المقالات
السياسة
ادركوا كسلا
ادركوا كسلا
11-02-2014 11:48 AM

قبل اسبوعين تقريبآ استضافة قناة ام درمان في حلقة برنامج عزيزي المشاهد تحية واحترام التي خصصت لمناقشة مشاكل وقضايا التنمية والفساد بولاية كسلا عددمن قيادات القوى السياسية من ابناء كسلا ومنهم قيادي بمؤتمر البجا وقيادي بالشعبي شارك عبر التلفون ومحمد الحسن احيمر القيادي بالحزب الوطني الاتحادي الذي قال كلام كبير وخطيرحول قضايا فساد كثيرة وكبيرة الخصها في الاتي :
* منح الجنسية السودانية والرقم الوطني للاجانب بشكل منظم ومرتب والحصول علي الجنسية السودانية في ولاية كسلا اصبح اسهل من شربة الموية وتتم عمليات توطين للاجانب بولاية كسلا بصورة غير مسبوقة
*قامت حكومة الولاية ببيع جميع المباني الاثرية في الولاية ومن ضمنها بيت الحاكم العام واقامت في محلها عمارات وابراج سكنية لقيادات المؤتمر الوطني بالولاية .
*تم سرقة 68 مليار و48 مليار تم تخصيصها لمكافحة شجرة المسكيت .
*سرقة 600مليار مبلغ مالي تم تخصيصه للتنمية بالولاية من صندوق دعم الشرق .
*بيع الميادين والمدارس
*اهمال التعليم والصحة بالولاية حتي اصبح مستشفي كسلا اسطبل خيول .
*اختفاء شاحنة ادوية كاملة .
*تركيز التنمية بمحليات تبع للقيادات بالحزب والحكومة ومنها بناء مدرسة ثانوية بطراز عالمي في منطقة قليلة السكان وهذه المدرسة بها الان 6 طالبات.
عزيزي بروف غندور لقد قولت من يملك دليل علي فساد قيادات الوطني عليه تقديمه لي وهؤلاء الشرفاء وثقوا كل هذه القضايا وقاموا برفعها الي المحاكم التي اخلت سبيل المجرمين والحرامية بالضمان الشخصي وهم الان احرار في وقت يسجن فيه سارق كيس خبر او دجاجة بسبب الفقر والجوع ويطلق سراح سارق المليارات من الدولارات هذه القضايا في المحاكم من سنتين ورفع تقرير ومستندات منها الي السيد الرئيس .
ماذا انت فاعل ؟
وهي لله


[email protected]


تعليقات 8 | إهداء 0 | زيارات 1463

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1140720 [هديل ميرغنى]
0.00/5 (0 صوت)

11-03-2014 12:52 PM
انا انا يا يما لسانى زى مرتضى منصوووووووووووووووووور

[هديل ميرغنى]

#1140716 [هديل ميرغنى]
0.00/5 (0 صوت)

11-03-2014 12:51 PM
شوارع وسخانه ...وامراض ...وعنابر المستشفيات مقبره ...والتهريب مالى كسلا كله ودخول مجموعات من الحبش الى السودان كله عن طريق كسلا.... بقوا اسياد بلد ليه ما ياخدوا الجنسيه ...والبيوت تبقى ملك ...واحده حبشيه امنآ ابآ تقول ليك انا امى سودانيه ياخ .....استغفر الله ...بنات البلد بقوا حبش ...قرفونا والله ...حبشى فى ..... الغالى شنق نفسوا...وواحد تانى ماشى فى الشارع بيتكلم براه ..عليك الله جايين من هناك تتبلوا علينا ...قرفتونا بجد والله .... كسلا اشرقت بها شمس وجدى لكن اليوم ما فى شمس ولا غبار ...كلنا سبناها للبنعامر وللحبش ... نحنا الكسلاويين زى اهل توتى مجرد ما عملوا الكبرى والبتش توتى بقت ما حقتهم ...الكلام عن كسلا ده بيوجع لى بطنى ....وما تقولوا لى دايرين ايلا اسبوع ما بينفعكم ....زوجه ....قالت يقفلوا باب الحديقه المجاوره للمنزل عشان الازعاج للعيال بينوموا من المغرب ...وانتى بتمشى وين النهار كله بعربيه الحكومه انشاءالله .......الباقى تموا خيال

[هديل ميرغنى]

ردود على هديل ميرغنى
[الطيب صالح كرار] 07-22-2016 07:30 AM
يامرتضى منصور. لايوجد أحرص من البنى عامر على كسلا

Sudan [ابو اوميت البجاوي] 11-03-2014 08:11 PM
كويس جدا انكم خليتو كسلا لاهلها الاصليين - البني عامر- ورجعتوا ادراجكم من حيث اتيتم بعد ان اكلتوا خيرات كسلا ياناكري الجميل ،، اصلكم كدا يا جلابة عديمي الاصل والعشرة دائما ومن نسي قديمه تاه يا هديل بت الميرغني !!


#1140594 [شوتال شرق]
0.00/5 (0 صوت)

11-03-2014 10:50 AM
بني عامر بني عامر بني عامر السودان كله ليس له حديث سوي بني عامر اخذت بني عامر ليست سودانيين بني عامر امتلكو العقارات بني عامر امتلكوا الاراضي بني عامر الخ ............................................................. ؟!!!

الحمـــد لله ان الارزاق والآجـــال بيد الله اولاَ واخيـــراً وبني عامر هي نواة جيش السودان الحالي الذي اصبح جله من وافدي غرب افريقيا وعديمي الاصـــول الم تقرأوا عن موقف اورطة العرب الشرقية من الحرب ضد الجيش المصري الم يسأل احدكم عن مصدر الشوتال الذي هو شعار القيادة العسكرية في المنطقة الشرقية الم تسألوا انفسكم عن من الذي قاتل مع قوات الحلفاء في الحرب العالمية الثانية في العلمين لينال السودان استقلاله الم تسألو انفسكم عن الكتيبة التي دافعت عن الكويت عندما قام الرئيس العراقي انذاك عبد الكريم قاسم بمهاجمة الكويت بني عامر هم التاريخ بني عامر اهل القرآن والخلاوي بني عامر هم الامانة والاخلاص وهذه منه من الله سبحانه وتعالي انظروا الي شرق السودان بالرغم من الفتن والدسائس الا ان الله يلطف باهله لانهم انقياء النفوس ولا يحملون كرها لاحد .

اتركوا الفتنة فوالله انتم ليس اهل حرب وتاكدو ان بني عامر وجميع قبائل البجا اضحت تعرف من الذي يبزر بزور الفتنة في الشرق الاصيل فاذا اشتعلت الفتنة حينها لكل حادثة حديث وما هجوم قوات الحركة الشعبية لمدينة كسلا واحتلالها لساعات ببعيد ايها الجبناء .

[شوتال شرق]

#1140204 [ابو خالد]
0.00/5 (0 صوت)

11-02-2014 08:29 PM
نحنا ندرك شنو ونخلي شنو نحنا لاندرك اين نقف الان ولاندرك اي شي الشعب كله في حالة من الزهايمر المبكر السودان كلووووووو منكوب اها حا تعملوا شنو ؟؟؟؟؟؟؟؟؟؟؟ ياخوانا خلونا في الحلول بدل التباكي والتشاكي والعويل علي الماضي

[ابو خالد]

#1140185 [شهنور]
0.00/5 (0 صوت)

11-02-2014 07:47 PM
اخويا احمد جلال وما خفى اعظم لما يجى وقت الحساب حنحتار نبدأ من فبن لكثرة الهول.

[شهنور]

#1140172 [كسلاوى]
5.00/5 (1 صوت)

11-02-2014 07:29 PM
ياود القطنية انت قلته البنى العامر ورثو كسلا .انت عارف انك ثبته لينا انو كسلا حقتهم والحقوق تورث .عقبال يورثو ........ اكيد فهمته.انتو ماعندكم شقله نحن ننجز وانتو احسبو نجاحنا وتفوقنا عالم يقرف والله

[كسلاوى]

#1140167 [صوت السواقى]
5.00/5 (2 صوت)

11-02-2014 07:20 PM
ALIO يبدو انك عنصرى فى ثوب انثى وحاشا انك تشبه نساء بلادى .هل انت تعيب الخلق ام الخالق حين قلت تم تغير اسم الشارع من شارع الوالى الى شارع النص . اما موضوع سيطرتهم على الاسواق والاراضى السكنية دى ارزاق بقدر نوايكم ترزقون انت بيض نيتك ربك ببيرزقك وبطل حساده .واهو الناس ديل قدامك نجحوا وين المشكله انك تنجح زيهم .بصراحة الواحد بيعطف لما يلاقى شخص زيك مريض وعنصرى ويبث سموموعلى الناس ,انت لادين ولا اخلاق قدرو هزبوك .اكيد القراء فى راكوبنتا مامحتاجين يقرووا تعليق بائس وفقير زى مداخلتك .اتمنى انك تعتزر لى اهلنا البنى عامر وتعتزر للقراء راكوبنتا .والرجاء بان لاننساق وراء هؤلاء المخربين يكفينا مافعلته الحكومة بنا .وياريت الناس تعقل ولا شنو ياودالقطنية .وبى امانه القطينة مابتشبهك (التقيت باخوان من القطنية نعم الرجال هم)

[صوت السواقى]

ردود على صوت السواقى
Saudi Arabia [نادر] 11-03-2014 07:25 PM
فعلا يكفي مايدمره المؤتمر اللاوطني وبلاش عنصرية مقيتة ... السودان ماناقص

Oman [آمال] 11-03-2014 06:45 PM
عيب منك تقول كده يا صوت السواقي انا امرأة و ما راجل و اسمي آمال انت مغيوظ و مستاء لاني رديت على ود القطينة و قلت له و معاهم الرشايدة كمان انا اذا رديت عليهو ايدت رأيه ما معناها اني راجل متخفي في شكل امرأة و احترم الفاظك و اتكلم بتهذيب و ما معنى ده اني واقفة مع ود القطينة ﻷنك حسستني اني المقصودة ﻷني ايدت تعليقه


#1140024 [alkarb]
0.00/5 (0 صوت)

11-02-2014 03:01 PM
يا راجل كسلا براها

[alkarb]

أحمد جلال
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة