المقالات
السياسة
حلايب سوداصرية
حلايب سوداصرية
11-06-2014 12:55 PM


الي متي تظل هذه المدينة المنسية تثير المشاكل بين شعب وادي النيل....الي متي والاخوة الاعداء في ابد التشاد والتجاذب ؟ لم يفطن احد ممن تقلدوا السلطة وزمام الامور في البلدين لحقيقة ساطعة كالشمس موجودة منذ الازل وستبقي الي ابد الابدين وهي ان لن يغادر احدهم مكانة ..لا السودان ناوي السفر...ولامصر ازمعت الرحيل .
كانت الاشياء باقية علي ماهي عليه لزمن قريب ...تاكل الناس الكشري في مصر...ويجتمعون حول الفسيخ والمخللات في عيد شم النسيم والبابا قنوج مع الفول والبصل كل يوم, الاهلي يهزم الزمالك وغزل المحلة تكسب بنياس, يجتمعن الصبايا امام فرغلي بتاع العصير ..ويسهرن في فلفلة , يحضر السواح الي الحسين ويدخنون الحشيش في الفيشاوي...وتختفي البنت سماهر في الملاية اللف وهي ذاهبة لمقابلة الود سامح بتاع السميط قرب قهوة بطاطا.
وفي السودان يسهرن الفتيات في غرفهن المقفلة يكلمن عشاقهن حتي الصباح بينما يمسد الاباء شواربهم الكثة فخرا وحبور , فالاعراض مكنونة داخل الغرف والعورات في الحفظ الصون , الا ان ليلي شوهدت تركب بيمين علي سائق الرقشة ذاهبة للمدرسة في السابعة وربع مساءا و الناس سامحهم الله يظنون انهم في الطريق الي شارع النيل بغرض الخلط , لايعرفون ان الرقشات لاتعبر الكباري بامر الوالي , ليس حرصا علي الناس لكنه الحرص علي ايرادات بصاته .
كل شئ كما هو, محمد يصلي المغرب وزوجته تعد الاكل استعدادا للنوم , نسوان الاذاعة والتلفزيون يطبقن البوخة لعرض المساء...ومصعب يراجع بسمته في المنضرة ووائل يلمع الحذاء في البوفي.
كله تمام فما الجديد حتي تثار مشكلة حلايب ؟
بينما كان قادة الاجهزة الامنية والشرطية...( الشرطية دي لذيذة ) يراجعون التقارير النصها صحي ونصها (كضب ) كان (عبحميد الاسيوطي) يعيد طباعة المقترح المقدم من ( اسمه ايه دا) الراجل بتاع اللب الفي ناصية شارع احمد عصمت في عين الشمس ...وهو بخصوص مشكلة حلايب (المجلبا الالم) كما قالت الحاجة ام (عبدوالرحمان)...بلكنتها النوبية وهي تقيم في هارون و تسكن جنب عمارة ام ماجد وهي مصرية من اصل محسي...ولدت في ام الدنيا من ام اسيوطية واب من (اندنا) الا ان جينات الاب غلبت فورثت حتي اللهجة ...(هنا نقول ) سبحان الله .
يقول المقترح لماذا لاتكون حلايب (سوداصرية) وينتهي الاشكال او ( الدوشة ) كما قالت...اوكما قال عبدة بتاع امبابة وهو يتقدم لخطبة (اية) في الثورة الحارة الرابعة بامدرمان ( ياعم يتفلقوا...السيسي والبشير ثم تلفت ذات اليمين وذات اليسار وذات البي فوق...خشية بتاعين ( الاسمه ايه ).
كان لوقع الاقتراح صداه المحلي والاقليمي العربي والاقليمي الافريقي والدولي والعالمي...طلعت مظاهرت هنا تندد بالاقتراح وطلعت مسيرات هناك تشيد به ...اجتمعت منظمات واصدرت بينات تستحسنه ولعلعت مكرفونا تدينة لان زيادة سكان حلايب تلفت انظار ( الكجر ) قالها انصار داعش السودانية يساندهم بضع كيزان مطفقه عند الجبهة ( كان الكلام بالرندوق) .
( لعلم الجميع لقد اصبح قول كلمة جبهة ممنوع يعاقب عليه جهاز الامن بالحبس والاغتصاب حتي لوكان القول همسا او في سرك ولوكان القايل زكر او انثي فالعقوبة واحدة , ذلك كرها للجبهة الثورية التي يدعوها الرئيس لحضور الحوار وعليها امان الله بس اما سيدي اوصيه يجيب معاه عللات كثيرة لو جاي يعني).
قبل ان يجاز وتصادق برلمانات مصر والسودان علي الاقتراح اعلن الرئيس السوداني عن اقامة مدينة الاخاء والعشرة الطويل ...وسرعان من عزفت الموسيقي لحن الاغنية العريقة ( بيني وبينك والايام )..وهب القائد في رقصته المعروفة تصاحبة (ودو ) الكلبوظة والحلبيات مساعدات زوجة الرقاص...وبتاع الامن بتاعها وقد اصبحت مهمته احضار الحنانة من الثورة, والطلح من سوق ليبيا واقاشي ضاني من الحاج يوسف لبشة.
فرح الجميع وابتهجوا , الا ..وباستثنا ..وماعدا...هي قالت (مافاهمة )...هو قول ينطوي علي قدر من الذكاء والحصافة ويعني صراحة ( طظ )..وبمعني اخر ...يبقي الحال علي ماهو عليه الا اذا ما استصحب الاقتراح حيثيات تشرحه حتي يسهل فهمه علي العامة...والعامة لاتعني الدهماء كما يتبادر لاذهانكم ولكن القرار يعني حاجة العامة التي تبيع (الطايوق ) في سوق الشجرة بامدرمان ( برضه ) ...وبما ان الطايوق قد انعدم الاهتمام به ولم يعد منتوج استرتيجي منذ ان وسع ال حجوج اعمالهم ...واصبح حتي شفعم يلعبون بالافران لعب ثم شاعت وملكها عرب ال...(الماعارف ) واندثرت اخباره الا عند الفئة الباقية اما الفئة الباغية فلا يعنيها غير المثلث التي لاتتجاوز مساحة المنطقة بين شارع النيل بالخرطوم وبنك السودان...ورئاسة جهاز الامن والمخابرات ( الوطني ) ويسكنها اناس ماعندهم (وكت)...ولاولاء لغير الله , يمضون اناء الليل واطراف النهار في التسبيح والحمد وعد ( الدورار )...وستر الاخوات المؤمنات وغير المؤمنات (المكلبظات) وهو مثلث حمدي المعني اما الاخر فهو كمرا خفية .
ربما يتشالق احدهم ويسخف ويسفه كلام حاجة (العالم )بالقول او بالفعل او بمد اللسان...بمايعني ( دي شنو كمان ) لتاتية بعد الصفعة والرفسة والسحلة والرمي في ضهر البوكسي الحقيقة التي لايعرفها الناس...اذا يهمس له رجل مقنع يضع نظارة شمسية علي عينية ... تبرز من جانبه نتوة تشبه الحاجة البيقتلو بيها ديك ...(العالم ...هي وداعية الريس البتعمل ليه التحويجة بتاعة البتاع يا اهبل )
كان لابد من الاجابة علي السعال (مافاهمة ) هو سعال استراتيجي دون الاجابة عليه يكون من الصعب اكمال مخرجات الوثبة واولها الحوار الوطني , ان حضرت الحركات (المصلحة بالريال القطري)...والامام المتخارج الثاني...والمتخارج الاول الذي امضي زيارتة لعاصمة الضباب التي تحولت لعاصمة الذباب وهو يذاكر مع ابنه.....واذا كان الامام المتخارج اخيرا عنده اولاد في الحكومة وبناته يشركن ويحاحن فالمتخارج الاول ضمن الطائفة الشيعية من (هسع) بان سمي ابنه علي الامام جعفر الصادق...وهو مشارك من النظام الحالي باسمه فقط ومقضيها حوامه (تقولوا مابعرف ).
اقول سادتي فلامكان للسيدات في دولة داعش السودانية , مازلنا في أثر الاجابة علي السعال الفلسفي (مافاهمه ).
والجواب بي جدا بل ابسط مما تتصورون ...وهو ان تتولي حكومة مصر المؤامنة وحكومة السودان المؤمنة بناء وصيانة المرافق الحكومية والطرق والجسور والمدارس والمستشفيات.. . واهم شئ السجون والمعتقلات ,علي ان تتولي الاعمار السلطات المصرية اما (سلطات) السودانية فتدفع نصيبها فقط لانه لو كلفوهم (بلعت ) بيبلعوا حلايب ذاتها .
اما القول الفصل , هو ان يكون شعب مصر سكان حلايب بالليل فهم اعتادوا علي السهر ولايكلف ذلك ميزانية المدينة الفاضلة الا كمية من احجار الشيشة والمعسل ابوتفاحة والعاب الطاولة... واطنان من سجاير كليوباترا...والشاي المقطرن...وتكون السيادة ليلا لمصر ويرفع علمها...ويحظر تجول شعب السودان واي واحد داير يطفح ليه حاجة يجيبها بالنهار وهم قد اعتادوا علي ذلك زمن حظر التجول...ومن تعثر عليه الشرطة المصرية ( واقع ) في الشارع يطبق عليه القانون.
اما النهار فالمدينة ملك للسباع السمريتجولون كما يريدون ياحبذا لم اتعمل ليهم سوق ناقة وجلبت لهم حكومة السجم كمية من السعوط والعطرون الذي اصبح يتاجر فيه النظام والحركات حتي انهم ناقشوا في حوار جانبي بعيدا عن (امبيكي وجماعته ) امكانية اقامة سوق حر لود عماري واعلان وقف الحرب عند تصديره ...وكان للكلام في الموضوع دا مكان في مباحثات مساعد رئيس الجمهورية مع السيد علي الحاج في المانيا وفق قرارات مؤتمر مصغر تم في ظل مؤتمر ام جرس كان بعيدا عن اعين الصحافة و أذان المخبرين .
مازلنا نقدم المقترحات بالنسبة لوردية شعب السودان في حلايب .
ومن المهم وجود كم ست شاي وكم بائعة فول حاجات في كل شارع وطريق...ودون شك لابد من وجود حائط شرطا يكون من الجالوص لزوم (مالايلزم ) , كما لابد من كم رقشة بجانب كل درب وزنقة ولابد من كم مجنون النوع البطقع ,علي كم شحاد النوع اللايوق داك , علي كم شافع ماعارف يسوي شنو ولا ماشي وين ولاجاي من وين , شريطة يكونوا وسخانين ومالابسين كويس.....وبينما حلت السلطات المصرية مشكلة عطالة الشباب بتوفير فرص العمل والدراسة ودعمت الاعمال الخاصة , حلت السلطات السودانية المشاكل الناجمة ( شوفو الكلام دا ساكت ) عن غياب الشباب المصري في العمل والدراسة ,.,بالسماح للشباب السوداني بالانطلاق في المدينة ...لمعاكسة والتحرش بالفتيات وملء فراغ الزوجات الصغيرات الشغالين ازواجهن او مغتربين ...حتي لايحدث انفلات ( ماعارف اسمه ايه ).
وكخلاصة لحل المشكل الذي لم يعد موجود تكون حلايب سودصرية وكفي الله شعب وادي النيل الدواس...ليقفذ سؤوال من الجانب الحلبي ...( دواس يعني ايه ؟ انتو بتشتمو ؟) وسرعان ما تعلن القوات من الجانبين الاستنفار ويعود الحال الي ماكان عليه , وتتدخل الدول العربية ويجي امبيكي متلب ....وتدور الساقية...لقد تاكد للعالم ان وجود مشكل حلايب مهم جدا لمصر والسودان فهو يفرجها عليهم في حالة استفحال الازمات الداخلية خاصة الاقتصادية .. اما مثير الفتنة فقد تاكد انه من عناصر مباحث امن الدولة متخفي في ذي بايع عرق سوس
,اكدت المخابرات العامة المصرية ذلك بقولها ان نبداء (الخرخرة) احسن توافق السودان , في اصرار لتأنيس بلدنا ...الضكر لمن غلط...تشهد كرري والشكابة وحلايب سودانية متبنياها مصر وبتصرف عليها لحين ماتكبر , مش هي اختنا الكبري برضك .
كمال عبيد
04/11/2014 نيوزيلندا
[email protected]




تعليقات 8 | إهداء 0 | زيارات 1211

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1144831 [تفتيحة لمن فضيحة]
0.00/5 (0 صوت)

11-08-2014 04:13 PM
مش دا هو جيش (المكرونة) الجبان البياخد الإذن عشان يدخل سيناء؟

[تفتيحة لمن فضيحة]

#1144116 [مريخابي]
0.00/5 (0 صوت)

11-07-2014 03:32 PM
كمال عبيد.....هل هذا هو كمال حقنة بتاع الجنوبيين..... وهو اذا كان بقدر يكتب كلام زي دة.. ما كان قال: ما بندي الجنوبيين حقنة تاني.. ... ههههههه حكمة

[مريخابي]

#1143996 [khalid mustafa]
0.00/5 (0 صوت)

11-07-2014 10:53 AM
الي من يسمي نفسه مصري
نعم اذا ما فتح السوداني فمه ستظهر اسنانه البيضاء من اثر السواك والنظافه..

اما اذا ما فتح المصري فمه فستري اسنان اسودت وبها اصفرار مقيت وبقايا ترسبات الاكل
اما الرائحه فتاتيك من الفم رياح بما لاتشتهي السفن خليط من بصل وتوم وفسيخ معفن

يعني بصراحه بالنسبه للمصريين لا فرق بين فتحة الشرج والفم ..

اعتداء وتطاول المصريين سببه هولاء الكتاب مثل هذا العبيد الذي تقياء في وجوهنا باسفاف ومقال هائف اوضح لنا فيه خفة عقله وضحالة تفكيره وفوق كل ذلك عدم ولائه لهذه الديار وان كنت اشك في سودانيته...

يا استاذ كمال يبدو انك ممن تم استلابهم ذهنيا بواسطه المصريين فلتهناء بحبك لمصر وعشقك للمصريين اما نحن اهل السودان الاصليين فلن نسمح لهم بموطي قدم في بلادنا..

خسئت ايها الدعي ولا نام لك جفن,,

[khalid mustafa]

ردود على khalid mustafa
United Arab Emirates [سودانى لكن عاقل] 11-08-2014 09:38 AM
هو يقصد ان السودانيين ليلا لايراهم احدا من شدة سوادهم وعليهم قفل فمهم حتى لاتظهر اسنانهم ويتم فضحهم وقنصهم وذبحهم


#1143995 [آمال]
0.00/5 (0 صوت)

11-07-2014 10:49 AM
حلايب سودانية و ستظل سودانية برغم أنف كل مصري

[آمال]

ردود على آمال
[آمال] 11-08-2014 02:41 PM
حلايب سودانية يا الكردفاني و ما في اي مكابرة ﻷن دي الحقيقة المعروفة للقاصي و الداني و بدل ما تقول كلامك ده امشي و حررها من المحتل بدل ما تتكلم ساي و تقعد في بيتك بلا هدف

United Arab Emirates [pkh d,st] 11-08-2014 11:32 AM
حلايب سودانية

United Arab Emirates [الكردفانى العديل] 11-08-2014 09:32 AM
يا امال .العبرة بالفعل وليست بالقول واين حلايب الان هل هى سودانية ام مصرية فلا داعى للمكابرة وارجوا الا تنطحوا الحائط فتكون النتيجة كسر رقابكم وتهشم رؤسكم وتظل حلايب كما هى. هل فهمت واستوعبتى ام كالعادة تكابرون ولاتقدرون على شئ.


#1143692 [اسامة على]
0.00/5 (0 صوت)

11-06-2014 04:47 PM
هاهاها والله حلوة التسمية دى . ذكرتنا بسالف الذكر القذافى عندما اقترح حلا لمشكلة فلسطين بان تدمج دولتى اسرائيل وفلسطين فى دولة واحدة وتسمى (( اسراطين!!)) ثم عندما تعمقت مشكلة المسجد الاقصى اقترح للملوك والرؤساء العرب التخلى عن المسجد الاقصى الحالى لاسرائيل وسيتكفل سيادته ببناء مسجد اقصى بديل له!!! فسأله الرئيس الجيبوتى(( لكن نلقى لينا وين نبى او رسول يسرى للمسجد الجديد؟؟؟))
طبعا تسميتك الجديدة لى حلايب دايرة سماية . حتكون على منو؟؟؟؟؟

[اسامة على]

#1143663 [مصري]
0.00/5 (0 صوت)

11-06-2014 03:55 PM
السبيل الوحيد لاستعاده حلايب هو عمليه ليليه للجيش السوداني مع التنبيه علي الجنود بعد فتح الفم و اظهار الاسنان حتي لا تنكشف العمليه ثم علي عمال الترحيلات دول

http://i.imgur.com/LHXBbks.jpg

تجاوز هولاء الوحوش

http://i.imgur.com/HhmedF9.jpg

و علي هولاء الشواذ

https://www.youtube.com/watch?v=pP7XXtC5yHY&list=WL&index=3

تجاوز هولاء الرجال

https://www.youtube.com/watch?v=EVr-abOyyT8


و متنسوش تشتروا شويه ردارات قادره علي كشف الطيارات اللي بتطفي النور

بقالكم 20 سنه بتتكلموا و الواقع زي ما هو يا افشل و اكسل شعب في العالم

حلايب سودانيه وواخدينها مرجله زي ما اثيوبيا واخده الفشقه مرجله :D

[مصري]

ردود على مصري
Egypt [محمد عبد اللة] 11-06-2014 08:00 PM
طيب طالما أنتم عندكم جيش اقوى من أمريكا دول العالم وكما قال المذيع أبوبروكة والذى أطلق علية هذا الاسم مرتضى منصور لقد قال أبوبروكة أن الاسطول السادس الامريكى كان واقف أمام الاسكندرية فى المياة الدولية علشان ينقذ الرئيس مرسى قال أة تحركت القوات الجوية المصرية والبحرية والضفادع البشرية وعملت هجوم على الاسطول السادس وتم القبض على قائد الاسطول السادس وترحيلة الى القاهرة وتوجية أنذار الى أمريكا أن تسحب الاسطول من أمام الاسكندرية ياحلاوة يولاد زغرتى يلى أنتى مش غرمانة وهذا الفيديو موجود على اليتويوب طالما الجيش المصرى يملك هذة القوة الكاسحة لماذا لم يتم تحرير أم الرشراش التى أحتلتها أسرئيل من مصر بعد أعلان هدنة حرب 1948 وكان يوجد فى أم الرشراش قوة شرطة تتكون 300 وتم الهجوم عليها وأحتلالها وهى حاليا ميناء أيلات مافى أى مصرى يعرف عنها شئ نريد نشوف الجيش المصرى الاقوى من أمريكا


#1143657 [silik]
5.00/5 (2 صوت)

11-06-2014 03:42 PM
حلايب سودانية ياخايب

[silik]

#1143602 [النيل أبونا والجنس سودانى]
5.00/5 (1 صوت)

11-06-2014 02:10 PM
حلايب سودانية ولا مجال للسخرية وشوف لك موضوع أخر وإتسجم فيه.

[النيل أبونا والجنس سودانى]

كمال عبيد
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة