المقالات
السياسة
قوم يا وليد..!!
قوم يا وليد..!!
11-09-2014 11:21 AM



قوم يا وليد ..
بسراع أمــش..
تحت الهدوم تلقى القروش..
خاتيها فى الرف التحت..
شيل جنيهات الحديد..
جيب ليك رغيف..
من حاج سعيد..
أمشى وتعال بى سرعة قوم..
أوعاك تقيف..
أنا باقى مستعجل شديد..
ماشيلى مشواراً بعيد..
سايقك معاى المدرسة..
راكب معاى..
عمك حسين ودالرشيد..
ولدوا الشريف..
شغال هناااك فى مؤسسة..
جايين يشوفوا المدرسة..
من الخريف..
وقعت فصول..
كايسين شديد..
لو نلقى زول..
يبنى الفصول..
قول يا لطيف..
جانا الوزير عبداللطيف..
لابس نضيييف..
شاف الولاد تحت الشجر...
والدنيا حر..
الله أكبر..الله أكبر..الله أكبر
قبال يتم هذا الشهر..
لازم تقيف كل الفصول ..
ما تشيلوا هم..
جاب معاهوا المعتمد..
وصاهوااا جد..
قاليهوا قوم شوف الفصول..
كم العدد..
الله أكبر ..الله أكبر..الله أكبر..
فات الوزير..
لا شفنا والى ولا وزير..
لا جانا تانى المعتمد..
واولادنا قاعدين فى الشجر..
ما زلنا لافييين للمدد..

بلا أقنعة..
صحيفة الجريدة السودانية...
[email protected]


تعليقات 0 | إهداء 0 | زيارات 682

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




زاهر بخيت الفكى
زاهر بخيت الفكى

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة