المقالات
السياسة
خيرو.. سيف الدين خدا شعب يرفعولو ...دلق !!!
خيرو.. سيف الدين خدا شعب يرفعولو ...دلق !!!
08-27-2014 01:59 PM


كان خير السيد الحرفي ذائع الصيت في الحي مهنيا محترفا حد الثماله تماما كمزاجه تماما ، كان سباكا يعمل في مهنته كانه يعزف الموسيقي اذا كان شبعانا بطنا ومزاجا ، يخرج باكرا الي محلات المزاج البلدية ومنها الي عمله ويعودا نشطا مساء نشاطا كانه لم يعمل ابدا مع انه يمكن ان يكون انتهي من سباكة طابق كامل في العمارات وما عليك ان تسلمه الخريطة والي ذلك كله كان تحفه متحركه من الفكاهه والجدية تماما كما يكون مسرح الرجل الواحد ودائما ما يكون راجلا في سبره فيمتع كل الشوارع التي يمر بها مع عفة في اللسان ومناكفات بريئة تضحك كل الشوارع بقهقهات تسمعها ربات البيوت وتعليقهن المستحب ( عليك الله الرجال ديل نصاح ..المجنون دا يخليهم يقهقهوا كدي ونحن ما لاقين غير الطراريم )
وهكذا يوميا هو خيرو البرنامج واحد مع اختلاف النبرات والتعليقات والسخرية اللاذعة بغير اساءه لاي انسان كانما حياته كلها مترعة لاسعاد الناس وحسب ذات مره وبعد الفجر دق جاره ود احمد الباب :
مين : ود احمد
خيرو ( خير اصبحنا واصبح الملك لله في شنو )
ود احمد ( من صلاة الصبح جيت لقيت ماسورة الحمام انحجلت )
ويخرج معه خيرو الي بيته ويعاين الماسورة
خيرو (دقيقه امشي اجيب المفتاح الانجليزي )
ود احمد (عندي ويناوله )
خيرو ( امشي اجيب خرتوش من البيت )
ود احمد (عندي..يناوله )
خيرو ( في صاموله مقاس كذا اجيبها )
ود احمد (عندي ..يناوله)
خيرو ( في جلبه معينه في اليت اجيبها )
ود احمد (عندي..يناوله )
خيرو ( في تيب ابيض الفه حول الخرتوش )
ود احمدي ( عندي )
خيرو ( لا اله الا الله ...جننتنا ...يا عمي ود احمد عندك مريسه )
ود احمد (يضحك سب عليك ياعبد الجن اصلك ما تشتغل الا تملي راسك دا )
خيرو (انا اصلو يا عمي ان ماعبيت التنك ولا بشوف الدرب ذاتو جيب عشره قروش واسالني بعدين )
هذه صوره واحده لصور متكرره يوميا تثلج قلوب اشتات الناس من كل جهات البلد في تمازج بديع وتناغم حياتي كاجمل ما تكون قصائد الشعر يسددون ثقوب لغوب الحياة التي تحدث بين الفينة والفينة بتكافلهم وتازرهم ومحبتهم وكان خيرو واضرابه هم خيط تلك السبحة الذي ينضم كل الناس في الق بديع بتداعي اكثر ابداعا !!!
في كل مساء يخرج خيرو الي السينما الشعبية شاقي الحي الي نصفين بالتساوي وهو يعلق علي كرة قدم ثابته في مخيلته بين فريقين من سكان الحي من قواعد النساء والرجال تسمع اسماء ( بهانا ) و(علوية ) و (بت النخيل ) و ( الراكوبه ) و(ود عماري ) و(دعيسي) و(جلك ) و (بلك ) والناس تسمع في عرض الشارع وتضحك ملئ شدقيها واكثر تعليق تسمعه ( والله الشقي دا شايل حسنا في كورة لا شفناها ولا لعبناها ) واذا ما قاطعه اي زول يرد عليه بسخريته المعهوده علي الخبر سواء كان سياسيا او اقتصاديا او اجتماعيا فيضحك الجميع وعندما يعاود الاذاعة يقول (ناسف لهذا الانقطاع المفاجئ للتيار الكهربائي ..الكهربا دي غلبت ام غلاب كل واحد يمسكا يعوس فيها ..انتو راجين رجا قالو يمكن يمسكا ابو الكبير ياها لحقت امات طه زي باقي البلد والرويحه فيها تروح) وقريبا من ابواب السينما يكورك ( جاكم خيرو افتحوا الابواب ) وعادة ما يدخل مجانا ولوج وعندما يستقر في مقعده يضع سفه كبيره من العماري ويبصق في الاسفل وعندما يحتج الناس ضاحكين يعلق ( بس حقيرتكم في خير السيد ...سفة تعمل ليكم شنو ...السلم التعليمي اتغير ما قلتو حاجه زي البهايم ماشين الخرتوم بقت زي كرش الفيل ما قلتو حاجه ...ركبتو البكاسي مواصلات ما قلتو حاجة ...حل الكورة ما قلتو حاجة ...ركبتو اللواري وغنيتو وريتنا جديد ما كان علي بال ما قلتو حاجة هو الغنا بحلكم وبله جا قلتو مرتزقه هسي المظاهره دي كلها عشان سفه ) ويواصل( شعبي قرع ...دا شعب يرفعولو دلق يعني علم )!!! مع بواكير الكسكته الثالثه رحل خيرو وهو يردد ( سجمنا ...تمت الناقصة ....انتو ما بسالكم العاقرين بتجيبوهم من وين ....مع السلامة دا شعب ما يستاهل يرفعولو دلق )!!!


[email protected]


تعليقات 2 | إهداء 0 | زيارات 838

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1091377 [راجع للوطن]
3.99/5 (19 صوت)

08-28-2014 09:24 AM
حكى جميل...صور شعبية بليغة...شعب يستاهل العلم ولا يستاهل مهانة الحاكم الفاسد لانه اشرف شعب.

[راجع للوطن]

#1090868 [سميرة]
3.91/5 (18 صوت)

08-27-2014 02:59 PM
يا استاذ، يعني نفهم شنو من القصة دي...يا ناس الراكوبة ارحمونا من نوع المقالات عديمة المعنى و الجدوى دي

[سميرة]

ردود على سميرة
[عزو مستريح] 08-28-2014 01:17 AM
الحكاية واضحة وممتعة بس اللغة (معصلجة) مع الأخطاء. كان ممكن تكون اجمل من كدا يا خواجة.


سيف الدين خواجة
سيف الدين خواجة

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة