المقالات
السياسة
معتمد هيبان المعتمدية بكاملها فى يد التمرد ولكن الوضع مستقر
معتمد هيبان المعتمدية بكاملها فى يد التمرد ولكن الوضع مستقر
09-14-2014 04:06 PM


معتمد هيبان : المعتمدية بكاملها فى يد التمرد ولكن الوضع مستقر - وكادوا جزء هام من المعتدية -
معتمد كادقلى : نص الولاية فى يد التمرد ولكن الوضع مستقر
أنا أعتبرونى معتمد حلايب : حلايب والشلاتين بالكامل فى يد الحكومة المصرية ولكن الوضع مستقر
نحن كلنا جماعة الوضع المستقر وبكره نعمل مشروع نهضة جنوب كردفان
الخبر : ياسر كباشى معتمد هيبان يتحدث من كادقلى مقر إقامته لبرنامج أحمد البلال الطيب وبيقول أن محلية هيبان بالكامل خارج سيطرتهم بما فيها كاودا وان الأهل تواقون للعودة ولكن ليس باليد حيلة
التعليق :
البلال للمعتمد : إنتو خلاص قنعتوا من كاودا وسبب عجزكم من إعادتها شنو ؟
المعتمد للبلال : 100 ألف من مواطنينا يعيشون فى معتمدية هيبان وحوالى 9 ألف من سكان معتمدية هيبان نزحوا لكادوقلى
معتمد الدلنج دخل على الخط : نص المحلية فى يدنا ونصها فى يد التمرد ونؤكد أن الوضع مستقر
طيب يا السيد المعتمد الوضع فى حلايب والشلاتين مابرضو مستقر لكن مش فى ايدينا
ماقلتو فى الصيف الحار سوف نحسم التمرد
طيب ما تحاولوا تانى فى الشتاء البارد مافى داعى للصيف الحار يا نافع
المعتمد يبشركم بأن معتمدية الدلنج التى نصفها فى يد التمرد ستصلها الكهرباء قريبا
يا سيد المعتمد الكهرباء مقطوعة فى حى العمارات فى الخرطوم عاوزها تصلك فى الدلنج
المعتمد تحدث عن الأستقرار فى المعتمدية
إستقرار شنو يا سيد المعتمد ونصك مافى يدك فى قبضة التمرد
السيد الوالى عمل مداخلة ويتحدث عن تباشير السلام لابد من كاودا وان طال السفر - عاصمة محلية هيبان هى هيبان وليس كاودا وبشرنا بأن فى الصيف القادم سوف ندخل كاودا - يا سيد الوالى ورينا صيف عام كم ؟ مش كل مرة تقولوا لينا الصيف والصيف يفوت ولا كاودا تموت
شوف يا سيد والى جنوب كردفان وكلم بقية زملائك الولاة
مافيش اى مصفوفة لبناء السلام من الداخل تتم والمركز ( الخرطوم ) فى يد حكومة المؤتمر الوطنى
عشان تستعيدوا كاودا
فككوا المركز
أبنوا حكومة وطنية
ذوبوا الجبهات المقاتلة فى القوات المسلحة
وزعوا المراكز العليا بالتساوى
وبعدين كاودا ستعود لحضن الوطن وحلايب والفشة ستعود
أما فى وجود حسبو وغندور والبشير فى المركز لا نتوقع حدوث إختراق كبير يحدث فى أتجاه السلام
[email protected]


تعليقات 9 | إهداء 0 | زيارات 1422

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1105641 [sudani .com]
1.00/5 (1 صوت)

09-15-2014 01:08 AM
Yasir Kabashi the criminal minion of Ahemd Haroun ,we have not forgot you
we will pay you a visit soon .Mr commissioner.

[sudani .com]

#1105581 [عصمتووف]
1.00/5 (1 صوت)

09-14-2014 10:44 PM
دي نفهما كيف هيبان محتلة والوضع مستقر ب افراد التمرد هل كان سلاحهم الورود والزهور يوزعون القبلات علي ربات الخدور البدور والذكور ويلقون السلام يمينا وشمالا فوقا وتحت

[عصمتووف]

#1105563 [المهندس سلمان إسماعيل بخيت على]
1.00/5 (1 صوت)

09-14-2014 10:02 PM
فى تطور جديد حدث للمدعوة دكتورة بدرية سليمان - قالت ( نحسب ) لا شاطره خلاص اتكوزنتى
بدرية قالت نتمنى أن تسمح صحة السيد الرئيس له بمخاطبة المؤتمر
سلامات يا ريس - خير ان شاء الله
يا بدرية الريس دا بيتكلم بى ركبه

[المهندس سلمان إسماعيل بخيت على]

#1105556 [المهندس سلمان إسماعيل بخيت على]
1.00/5 (1 صوت)

09-14-2014 09:46 PM
يا جماعة الخير الدكتور بدرية سليمان ( متين بقت دكتورة ما أعرفش ) بتقول ليكم جميع مشاكل السودان فى طريقها للحل لأنهم فى المؤتمر اوطنى عملوا معهد التدريب الحزبى حيدربوا كوادرهم عشان تتعلم كيف :
يتخذ القرار
كيف يتم التفاوض
كيف توضع الإستراتيجيات

بعد ربع قرن من الحكم الفاشل الجماعة بتتعلم عشان تعرف تحكمكم
ماتضيقوا انتظروا الأولاد ديل يتعلموا ويحلوا مشاكلكم كلها
الضيق داعيه شنو
الكلام دا كان فى برنامج اسمه ( المشهد ) بث امسية الأحد 14 سبتمبر 2014م
يعنى نديهم تانى 10 سنة تعليم
خليهم يتعلموا الحلاقة فى قفى اليتامى
بدرية سليمان اسف دكتورة بدرية قالت
نحن كنا هادفين ليعيش المواطن فى رخاء
المنعكم شنو يا بدرية

[المهندس سلمان إسماعيل بخيت على]

ردود على المهندس سلمان إسماعيل بخيت على
Saudi Arabia [المهندس سلمان إسماعيل بخيت على] 09-15-2014 01:59 PM
كتب المدعو جقدول معلقا ( زى ما انت كات حرف الدال فهى برضو دكتورة,, والا انت الوحيد اللي قرا؟؟يا راجل استحى شوية علي دمك وعمرك ) عن أى دال يتحدث جقدول فى الأسم ( المهندس سلمان إسماعيل بخيت على - يقصد دال المهندس ويود أن يكون أسمى المهنس سلمان - مافيش مانع )
عارفين ناس جقدول وبقية الأسماء المستعارة بيكتبوا وهم مضطربين ونفسيتهم تعبانه خوفا على احبابهم نحن نعلم أن بدرية يعيش العشرات ان لم يكن المئات من الطفليين على وجودها فى هذا المنصب وهى قالت مابتديش كرتها لشخص عشان يستخدمه فى واسطة لوظيفة لشخص لا يستحقها - ياوليه استحى والولية هى التى تولول لمان يتوفى زوجها
بدرية أقرت بجهل كل القيادات التى فى حزبها الثانى - حزبها الأول طبعا الأتحاد الأشتراكى بتاع بهاء الدين
بدرية قالت ستفتح لهم مدرسة فى النادى الكاثوليكى ( المؤتمر الوطنى حاليا ) عشان يتعلموا
كيف : يتخذ القرار - كيف يتم التفاوض وكيف توضع الإستراتيجيات
وعلى رأسهم غندور الذى فشل فى كل حوارات التفاوض التى قادها لعدم الخبرة وجهله فالرجل بتاع حشوات وقتل جذوز فأستبدل بغازى صلاح الدين عتبانى
يا جقدول لا تدافع عن أناس فقدوا كل شىء حتى فقدواظلهم
انظر لهم وهم يمشون لا ظل لهم لا فى شمس الصباح ولا شمس المساء

Saudi Arabia [المهندس سلمان إسماعيل بخيت على] 09-15-2014 01:16 PM
يا جقدول انا لم اكتب حرف الدال والا لأعتبرت مزور وحرامى انا مهندس احمل شهادة بكلاريوس وبس لا ماجستير لا دكتوراة بعدين مافيش داعى لقلت الأدب وعبارة ( يا راجل استحى شوية علي دمك وعمرك ) أنت شغال فى مكتب الدكتورة أم كنت معها فى مكتب بهاء الدين إدريس أيام مايو ما هو بقايا المايويين اصبحوا كيزان اكثر من جماعة جبهة الميثاق نفسها وكمان بقوا يقولوا ( نحسب ) ماشاء الله

United Arab Emirates [جقدول] 09-15-2014 11:55 AM
زى ما انت كات حرف الدال فهى برضو دكتورة,, والا انت الوحيد اللي قرا؟؟يا راجل استحى شوية علي دمك وعمرك


#1105512 [المهندس سلمان إسماعيل بخيت على]
1.00/5 (1 صوت)

09-14-2014 08:37 PM
يا سيد غندور اقترح تفتحوا معهد تعليم الخطابة تجيبوا فيه كوم الولاة والمعتمدين وبقية المسئولين بتوع المؤتمر الوطنى عشان يتعلموا الكلام
بعدين انا بحذركم من الواد الألعبان اللى اسمه أحمد البلال الطيب الواد دا بعدما جماعتكم اسقطوه من قائمة نقيب الصحفيين وفوزوا زولهم الرزيقى
البلال حقد على الجماعة وبدأ يسأل أسئلة الإجابة عليها تكشف ظهر وبطن وأسفل النظام
لمان البلال يدردرق معتمد هيبان لحد ما يخليه يقول كل معتمدية هيبان فى قبضة التمرد لكن الوضع مستقر
الكلام دا بيكذب تصريحات عسكرية صادرة من قيادة الجيش والأمن والدعم السريع
بعدين عبارة ( الوضع مستقر ) تبين أن معتمدية هيبان تعيش حياة طبيعية ومستقرة وهى فى قبضة التمرد
ناس حكومة الخرطوم وناس حكومة كادوقلى ما شايفين شغلهم ولو أنا محلهم
اشيل المعتمد والوالى والبلال
ويا خبر بفلوس بكره ببلاش

[المهندس سلمان إسماعيل بخيت على]

#1105497 [ibrahim]
1.00/5 (1 صوت)

09-14-2014 08:13 PM
مقالك ناقص يا باشمهندس ،،،،

عبدالعزيز الحلو يدخل على الخط ،،،، ناس المؤتمر الوطنى عايزين يصلوا صلاة شكر فى كاودا ،،، لو جندى واحد اتسلل ودخل كاودا وإتوضأ ،،، قبل ما يصلى حألبس التوب !!!

[ibrahim]

ردود على ibrahim
Saudi Arabia [المهندس سلمان إسماعيل بخيت على] 09-14-2014 09:53 PM
يا أبراهيم لى مقال عن جغرافية كادوا وكيف أن كاودا محاطة بسلسلة جبال إحاطة السوار بالمعصم وأن كاودا لها مدخلين مدخل ملغم بالكامل ولا يمكن لأى قوة أن تدخله ولا يوجد أى طريق سوى هذين المدخلين سوى الجو عبر طائرات سمتيه ولو اى قائد قاد جنوده لأقتحام حصن زى كاودا يكون ارتكب حماقة وأدخل جنوده فى محرقه


#1105423 [فلان الفلاني]
1.00/5 (1 صوت)

09-14-2014 05:47 PM
وين الليله صحبك حسين خوجلي الليلة من الصباح راجنك يابشمهندس

[فلان الفلاني]

#1105414 [الصادق الهواري]
3.00/5 (2 صوت)

09-14-2014 05:33 PM
سؤال بسيط للسادة المعتمدين ..أليس هذا بأعتراف منكم بكفاءة وجدارة الجبهة الثورية في الحكم ..والدليل هو حديثكم الذي تؤكدون فيه أستقرار الأوضاع بمحلياتكم ..التحية لأبطال الجبهة الذين بسطوا للناس عوامل الإستقرار رغم مرارة الحرب ..

[الصادق الهواري]

#1105370 [المهندس سلمان إسماعيل بخيت على]
1.00/5 (1 صوت)

09-14-2014 04:44 PM
الوضع فى السودان مستقر
التسوي كريت تلقاه فى جلدها
تأجيل وصول جثمان محمد مندور المهدى بعد وفاته قبل ثلاثة أيام بلندن
خط هثرو وبعتوه يجيبوا ليكم طيران من وين
ماله مستشفى ابراهيم مالك كان فى داعى تودوه لمستشفيات لندن لمدة ست شهور دفع فيها المواطن محمد أحمد دافع الضرائب مئات الملايين من الجنيهات الأسترلينية أم هذا يا غندور مش من خزينة الدولة ومن مال حزبكم
احسن شىء تدفنوه فى مقابر لندن على الأقل مافيها ميتبن كيزان كتار يقلقلوه
يمكن يرتاح احسن من ان يدفن جنب كوز فى مقابرنا دى يقنبوا يقطعوا ويحشوا فى الناس لحد يوم الحشر
واكرام الميت دفنه مش شرط فى ولاية الخرطوم
الوضع مستقر فى السودان

[المهندس سلمان إسماعيل بخيت على]

م.سلمان إسماعيل بخيت على
م.سلمان إسماعيل بخيت على

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة