المقالات
السياسة
الواسعة ضاقت بينا..!!
الواسعة ضاقت بينا..!!
08-27-2014 04:12 PM

أرحمنا يا مولاى..
الواسعة ضاقت بينا..
تابعنا اللعين..
كل الشرور سوينا..
راجين يا معين..
ترحمنا تغفر لينا..
كل زلاتنا..
قبل وفاتنا..
حاضرنا..
كل ماضينا..
****
مليارات نهبنا ..
منها اتحللنا..
لى برة البلد..
كل الرصيد حولنا..
خايفين الفقر..
أمنَا مستقبلنا..
إبليس اللعين..
فى زمرتوا اتحولنا..
****
تابعناهوا ..
طاوعناهوا..
خضنا معاهوا..
ما قصرنا..
فى كل الدروب..
فى صحبتوا..
اتجولنا..
حتى كبير قبيلتوا..
فى داره استقبلنا..
بى بابوا الكبير..
قداموا نحن دخلنا..
****
الغش والخديعة..
خُناها الوديـعة..
أفعالنا الخليعـة..
خالفنا الشريعة..
المُوبقات..
المُنكرات..
المُسكرات..
كل الخطايا فعلنا..
خايفين من شنوا..؟
مولاى ..إنت أملنا..
رغم فشلنا..
اتحللنا..
جينا مهاجرين..
آيبين ..
تايبين..
يا سيدى أقبلنا...

بلا أقنعة...
صحيفة الجريدة السودانية...
[email protected]


تعليقات 0 | إهداء 0 | زيارات 1223

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




زاهر بخيت الفكى
زاهر بخيت الفكى

مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة