المقالات
السياسة
قناة الجزيرة تعرض حالة إنتحار مصرى فى حضور 5 بطانيات
قناة الجزيرة تعرض حالة إنتحار مصرى فى حضور 5 بطانيات
10-01-2014 07:32 PM

المتتبع لأخبار قناة الجزيرة الفضائية التى تبث من مركز جماعة الأخوان المسلمين بمدينة الدوحة عاصمة دولة قطر يجد أن الجزيرة تخصص جل زمن بثها المتواصل لكشف أخطاء وعورات نظام المشير السيسى وفشله فى تحقيق أمانى ورغبات الشعب المصرى وأنه هو نفس السبب الذى أدى لأسقاط نظام مرسى المنتخب حسب قول قناة الجزيرة
الجزيرة تسجل مشاهد مسرحية درامية مفضوحة ومكشوفة لأشخاص يقررون الأنتحار تأكيدا بأن الأوضاع فى فترة حكم المشير السيسى لا تطاق
وبقليل ذكاء يمكن لكل مشاهد لمحاولات الأنتحار يكتشف أنها عمل مسرحى سخيف وهزيل وتافه مدفوع الزمن تتولاه جهة ما
الكاميرات جاهزة هذا أمر غير مستبعد فى زماننا هذا حيث كل من يمر بجوارك يحمل جوال ذكى يمكن أن يصورك
ولكن أن يحدث عن طريق الصدفة وجود 5 أشخاص كل منهم يحمل بطانية - فهذا ما ينسف المشهد ويصنفه كعمل قذر مدفوع القيمة
ونحن نعرف فى مصر يمكن أن يتم العثور على العشرات بل المئات إن لم يكن حتى الملايين من يقبلون تمثيل هذا الدور مقابل حفنة دولارات وجماعة الأخوان أعداء المشير السيسى يملكون الدولارات
الممثل يمكن أن يلبس ملابس داخلية واقية ضد الحريق وأن تكون الملابس الخارجية قابلة للإشتعال البطىء
يوجه الممثل لدور المنتحر بسكب البنزين أو أى مادة أخرى اقل إشتعالا فى مكان بعيد عن الرأس
من يرغب فى الأنتحار يسكب البنزين على رأسه وما شاهدناه فى مصر ونقلته قناة الجزيرة كان مسرحية حقيرة
ونقول للكيزان - مصر خط أحمر - والسيسي سيبقى حتى لو بلغ عدد المنتحرين 80 مليون فسيحكم السيسى 10 مليون المتبقية
وبعدين لو عاوزين تنتحروا فعلا عشان تشعلوا ثورة شوفوا البوعزيزى أنتحر كيف
سكب جالون بنزين سوبر على كامل جسمه من الرأس للقدمين
لم يكن حوله حملة البطاطين يا بتاعين البطاطين
لعبتكم مكشوفة ويا الجزيرة سيبي مصر وشعبها والفيها مكيفها وربنا يحرسك يا المحروس
دى بلد الرسول ص وصى على أقباطها فما بالك بمسلميها
نطالب كل الأقلام أن تتابع ما يصدر عن قناة الجزيرة والرد عليه بوعي
ما يحدث فى منطقتنا كلها من مشكل طبخت فى مطبخة قناة الجزيرة ومدينة الدوحة

المهندس سلمان إسماعيل بخيت على
[email protected]


تعليقات 23 | إهداء 0 | زيارات 2532

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1120700 [حقيقه]
0.00/5 (0 صوت)

10-04-2014 07:38 PM
التحيه ليك ياباشا
ان تكتب هذا امر جيد ،،،،ولكن ان تكتب بصوره جيده هذا هو الامر المهم فكلنا في الهم شرق وكمان برضه الامانه مهمه ،،،فكتابتك الان كتابه غير امينه ولاتخدم فمثلا هذا المقال ماذا نستفيد منه ..اعتقد لاشي ....من رايي صفر كبير ،،،،كما اري انك في غير هذا المجال تهاجم عمالقه كحسين خوجلي وغيره وهؤلاء علماء لاتخطئهم العين،،،فنرجو منك ان تبعد عن اسلوب الردحي هذا فانه لن يفيد ،،،،لايكفي ان تكون في رغبتك ان تكتب ولكن يجب ان يكون هناك هدف من الكتابه،،،،فالقاري للمقال اعلاه سيضع هذه الاحتمالات اولها انك تكتب كلام والسلام او ان المقال مدفوع القيمه وفي الحالتين القاريلن يتضرر لانه الناس وعيها اتغير ولن تستطيع التاثير فيها بمواضيع يغلب عليها السفسطه او تخليص حسابات قديمه.،،،،عموما لك التحيه اذا حاولت التغيير في طريقه الكتابه وممكن تكتب لينا في مجال الهندسه طالما انك مالقيت جمهور في السياسه ولك الشكر مجدداً

[حقيقه]

#1120243 [المهندس سلمان اسماعيل بخيت على]
5.00/5 (1 صوت)

10-03-2014 12:00 PM
انا ما اتقلبت على المصريين بس عاوز اوريكم خيابة حكامنا فى مواجهتهم
نديهم حلفا التراث النوبى والتاريخ ومانطلب حصتنه من كهرباء السد العالى
ودا حق مشروع لنا
نغقد ارلضي غالية ولا نتسلم من مصر شهادة تثبت ان حلايب سودانية
على كرتى يصرح حلايب لن تكون سببا فى اشعال حرب بيننا وبين مصر
فضل شن غير يجوا يركبونا
لكن دا كله لايلغى فضلهم علينا فى التعليم ولا يلغى حقائق ان انسان مصر هو من اسهم فى بناء السودان الحديث
وان انسان مصر هو بانى مشروع الجزيرة تحت امرة وتوجيهات المستعمر البريطانى
وان البعثة التعليمية المصرية أسهمت فى تعليم السودانيين
لكن كل ذلك لا يتخذ زريعة للتنازل عن الارض
فالانسان يقاتل من اجل امرين
العرض والارض
وناس كرتى عاوزين يحكمونا حتى ولو اغتصبت ارضنا او انتهك عرضنا وجيشنا يقاتل 60 عاما فى شعب السودان ويبخل عن قتال يوم لاجلك ياحلايب
لك الله

[المهندس سلمان اسماعيل بخيت على]

#1120075 [ود الناس الزمان]
5.00/5 (1 صوت)

10-03-2014 12:53 AM
بسم الله يا شباب عمكم كبير ويجب عليكم احترامه.. ولكن يا باشمهندس المفروض ما تزعل وترد على كل من يخالفك الرأي... انت قلت ما تراه واترك مساحة لغيرك ليقول ما يراه صواب... اما موضوعك عن مصر لو كنت مكانك لما كتبت لانه ببساطة لا يقدم ولا يؤخر فمصر لها جيش من الكتاب والجزيرة لها كذلك جيوش من الكتاب ..خلينا في سوداننا العجيب وبلاش التدخل في سيادة الدول الاخرى الكلام دا بجيب الهوا.. اما انك بدرس GIS وهو علم جديد ياباشا والله في السودان رأيت هذا الجهاز منذ 1995 م ولي معه علاقة .. فاذا كان جديد عليك ليس جديد علينا نحن السودانيين.... اما حكاية المؤهلات فدا موضوع شخصي لا يهم القارئ والمتابع.. لك تحياتي..

[ود الناس الزمان]

ردود على ود الناس الزمان
Saudi Arabia [المهندس سلمان اسماعيل بخيت على] 10-03-2014 12:14 PM
جهاز لى معه علاقة
ان شاء الله تكون علاقة حميدة
علاقة ابه بجهاز رصد
الله يسامحك تورموا الكبد بجهلكم وقلة ادبكم

Saudi Arabia [المهندس سلمان اسماعيل بخيت على] 10-03-2014 12:11 PM
اخوكم ود الناس الزمان خلط بين ال GIS وهذا علم حديث لبناءء قواعد البيانات على نظم المعلومات الجغرافية GEOGRAPHICAL INFORMSTION SYSTEMS وبين جهاز رصد مساحى نستخده لمعرفة الاحداثبات الجغرافية لمكان ما ويسمى بال GPSوهى اختصار ل GLOBAL POSITIONING SYSTEM والفرق بينهما زى الفرق بين العالم والجاهل
امشوا اقروا واتعلموا وبعدين علقوا عشان لاتواجهوا انتقادات
تبقى علينا مصائب حكومات وود الناس الزمان
الناس الزمان لم ينالوا قسط من التعليم
خليك ود ناس حديثى وهى GIS وليس GPS

Saudi Arabia [المهندس سلمان اسماعيل بخيت على] 10-03-2014 01:51 AM
فى شخص طعن فى مؤهلاتى وقدراتى وانا قلت ليهو رسل لى بريدك عشان ازودك بمؤهلاتى
اما حديثك عن الجيي اي اس كتاب قريته دى كذبة فالجي اي اس software ليس له وكيل فى السودأن كون قراة معلومة عامة وتعريف به ولكن كى تطبقه لازم يكون لديك 5 عناصر اساسية
لو فعلا بتفهم جي اي اس اذكرها؟
مايبقى نضمى ساكت زى واحد اسمه العجوز الكضاب


#1119999 [المهندس سلمان إسماعيل بخيت على]
4.00/5 (1 صوت)

10-02-2014 09:39 PM
يا شباب أذكركم عام 1958م لمان مصر إحتلت حلايب عبد الله بك خليل حشد الجيش السودانى لقتال المصريين عبد الناصر سحب جنوده وهرب من حلايب
اليوم على كرتى بيصرح لوزير خارجية مصر ان حلايب لن تكون سبب فى إشعال الحرب مع مصر
وبعد كده عاوزنهم يمرقوا
كدى خلى البشير يدق طبول الحرب وهو قال حيتبرع بثلاثة ألف جندى لقتال داعش
سيبك من داعش
حرر ارضك بالأول كنت أتمنى أن يصدر البشير إنذار لمصر مهلة قدرها 40 يوم لتخرج من حلايب والشلاتين أو لتستعد للحرب بدل ما يبقى يتراجل على السيد الصادق
وينادى على الشباب للإنخراط فى جيش العزة لتحرير حلايب
يقولوا ليك عزة السودان الدفعة 18
عزة شنو وحلايب والشلاتين محتلتين
عزة شنو والفشقة محتله
عزة شنو وابيي محتله
والله العظيم نحشد لينا مليون مقاتل على جبهة حلايب كل المصريين ينسحبوا
مصر مش حمل قتال والفيها مكفيها
وعندنا سلاح فى يدنا ممكن نستخدمة لتحرير أرضنا
ألا وهو جماعة أخوان مصر سيقفوا معنا انا عارف زمتهم الوطنية ضعيفة
لو البشير فوت فرصة الوضع المصرى الحالى ومافتح ملف حلايب 45 تحرير بالتفاوض
وإلا فالحرب
مصر الأن تحارب على جبهة سيناء
وجبهة ليبيا وتحارب الأسلاميين فى جبهتها الداخلية وشوارع وحوارى مصر
ولن تكون راغبة فى فتح جبهة حلايب
لكن هذا هو نظامنا أسد علينا وعلى مصر نعامة

[المهندس سلمان إسماعيل بخيت على]

ردود على المهندس سلمان إسماعيل بخيت على
[الباهى] 10-03-2014 09:33 AM
0حيرتنا والله !! مالك انقلبت علي المصريين الكنت تكيل ليهم المدح. الظاهر انت بتكتب من اجل الشو..


#1119885 [ابووليد]
5.00/5 (3 صوت)

10-02-2014 05:57 PM
ماملاحظ يامهندس انك اكثر كاتب في الراكوبة يتعرض للاستفزازات والمسخرة من المعلقين وده بسبب ردودك الحادة لكل من يخالفك الرأي .وبعدين ياخي اترك فسحة لرأي وخيال القأري .عامل زي المسلسلات المصرية تفترض االغباء في المشاهد !!

[ابووليد]

#1119865 [ابومحمد]
3.00/5 (2 صوت)

10-02-2014 05:15 PM
كلكم ما فهمتو الرجل ده عايز يثبت اقامته عشان كده يميل حسب سياسة كفيله . يمدح ما يمدح كفيله يذم ماذم كفيله. وما عارف انه اسواء بوق !! ن

[ابومحمد]

#1119854 [عادل]
0.00/5 (0 صوت)

10-02-2014 04:46 PM
و الطاعنين في الهويه و الانتماء لمجرد انك تقول كلمه حق من واقع تعيشه يوميا

و هم يبنون وجهه نظرهم من الاعلام الذي في الغالب اعلام موجه ذو اغراض ولا ينقل الحقيقه !

من يريد ان يتحدث و يعطي اراءه السياسيه في الشأن المصري فليأتي ليزور مصر ليري بعينه !

ماذا تريدون مني كي اثبت اني سوداني ؟ ان اقول لكم عكس الحقيقه و انقل لكم ما لا يوجد علي ارض الواقع ؟

اسف .. لا استطيع ان اكذب .

[عادل]

ردود على عادل
Saudi Arabia [ديرسيو] 10-02-2014 06:25 PM
انت خلاص
منو العوض وليه العوض فيك
انت خلاص ما بتنفع تاني


#1119839 [خليك سودااااااااني]
0.00/5 (0 صوت)

10-02-2014 04:18 PM
و الله زعلتنا منك شديد يا باشمهندس , بلا مصريين زبالة

[خليك سودااااااااني]

#1119825 [أبو محمد]
5.00/5 (1 صوت)

10-02-2014 03:57 PM
ياباشمهندس ماليك حق تقول للدكتور علي انه دكترتك دي لقيته في كرتله الراجل ما وجه ليك اي كلمة تسئ ليك اخر كلمه كتبه ليك مع احترامي

[أبو محمد]

#1119783 [ابوجلمبو]
4.50/5 (2 صوت)

10-02-2014 02:38 PM
يا نرى ديل كلهم غلطانين وهو الصح؟؟

[ابوجلمبو]

ردود على ابوجلمبو
Saudi Arabia [المهندس سلمان إسماعيل بخيت على] 10-02-2014 05:12 PM
الغلبة يا [ابوجلمبو] لا تعنى الحق وأليك الدليل
من 7 مليار إنسان نجد اليوم مليار مسلم و6 مليار بين نصرانى ويهودى والغالبية للشيوعية وأديان أخرى
فهل الأسلام على باطل يا [ابوجلمبو] ؟
ومن يدريك قد تكون كل هذه الأسماء لشخص واحد أو شخصين من تنظيم الجماعة فهل نحن نكتب لنحصل على الأغلبية أم أننا نكتب لإصلاح الأغلبية
ويا [ابوجلمبو] فالأغلبية دائما لا تكون حقيقة وبكره حتشوف فى إنتخابات غندور والأصم فئة قليلة تهزم الفئة الكثيرة بالحرفنة
ولو بفهمك دا سيدنا محمد ص كان أنحاز لأغلبية الكفار ولم يقل والله لو وضعوا الشمس فى يمينى والقمر فى يسارى .................
ثم أنظر للأسماء وتعليقاتهم ومن ثم يمكنك تقييم أى نوع من البشر هؤلاء الرجرجة
(1) يا خي ما تشوف ليك شغلة غير كسير التلج د
(2) هندستو ماسورة
(3)يا باشمهندس والله طلعت اي كلام ما قايلنك تبع المصريين يخس ( مصر المؤمنة بقت يخس )
واحد من المعلقين قال كلام يدل على جهله بيقول مشاريع المصرين فى السودان لا تساوى حلفا
غرق حلفا خطأ حكومةعبود السودانى مش خطأ عبد الناصر
أنا السودانى الوحيد الذى كتب مطالبا بأن تستخرج كل رفات عبود وطاقم حكومته ويحاكمون على توقيع غرق حلفا التاريخ والتراث حتى دون ان يطالبوا بنص حصة انتاج السد العالى من الكهرباء كما لم يطالبوا بورقة رسمية تؤكد أحقية السودان فى حلايب والشلاتين ووقتها لو طلب أى طلب كانت حكومة مصر ستوافق لكن عساكرنا عبود وطاقم حكومته كانوا جهلاء ولا بد أن يحاكموا
أن يكون عبد الناصر ذكى يحصل على مايريد ويغرق حلفا دون أن نقتسم كهرباء السد العالى ودون أن نثبت أحقيتنا فى حلايب ليس خطأ مصرى ولكنه غباء سودانى
فيا السيد [المصير] لا تلعن مصر بل ألعن عبود


#1119764 [ود الدياني]
4.00/5 (2 صوت)

10-02-2014 02:09 PM
يا خي ما تشوف ليك شغلة غير كسير التلج دا، أنت مالك ومال مصر العدو المغتصب لأرضك. تحلى بروح الوطنية، سيبك من مصر المحروسة والرسول قال استوصوا بالقبط خيراً ما قال استوصوا بالرقاصين خيراً. هؤلاء شعب لا يرتكز على اي مرجعية عقائدية بخلاف المصالح، لا مبادئ لا مثل لا أخلاق لا ضمير ولا صفة حميدة. انشاء الله يبقوك حاكم لحلايب وشلاتين.

السودان مطعون بخناجر أبنائه يا للعار. أين التربية الوطنية يا صاحب المقال.

[ود الدياني]

#1119757 [جحا المدينة]
0.00/5 (0 صوت)

10-02-2014 01:59 PM
الغلط مش من (الباااشمهندث) ولكن من الذين منحوه الاذن عشان يكتب فى حق فلان وعلان

[جحا المدينة]

#1119720 [abbadi]
5.00/5 (2 صوت)

10-02-2014 01:04 PM
هندستو ماسورة
الليلة كلهم ضدك
قلنا ليكم الزول دا عندي غبينة مع حسين خوجلي
ود البادية والليلة ظهر على حقيقتو

[abbadi]

ردود على abbadi
Saudi Arabia [المهندس سلمان إسماعيل بخيت على] 10-02-2014 03:11 PM
يا[Abbadi] حديثك ينم عن جهل وضيق أفق
كلامى أم كلام الله القرأن - الإجابة دون شك كلام الله
فى العالم اليوم 7 مليار نسمة - كم يبلغ عدد المسلمين
لو أى إنسان يكتب رايه عشان كل الناس تكون معه دا معناه أنه أنسان مريض ومغرور وبيرى أن كلامه اولى ان يصدق عليه كل من يقرأه بينما ليس كل من قرأ كلام الله أخذ به
أجمل فى الحياة التنوع - الحياة الموت - الصحة السقم - الغنى الفقر - الجمال القبح - الصيف الشتاء - الليل النهار - القبول الرفض وممكن اكتب لك حتى بعد غد ولن اكمل الكلمة وضدها ومن هنا كان عقل وفهم أمثالى لا يلتقى مع فهم أمثالك وكل إناء بما فيه ينضح
كان يمكن أن تكتب لى الأتى : أنا أختلف معك وكنت سأقول هذا رجل محترم يخالفنى الرأى
ولكن قولك ( هندستو ماسورة - الليلة كلهم ضدك - قلنا ليكم الزول دا عندي غبينة مع حسين خوجلي - وود البادية والليلة ظهر على حقيقتو ) هى مش حقيقتو ولكنها حقيقته - معليش أكيد أنت صغير تعلم إنقاذ
أسلوبك سوقى يدل على ضحالة فكر وعقل مسطح وأمثالك يحتاجون لمربى وفى زمنكم هذا أنعدم المربى فى المدرسة وانا متأكد أن فى بيتكم لم تجد التربية والتوجيه فنبت كما ينبت نبات العشر - حشف وسوء كيل
أما بقية جيش الجهلاء ناس ود ساتى والحفيان والمدعو دال على وليمار والرديف والكلام السوقى ويافرده نحن بنعذركم لأنكم فى الغالب تربية شوارع وأمثالكم لاينقصون من قدرنا لو خالفونا الرأى ولا يزيدوننا مثال خردل من ذره لو أيدونا
ونحن حين نكتب لنكتب للرجرجة والدهماء من أمثالكم ولكننا نبحث عن الرجال أمثال [شاهد اثبات] و [سيف الله عمر فرح] و Saudi Arabia [osama dai elnaiem] وإن لم نتفق فى الرأى إلا أنهم قدموا نقدا موضوعيا


#1119709 [ود ساتي]
5.00/5 (3 صوت)

10-02-2014 12:45 PM
في حضور 5 بطانيات ؟؟؟؟؟
وديل حضروا ماشين ول راكبين كان الله قال خير
كان تقول في وجود 5 بطانيات
انت قريت وين يا اخوي
والله ياهو المثل غلفا وشايلة موسا تطهر
روح يا طبال المصريين

[ود ساتي]

ردود على ود ساتي
Saudi Arabia [المهندس سلمان إسماعيل بخيت على] 10-02-2014 03:20 PM
حاضر حاروح يا ود ساتى شارع 41 العمارات

Saudi Arabia [السمحة أم كفل] 10-02-2014 02:24 PM
هههههههههههاي ،، عسسسسسسسسسل والله


#1119661 [الحفيان]
5.00/5 (5 صوت)

10-02-2014 11:42 AM
يا زول انت مهندس فعلا
نشك في ذلك
وهندستك ده في شنو يا اخوي
في الجالوص ول في الاكلات المصرية

انت مغسول بصابون مصري

[الحفيان]

ردود على الحفيان
Saudi Arabia [المهندس سلمان إسماعيل بخيت على] 10-02-2014 05:28 PM
يا دكتور على لو كنت فعلا من حملة درجة الدكتوراة اتصل بى على بريدى الألمترونى لأزودك بكل مؤهلاتى والمرتبة التى أعمل عليها حاليا كمهندس إستشارى مختص فى رسم الخطط الأستراتيجية طويلة المدى وانا خايف بعد جوطتك دى كلها تطلع مش دكتور - طبيب زى مصطفى عثمان والخضر والمتعافى
وبالمناسبة لقد انعم الله علي بخمسة من الأبناء أطباء أحدهم فى مجال جراحة المخ والأعصاب والأصغر خبير عالمى مختص فى علم الإدارة المتكاملة لموارد المياه IWRM باليونسكو أدخل على موقع UNISCO IGRAC ستجد إسم MOHANNED BAKHIT من بين علماء المياه ويقيم بهولندا دلفت خريج جامعة الخرطوم كلية الهندسية المدنية دفعة 2009م وكان الأول على كل دفعته مرتبة الشرف الأولى وحصد كل جوائز الكلية الخمسة ومع كل ذلك لم يجد فرصته بالجامعة لأنه لم يكن كوزا متمكنا فوجدها فى أكبر جامعة فى العالم فى مجال إدارة موارد المياه وخرج من السودان ولن يعد أليه إلا إذا حدثت معجزه فالمستقبل كله أمامه بإذن الله
أما دكتور محمد طبيب أسنان - والبنات أخصائية فى الكيمياء الأكلينية وأخصائية طب وجراحة العيون
وانا بمدينة الرياض
ارسل لى بريدك الألكترونى لازودك بكل مؤهلاتى وتزودنى بمؤهلاتك حتى لا تنطق بكلمة بعد اليوم
أنا خبير واشرف حاليا على تعليم مهندسين جامعيين علم جديد يسمى GIS هل سمعت به
تتفصح ساكت وفى النهاية يا طلعت صيدلى يا طبيب اسنان زى محمد ولدى
مزعجننا دكتور دكتور
أنا مابعرف مين اللى أدى الحق للطبيب يكون دكتور

Saudi Arabia [د.علي] 10-02-2014 01:15 PM
الاخ مساح و يبدو انه من حملة الدبلومات


#1119656 [ليمار]
5.00/5 (5 صوت)

10-02-2014 11:34 AM
يا باشمهندس
والله طلعت اي كلام
ما قايلنك تبع المصريين
يخس

[ليمار]

#1119652 [الرديف]
5.00/5 (1 صوت)

10-02-2014 11:29 AM
يا باعمك شنو ياخي
احس انك دائما تميل الى الشتم والاستهزاء وتصغير الغير
مالك يا عمك الشعب السوداني ده كله ما عاجبك ول شنو يا فردة

[الرديف]

#1119450 [شاهد اثبات]
5.00/5 (5 صوت)

10-02-2014 04:50 AM
لماذا تميل الحبشة بي اركانا مع الفن السوداني ويعمل محمد وردي حفلة في استاد مع العلم انهم لايعرفون اللغة لعربية لتي يتغنى بها مطربين السودان ومصر واخواتها االعربان عندهم الابداع السوداني "المامبوالسوداني فقط " والنظرة الدونية للسودان والسودانيين متاصلة في المصريين ومنمطة في الوعي العربي المتدني و العنصري وحتى 3% لظهور للسودان في الميديا المصرية او العربية نصها "مسخرة" ونفخ على الفاضي وكاميرا خفية
العمال في السودان في تلك الحقبة ما مصريين بس في فلاتة ويمنيين بنو السدود واشتغلو في مناحي السودان وهذا ليس فضل ولكن مصر هي من افسد السياسة في السودان وحولها من ديموقراطية وست منستر البرطانية ودولة المؤسسات الى دولة "الزعيم" والراعي والرعية والريع والرعاع وحكم الفرد الاحد- النموذج المصري-الدولة لبوليسية - عبر ايدولجياتها العقيمة االناصرية والشيوعية والاخوان المسلمين التي صدرتها لنا عبر العصور
80% من لميديا لخليجية يهيمن عليها المصريين واللبنانيين مع انه السودانيين من مفكرين وادارين وعمال واطباء ومهندسين ولا عبين كورة ايضا هم من بنو الخليج وحتى كرة لقدم ايضا وتوجد ام بي سي مصر ولا توجد ام بي سي سودان..
مصدر تنتج مسلسلات وافلام منذ 100 سنة وريني فلم واحد غير "عرق البلح" لرضوان كاشف ومسلسل واحد غير خواجة عبدالقادر ظهر السودان بصورته الحقيقية.. وفي ممثل سوداني باع كليتو عشان يعيش في مصر ما لقى حتى دور كومباس
عملت اربعة فضائيات للعراق بعد سقوط الهالك صدام حسين وريني فضائية سودانية واحدة للمعارضة السودانية المحترمة تعرف لشعب المصري بالسودان حضارتنا وفكرا وثقافتا وابداعا واحوال الشعب السوداني تحت حكم الاخوان المسلمين المنبوذين دوليا
وليه مات التشيكلي والروائي السوداني بهنس برداوقهرا في شوارع القارهة اذا كانت مصر ترعى الابداع السوداني فعلا وحكمة ربك د.حيدر ابرهيم مصر مع الامام الصادق المهدي المراهنة على مصر في استعادة الديموقراطية في السودان وهذه ازمتنا وليس ازمة مصر ان نرضع حتى الان من هذا الثدي الميت ونتركهم يتوهمون انهم اكثر ذكاءا من السودانيين كما نوه ابيل الير في كتابه الشهير "التمادي في نقض المواثيق والعهود"عن نظرة العرب والمصريين للسودانيين "المازومة" والمتخلفة ولتي حتما ستكشفها ثورة المعلومات
واخر حاجة وقفت مؤتمر الجبهة السودانية العريضة واحرجت حسنين ثم عادت تعمل مؤتمر لناس ابيبي والمديدة حرقتني عشان تفتن شمال السودان البائس بي جنوبه الاكثر بؤسا
البعض سيعتقد اني اسيء لمصريين بينما انا اصفهم فقط
I am not damn them I am describing them ...

[شاهد اثبات]

ردود على شاهد اثبات
Yemen [شاهد اثبات] 10-04-2014 01:03 PM
اقتباس-ماتمرقوا لى بره وتحرروا الفشقة وابيي وكاودا وحلايب وبعدين ان شاء الله تغنوا لحد ماركبكم كلكم تخرب وتستبدل بركب بيجو 505-انتهى اقتباس
يا مهندس سلمان إسماعيل بخيت على
ما تلخبط الورق
الجنوبيين في ابيي والنوبة في كاودا ديل اصل اصول السودانيين بقانون الجنسية بتاع 1 يناير 1956 وكانو ما بحتاجوا لي معرف حتى عشان يطلعوا جنسية
..تقارنهم بي مصر/حلايب والحبشة /الفشقة ليه ؟؟
يظهر دولة الكيزان الافتراضية التي تحتقر 95% من الشعب السوداني في الاقليم االستة طايرة ليك في راسك ساكت...وهنا نحتلف معاك جذريا "فرمت "كلامك ده ورجعو لينا تاني عشان نفهم
الجنوبيين والنوبة ديل اصل الدولة السودان واصل كل السودانيين الجنسيتهم خضراء في السودان والتدنيس تمارسه الانقاذ في حروب الابادة والهوية من 1989-2014 وتجنس الاجانب الوافدين من وراء الحدود الغربية للسودان للقيام بذلك وتبتزل تراث الجعليين في الفضائيات وهو تراث ضد الاتراك الغازين في زمن المك نمر .. وليس موجه ضد ابناء السودان ...

Saudi Arabia [المهندس سلمان إسماعيل بخيت على] 10-03-2014 07:33 PM
مش مصر لوحدها المدنسة ترابنا الحبشة مدنسة الفشقة والجنوبيون دنسوا أبيي وكل ترابنا أهينت وسراويلنا أمتلأت بالوسخ الباقى على جيشنا وشعبنا متين نبقى رجال ونسترد ارضنا قبل ان ينتهك عرضنا
الموجعنى ومورم فشفاشى ما أفتح قناة فضائية إلا ومغنى يغنى ورجال تعرض دخلوها وصقيره حام
انتو بتشكروا نفسكم بكتل اهلكم
ماتمرقوا لى بره وتحرروا الفشقة وابيي وكاودا وحلايب وبعدين ان شاء الله تغنوا لحد ماركبكم كلكم تخرب وتستبدل بركب بيجو 505

Yemen [شاهد اثبات] 10-02-2014 01:37 PM
اقتباس-ندرى أن لب مقال صديقنا الباشمهندس سلمان "عن قناة الجزيرة" ، وليست عن مصر ، بس المتداخلين وانا منهم جعلوا مصر هى أكبر همنا ! ، لأنها مدنسة بعض ترابنا بقوة السلاح وليس بقوة الحق ! .
الاخ العزيز سيف مع احترامي لوجهة نظرك الحرب الخفية في الخليج هي الاسوا ليس فضائية الجزيرة بل قطر نفسها يحتلها مافيا الاخوان المسلمين المصريين تحديدا-والهيمنة على الميديا لخليجية ومراكز الدراسات والفضائيات والجوائز الابداعية المهولة كمان -خلقت فجوة بين الشباب الخليجي لصاعد والسودانيين وانجازتهم العظيمة ودورهم الرائد في بناء الخليج واضحى الموطن السوداني الكوكبي المحرتم في كل العالم يعاني الامرين في دول الخليج التي بناها الرعيل الاول بتاع وست منستر وكلية غردون
من المسؤلعن تشويه صورة السوداني في الميديا الخليجية والمصرية نفسها..اليس هم اوسيج الخديوية من نخب مصر الفكرية الثقافية السياسية
جاظة الشيخ زايد لابداع قيمة الجائزة والواحد مليون ردهم في عشر فروع ولمدة عشرة سنة 100 جائزة اعمل احصاء وشوفا حركا على منو وبنسبة كبيرة
وانا متاكد بهنس التشكيلي الروائي السوداني كان ممكن يحرز واحدة منها لو وجد رعاية من مراكز سودانية للدرسات حقيقية ترعى الابداع السوداني في دول مجلس التعاون الخليجي ولكن هيهات..حتى "مجلة الدوحة" لاسسوها السودانيين الت الى هذه المافيا
على كل حال السودان اغنى مواردا طبيعية وبشرية اذا تجاوزنا الكابوس الحالي ودخلنا في عزلة مجيدة ذى الصين

Saudi Arabia [سيف الله عمر فرح] 10-02-2014 10:04 AM
[ وهذه ازمتنا وليس ازمة مصر ان نرضع حتى الان من هذا الثدي الميت ونتركهم يتوهمون انهم اكثر ذكاءا من السودانيين ] .

صدقت يا عزيزى شاهد إثبات .. العيب فينا ، ولا يغير الله ما بقوم حتى يغيروا ما بأنفسهم .
نعم مصر جارتنا ، وحق الجار للجار معلوم . بس هم جوونا مرادفين حصين الأتراك والانجليز .. محمد على ، وعباس ، والدفتردار ، والملك فاروق لم يحملوا الجنسية المصرية ، وإنما كانوا من طينة كتشنر وغردون وهكس باشا ( مستعمرين ) !! .. أما الآن ممكن يفاخروا ويقولوا أنهم احتلوا حلايب وشلاتين وابورماد السودانية مية المية ، لوحدهم بدون أتراك أو انجليز .

السودانيون أعطوا مصر أضعاف أضعاف ما أعطتهم مصر ، وبارك الله من نفع واستنفع ! . مصر ليست هى الدولة المثلى لنقتدى بها فى أى مجال من المجالات ! ، بل دولة السودان تفوتها درجات فى سلالم الديمقراطية والحرية ، رغم بؤسها ! .

ندرى أن لب مقال صديقنا الباشمهندس سلمان عن قناة الجزيرة ، وليست عن مصر ، بس المتداخلين وانا منهم جعلوا مصر هى أكبر همنا ! ، لأنها مدنسة بعض ترابنا بقوة السلاح وليس بقوة الحق ! .

Saudi Arabia [osama dai elnaiem] 10-02-2014 09:43 AM
كل عام وانتم بخير -- جزاك الله خير اخي شاهد اثبات ارحتني اراحك الله ووالديك--- مصر ارسلت محي الدين صابر لتعريب السلم التعليمي لان السوداني كانBi-Lingual وده سبب ازعاج للمصريين في سوق العمل في الخليج بالذات دع عنك المنظمات الدولية وطبعا لمن تكون في وظيفة في احدي المنظمات الدولية وتحتاج الي مهني يجيد اللغتين العربية والانجليزية في ستينات وسبعينات القرن الماضي فكان السبق للسوداني بحكم اجادته للغتين وبعد عدد من العقود في استغفال السودان وتعريب مناهجه اصبح المصري ينافس السوداني في وظيفة مترجم هذا من ناحية وبعدين نجي لقصة حلايب وشلاتين فمصر هي الدولة المستعمرة والجارة لسبعة الاف سنة وفقط الان تتذكر ان حلايب مصرية!
اردك اخي شاهد اثبات الي سورة سيدنا يوسف وكيد الاخوة له فهو ذات الكيد تمارسه مصر ورمتنا في اكثر من جب وعلي اهل السودان ان يصبحوا اكثر ذكاء والان هناك مؤامرة مصرية لخنق نظام البشير بوصمة الارهاب والحل عندي ان يفيق البشير من خمر الكبر والتيه ويجمع كل حكمة السودان المتجذرة في احزابها ويعالج مشاكل السودان واولها الكبر وكما تعلم ان اول الكفر هو الكبر.


#1119431 [عادل]
1.00/5 (1 صوت)

10-02-2014 02:39 AM
انا سوداني أعيش بمصر منذ اكثر من 15 عاما و بالطبع الاحوال المصريه تؤثر في بشكل مباشر

مصر كدوله صعب ان تسقط او تتحول لسوريا او العراق كما تريد دوله قطر

لأنهم عند الخطر و تهديد مصر بيكونوا ايد واحده و حبهم لبلدهم اضعاف اضعاف حبنا لبلدنا

في 67 تم تدمير 80 % من القوه العسكريه المصريه و في خلال 6 سنوات فقط استعادوا القدره علي الرد العسكري و قاموا بأهم انجاز عسكري في التاريخ الحديث بعبور اصعب مانع مائي في التاريخ

اما بالنسبه للحاله المصريه :

1- هناك استقرار واضح و تحسن كبير في الحاله الامنيه

2- مشروع قناه السويس بتمويل المصريين

3- صفقه سلاح كبيره جدا مع روسيا s 300 و ميج 35

4- استثمارات روسيه في مصر

هذا في خلال 4 شهور فقط من حكم السيسي

في النهايه اري ان مصر شعبا و جيشا اجهضوا محاولات نشر الفوضي في بلدهم و يسيرون في الطريق الصحيح

هذا المشهد يُقشعر لي بدني لأن كنت متواجد معهم .. صوت الثوره طالع طالع

https://www.youtube.com/watch?v=uvpb8bOZp9Y

هل يمكن ان احضر مثله في السودان قبل ان أموت ؟

أتمني ذلك من كل قلبي

دمتم بود

[عادل]

ردود على عادل
Saudi Arabia [تيتو] 10-02-2014 09:20 PM
بالله يا اخ عادل ( بغض النظر انك سوداني او مصري )
سؤال ....
لماذا عندما يتحدث الاعلام المصري عن هزيمة 67 يقول نكسة العرب او هزيمة العرب
وعندما يتحدث عن انتصار 73 يقول انتصار مصر على اسرائيل (وطايرين بيها السماء).؟؟؟؟؟؟
عمر البشير ده مش قاتل مع القوات السودانية ضد اسرائيل في 67 ... كمثال .
احسن الناس تكون منصفة علشان ربنا ينصفها ... مش كده

Saudi Arabia [تيتو] 10-02-2014 11:10 AM
يا حبيبي الف مرة قلنا ليك انت ما سوداني ...
انت ما تفهم ؟؟؟؟
ولو سوداني حتكون سوداني .......

Saudi Arabia [د.علي] 10-02-2014 10:58 AM
انت يا عادل اما مصري او متمصر

قال ايه قال استثمارات روسية و روسية تعاني اكبر مقاطعة اقتصادية منذ انهيار الاتحاد السوفيتي


#1119387 [سودانى طافش]
5.00/5 (4 صوت)

10-01-2014 11:35 PM
خط أحمر وأبيض بتاع شنو ياخى وياتو رسول إنت ماعارف إنو الرسل والأنبياء كلهم هربوا من مصر وفيهم من باعوه المصريين ومنهم من حاولت ( مصرية) ممارسة الرزيلة معه ولم تفلح .. وأكيد مهندس بتاعت المصريين والله إنت زول مغسول دماغك مصريا .. أعوذبالله مصريين شنو ومحروسة شنو وأنت كاتب إسمك لجدك الرابع أكيد الموضوع دا وراهو حاجة !

[سودانى طافش]

ردود على سودانى طافش
Oman [A BU ALI ALI] 10-02-2014 08:41 AM
صدقت با اخي الطافش الراجل اكيد بكون خريج جامعة القاهرة يعني هندسة ماسورة


#1119364 [د.ابو علي]
4.96/5 (7 صوت)

10-01-2014 10:33 PM
والله يا اخ .....
بالمناسبة انا اتابع كتاباتك منذ فترة وما رايت لك مقال الا وقراته ظنا مني ان القبة تحتها شيخ وان صاحب ال66 عام قادر على الاتيان بافكار حكيمة تتماشى وسنه ولكن للاسف الشديد خاب ظني .
ياخي مالك ومال مصر .. تتحدث بلسانهم وكانك صاحب الامر والنهي في السياسة المصرية .
قبل فترة تراهنت واحد زملائي ( طبيب متخصص وتخصصه من بريطاني ) وللاسف اجبرتني على ذكر المعلومة الاخيرة لانك في احد ردودك شبهتنا بستات الشاي وقلت ان كل ست شاي ممكن تاخد دكتوراه وكان ردي لك ان ستات الشاي هن اخواتنا وخالاتنا وعماتنا .... عموما نرجع لرهاننا . تراهنت مع هذا الاخ في ( كم يذكر اسم السودان في وسائل الاعلام المصرية وكم يذكر اسم مصر في وسائل الاعلام السودانية . كان مدة الرهان اسبوع وفي جميع وسائل الاعلام المقروءة والمسموعة والمرئية كان الرهان عشوائي ( اي حسب مصادفتك للموضوع مع التركيز ) . ...
والله يا اخ كانت النتيجة غاية في الغرابة تقريبا نسبة 97:3 اي تقريبا نسبة التعرض للسودان في الاعلام المصري 3% ---- ونسبة ذكر مصر في الاعلام السوداني 97% - هذا من اجمالي ذكر البلدي .... تعتيم - انت عليك تعتيم ...وتهميش ...
خليك في شانك يا باشمهندس .... والفينا مكفينا .. وبطل تملق وما تعمل لينا فيها كاتب صحفي عالمي وخليك معتز بنفسك . مالنا ومال السيسي ومالنا ومال مرسي وزي ما نحن لا نعني لهم شيء هم كذلك لا يعنون لنا شيء.
اتمكنى ان يكون كلامي وقع ليك .. مع احترامي ...

[د.ابو علي]

ردود على د.ابو علي
Saudi Arabia [mahmoudjadeed] 10-02-2014 11:45 AM
والله يا باشمهندس حيرتنا .. انت بتقول للدكتور ابو على كلامك لم يقع لي ولم يقع لغيري عرفنا انه لم يقع لك فكيف عرفت انه لم يقع لغيرك والله كلام الدكتور وقع لي وأنت زول شاعر بالدونية كل يوم تشكر لي في بلد والبلدان دي ما جايبة خبرك ولا خبر بلدك . بالله كدي قول لي في مصري مهندس او زبال بيذكر السودان وأهل السودان بالخير . المصريين بيعتزوا بوطنهم وبيحبوا بلدهم وده من حقهم لكن نحن ما بنفرق بين الوطن والحكومة نشيل نشتم في بلدنا وفي أهلنا حتى لو بدون قصد وبعدين انت قلت للدكتور انت لقيت الدكتوراة في كرتلة ,, بالله ده كلام ده وبعدين معظم كلامك لا يناسب سنك . ارجوك احترم نفسك واتكلم على قدر سنك وعمرك الذي شارف الخريف .

United Arab Emirates [اباذر عثمان] 10-02-2014 08:40 AM
الباشمهندس عروقه مصرية وكلامه كله وشتايمه علي من يخالفه الراى وكل يوم والتاني حسين وحسن وبطيخ, دا عنده عقدة نقص والعمر ما بقي يساعده

Saudi Arabia [دكتور علي] 10-02-2014 02:28 AM
يا دكتور ابو علي صاحبك الباشمهندس عاوز يزوغ من حكاية رهانه على بكري و عبدالرحيم الذين هم حتى لو لم يكونوا من اعضاء المؤتمر الوطني فهم اقرب للمؤتر الوطني من اي كوز في الدنيا و من اي اسلامي مصري

Saudi Arabia [المصير] 10-02-2014 01:52 AM
سيدى

تقبل كل احترامى وتقديرى وانت تثير ماكان يعتصر قلبى ووجدانى الما....
من نحن فى العلقية المصرية؟؟؟:

نحن ااوصمان البواب
نحن ستونة المكتنزة السمراء ف دعوة للسخرية للمعايير الجمال السودانى..
نحن الحديقة الخليفة للمحروسة..
نحن(هل تزكر لقاء وحديث المخرجة ايناس الدغيدى عندما للزواج منها احد اعضاء السفارة السودانية(واحد وطويل يلمع)اى شديد السواد---نحن نعتتز بسحنتنا الافريقية ولكن الالم ف طريقة النغبير لرفضها مع العلم بانها مخرجة تعتبر من المستنيرين الذين يناقشون قضايا الواقع بمهنية احترافية!!! انظر لى كيف كان ردها؟؟؟
مصر تتعامل مع السودان من خلال الملف (((الامنى))) وليس الثقافى او لاجتماعى ولاحتى على مستوى الدبلوماسية الشعبية..
من الكاتب المصرى الذى تناول قضية دارفور كاازمة انسانية؟؟؟؟
من منهم كتب عن اغتيالات سبتمبر العظمية؟؟؟
نخترم لمصر شئ واحد وهو تخلصها من الاسلامين..
والعزة لنا

Saudi Arabia [المهندس سلمان إسماعيل بخيت على] 10-02-2014 01:48 AM
دكتور أبوعلى مصر تمر بأسوأ حالاتها والشخص المتملق عادة يتملق شىء فيه رقشه أيه شيل الريح من البلاط أنت كوز ومتحيز لمرسى وما تقول لى ومالنا ومال مرسى
انا رويت مشهد شخص بيحاول ينتحر وبجانبه 5 أشخاص يحملون بطاطين والبوعزيزى ما لقاش ولا بطانية واحدة
لو انت فعلا دكتور حقيقى لفهمت كلامى لم أعنى به مصر ولا المصرين
كنت أعنى قناة الجزيرة كل يوم تروى لنا 3 حوادث انتحار فى مصر ولا مره واحدة كان المنتحر فى السودان او تونس أو حتى العراق علما ان اكثر حالات الأنتحار فى العالم فى دول كل السويد والنرويج
كده استهدىء بالله يا عاشق المراهنات واقرأ الموضوع تانى وأنت الدكتوراة بتاعتك دى لقيتها فى كرتله
تراهنت تراهنت وانت مش عارفه المراهنات ضرب من ضروب القمار أم حللوها ليكم فى فقه الضرورة زى الربى
وكلامك لم يقع لى ولم يقع لغيرى لأنك تغرد خارج السرب وانا بعتذر لستات الشاى لأن فهمن اعمق


#1119307 [سيف الله عمر فرح]
0.00/5 (0 صوت)

10-01-2014 08:34 PM
قناة الجزيرة خسرت نتيجة مباراتها ضد ثوار 30 يونيو فى الاسبوع الاول من الثورة , لأنها كانت فاقدة المصداقية والحيادية فى نقل الخبر . ربنا اعماهم , بدليل انها تحيزت لجانب الاخوان المسلمين بصورة مستفزة لعقول المشاهدين . ومشهد حملة البطاطين بجوار الانتحاريين فى مصر واحدة من مئات المشاهد التى استفزت عقول المشاهدين لقناة الجزيرة .

[سيف الله عمر فرح]

#1119300 [ايدام]
5.00/5 (4 صوت)

10-01-2014 08:07 PM
طيب اذا كان هذا هو الفهم يا باش مهندس فليبقى البشير جاسم على صدورنا حتى ولو قضى على 30 مليون سودانى فليهنا وليحكم باقى الـ 10 مليون !!!!!!
الحرية لنا ولسوانا اخوان , سلف , مجاهدين , علمانيين , يساريين , ملحدين و و و و

[ايدام]

ردود على ايدام
Saudi Arabia [المصير] 10-02-2014 02:02 AM
باشمهندس تحياتى
حتى ردك على لاخ ايدام ازم فكرتك اكتر.... ياليتك لم ترد واكتفيت بماكتبت!!
كل المشاريع التى ذكرتها ((كلمة حق اريد بها باطل)) ولا واحد من تلك المشاريع تساوى حلفا والتعويضات التى لم تصل حتى اليوم ولا الوعود التى ماتت مع ناصر..
كل المشاريع كانت خبيثة (ارادوا ان نتعامل مع النيل كشعراء ليس الا))
كان اغلب همهم النيل ثم النيل ثم النيل...
الصين شيدت قاعة الصداقة حبا ف الشعب الذى قتل غردن...
نحتاج الى اكثر من الخبث كى نتعامل مع المصريون..
دمت

Sudan [د. هشام] 10-01-2014 11:11 PM
ما هو وجه الشبه بين البشير و السيسي يا إيدام؟ نعم هما الإثنان عسكريان و لكن الأول فرض نفسه على الشعب و الثاني فرض شعبه عليه أن يتدخل لإيقاف الفوضى ثم الحكم!... أنا أتفق مع الباشمهندس في أن موضوع البطاطين الخمس التي كانت جاهزة للمشهد عبارة عن لوازم إكمال تمثيل مشهد الإنتحار!!

Saudi Arabia [المهندس سلمان إسماعيل بخيت على] 10-01-2014 09:29 PM
أنا يا [ايدام] لم أفهم شىء من كلامك هل أنت معى أم ضدى
أنا بهزأ من ضعف أركان المسرحية الكيزانية المصرية بالتعاون مع قناة الجزيرة
البوعزيزى جاب الجالون وسكبه كله على كامل جسمه وأشعل النار ولمان نقل للمستشفى فارق الحياة
مسرحية كيزان مصر ولحبهم للحياة جهزوا 5 بطانيات
وبعدين هم مش عارفين أن الأنتحار وقتل النفس وأولها نفسك أنت حرام
يا إيدام عبارة ( ونقول للكيزان - مصر خط أحمر - والسيسي سيبقى حتى لو بلغ عدد المنتحرين 80 مليون فسيحكم السيسى 10 مليون المتبقية ) التى وردت كجملة إعتراضية دى مش نص رئيسي فى المقال ولكنه من باب المكايدة السياسية أفهموها بقى - يعنى عاوز أحرق قلبه واقول ليهو السيسى هذا الذى تتبعون الطرق الخبيثة ضده باقى باقى كما تقول لنا سير سير يا بشير - فهمتها يا أيدام - ماتسجلها علي بنلتي
من عبارتك السخنة دى ( طيب اذا كان هذا هو الفهم يا باش مهندس فليبقى البشير جاسم على صدورنا حتى ولو قضى على 30 مليون سودانى فليهنا وليحكم باقى الـ 10 مليون !!!!!! ) لم تفهم قصدى كويس والله العظيم بتغشمر بالكويتى تعرف شنو بيتغشمر
تعرف يا أيدام موضوع الكتابة على الراكوبة اصبح أمر خطير لأنه فى ناس متوترين يبدأون التعليق قبل أن يقرأوا النص بتروى
بتغشمر عليهم والله بتغشمر - مالقيت كلمة غيرها تعبر عن حالتى ولعلمك أنا أكثر سودانى بحب السودان وشعب السودانى وفى المرتبة الثانية تأتى مصر وشعب مصر علما أنى أعمل فى السعودية منذ قرابة مايزيد عن 30 سنة أقول لك مصر وشعب مصر
اليد المصرية مددت السكة الحديد من حلفا للخرطوم لبورتسودان واليد المصرية بنت خزان سنار وشقت كل قنوات رى مشروع الجزيرة واليد المصرية بنت القصر الجمهورى وكل الوزارات التى فى شارع النيل فى زمن كان السودانى واقولها وبكل فخر لا يجيد إلا البناء بالجالوص - علمونا دق الطوب وبناء الكمائن ونقلوا لنا ثقافة قدرة الفول والأفران وخبر العيش الرغيف كنا ناس قراصة وكسرة وعصيدة وفطير
وعلموا أولادنا فى جامعاتهم بمصر وارسلوا لنا جامعة بكل طاقهممها - مصر ترسل لكل العرب أساتذة جامعيين اى كلام وتحتفظ بالممتاز والجيد لنفسها إلا السودان أرسلوا لنا نوعية لم يختصوا بها نفسهم - ارسلوا لنا طلبة عويضة وبلبع والكلام عن مصر وعشقى لها بيجيب لى هواء حار هسي ينط ود ما مقنعه ويقول لى انت ودريف وانا رباطابى كح بقول الحقيقة وان شاء الله تغطسنى ما بخليها ومصيرنا مادام إنفصلنا على الجنوب سننضم ونكون مع مصر دولة وادى النيل بس الله يهدى سر الكيزان ديل فى مصر عاملين دشمان وفى السودان عاملين دشمانين

United States [Abufatima] 10-01-2014 09:18 PM
لا حريه لمجرمين .. هل تعتقد اننا سوف نسمح لحزب الكيزان بالعمل في أي فترة ديمقراطية قادمة.. إذن لم النضال ضدهم .. انهم كالسوس يجب اقتلاعهم كلية من حياتنا . وذلك لمستقبل الأجيال القادمه ولبقاء السودان كدولة


المهندس سلمان إسماعيل بخيت على
المهندس سلمان إسماعيل بخيت على

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة