تخمة وحراق روح
09-07-2014 06:10 PM


الفيروسات ومفردها فيروس Virus) ) هي كائنات صغيرة لا يمكنها التكاثر اٍلا داخل خلايا كائن حي وهي تصيب جميع أنواع الكائنات الحية، من الحيوانات والنباتات وحتى البكتيريا مسببة لمن تصيبه أختلالا في وظائف أعضائه.
ومن هنا جاءت تسمية تلك البرمجيات الصغيرة التي تصيب اجهزة الحاسوب باختلالات في وظائفها (بالفيروسات) إلا أن شركات البرمجه العالمية لم تقف إزاء هذه المصيبة مكتوفة الأيدي بل قامت بإنتاج برامج مضادة لهذه الفيروسات تسمى ِ Antivirusما أن يتم تشغيلها على جهاز الحاسوب حتى تقوم بعملية مسح لكل أماكن التخزين بأنواعها والتعرف على الفيروسات الموجودة واهلاكها مع إعطاء مستخدم الجهاز قائمة بأسماء الفيروسات التي تم القضاء عليها..
العبدلله يتخيل ما يمكن أن يحدث لو أن أحدهم قام باختراع جهاز برنامج Antivirus يقوم المواطن بالمرور خلاله وما إن يطلع (بالجهة التانية) حتى يكون هذا الجهاز قد قام بطباعة لسته لجميع الأمراض التي يعاني منها..
ولمعرفة الأمراض المشتركة لدى جميع مواطني الشعب الفضل هذه الأيام تحديدا والتي سوف يقوم الجهاز برصدها تابع قراءة هذا المقال..
• حراق الروح (يا ربي عندو إسم علمي؟): أي زول روحو محرقاهو.. وأخلاقو في راس نخرتو
• أنيمياء: يعني فقر دم.. هو المواطن ده الما بجيب ليهو فقر الدم شنو؟ شفتو ليكم طعمية فيها (فايتمينات)؟
• ازدياد معدل دقات القلب: الما بخليهو يدق شديد شنووو؟ كل يوم مخلوع من الأسعار الطالعه دي.
• خمة نفس: الما بخم نفسو شنوو؟ من موقف (كركر) لي موقف (بربر) الواحد نفسو ينقطع.
• تليف في المخ: الما (بليفو شنوو) كان شغال ذي الكمبيوتر يحسب في الديون ويشيل كل يوم طاقية ده ويلبسا لي ده !
• خمول الكبد: طبعن مفروض يفرز العصارة الصفراء عشان الطعام ينهضم وطالما (أكل مافي) الشغال ليها شنو؟!!
• الحديث مع الذات: أكيد بي صوت مرتفع.. هو جايب خبر لو مرتفع وللا ما مرتفع؟
• الطشاش وضعف النظر: من كترت البحلقة في اللحم المعروض في الجزارات!!
• إنعدام الطاقة: طاقه يجيبا من وين (رطل السكر بي كم؟)
• هشاشة الأسنان والضروس: من عدم الشغل طبعن..
• ضمور عضلات الفك: مافيش تمارين وكده..
• تصلب عضلات الوجه: من التكشيرة الطوااااالي دي.
• الإمساك المزمن: شئ طبيعي وحتمي.
• حصوات الكلى: الموية أم طحالب دي..
• فقدان الشهية العصبي: ده غير (العادي) لأنو فقدان شهية لعدم تواجد الأكل ذات نفسو..
• حمى الضنك: كشئ طبيعي لإلتهاب الجيوب المزمن.
• انخفاض الكلوسترول: الكلوسترول يجي من وين يا حسرة بدون (عضة)..
• تهيج غشاء الأنف: من ريحة الأسواق دي..
• إحتباس بولي: العاصمة كووولها ما فيها 4 مراحيض عامة..
• الزهايمر: الحالة دي مش تعمل خرف مبكر.. دي تعمل أرتخاء في الصمام الميترالي.
• طمام: (التحلل) ده براهو ما بيطمم البطن؟؟

كسرة:
لو قمنا بفحص مسؤول بواسطة هذا الجهاز فسوف يقوم الجهاز بكتابة مرضين بس.. تخمة وحراق روح.. طبعن حراق الروح من (التخمة)..

كسرة ثابتة (قديمة)
أخبار ملف خط هيثرو العند النائب العام شنو(وووو وووو وووو وووو وووو وووو وووو)+(وووو) +و+و
كسرة ثابتة (جديدة):
أخبار تنفيذ توجيهات السيد الرئيس بخصوص ملف خط هيثرو شنو(وووو وووو وووو)+(وووو)+و+و..





تعليقات 11 | إهداء 0 | زيارات 5704

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1100458 [ياسر]
1.00/5 (1 صوت)

09-08-2014 11:10 PM
الفاتح جبرا كتب كثير وما قصر والآن وصـل مرحلة العد التنازلي والافضل له ان يتخارج ويتدارك نفسه قبل السقوط.. مشكور يا استاذ..

[ياسر]

#1099827 [عمر]
3.00/5 (2 صوت)

09-08-2014 10:21 AM
الاستاذ القدير السلام عليكم ورحمه الله تعالي وبركاته وبعد طبعا انا مدمن قراه مقالاتك لك مني كل التقدير والتجله

[عمر]

ردود على عمر
Saudi Arabia [جاتك] 09-09-2014 12:31 PM
ما مدمن براك يا خوي عمر،، كلنا سكارة لط في حارة جبرة.


#1099821 [shersh]
1.00/5 (1 صوت)

09-08-2014 10:19 AM
عدد المعتوهون فى الخرطوم تجاوز 450 الما بيخليهم معتوهين شنو ؟ روحهم حرقتهم لمن راسهم طق.. ووزيرتهم مرة(حرمة)

[shersh]

#1099733 [Saad]
1.00/5 (1 صوت)

09-08-2014 08:58 AM
يا استاذ الفاتح بمناسبة ضيق العيش والحالة التي يمر بها الناس أهديك طرفة وهي إن في واحد جاي من الخلاء وراكب حماره وبيكلم في نفسه وعندما مر على جماعة جالسين أمام الدكان سأله واحد بعد أن سلم عليهم سأله أحد الحاضرين قال ليه مالك يا عم بلة بتكلم في نفسك قال ليه كيف والله عندي مشكلة كبيرة قال ليه لقيت زول غش رقبته قال لا قال ليه أنا غشيت رقبتي قال كيف قال ليه مما جمعت محصول العيش دخلت في ديون ما يعلم بها إلا الله على آمل أن أحصد العيش وأوسع بيه على العيال ولكن أتورطت لأن العيش ما جايب همه.

[Saad]

#1099624 [ود الحاجة]
1.00/5 (1 صوت)

09-08-2014 02:56 AM
كسرة في التنك يا استاذ .. قلتا ليا حراق الروح من الترطيب هههههههههه

[ود الحاجة]

#1099621 [واحد من الناس]
1.00/5 (1 صوت)

09-08-2014 02:45 AM
بمناسبة المراحيض العامة انا باتمني القي لي محامي يكون امين وود ناس يرفع لي قضية تعويض . جاري قلب بيته مراحيض عامة وبالفلوس الربحا اشتري او بني فيلا في ارقي الاحياء . المفروض قبل المحلية ما تصدق له يجيب موافقة الجار . جاري استبدل موافقة الجار بتامين جيب الصدق ليهو .من حسي المحامي البيمسك القضية انا متنازل له عن 50% من التعويض البيجيبه . قسما بالله العظيم لو كانت مراحيض عامة مجانية ما كنت اشتكيت منها . لكن بقي في ناس جشعة همها مصلحتها الشخصية ونست ان الرسول صلي الله عليه وسلم وصي علي سابع جار

[واحد من الناس]

#1099588 [ودالباشا]
2.75/5 (4 صوت)

09-08-2014 12:36 AM
يا الفاتح جبرا الله يفتحا ليك اكتب لينا بعمق شوية الاحوال العامة دى الناس عايشاها وعارفاها لنتى صحفى مقتدر عايزين الجوووووا داخل الجحور ولا خايف تلدغ زى ودميرغنى

[ودالباشا]

#1099554 [ياسر]
2.75/5 (4 صوت)

09-07-2014 10:58 PM
يا استاذ جبرا غير وتبدل في طريقتك لاننا تعبنا واختلط علينا الحابل بالنابل مقالاتك بقينا ماعارفين الجديد من القديم فيها اما الكسرات فقد عفا عليها الزمن لذا حاول التجديد بقدر الامكان وشكرا..

[ياسر]

#1099544 [Awad]
1.00/5 (1 صوت)

09-07-2014 10:35 PM
نهيق مفاجىء هو شنو المبخليه يهنق من أكل كوارع الحمير.. وجع مصارين طبعا مافاضية..تصلب شرايين الرجلين من كترة الزح والرح وكدارى على طول.

[Awad]

#1099499 [الحلومر]
1.00/5 (1 صوت)

09-07-2014 09:16 PM
اقترح علي سيادتك ان تفتح ليك كشك لعواسة الكسرة بجوار عوضية بتاعت السمك لانو كسرتك بتاعت المقالات دي بقت بايتة وما جايب حقها

[الحلومر]

#1099423 [حكم]
3.00/5 (7 صوت)

09-07-2014 06:58 PM
فقع مرارة: الما بفقع ليهو مرارتو شنو ؟؟
الزايدة الدودية: ما التهاب فى الزايدة الدودية .. لكن بقت شغالة بعد اكل المراتب مع الأقاشى
النهيق والنقيق: يا ربى ديل يكونوا من شنو ؟؟

[حكم]

ردود على حكم
[صه يا كنار] 09-08-2014 08:38 PM
أسال مامون حميدة


الفاتح جبرا
الفاتح جبرا

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة