وللا بلاش
09-17-2014 02:49 AM

مع إنو ولاية الخرطوم تعاني من تذبذب خدمات الكهرباء وانقطاعها عن بعض الأحياء لساعات طوال منذ سنوات
مع إنو ولاية الخرطوم تعاني من تآكل شبكات مياه الشرب مما ينتج عنه شح الإمداد المائي وانقطاعه في عدد من الأحياء وإذا توفر فهو ماء مخلوط بالطحالب والأعشاب
مع إنو ولاية الخرطوم تزداد فيها أعداد المتسولين والباعة الجائلين وأطفال (مسح الزجاج) عند الإشارات
مع إنو ولاية الخرطوم تزداد فيها نسبة معدلات الجريمة بشكل ملفت للنظر
مع إنو ولاية الخرطوم تعتبر من أكثر المدن امتلاء بالمعتوهين والمجنترين
مع إنو ولاية الخرطوم تفتقر إلى آلية للتخلص من النفايات عموماً مما جعلها من أقذر مدن العالم
مع إنو ولاية الخرطوم تعاني من انعدام وجود شبكة للصرف الصحي
مع إنو ولاية الخرطوم تعاني من ارتفاع نسبة المشردين وأطفال الشوارع
مع إنو ولاية الخرطوم تعاني من ظهور ما يعرف بعصابات النقرز التي تهدد السكان
مع إنو ولاية الخرطوم تعاني من انعدام وجود شبكة للصرف الصحي
مع إنو ولاية الخرطوم تمتلئ شوارعها بالحفر والمطبات
مع إنو ولاية الخرطوم تعاني من انعدام وجود مراحيض عامة
مع إنو ولاية الخرطوم ترتفع فيها نسبة العطالة بصورة يومية
مع إنو ولاية الخرطوم لا تمتلك شبكة متينة لمصارف الأمطار وتغرق في شبر موية
مع إنو ولاية الخرطوم تعاني من ويلات السكن العشوائي ومشكلاته الأمنية والاجتماعية
مع إنو ولاية الخرطوم تعاني من انتشار السلاح غير المرخص مما يهدد الأمن العام
مع إنو ولاية الخرطوم تحتاج إلى وسيله لبتر ظاهرة العنف في الجامعات الذي يهدد الاستقرار الأكاديمي
مع إنو ولاية الخرطوم تجتاحها أزمة مواصلات يحتاج حلها إلى جهد جهيد
مع إنو ولاية الخرطوم تعاني مستشفياتها من الإهمال والقذارة وسوء المباني
مع إنو ولاية الخرطوم يعاني سكانها من شح وانعدام وغلاء الدواء
مع إنو ولاية الخرطوم تفتقر مدارسها إلى أبسط مقومات التعليم من معلم وكتاب وأثاث ومبان
مع إنو ولاية الخرطوم تعاني من (هيصة) وفوضى الأسواق
مع إنو ولاية الخرطوم تعاني من انتشار عيادات الأطباء المزيفون
مع إنو ولاية الخرطوم تعاني إزدحام الطرقات والإختناقات المرورية
مع إنو ولاية الخرطوم تعاني من انتشار بيع وتعاطي الخمور البلدية
مع إنو ولاية الخرطوم تعاني من انتشار بيع وتعاطي المخدرات بأنواعها
مع إنو ولاية الخرطوم تعاني من انتشار الشقق المفروشة لممارسة الرذيلة
مع إنو ولاية الخرطوم تفتقر إلى الملاعب الرياضية التي يمارس فيها الشباب هواياتهم
مع إنو ولاية الخرطوم تفتقر إلى المكتبات العامة التي تثقف النشء
مع إنو ولاية الخرطوم ترتفع فيها أسعار السلع الضرورية كل يوم
مع إنو ولاية الخرطوم تستقبل دور الأطفال اللقطاء فيها عدداً مقدرًا يومياً غير الذين تنهشهم الكلاب
مع إنو ولاية الخرطوم تعني فتياتها من العنوسة حتى تجاوزن الأربعين
مع إنو ولاية الخرطوم تحتاج إلى دار محترمة للعجزة والمسنين
مع إنو ولاية الخرطوم تحتاج شوارعها الرئيسه إلى إنارة
مع إنو ولاية الخرطوم تحتاج إلى مراقبة التعليم الخاص (1273) مدرسة خاصة
مع إنو ولاية الخرطوم تعاني من تجنيب بعض المرافق للمال العام
مع إنو ولاية الخرطوم تعاني من تزايد سنوي لأعداد الفاقد التربوي
مع إنو ولاية الخرطوم تمتلئ أسواقها بالسلع الغذائية منتهية الصلاحية
مع إنو ولاية الخرطوم تمتلئ أسواقها بالسلع والأجهزة والمعدات غير المطابقة للمواصفات
مع إنو ولاية الخرطوم أكثر من نصف سكانها تحت خط الفقر
مع إنو ولاية الخرطوم تعاني من كل المشكلات (الفوق دي) تقرأ وأنت تضرب كفاً بكف (مينشيت)
إحدى الصحف وهو يقول (خمسة من قيادات الوطني يتنافسون على منصب والي الخرطوم) !!


كسرة :
(طبعن) يتنافسون أيهم أحق بحمل المسؤولية والعمل على حل (الحاجات الفوق دي) .. دي الوطنية وللا بلاش !!
كسرة ثابتة (قديمة)
أخبار ملف خط هيثرو العند النائب العام شنو(وووو وووو وووو وووو وووو وووو وووو)+(وووو) +و+و
كسرة ثابتة (جديدة):
أخبار تنفيذ توجيهات السيد الرئيس بخصوص ملف خط هيثرو شنو(وووو وووو وووو)+(وووو)+و+و


تعليقات 13 | إهداء 1 | زيارات 5381

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1108584 [زول ساكت]
1.00/5 (1 صوت)

09-18-2014 10:54 AM
البلد اتسرق وتقولي بس مع انو
شنو فضل سمح ما الناس جضو وأنو
ناس عايشة على الكفاف وناس فقدو وجنو

[زول ساكت]

#1108529 [saif]
1.00/5 (1 صوت)

09-18-2014 10:12 AM
مع انو ولاية الخرطوم مافيها بارات

[saif]

#1108207 [mohamed elkarib]
0.00/5 (0 صوت)

09-17-2014 09:11 PM
IF A JOURNALIST DESERVES THIS LABEL ,IT IS YOU ALFATIH JARA,,, very well said and to the point as usual...

[mohamed elkarib]

#1108043 [محمود]
1.00/5 (1 صوت)

09-17-2014 05:02 PM
مع إنو
مع إنو
مع إنو
مع إنو

الفاتح جبرا مواطن وهذا واضح من الجلباب والعمامة ولولا ذلك لظننت انه من جيراننا في شمال الوادي لأنهم معروفون بالغش والتدليس والتشويش على المواطن حتى يصرفوه عن القضـية الاساسية ولعلها تكون خدمة مدفوعة الاجر!! كتابات عمنا جبرا تتناول الامور الهامشية ثم يزوغ ويروغ من التعرض للخطوط الحمراء التي تثير غضب الكوز الحاكم!! طبعا من حق الكاتب ان يحاسب على نفسه وعلى اكل عيشه ولكن ليس من حقه ان يخدع القارئ البسيط بكلام اجوف ..

[محمود]

ردود على محمود
Sudan [شهنور] 09-18-2014 03:12 PM
يؤسفنى ان اقول لك وصفك عاجز فلايمكن ان تصف وادى او منطقه او امه باكمله بهذه الصفه الذميمه واى امه تجد فيهاالصلح والطالح (ستة الكون).ارجو الحديث فى المفيد .

[ود الحاجة] 09-18-2014 12:02 AM
ياواد يا رمة شوف ليك شغلانية رجال إشتغلا ... الفاتح جبرا ده البقولو أرجل صحفي ما بيقولو .. الأستاذ خط أحمر يا زبالة الإنقاذ يا حثالة أتفووووو عليك يا رمه


#1107941 [A. Rahman]
0.00/5 (0 صوت)

09-17-2014 03:03 PM
الاشياء اللي ذكرتها دي يا استاذ تحتاج لجهود كبيرة مع حوالي 5-6 تريليون جنيه جديد. و بما ان غسوني و حمادة الوالي اكلوا اقل من تريليون جنيه بقليل مما جمع من ضرائب و رسوم و اتاوات و الذي منه، يبقى الباقي راح وين؟ قول انت بقى، كما يقول عادل امام.

[A. Rahman]

#1107716 [عمر المختار]
5.00/5 (1 صوت)

09-17-2014 11:29 AM
الواو الضكر عندك صبح خمسين ***** ومنتظر البلاوى في الحشايا تهين
يالفاتح خلاض امسك عليك الهين ***** غير واو الشهر.. خليه بس سنتين
خط هثرواالغشاهو ما بتراهو العين*** ما بيرجع تأني إلا كان تزول الصين

[عمر المختار]

#1107711 [صلاح محجوب]
0.00/5 (0 صوت)

09-17-2014 11:25 AM
يعني يا جبرا الفات دا كلو ما كفاك تكتب لينا الصرف الصحي مرتين وين غسان؟؟؟؟؟؟
انا أرشح غسان يكون الوالي لأنو شاطر

[صلاح محجوب]

#1107691 [Awad]
5.00/5 (1 صوت)

09-17-2014 11:08 AM
مع ان ولاية الخرطوم ليس بها حديقة للحيوانات ما(طبعن) باعها أب سرطان فى الدم حقدا وتشفيا ومسحا لماضى يعيده لتلك الذكريات.لك للاسف الخرطوم الآ بها حيوانات تحكم البشر.

[Awad]

#1107666 [عمر المختار]
0.00/5 (0 صوت)

09-17-2014 10:41 AM
الواو الضكر عندك صبح خمسين ***** ومنتظر البلاوى في الحشايا تهين
يالفاتح خلاض امسك عليك الهين ***** غير واو الشهر.. خليه بس سنتين
خط هثرواالغشاهو ما بتراهو العين*** ما بيرجع تأني إلا كان تزول الصين

[عمر المختار]

#1107571 [ادريس النبق]
5.00/5 (1 صوت)

09-17-2014 09:25 AM
يا سيدى يتنافسوا هم مالهم مال الحاجات الفوق دى ما هى كلها كانت قاعدة والمتعافى اخذ نصيبهم من الكيكة وعبدالرحمن الخضر اكل النصيب التانى من الكيكة وكلهم بتكلموا للمواطن فى الاعلام هو الكلام بفلوس ما اصلوا السياسة كلام والسلام واكل المال الحلال والحرام هم بتنافسوا على الكيكة موش على حل الحاجات الفوق دى
انا غايتو بقول نحن ما بننفع قادة اصلا اصلا اصلا كما قال قريبنا عنترة رحمه الله العبد لا يحسن الكر ولا يحسن الحلاب والصر نحن دايرين مسؤولين اجانب اولاد ذوات

[ادريس النبق]

#1107536 [osama dai elnaiem]
5.00/5 (2 صوت)

09-17-2014 08:29 AM
مع انو ولاية الخرطوم ليس بها قطارات انفاق
مع انو ولاية الخرطوم ليس بها شبكة مواصلات دائرية
مع انو ولاية الخرطوم بها اغلي اسعار اراضي في العالم
مع انو ولاية الخرطوم اصبه اهلها ياكلون لحم وكوارع الحمير
مع انو ولاية الخرطوم ينصح وزير صحتها باكل الضفاضع
مع كل ذلك فيها اكذب مسؤولين --- الواحد يفك لك الكضبة ولا يرجف له جفن .

[osama dai elnaiem]

#1107471 [الحلومر]
5.00/5 (1 صوت)

09-17-2014 04:47 AM
انا خايف من الوالي الجديد يدق فيها جرس في الدلالة ويكب القروش في حسابه ويهاجر استراليا ( وفي ناس بتسرق مراية وناس بتسرق ولاية)

[الحلومر]

ردود على الحلومر
[حمد] 09-17-2014 11:46 AM
اوع يكون الخضر مترشح تانى


#1107462 [هبار]
5.00/5 (4 صوت)

09-17-2014 03:36 AM
مع انو ولاية الخرطوم تعاني من اسكان أسر ولاة و وزراء الولايات الأخري

مع أنو ولاية الخرطوم تفتقر الي مدينة رياضية تعاقب علي انشائها أكثر من خمسة ولاة

مع أنو ولاية الخرطوم تحلل و تهلل لسرقة لصوص مكتب الوالي

مع أنو ولاية الخرطوم الداخلها مفقود و الخارج منها مولود

مع انو ولاية الخرطوم الرئيس فيها بينوووم و واليها بمكنة اللحام ملخوم و البرلمان شبع نوم

[هبار]

ردود على هبار
Saudi Arabia [جادي] 09-17-2014 11:50 AM
مع انو قدامي الطريق

انا شايفو يالشينه ام عفن

مافي حتي يانور قلبي

حتى بصيص امل


الفاتح جبرا
الفاتح جبرا

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة