المقالات
السياسة
متين سودانا يتقدّم (قصيدة)
متين سودانا يتقدّم (قصيدة)
08-11-2014 04:25 PM



كيف سودانا يتقدّم
متين بي نمشي لا قِدّام
وكيف بنعيش حياة العزِّة
مادام بحكمونا اقزام
وحالِك يا بلد مايل
تعيسة مليئة بالأسقام
ومالِقت البداويها
تعيش في قهر جوع وظلام
وحكّام السجم غشّوها
كل يوم يصرفولا كلام
وكيف بي تذهب الآلام
مادام نحن مقهورين
جِياع ونِيام
حليل الكان
حليل أيام جدودنا زمان
أيام كنّا مليون ميل
نعيش بحبوحة متراحمين
بلدنا ملانة خير وسلام
أيام كان صغيرنا أمين
وفارساً لا بخاف لا بلين
وفي وسط اللجج عوّام
حليل زمن البلد مهديّة
بي سيف العُشر محميّة
أيام كان بقودنا (إمام)
ويا للحسرة والآهات
بعد ما مات
ما خلّف وراهو (إمام)
وياما نشوف كتير وكتير
مادام الغريق قِدّام
أو فد يوم نهيج ونثور
ونخنق كل ثعبان سام
ونرفع صوتنا عالي هدير
ونهدم كل حصون الجبهة
تصبح كالصريم وحطام
وتشرق شمس ذاك اليوم
نعيش بحبوحة نتراحم
وتملا سمانا خير وسلام
وتشرق شمس ذاك اليوم
نعيش بحبوحة نتراحم
وتملا سمانا خير وسلام

ezzeddinh@hotmail.com


تعليقات 1 | إهداء 0 | زيارات 640

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1076579 [mahmoudjadeed]
1.00/5 (1 صوت)

08-11-2014 06:30 PM
جِياع ونِيام ؟ !!!!!!

كلام مقبول في بعض جوانبه , لكن الجياع لا ينامون ثم اننا الآن نرفض قيادة الامام ونرفض الخزعبلات وسيف العشر والتاريخ المزوّر .

[mahmoudjadeed]

عزالدين حسن محجوب
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة