوقهم جوة فوق الموية وريقهم جفة
من العطش النص اتوفى وباقى النص الفضل جيفة
مرسل من الهاتف المحمول Samsung


تعليقات 4 | إهداء 0 | زيارات 1738

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1074489 [مغــــــــــــــــــــــلوب]
0.00/5 (0 صوت)

08-09-2014 06:53 AM
حاجــــــــــــــــــــــــــــــــة آمـــــــــــــنة اصبـــــــــــــــــــــــــــــرى

اللهم ارحم واغفر للحاجة آمنة
اللهم دمر كل من شارك فى دمار الوطن الجميل
اللهم عليك بالكيزان فانهم لا يعجزونك
اللهم آآآآآآآآآآآآآآآآآآمين ,, اللهم أجعلهم يشتهون الماء ولا يستطيعون شرابها ويتمنون الموت من شدة الالم فلا ينالونه ,, اللهم عذبهم بكل أم بكت أنصاف الليالى على فلذة كبدها أو زوجها أو أبيها ,, اللهم عذبهم وزبانيتهم بحق كل فم جاااع ,, وبطن قرقرت ومريض مات من عدم أستطاعته توفير الدواااء اللهم عذبهم بحق كل زفرات شوق وبعاد يعانيها ابناء المهاجرين والمتغربين الفارين من الوطن بسبب سياساتهم وأفسادهم ,, اللهم أجعلهم يشتهون الطعام فلا يتذوقونه بحق كل شبر من أراضى السودان التى باعوها والتى حبسوا عنها الماء فصارت بووورا تشكوهم لربها ,,, اللهم أنا غير شامتين ولكن أمرتنا بالدعاء على من ظلمنا لذا دعوناك ,, فأن كنتم أيها السودانيين تظنون أن البشير والكيزان ظلموكم فعليكم بالدعاء فأنه أمضى سلااااح ,,أدعوا عليهم بالويل والثبوور وعظائم الامور من سرطان وأمراض

الترابى .. البشير .. على عثمان .. نافع .. الجاز .. الزبيرين .. ربيع .. امين حسن .. غندور
قطبى .. مصطفى اسماعيل .. بكرى .. الخضر .. احمدهارون .. عثمان كبر .. وقوش .. والمتعافى ودوسة .. وسبدرات .. ومامون حميدة .. وحاج ماجد سوار .. وكل باقى التنابلة
وكل من اشترك فى دمار وتشريد محمد احمد دافع الضريبة

[مغــــــــــــــــــــــلوب]

ردود على مغــــــــــــــــــــــلوب
[الطاهر محمد] 08-09-2014 12:58 PM
اللهم امييييييييييييييييييييييييييين
اللهم امييييييييييييييييييييييييييين
اللهم امييييييييييييييييييييييييييين
اللهم امييييييييييييييييييييييييييين
اللهم امييييييييييييييييييييييييييين
اللهم امييييييييييييييييييييييييييين
اللهم امييييييييييييييييييييييييييين


#1073695 [ودالباشا]
0.00/5 (0 صوت)

08-07-2014 06:28 PM
كلللللهم ذنبهم على اهل السلطة سكان القصور وحقهم سوف يظهر عاجلاً ام اجلاً وربما بدأ فى الظهور وسوف ترون دعوات المظلومين والغلابة ماذا تفعل فيهم بأذن الله وسيكون ذكرى للاجيال القادمة واحاجى كماكانت تحكى حبوبتك ام شلوخن لى وراء

[ودالباشا]

#1073621 [ابو القرف]
0.00/5 (0 صوت)

08-07-2014 04:51 PM
وين صاحبك د معز ؟ مالو سكت؟

تانى تطقع ملكة النحل؟

[ابو القرف]

#1073444 [mahmoudjadeed]
2.50/5 (6 صوت)

08-07-2014 12:46 PM
امانة الحكي ما ساهل !!!.

عاصمة في حجم دولة ودولة في حجم قارة والشعب كله تارك ارضه ومصالحه في الاقاليم وجايي قاعد في الضواحي وطرف المدائن بالنهار مصاقر ستات الشاي وهاك يا حكي ( الحكومة سوّت الحكومة فعلت ) وبالليل الله أعلم .. لا شغل لا مشغلة لا انتاج .. هذه للأسف طبيعة الشعب السوداني حاكماً ومحكوماً .

[mahmoudjadeed]

ردود على mahmoudjadeed
Saudi Arabia [mahmoudjadeed] 08-09-2014 11:38 AM
والله انا ما عندي اي حاجة في الخرطوم وبيتي ما زال في سقط لقط وأنا برة البلد من زمن نميري .

في حلّين احلاهما مر يا تغترب يا تقعد في منطقتك لو ما عندك مصالح في الخرطوم لكن تجي تسكن عشوائي لا شغل لا مشغلة غير مصاقرة ستات الشاي وشغل السمسرة والجوبيك والعطالة المقنّعة ده ما حل أبداًوالخرطوم ما حقت زول لكن يا تقعد بي عدلك يا تقوم تتخارج .

Saudi Arabia [السفير] 08-07-2014 11:25 PM
فى اغنية بتقول (دا كلام تقولوا على انا) ....عن اى اقاليم تتكلم يا ابو الشباب ؟الاقاليم زمان انتهت وثلاثة ارباع السودانيين ساكنين الخرطوم اى العاصمة بمدنها الثلاثة ....زمان كان الناس قاعدة فى الاقاليم وعايشة زى الحلاوة لما كان السودان سودان....انت نسيت قوائم الصالح العام التى اهلكت الخدمة المدنية والعسكرية وشردت الاسر ولا نسيت خصخصة القطاع العام الذى دق اخر مسمار فى نعش الوطن ؟ وعن اى انتاج تتحدث يا هذا ؟ انت شكلك انتهازى من ناس الحكومة وكرشك مليانة وجيوبك مليانة قروش واخر فلل وعربات وناسى حال البلد المايل.

Sudan [كفاية] 08-07-2014 02:29 PM
الشعب دا لو لقى ابسط مقومات الحياة في الاقاليم سبب واحد يجيبو الخرطوم مافي وهو طبعا بفتكر ان العاصمة فيها مقومات فاذا به يفاجأ انها لاتفرق كثيرا عن الاقاليم وبالمناسبة انت الجابك من الاقاليم شنو ؟

Qatar [خليل عزة] 08-07-2014 02:05 PM
لا شغل لا مشغلة لا انتاج

يدك في الموية شكلك يا خوي


سهير عبدالرحيم
سهير عبدالرحيم

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة