المقالات
السياسة
تظاهرة.. مثيرة..!!
تظاهرة.. مثيرة..!!
10-01-2014 03:04 AM


كنت شاهداً على حدث غريب أمس الأول في مدينة بورتسودان.. خلال فعاليات المؤتمر العام لحزب المؤتمر الوطني بولاية البحر الأحمر.. والذي شارك فيه وفد اتحادي برئاسة البروفيسور إبراهيم غندور.. تظاهر مجموعة من الشباب أمام قاعة المؤتمر.. كانوا يرددون هتافات معادية للوالي محمد الطاهر أيلا..
كان المشهد غريباً ومثيراً.. شرطة مكافحة الشغب بزي العمليات وقفت مباشرة أمام التظاهرة.. لكن الشباب لم يتراجعوا وظلوا يهتفون بأعلى ما تستطيعه حناجرهم.. بل وتعدت الهتافات كل الحدود ووجهت (شتائم) شخصية إلى الوالي أيلا.. ومع ذلك ظلت الشرطة تقف على بعد متر واحد من المتظاهرين في صمت.. وكنت أرقب المشهد في انتظار رؤية لحظة الصدام..
بعد طول انتظار وهتاف.. أحد قادة التظاهرة صاح بأعلى صوته لزملائه المتظاهرين (يا شباب.. خلاص سمعناهم صوتنا.. يلا نمشي).. وفعلاً بدأوا في الانصراف.. وكان طريفاً ومثيراًً للغاية أنهم عبّروا من خلال صفوف شرطة العمليات دون أن يلتفتوا- هم- للشرطة، أو تلتفت لهم الشرطة..
انتهت التظاهرة.. بدون خسائر.. الشباب أحسّوا بالرضاء كونهم عبّروا عن رأيهم.. وتمتعوا بحرية التعبير عن سخطهم.. والشرطة لم تخسر (ولا قنبلة مسيلة للدموع)..
هذه المعادلة السياسيية الذكية لو طبقت هنا في الخرطوم لارتاح السودان من نواح وعويل كثير لا يزال يصم آذان المجتمع الدولي.. وبفضله لا يمر عام دون أن ننال البطاقة الصفراء من اللجنة الدولية لحقوق الإنسان في جنيف.. وبالكاد هذا العام نجونا من البطاقة الحمراء (البند الرابع).
الإنسان السوداني مستنير وحصيف ومسالم.. تكفيه كلمة طيبة ليدوس على آلامه ومواجعه ويتحمل.. لكن تقتله (الحقارة) والإهانة، عندما يحجر عليه مجرد أن يتفوه بكلمة (آه).. أن تتقاصر عليها فضاءات وطنه من مجرد حق التعبير عن الألم.. وليس الأمل..
ليس في الوجود إنسان متفق عليه مئة في المئة، ولا سيد الخلق- عليه السلام- الذي أخرجه قومه من وطنه.. لكن الله أمر بحرية الضمير.. أن يعبِّر المرء عن رأيه بل أحاسيسه بمنتهى الحرية.. دون أن تعترضه شرطة عمليات أو أوامر قبض أو ملاحقات.. وكلما اتسعت مساحة الحرية استرخت نزوات الشرّ والحرب والتقاتل.. فالأوطان التي تتمتع بحرية الضمير لا تكابد الحروب التي نكابدها.. فالحرية أقوى (مكافح) لشرور الـ (لا) استقرار..
افتحوا نوافذ الهواء الطلق.. تنفتح نوافذ المستقبل الرغد..


تعليقات 32 | إهداء 0 | زيارات 4717

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1120070 [العازة بت ود المساعد]
3.00/5 (2 صوت)

10-03-2014 12:43 AM
زانت فرحان شديد ( بديمقراطية بني كوز ) دي أصلا المظاهرة مظاهرة داخلية فرعية يعني كيزان في كيزان واحد فرع البلدوزر الرباعي الرمضاني ويلا لو عوز الجد خلي تطلع واحدة كده من بتاعة سبتمبر المجيد //// وشوف الرصاص بلعلع كيف //

[العازة بت ود المساعد]

#1119881 [abu ramiz]
1.00/5 (1 صوت)

10-02-2014 05:48 PM
اة ثم اة

[abu ramiz]

#1119608 [اركاداش...............اسطنبول]
4.25/5 (4 صوت)

10-02-2014 10:34 AM
يا اخونا عثمان مرغني ركوب العجلة مابتنسي.....انت فاهم وانا مابقصر علي عثمان نزل المعاش ....فياخي روق في علبك وماتستخف بعقول البشر. اه اه اه اسطنبول

[اركاداش...............اسطنبول]

#1119405 [kkamy]
2.00/5 (2 صوت)

10-02-2014 12:44 AM
ياعثمان ميرغنى عملتها بايخة وسخيفة امال خليت لحسين خوجلى شنو تانى يقولو

[kkamy]

#1119303 [التاج محمد أحمد]
3.75/5 (3 صوت)

10-01-2014 08:14 PM
يعني انت يا ودميرغني بتتكلم بقناعه انها مظاهره حقيقيه
يا سيدي دي مظاهره منهم وفيهم يعني المعارضه مالها فيها ناقه وﻻ بعير
المتظاهرون مؤتمر وطني والمتظاهر عليه مؤتمر وطني بس المركز عامل معه مشاكل وكلنا نعلم ذلك
وربنا يهلك الظالمين بالظالمين ويجعل باسهم بينهم شديد

[التاج محمد أحمد]

#1119254 [أحمد]
2.63/5 (4 صوت)

10-01-2014 06:28 PM
قال عثمان ميرغني:
"الإنسان السوداني مستنير وحصيف ومسالم.." هههههه
ونقول:
"وشرس كمان .. مابخلي حقو"
بطلو حواامه ولف ودوران .. وشوفو مصلحة البلد وين؟

[أحمد]

#1119160 [ملتوف يزيل الكيزان]
4.00/5 (2 صوت)

10-01-2014 03:52 PM
لماذا يجرنا الاخ عثمان لمناقشة مواضيع جديدة ، ونحن لم نفرغ من القديم (وتبين مصايبو جدايد) . هذا ذكرني بالحملة التي كان يقودها الاخ حسين خوجلي ابان عهد الديمقراطية الاخير. فكانت مقاصد الحملة تكريه الناس في الديمقراطية و تلويث كل العمل الديمقراطي (بالوسخ الكامل المثال: فقد اصبحت الجرائد كما اردوا منبرا للنبذ و البذاءة و الفضائح و كل شين يمكن تصورة). و فعلا قد كرهت مجاميع كبيرة من الناس، كرهت الديمقراطية. و عندها دقت طبول الانقلاب العسكري الانقاذي الكيزاني. و هذا كان هدف الحملة.
الان يقوم الاخ عثمان ميرغني بنفس الدور ، ولكن بطريقة ناعمة و اكثر خبثا. فهو يرى كذا و كذا وهو يحلل لذى و لذى و هو يشرح كذا وهكذا. و نحن الهبل نقرأ ما يكتبة هذا الافعى و كمان نناقشه!
يا عثمان نحن البينا و بينك ( ذيل الثعبان المقطوع : الثعبان لا ينسى قطع ذيله و الراعي لا ينسى موت ولده).
الرجاء ، خليك بعيد فانت شاركت في اغتصاب الرجال في بيوت الاشباح ، تسترا و تبريرا.نصيحتي ليك اليوم .فاذا كان اهلك عندهم جماعة حمزة ، فصدقني ستجدنا ذات يوم اعنف من جماعة حمزة . فجموع المظاهرات لن تعرف غير التعليق في عمدان النور.

[ملتوف يزيل الكيزان]

#1119155 [سيف الدين الجميلى]
4.13/5 (4 صوت)

10-01-2014 03:43 PM
يااستاذ عثمان داير تقول الحريات مكفولة للجميع والناس الطلعت فى سبتمبر 2013مخربين وانت عارف مافى مسيره أو مظاهرة تخرج الابأذن من السلطات أذن المظاهرة مسرحيه هزيلة الاخراج والمؤتمر الوطنى يريد لايلا الفوز بدليل المنافسين له غير معروفين فى بورتسودان

[سيف الدين الجميلى]

#1119148 [صديق]
1.50/5 (2 صوت)

10-01-2014 03:36 PM
لا يَسألونَ أخاهم عن المالِ الحرامِ . . إذا عدى و تُفْتَلُ منهمُ الأعذارُ
وإذْ مَا حَفَّنَا الوالي بِفَاحشةٍ مبينة، بِفقهِ السُّترِ غطُّوها وأجَازَها الإِكـبَارُ
هذى شريعَتُكم وقد رُدتْ لكم ولنا. . في اللهِ واقٍ من شريعتكم وستَّارُ
أَنُنْهِى النَّشْءَ عنْ طربٍ وقُدوَتُهم . . همُ الرقاصُ والمِبْطَانُ والزمارُ !؟

[صديق]

#1119100 [هجو نصر]
5.00/5 (1 صوت)

10-01-2014 02:28 PM
كاتب في التيار كتب لعثمان بعارضه (اسمح لي ان اختلف معك) تذكرت كراكتير للعبقري المرجوم عزالدين وقيه رسم حكما للكرة ضئيل الحجم يرفع كرتا احمر للاعب هائل الجسم مفتولا جهامة قائلا : تسمح تتفضل تطلع برة لانه انا عازمك عشا !

[هجو نصر]

#1119082 [سيف الله عمر فرح]
4.00/5 (2 صوت)

10-01-2014 02:01 PM
الشىء بالشىء يذكر يا استاذ عثمان ميرغنى ..

فى يونيو 2013 ، خرج رجال ونساء فى مظاهرة سلمية بدلقو المحس بالولاية الشمالية، وهم يهتفون بأعلى ما تستطيعه حناجرهم ( عايزين كهرباء سد مروى أسوة بالمحليات الأخرى فى الولاية ، عايزين نصيب المحلية من التعدين بالمنطقة اسوة بالمحليات الأخرى ، عايزين محاربة الفساد بالمحلية ) ، وتعامل معهم الشرطة ورجال الأمن بكل عنف وقسوة ، وتم اسعاف بعض الشباب بالمستشفى ، وانفضت المظاهرة السلمية بجروح ، بدون قتل كما حصلت فى كجبار ..

تخيل يا أستاذ عثمان ميرغنى ، فى أغسطس 2014 بعد مضى أكثر من عام كامل من تاريخ المظاهرة ، فإذا بمعتمد محلية دلقو تحرك قضية المظاهرة السلمية ، وتطلب محكمة دلقو عدد15 من شباب وشيب مواطنى دلقو المحس للمثول أمام المحكمة بتهم الازعاج والمساس بهيبة الحكومة !! .. مع العلم أن السلطات لم تقم بأية اجراءات تحرى مع المتهمين حتى تاريخ البلاغ بالحضور !! .

وعسى أن تكرهوا شيئآ وهو خير لكم ! ، وإذا بمواطنى دلقو يتجمعون من مختلف مدن السودان للوقوف بجانب ابنائهم فى المحكمة !! ، وفى صبيحة يوم المحكمة تم إبلاغ المتهمين بشطب القضية لعدم كفاية الأدلة ..

لا يفوت فطنة أى انسان ، بأن ممثلى الحكومة بدلقو المحس أرادوا أن يذلوا ويهينوا بعض من شباب وشيب مواطنى دلقو بالجلد ، حتى يكونوا عظة وعبرة لمن يفكر بمظاهرة سلمية أخرى !! . ولكن يحيق المكر السىء بأهله .

أما مظاهرة بورتسودان خلال فعاليات المؤتمر العام لحزب المؤتمر الوطنى ، فهى مصطنعة داخل معامل المؤتمر الوطنى ، لينخدع بها أمثالك المتعاطفين مع اخوان المسلمين ! . مؤتمرجية بورتسودان معروفين ومشهورين بالخج ، سبق أن خجوا صناديق الانتخابات ، ولا غرو أن يخجوا المظاهرات .

والله يا استاذ عثمان ، نحن فاكرنك ، أذكى من ألاعيب الأبالسة . فرجاءآ لا تخذلنا وتخيب ظننا فيك .

[سيف الله عمر فرح]

ردود على سيف الله عمر فرح
Saudi Arabia [المشروع] 10-02-2014 12:43 PM
والله يا ابراهيم السائح لو كان مخدوع البطن ما فيها مغصة ولكن ان يلوي عنق الحقيقة طائعا غير مكره عشان يضلل العالمين تبقى دي مشكلة الظاهر الدقة جابت فايدة - عشان كدا الناس الدقوهو سوف يستعملوا نفس الطريق ويغريهم على اتباع نفس المنهج

Germany [ابراهيم السائح] 10-01-2014 02:41 PM
أقف معك أخي سيف . ويا عثمان كان انت مخدوع ما تخدعنا معاك.


#1119081 [زول مغترب من زماااان .]
2.00/5 (2 صوت)

10-01-2014 02:00 PM
رائع .. اتفقك مع تماماٍ .. لا للإقصاء نعم للرأي الآخر.. نعم لحرية التعبير.. ليس أقل من أن تتركني أعبر عن رأيي.. أتنفس ..!! أحيي أهل الشرق أهل الرقي والحضارة .

[زول مغترب من زماااان .]

#1119050 [كديس الخلا]
3.75/5 (4 صوت)

10-01-2014 01:07 PM
اعمل حسابك يا عصمان امس بالمغرب شايف جماعة زى 3 كدى شايلين عكاكيز مانعة مضببة ماشين بشارع جريدتكم....
بنصحك خلى الباب مقفول من جوة دائما بالترباس تحديداواوع تثق فى المفاتيح...
بعدين لازم يكون عندك شباك سرى للشتات وقت الكتمة

[كديس الخلا]

#1119042 [ود احمد]
5.00/5 (1 صوت)

10-01-2014 01:01 PM
الاستاذ السلام عليكم ورحمه الله تعالي وبركاته

قرات مقالك لكن حقيقه لم افهم المغزي ............. ان شاء الله مايكون فهمي صحيح لاشارتك

ود احمد

[ود احمد]

#1119037 [الكاره المفسدين]
3.75/5 (3 صوت)

10-01-2014 12:55 PM
هدفهم وصل تمثيلية أمامك لتكتب لنا ذلك
مشاكل الأسر اليومية كم مرة حجزت (جيرانك من مشاكلهم الداخلية)
الفساد مع الفساد ومساكين ناس الشرطة يدفع لهم من مال الشعب لحضور نقاش داخل أسرة فاسدة

لو كان هؤلاء يرون ان الوالي مفسد لإشتكوه
أنا لا والي بورتسودان أ, والي البحر الأحمر لكن ما شاهدته في ساحل بورتسودان
عرفت أن هناك رجل يعمل

[الكاره المفسدين]

#1119023 [ابو ماجد]
1.50/5 (2 صوت)

10-01-2014 12:43 PM
الاخ عثمان ميرغني
اذكرك بقول الله تعالى (( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ)) (قّ:18)
فيا استاذ هؤلاء جميعا من نفس الطينة واي مبتدئ او عامي يعرف انو اي مظاهرات تحميها الحكومة هي جزء من برنامج الحكومة، فلماذا الاستغراب وافتعال الدهشة،هل انت الى هذا الحد من السذاجة او انك تظننا الى هذا الحد من السذاجة
اتقى الله الذي جعلك تكتب

[ابو ماجد]

#1119019 [فكرى]
3.32/5 (5 صوت)

10-01-2014 12:39 PM
للتوضيح ..
الذين إصطفوا وهتفو ضد الوالى محمد طاهر إيلا هم مؤتمر وطنى جناح البلدوزر (الكوز الزانى فى نهار رمضان ) وقضيته المشهورة التى بموجبها تم إبعاده من المجلس التشريعى الولائى وبعض المراكز القيادية فى ولاية البحر الأحمر بقرار من الوالى ومعاونية إنزوى الرجل ولزم بيتة لأيام معدودات حتى إنتشلته الصقور المركزية كما يسموهم وألحقته بعض الرجرجة وقدمتهم للعمل السياسى لكبح جماح إيلا وأحلامه التى لا تتوقف ومن يومها ظلت الأصوات الرافضة لى لا شئ سوى إرهاب الوالى وإنا هاهنا قاعدون تعلو وتزداد يوم بعد يوم وبرهانى فى ذلك (خلاص سمعناهم صوتنا أرحكم ) وهل يسمع الصم الدعاء .
من خرج لقضية عادلة لاياتى بدونها وأسألو شهداء سبتمبر إن كنتم لا تعلمون كان الأحرى بك أيها الكوز المقدود أن تحدثنا عن مخرجات مؤتمر أولياء نعمتك ..

[فكرى]

#1119016 [ابو الدفاع]
4.00/5 (2 صوت)

10-01-2014 12:35 PM
اسع يجوك الجماعة اياهم ويقولوا ليك امنجي ودي دعاية رخيصة .. الحقيقة اخي عثمان ما في زول بسمعها الايام دي .. عايزين زول يكضب عليهم ويفبرك الاخبار ..

[ابو الدفاع]

#1119000 [أحمد]
3.50/5 (2 صوت)

10-01-2014 12:17 PM
مثيرة؟؟ .. مثير إنت
أول من أمس منعت سلطات الأمارات السودانيين (المقيمين في دول الخليج) والقادمين إليها من دول أخرى، منعتهم من الدخول إليها بغرض الزيارة، عدى المقيمين في الإمارات. يبطلوا الحوامة من تمثيلية لي تمثيلية، والتطبيل لي نظام لخبط الدنيا فوق تحت وشوفو سمعة البلد وصلت وين!!

[أحمد]

ردود على أحمد
Saudi Arabia [أحمد] 10-01-2014 09:36 PM
أخي محمد عمر
هنالك اعلان رسمي بمكتب النقل الجماعي بالرياض (السعودية) صادر من السلطات الاماراتية بتاريخ السبت الفات يوضح الجنسيات التي لايسمح بدخولها الامارات. السودان في أول القائمة .. للأسف.

Saudi Arabia [أحمد] 10-01-2014 06:18 PM
الكلام دا لاسمعتو .. ولاجابو لي. انا المصدر الأساسي. من أرجع من مطار دبي هو زميل لي في العمل بالسغودية سافر الأمارات بغرض قضاء عطلة عيد الأضحى .. تم ارجاعه يوم الأحد الفائت مع سودانيين قادميت للأمارات من دول أخرى. ذلك علاوة عن النقل الجماعي بالرياض الذين أفادو في اتصال هاتفي معي أن السودانيين المسافرين بالبر للأمارات بغرض الزيارة قد تم ارجاعهم من منفذ الحدود مع جنسيات أخرى. وليس لي مصلحة في التعامل مع الأكاذيب أو تبادل الاشاعات.أنا سوداني في المهجر وحريص على سمعة السودانيين في كل مكان.

Qatar [محمد عمر] 10-01-2014 02:42 PM
الكلام ده جبتو من وين يا أحمد ؟


#1118995 [أمير فقيرى]
3.25/5 (3 صوت)

10-01-2014 12:12 PM
والله مقال كامل الدسم لذيذ ومعبر لأخر حرف تسلم أيدك أستاذ عثمان

[أمير فقيرى]

#1118989 [محشش طوالى]
3.75/5 (3 صوت)

10-01-2014 12:05 PM
يعنى شنو وين الدهشة المؤتمر الشيطانى لمة شلة شبان كيزان وقال ليهم كوركو وصيحوا والتعليمات عند الشرطة بأنها ما تضرب أهو كلو تمثيليات وانا بقيت أظن وليس كل الظن اثم انو الدقة أو العلقة الأخدتها انت ذاتك كان تمثيلية ، والله يا ود ميرغنى كنت بحترمك وبقدرك لاكين صدقوا أخوانى المعلقين فى الراكوبة انت ذاتك كوز وركوب العجلة ما بتنسى، وخلاص انحن بقينا مفتحين وبنقرأ البين السطور

[محشش طوالى]

#1118960 [المشروع]
2.75/5 (4 صوت)

10-01-2014 11:15 AM
من حقك تكتب ما تريد ومن حقك ان تعاين في الفيل وتطعن في ضله ومن حقك ان تتأثر بالدقة التي جابت راسك ووزنته تمام ..
ومن حقنا ان ننترك السطور ونقرأ ما بين السطور طالما انه ليس على رؤوسنا قنابير ..

اما السفينة فكانت لمساكين يعملون في البحر .. والمظاهرة المعادية لطاهر ايلا هي تابعة للمؤتمر الوطني شباب او جبهة الشرقة وكلاهما يمثلان الحكومة.... يعنى زيتنا في بيتنا والشرطة تابعة للحكومة وتابعة للمؤتمر الوطني ويُدفع لها من مال الشعب لحراسة مؤتمر تابع للمؤتمر الوطني يعنى كل فساد في افساد ..
تخيل كيف يكون الحال لو كانت هذه المظاهرة للمؤتمر السوداني ابراهيم الشيخ او تابعة لحزب البعث او الحزب الشيوعي ..

لخسفوا بهم وبديارهم الارض ثم لا لا يجدوا عليكم به تبيعاً..(كلمة تبيعاً وردت في سورة الاسراء الآية 69) ومعناها اي لا تجدوا تابعاً يتبع ويتتبع ما فعلنا بكم يعنى بالعربي كدي تموت بروس وهملي.

واليك الاية كاملة للفائدة (أَمْ أَمِنتُمْ أَن يُعِيدَكُمْ فِيهِ تَارَةً أُخْرَىٰ فَيُرْسِلَ عَلَيْكُمْ قَاصِفًا مِّنَ الرِّيحِ فَيُغْرِقَكُم بِمَا كَفَرْتُمْ ۙ ثُمَّ لَا تَجِدُوا لَكُمْ عَلَيْنَا بِهِ تَبِيعًا) صدق الله العظيم

[المشروع]

#1118945 [تعليق]
3.32/5 (5 صوت)

10-01-2014 11:01 AM
ديل كيزان ماعاوزين ايلا ذي مظاهرة زيارة السيسي بالجد انت حمار وغبي وكوز مقدود

[تعليق]

#1118920 [سالم كلجكال معجون سيجنال]
1.00/5 (1 صوت)

10-01-2014 10:40 AM
عفوا أستاذ عثمان ميرغني
لم افهم المعطي من الرسالة اتريد أن تقول يكتفي الشعب السوداني بالهاتف فقط ثم يعود إلى البيت . كويس اتفق معاك السؤال لماذ يهتف الناس ضد السلطة إذا وجدت الاسعار في متناول يدي وأستطيع أن اتعالج انا وأبني في مستشفى الخرطوم أو مشفى الزيتون( لازم حميدة يخلي الاسعار رمزية ) وكلو يقدر يتعالج ولقيت أي حرامي قطعوا يدر ( حكم شريعة اسلامية حدي) والخريف ما فاجأ المسؤل والمحتوى شغالة صاح نهتف عاش البشير وعاش الخضر وعاش المناضل عتمان ميرغني والجميع البشير ريس حتى المووت
أو نهتف ضد البشير المضاد والخضر حامي الحرامية وللأسف عثمان ميرغني البوااااااب

[سالم كلجكال معجون سيجنال]

#1118874 [النواهي]
4.00/5 (4 صوت)

10-01-2014 09:53 AM
انت خدعت الكثيرين , الله يسامحك,عد الى رشدك الى حيث يوجد الضعفاء والمقهورين ولاتكن رخيصا تقبض من المؤتمر الوطني كما فعل كثيرون,

[النواهي]

#1118863 [Abdo]
3.00/5 (3 صوت)

10-01-2014 09:43 AM
لم تتصدى لهم الشرطة ، هل لأن شرطة بورتسودان لا تأتمر بأوامر الخرطوم ام ان الخرطوم تريد ذلك ؟؟؟؟ أم لأن المتظاهرين مؤتمر وطني و عيونهم و دمائهم حرام ، و غيرها مستباح ؟ .

[Abdo]

#1118850 [ود الباشا]
3.50/5 (3 صوت)

10-01-2014 09:31 AM
يا عثمان كلامك جميل ولكنه يصلح للحكومات النزيه التى تقدر وتخدم مواطنيها واما الوطن اتت لتحترمه لتتوهجه فى كل المجالات سيدا يشار اليه بالبنان وليس لهؤلاء الحرامية واللصوص الفتله

[ود الباشا]

#1118810 [أبو هادي]
2.50/5 (2 صوت)

10-01-2014 08:27 AM
ياعثمان هم أذكى منك ومدركين مدى الغبن والحقد الذي يختلج في الصدور فإن أعطوا فرصة للتعبير ولم يلجأوا للعنف سيجدوا كل سكان الخرطوم في الشارع تهتف ضدهم ...

[أبو هادي]

#1118808 [mutasim]
3.50/5 (2 صوت)

10-01-2014 08:20 AM
يعني نعبر بس ... ياخي ديل ناس جلدهم تخين و ما بهمهم الشتائم و النقد و ما حتغير شي في سلوكهم العصبجي و طالما انهم بيسفوا بي راحتهم لو شتمتهم باقزع الوصوف لن يلتفتوا لك ... الكلام دا في الديموقراطيات الكبيرة حيث الكلمة عامل تغيير ... استازنا الفاضل ارحم نفسك

[mutasim]

#1118795 [أيام لها إيقاع]
3.25/5 (3 صوت)

10-01-2014 07:30 AM
والله الدقة جابت فايدة معاك،،، عالم جبانات بشكل

[أيام لها إيقاع]

#1118782 [الطاهر الزين]
3.63/5 (4 صوت)

10-01-2014 06:03 AM
هههههههههههههههه
يا ابو عفان دي تمثيلية من شباب المؤتمر سيئة الاخراج منظمة بعلم الوالي والسلطات الامنية حتي يخدعوا الجميع بان هناك حرية تظاهر وستصورها اجهزة اعلام حزبهم وتعيد توزيعها لحاجة في نفس يعقوب .....معقوله يا ميرغني انطلت عليك ولا انت برضو بتروج ليهاوفق لسيناريو الدعاية البايخه .....وما حشدكم كرؤساء تحرير صحف وغيركم وما كلف جيب محمد احمد من اموال ما هو الا من هذا النوع من الدعاية والهراء ..........وتاني
هههههههههههههههههههههههههههههههههههههههههههههههههههههههه بايخه

[الطاهر الزين]

ردود على الطاهر الزين
United Kingdom [Abuahmed] 10-01-2014 12:30 PM
هى تمثيلية اكبر ليخلصوا من أيلا الله ما كسبو زى المؤامرة على وزير المالية اخيراً حتى لا يأخذ وظيفة كنانة
الحرب بينهم على الوظائف من فترة و زادت مع قرب الانتخابات وحا نشوف كل يوم واحد منهم فى الزبالة
وكسائر ثلج مبالغ فيه
نسأل سبحانه وتعالى رفع الظلم عن شعبنا فى هذه الامام المباركة
وكل سنة وأنتم طيبين


#1118772 [سودانى طافش]
4.22/5 (9 صوت)

10-01-2014 04:56 AM
إنت ياعصمان موجعاك الدقة يحدى هسع ونحن شمتانين فيك وأبوالقدح بيعرف وين بيعضى أخوه !

[سودانى طافش]

ردود على سودانى طافش
Sudan [ابو السيد] 10-01-2014 11:47 AM
طيب مالك معاهو خليهو يعضي برضو مش هو اخو ابونقدح!

China [سالم كلجكال معجون سيجنال] 10-01-2014 10:44 AM
يا طربط القصة ما وجع دقة لكن تكسير تلج بطريق غير مباشرة يعنى أطلع وأعرف والموانئ يلهفبعدين كمان ناس الشرطة ديل منو ما هم يا اخوك يا ابن عمك ولا ود خالتك ولا جارك في الحلة ومرتبة دانة ما يكفي ليوم عشرة في الشهر في النهاية الشرطي فرد من المجتمع السوداني وزي الباقي بيعاني بسب فاقد للمعاني
وزي مليار أستاذ حيدر سلام يا بلد

[ود الفلح] 10-01-2014 09:21 AM
الثورة جاية جاية بس انت ياعصمان زيت ركبك واستعين ب11خ لانو بعدين ماحتلقى تذاكر لمصر

[ود الشريف] 10-01-2014 08:21 AM
يا طافش الزول ده مفتكرنا ناسين ولا شنو ! هو منهم ولو انتقدهم حتي ولو انضرب منهم .


عثمان ميرغني
عثمان ميرغني

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة