المقالات
السياسة
طرد ايران...السودان في متاهته
طرد ايران...السودان في متاهته
09-02-2014 03:57 PM


نطرد ايرن بس ليه ؟؟ نتحرر كمان من اصر مصر "الانتهازية "والعرب ونحن ما عرب اصلا عشان ندخل في صراع سنة وشيعة ده نحن "كوشيين حاميين" والعرب ساميين ونرجع للكومون ولث ومسار الاسطورة السيد عبدالرحمن المهدي..نحن دول لها سبعة الف عام وفيها فكر وجضارة تخصها .. نطرد ده ونجيب ده ليه؟؟
لو في زول لحدي هسة 2014 ما عارف مشاريع سودانية وفكر سوداني
يا هودي مشاريع سودانية 100%
ومن الاستقلال 1956عبر ديموقراطيةوست منستر كان في مشاريع سودانية للدولة المدنية السودانية الفدالية الديموقراطية
ولكن النخبة السودانية وادمان الفشل اثرت ان تمارس استلابها المقيت ودونيتها حيال مصر وتستورد المشاريع من مصر "المازومة"والعنصرية وتفرضها على دولة مركبة ومتعددة المراكز كالسودان
والمرجعيات الحقيقية الفكرية والديناميكية والمكتوبة لبناء الدول السودانية "لاصل" هي
1- اسس دستور السودان 1955-الحزب الجمهوري
2- اتفاقية اديس ابابا والحكم الاقليمي اللامركزي 1972-1978
3- اتفاقية نيفاشا للسلام الشامل ودستور 2005-الحركة الشعبية
اماما تراه الان هو حالة افلاس مريع من الحزب الحاكم ومعارضة السودان القديم على حد السواء وفعلا تجلت حكمة الاية الكريمة ( ومن نعمره ننكسه في الخلق )
واتحدى اهل المؤتمر الوطني ومن يعارضونه ان يكون لهم مشاريع افضل من الثلاثة المذكورة اعلاه ومزودة بدستور محترم ؟؟
والغريبة الشعب خرج 5 مليون لها في الشارع-قيامة الساحة الخضراء- وسجل لها 18 مليون في انتخابات 2010و لكن السياسيين الحقراء جدفوا بالسودان بعيدا عن طموحات الشعب الذكي-نفس الناس- المدروين بالسودان من خمسين سنة 1964
لذلك اضحى الشعب لا عاجبو البنا "المؤتمر الوطني" ولا البعجن في الطين"المعارطة" وصدق محمود محمد طه عندما قال الشعب السوداين عملاق يتقدمه الاقزام...الا ابراهيم الشيخ...حاليا...

[email protected]


تعليقات 4 | إهداء 0 | زيارات 2111

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1096015 [sasa]
0.00/5 (0 صوت)

09-03-2014 10:07 AM
الاخ عادل امين البعض منا يتحدث ويكتب ويعلق بما لالالا يعرف دعك منهم!! ان ماسطرته يدك التى تكتب بها وعقلك الذى تفكر به .... هو عين الحقيقة التى نتوارى منها وندفن رؤسنا الفارغة فى الرمال ... ظنا منا ان اخفاء عيوننا يحل (المشكل)

شايف فى واحد معلق سطحى بتحدث عن الاخطاء الاملائية وغيرها فى ماسردت ؟؟؟ لكنك القمته معرفة؟؟؟

قوود لك

[sasa]

ردود على sasa
Yemen [عادل الامين] 09-03-2014 05:36 PM
شكراSasa
واصلو انا من جيت الراكوبة دي عندي سؤال واحد عجز عن الاجابةعنه اهل النظام الحاكم واهل المعارضة؟؟ في الراكوبة
والسؤال هو .. هل في السودان ده من 1يناير 1956 ولحدي هسة 2014
مافي مشاريع سودانيةحقيقية ومافي مفكرين سودانيين؟؟!!
اذا قالو "في مشاريع" يجاوبو ليه
يباور المشاريع الرديئة الوافدة من خارج الحدود ومن البيئة العربية المتخلفة ومن مصر تحديدا ليه والعراق وايران ...وتركيا وكلها دول غير نموذجية ..
واذا قالوا "مافي مشاريع سودانية" وهذا استبكار وجهل مخزي كمان
يا هودي انا مرقما وموضح مصادرا...
عشان كده الثورة الحقيقية انك تتحرر تماما من اللغاويس والطواويس الفي المركز ديل دي وترجع سوداني ذى ما كنت وتبدا مشوار البحث عن هويتك عبر هذه المشاريع والرموز المحترمة
1-السيد عبدالرحمن المهدي-حزب الامة "الاصل" الليبرالي وشعار السودان للسودانيين
2-محمود محمد طه اسس دستور السودان 1955 موقع الفكرة الدولة المدنية الفدرالية الديموقراطيةالاشتراكية
3-اتفاقية اديس ابابا 1972د.فطمة عبدالمحمود -العصر الذهبي 1972-1978
4-نيفاشا جون قرنق2005 -الحركة الشعبية
5-ابراهيم الشيخ الحزب المؤتمر السوداني
وبرنامج التغيير المقتبس من كلهذه الرؤى السودانية هو هو الروشتةالصغيرة الفي البوست دي
وشكرا ليك يا واعي


#1095576 [عادل الامين]
5.00/5 (1 صوت)

09-02-2014 05:41 PM
الما عارف السودان لحدي هسة
يا هو دا السودان
image

[عادل الامين]

ردود على عادل الامين
Yemen [عادل الامين] 09-03-2014 09:11 AM
برنامج العودة عندي يا اجمد ومبذول لاهل الفطن مجانانا في الراكوبة واوضح من الشمس بس على القلوب اقفالها-نفس الناس ونفس الفشل... واختلاق الازمات المفتعلة كسبا للوقت واهدار للسودان من اجل لاشيء هؤلاء الاوغاد يلهثون فقط يتخبطهم المس والمعارضة عاجزة ومشوهة ومتشرزمة وتقفز على الحقائق
برنامج بسيط جدا وعلمي عملي ومدته بس 9 شهور ويتغير السودان كله ويولد سودان جديد يسع الجميع
1-- قرارات جمهورية مسؤلة
2-الاصلاحات دستورية تقوم بها لمحكمة الدستورية
3-الشعب يتم الباقي بالانتخابات في 2015

يبدأ الإصلاح بالمحكمة الدستورية العليا

عادل الأمين*
المرجعية الحقيقية:اتفاقية نيفاشا للسلام الشامل والقرار الاممي رقم 2046

الثوابت الوطنية الحقيقية
-1الديمقراطية "التمثيل النسبى"والتعددية الحزبية
-2بناء القوات النظامية على أسس وطنية كم كانت فى السابق
-3 استقلال القضاء وحرية الإعلام وحرية امتلاك وسائله المختلفة المرئية والمسموعة والمكتوبة"التلفزيون-الراديو –الصحف"
4-احترام علاقات الجوار العربي والأفريقي
5-احترام حقوق الإنسان كما نصت عليه المواثيق الدولية
6-احترام اتفاقية نيفاشا 2005 والدستور المنبثق عنها
********
خارطة الطريق 2014
العودة للشعب يقرر-The Three Steps Electionالانتخابات المبكرةعبر تفعيل الدستور -
المؤسسات الدستورية وإعادة هيكلة السودان هي المخرج الوحيد الآمن للسلطة الحالية..بعد موت المشروع الإسلامي في بلد المنشأ مصر يجب ان نعود إلى نيفاشا2005 ودولة الجنوب والدستور الانتقالي والتصالح مع النفس والشعب ..الحلول الفوقية وتغيير الأشخاص لن يجدي ولكن تغيير الأوضاع يجب ان يتم كالأتي
1-تفعيل المحكمة الدستورية العليا وقوميتها لأهميتها القصوى في فض النزاعات القائمة ألان في السودان بين المركز والمركز وبين المركز والهامش-وهي أزمات سياسية محضة..
2-تفعيل الملف الأمني لاتفاقية نيفاشا ودمج كافة حاملي السلاح في الجيش السوداني وفتح ملف المفصولين للصالح العام
3-تفعيل المفوضية العليا للانتخابات وقوميتها وتجهيزها للانتخابات المبكرة
4-استعادة الحكم الإقليمي اللامركزي القديم -خمسة أقاليم- بأسس جديدة
5-إجراء انتخابات إقليمية بأسرع وقت وإلغاء المستوى ألولائي للحكم لاحقا لعدم جدواه "عبر المشورة الشعبية والاستفتاء..
6-إجراء انتخابات برلمانية لاحقة
7-انتخابات رأسية مسك ختام لتجربة آن لها أن تترجل...
8-مراجعة النفس والمصالحة والشفافية والعدالة الانتقالية
...
كاتب من السودان
[email protected]

Australia [ahmed] 09-03-2014 02:21 AM
تعرف يا عدل الأمين أخوي المشكلة ليس فيما طرحته المشكلة في خريطة السودان الختيتها دي !!! وذكرتني بقول جرير
لولا الحياء لهاجني إستعبارُ.... ولزرت قبك والحبيب يزارُ
إنهم إغتالوا السودان وأشبعوه تقطيعاً وبتراً فكيف الرجوع إليه ؟


#1095540 [زول ساى]
5.00/5 (2 صوت)

09-02-2014 04:33 PM
مقال هزيل وملئ بالاخطاء الاملائية والمتناقضات ...وتنبعث منه رائحة الكراهية والإقصاء التى يحذر منها كاتب المقال

[زول ساى]

ردود على زول ساى
Yemen [عادل الامين] 09-02-2014 09:03 PM
اخطاء بتاعة الساعة كم انا كاتبو بي الدارجي اصلا
نحن بعد ده حقو ندخل في "عزلة مجيدة ونشوف مسارنا الحقيقي وبضاعتنا الاصل " وانتهت الشلاقة النحن بمنمارس فيها 60 سنة دي مع العرب وحماس وما ادراك ما حماس ومع الفرس ..
الناصرية مشا فيها السادات بي الاستيكة
الشيوعية وقعت فيها حيطة في برلين 1990
الكيزان-الاخوان المسلمين- انتهو وحظروا دوليا في 30 يونيو 2013 في رابعة العدوية
انا بخاطب السودانيين "الاصل"الذين يعتزو بالسودان مش بتاعين كريمات تفتيح البشرة الصينية المسرطنة او البتنطعوا باللغة العربية الفصحى في فضائياتنا المملة
والكلام واضح يا هودي المشاريع السودانية من غير لف او دوران
واستعادة الدولة السودانية عندها مسار واحد بس
السيد عبدالرحمن المهدي+محمود محمد طه+ جون قرنق+ ابراهيم الشيخ


#1095531 [Abdo]
0.00/5 (0 صوت)

09-02-2014 04:14 PM
صحيح عندك أخطاء إملائية كثيرة يا عادل ، لكن فكرتك وصلت و أتفق معاك فيه

[Abdo]

ردود على Abdo
Yemen [عادل الامين] 09-03-2014 06:12 AM
الذي يكتب باسم السودان -مفروض يكون عارف قيمة السودان وواعي بي ما هو السودان؟؟
العدالة والأمانة فراقت السودان من 1 يناير 1956 بعد الاستقلال ومشا الانجليز الأذكياء الذين صنعوا لنا الدولة البتشبهنا..
نحن مالنا ومل صراع الشوفينيات الغبية المتخلفة في الشرق الأوسط..الشوفينية"العروبية"التي تقودها مصر والشوفينية "التركية" والشوفينية"الفارسية " والشوفينية "الصهيونية"
بعد كملنا كريمات الصين المسرطنة في مشوار البحث عن عروبة مستعارة وقعدنا في راس الجنوبيين لحدي ما مشو ..كمان جابت ليها معركة جمل في السودان ..شيعة وسنة.نحن دخلنا شنو بتاريخ العرب المشين وهو أصلا ليس جزء من العقيدة الإسلامية ..المسلم البلجيكي او البرازيلى او الغاني دخلو شنو بي التاريخ العربي من سقيفة بني ساعدة لي معركة صفين والجمل لى ام المعارك والهالك صقر الخليج صدام
شوف يا عامل فيها السودان"الما ببقي نفسه زول ما في زول ببقيه" السودان ده دولة قديمة ومحترمة جدا وعندها جغرافيتا الخاصة بيها وتاريخا ايضا ونحن امتداد للجنوبيين والنوبة والفور وكل درجات اللون الأسود...اي زول ما بحترم السودان بكل مكوناته الحضارية والفكرية والثقافية والسياسية والاقتصادية والاجتماعية والنفسية والدولة السودانية"الأصل" يمشي من محل ما جاء ..بخيت وسعيد ان شاء الله يعملو ليه تمثال وشهادة حسن سير وسلوك لإبادته 2 مليون سوداني وتشريده 3 مليون وتحويله السودان الى مذبلة وتغييره لي داخلية كلية الهندسة من ترهاقا الي ابي قتادة ...بس ما يلزمنا في السودان في هذه المرحلة..العلم قدامك والشعار والبرنامج قدامك يا هودا السودان البنعرفوا .. ولازم يرجع...بعد ما الزبد يذهب جفاء

Yemen [شاهد اثبات] 09-02-2014 09:08 PM
واتفق معاك فيها يا Abdo وليس فيه ده خطا نحوي
اذا متفق معاي امشي ذاكر كويس في الثلاثة مشاريع"السودانية " دي كويس
وتابعني طوالي بتصل

1- اسس دستور السودان 1955-الحزب الجمهوري
2- اتفاقية اديس ابابا والحكم الاقليمي اللامركزي 1972-1978
3- اتفاقية نيفاشا للسلام الشامل ودستور 2005-الحركة الشعبية

United Arab Emirates [السودان] 09-02-2014 06:16 PM
انك لست عادلا ولا امينا


عادل الامين
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة