المقالات
السياسة
ارشيف مقالات سياسية
مواجهة نافع ومواسير السلطة
مواجهة نافع ومواسير السلطة
02-17-2011 07:39 AM


بسم الله الرحمن الرحيم
مواجهة نافع ومواسير السلطة
صديق أبوعمار


والله حال البلد مع أمور التلات ورقات وإنتشار الفساد وأكل قروش الناس على عينك يا جكسا وعلى سمعك يا ماجد صار منهجا ثابتا لشفوت المؤتمر الوطنى وشفوت حركات دارفور وكمسنجية الشرق،،، جاء فى الاخبار ان الصين تعاقدت على بناء مطار دولى جديد يعكس وجه السودان (الباكى من النهب المتواصل لخيراتة) و نسأل بدورنا ماذا حل بمطار اللواء أمن عبدالكريم عبدالله حتى ننشئ مطار دولى آخروبالخرطوم بمليار يورو ؟ ........ سمعنا أن شفوت البلد أصيبوا بالتشبع من دهس ولحس الاحياء فتوجهوا بحوافيرهيم وسواطيرهم لتقطيع الاموات وبيع أعضاءهم بموجب عقودات موثقة من مؤسسات الدولة والوزير تيه اخر من يعلم .....وسمعنا بان المستشفى الصينى بامدرمان اصبح مستشفى خاص للمدير ونائبة والمراجعه أكدت الهبروالشفط فى المبانى والصيدلية والمعدات والتوظيف والصرف الصحى ووزير الصحة اخر من يعلم ...... وسمعنا بخصخصة الامدادت الطبية والوزير هائج وزعلان ......وسمعنا بسلطة دارفور الانتقالية أسيادها إشتروا البيوت بالمليارت والعربات بالموديلات والنسوان مثنى وثلاث وشعب دارفور أخر من يعلم....... وسمعنا بأن وفود الحركات وهم بالدوحة منهم من تزوج وأنجب ومنهم من ينتظر وهم فى ضيافة أل محمود وشعب امبرو والطينة وامراى وشنقل طوباى آخر من يعلم....... وسمعنا أن موسم الزراعة بالجزيرة مهدد بالفشل بسبب العطش ويا سبحان الله ..... وسمعنا من عبد الرحيم محمد حسين وزير الدفاع كلام غريب وبالرطانة والعربى كمان (ومسجل) بأن الانقاذ أتت أساسا لتنمية الشمالية عشان تكون ست البلد فى الصناعة والتجارة والزراعة رقم التصحر واليباب، والجزيرة بمشروعها العملاق تروح يا الدكتورالبونى تشوف ليها شريف هندى وبالعدم إنشاء الله سيريلانكى..... وسمعنا بتقاوى المتعافى الزيو ومدى الضرر الذى أصاب الزرع والضرع......وسمعنا عن صراع الدكتور نافع والاستاذ على طه على ما تبقى من السودان المشروم..... وسمعنا بان ابوهاشم إشترط الخارجية والتجارة عشان يتم الناقصة......وسمعنا من ديك العدة فتحى شيلا مقولة من اراد ان تثكلة أمة فاليخرج الى الشارع ومبروك يا شيلا فرزت كومك.....وسمعنا أن شركات المؤتمر الوطنى التحت تحت هربت الفكة لماليزيا وكوريا والصين العمرها ما إستثمرت فى بلد حكومتو ديمقراطية....وسمعنا حمبكة موسى المساعد فى قروش الكويت .........وسمعنا أن اللواء أخو البشير تزوج سعادة الفريق فلانة ..
لقد تأصل الفساد فى البلد وسكن القهر فى النفوس وتسلق أنصاف الرجال وأشباه الرجال سلم الوظيفة والمال ، فصاروا هم أسياد البلد وأهل البلد يوزعون خيرات البلد ووظائف البلد على الاهل والاقارب وناس قدر ظروفك من نهار ومسار والزهاوى والدقير وبقية المواسير المخرومة ،هؤلاء لا وفاء لعهد قطعوه ولا ذمة فى مال حرسوه ولا حفظا لوحدة وطن حكموه ، سلطة سهرة مجون ما بها الا الساقط عن دينه والعاصى والعاق لوالدية والسارق على ما اتمن علية والباطش عباد الله بلا شفقه او رحمة ، هؤلاء هم بغاث المؤتمر الوطنى وفجيعة البلد...
صديق أبوعمار
[email protected]


تعليقات 5 | إهداء 3 | زيارات 2382

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#97124 [باب الدين ]
0.00/5 (0 صوت)

02-17-2011 03:47 PM
الحبيب عمار قاربت ساعة المواجهة وصدقنى لابد من ظهور الحق ولو طال امد الباطل


#96911 [الهندى]
0.00/5 (0 صوت)

02-17-2011 10:44 AM
والبشير على عينك ياتاجر يتحدى الشعب ويوجه له الاساءات بانه نمل وبلغة الصبيان اتحداك اطلع معاى الشارع اللغة التى كنا نستعملها فى الستينات عندما كنا مراهقين بدل ان بقرا هذا الكلام ويراجع نفسو وكلامو ويحاسب من افسد لملذا يارئيس نناشدك بالله ان تتقى الله فى حق العباد وان تشكل لجنة محايدة للتحقيق فيما ذكر انت الان فى العقد السابع يجب ان تكون انسان عاقل وحكيم واترك المجال ليذكرك شعبك بالخير بدل السب والنعت والشكوى لله فيق لصوابك


#96871 [محمد الاسعد]
0.00/5 (0 صوت)

02-17-2011 09:47 AM
ليهم حق اذا كان الشعب نائم وهارب؟؟؟


#96862 [مونتي رغلو]
0.00/5 (0 صوت)

02-17-2011 09:27 AM
والله كلامك كلو حقايق والله اكون في عون الشعب السوداني
وذي ما قال المثل اذا كان الغراب دليل قوما لاهم وصلو ولا الغراب وصل


#96834 [algali]
0.00/5 (0 صوت)

02-17-2011 08:24 AM
والمؤسف حقا يا ابا عمار ان كل هذا الفساد والقهر والبطش والاستبداد والاستعباد هو باسم الدين الاسلامي وهو ابعد ما يكون عن اي دين سماوي ناهيك عن ان يكون الاسلام........(آل تطبيق الشريعة آل) علي قول اخواننا المصريين


صديق أبوعمار
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة