خطـر !!!
08-13-2014 02:05 PM

خـــطـــر..!!!

عاشقك مطر
ومن حبو ليك اصبح خطر
حتى المطر عشقك دموع
اتمادى فيك ريدة وحنين
وغلبوا التوقف والتمهل و التصبر
والرجوع
اتوسدك اتنسمك
اتحسسك اتشربك حتى النخاع
شوق واندفاع
واتمايلت فيك الفروع
حضنك خريف
والعشق ما بعرف يقيف
العشق ما بعرف مجال
والريدة ماتعرف طريق
وكان المطر ذاك العشيق
جرف الارض دك المدن هد القلاع
غرقت بيوت من غير شراع
ومن عشقو ليك كسر الضلوع
مزج الحوارى مع الضفاف
عاشقك ولـــوع
ما يتركك يــــوم للجفاف
داير يذوب فيك ويغيب
داير يشيل فيك ويجيب
سيد الفصول داير يقول
رغم الكوارث والهطول
انا صحوتك انا ضحكتك
رغم السيول
انا خضرتك
لمن تغيب
انا فرحتك انا بهجتك
رغم الخطر يانى المطر
رغم الالم يانى الحبيب
يانى القريب
انا سرهواك
انا دمعتك لكن دواك
انا شوق موشح فى غناك
وعاشقك مطر
ومن حبو ليك اصبح خطر
حتى المطر عشقك دموع
اتمادى فيك ريدة وحنين
وغلبوا التوقف والتمهل و التصبر
والرجوع
اتوسدك اتنسمك
اتحسسك اتشربك حتى النخاع
شوق واندفاع
وعاشقك مطر....

منتصر نابلسى
[email protected]


تعليقات 0 | إهداء 0 | زيارات 983

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




منتصر نابلسى
منتصر نابلسى

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة